Astara Rayon Məhkəməsi Qərar — İş №3(018)-556/2023

Azərbaycan Respublikası adından QƏRAR Astara rayonu İş № 3(018)-556/2023 21.12.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi və məhkəmə iclas katibi Qafarov Elvin Namik oğlunun katibliyi və "xxxx" MMC-nin sədri X1 iştirakı ilə, Astara şəhərində yerləşən "xxxx" MMC-nin barəsində Azərbaycan Respublikası İnzibati Xətalar Məcəlləsinin 347-ci maddəsi ilə Astara rayon Polis şöbəsindən daxil olmuş inzibati xətaya dair materiala Astara rayon Məhkəməsinin inzibati binasında baxaraq, məhkəmə müəyyən etdi: Astara rayonunda yerləşən "xxxx" MMC barəsində 22 iyun 2023-cü il tarixində Astara rayon polis şöbəsinin DYPB-nin polis kapitanı X2 tərəfindən Azərbaycan Respublikası İnzibati Xətalar Məcəlləsinin 347-ci maddəsi ilə İXP ******* nömrəli inzibati xəta haqqında protokol tərtib olunmuşdur. Həmin protokolda göstərilmişdir ki, “VAZ 21063” markalı, **- AA-*** dövlət qeydiyyat nişanlı nəqliyyat vasitəsinin mülkiyyətçisi Azərbaycan Respublikası İnzibati Xətalar Məcəlləsinin 347-ci maddəsinin tələblərini pozmuşdur. Məhkəmə iclasında iştirak edən "xxxx" MMC-nin sədri X3 izahat verərək bildirdi ki, Astara rayon polis şöbəsinin DYPB-nin polis kapitanı X2 tərəfindən tərtib olunmuş protokol qanunsuzdur. Sözügedən protokol ilə razı deyildir. Belə ki, Astara rayon polis şöbəsinin DYPB-nin tərəfindən "xxxx" MMC-yə göndərilən sorğudan məlumatı olmamışdır. Sorğunun alması barədə olan poçt sənədində olan adının qarşısındakı imza ona məxsus deyildir. Bundan başqa, tərtib olunmuş protokoldan məlumatları olmamış və bu barədə xəbərdarlıq göndərilməmişdir. Odur ki, o, Məhkəmədən inzibati xəta haqqında işin icraatına xitam verilməsini xahiş etdi. Məhkəmə inzibati xəta haqqında işin materiallarını tədqiq edib, hesab edir ki, təqdim olunmuş sübutlarla “Astara rayonu, Mərkəzi Xəstəxanası” Publik Hüquqi şəxsin təqsirliliyi sübuta yetirilmədiyinə görə Azərbaycan Respublikası İnzibati Xətalar Məcəlləsinin 347-ci maddəsində nəzərdə tutulmuş inzibati xətanı törətməsi barədə başlanılmış inzibati icraata xitam verilməlidir. Belə ki, inzibati iş üzrə təyin edilmiş məhkəmə xəttşünaslıq ekspertizasının 29 noyabr 2023-cü il tarixli 4/1504 nömrəli rəyindən məlum olur ki, 12 may 2023-cü il tarixdə qayda pozuntusu ilə bağlı göndərilmiş sorğunun alınmasına dair “Xəbərnamənin” qarşısında əks olunmuş imza X3 tərəfindən deyil, başqa şəxs tərəfindən icra edilmişdir. Göründüyü kimi Astara rayon polis şöbəsinin DYPB-nin tərəfindən "xxxx"xxxx"xxxx" MMC tərəfindən qəbul edilmədiyinə görə də cavablandırılmamışdır. Azərbaycan Respublikası İnzibati Xətalar Məcəlləsinin 347-ci maddəsinə əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. Azərbaycan Respublikası İnzibati Xətalar Məcəlləsinin 3-cü maddəsinin tələbinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 84-cü maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 53.2-ci maddəsinə əsasən hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti olmadıqda və ya təqsirliliyi sübuta yetirilmədikdə, o cümlədən təqsirliliyin sübuta yetirilməsində qanuna zidd olaraq əldə edilmiş sübutlardan istifadə edildikdə xitam verilir. Qeyd olunan Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Beləliklə, məhkəmə belə nəticəyə gəlir ki, “Astara rayonu, Mərkəzi Xəstəxanası” Publik Hüquqi şəxsin əməlində Azərbaycan Respublikası İnzibati Xətalar Məcəlləsinin 347-ci maddəsinin tərkibi olmadığından barəsində başlanılmış inzibati xəta haqqında işin icraatına xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 53, 105, 114, 128-130-cu maddələrini rəhbər tutaraq məhkəmə QƏRARA ALDİ: "xxxx" MMC-nin əməlində Azərbaycan Respublikası İnzibati Xətalar Məcəlləsinin 347-ci maddəsinin tərkibi olmadığından barəsində başlanılmış inzibati xəta haqqında işin icraatına xitam verilsin. Qərarın surəti təqdim edildiyi və ya alındığı gündən 10 (on) gün müddətində inzibati xəta haqqında işüzrə qərardan Astara Rayon Məhkəməsi vasitəsilə və ya birbaşa Şirvan Apelyasiya Məhkəməsinə apelyasiya şikayəti verilə bilər. Hakim Mübariz Məmmədov AZƏRBAYCAN RESPUBLİKASİ ASTARA RAYON MƏHKƏMƏSİ AZ 0700 Astara şəhəri, H.Əliyev prospekti 07 Tel:(025) 225-24-30, Faks: (025) 225-24-40 «21» dekabr 2022-ci il № 3 (018)-964/2022 Astara rayon polis şöbəsinin rəisi polis polkovniki cənab Azər Cəfərova Barəsində İnzibati xəta haqqında iş üzrə icraat aparılan şəxs: “Astara rayonu, Mərkəzi Xəstəxanası” Publik Hüquqi şəxsə (Ünvan: Astara şəhəri, M.Cavadzadə küçəsi 1) Astara rayon Məhkəməsinin 21 dekabr 2022-ci il tarixli, 3(018)-964/2022 saylı qərarı məlumat üçün Sizə göndərilir. Qoşma: qərarın surəti “02” vərəqə. Hakim: Mübariz Məmmədov