Astara Rayon Məhkəməsi Qərar — İş №3(018)-562/2024

Azərbaycan Respublikası adından QƏRAR Astara rayonu İş № 3(018)-562/2024 27.06.2024 ASTARA RAYON MƏHKƏMƏSİ X15 Aslan oğlunun sədrliyi, Qafarov Elvin Namik oğlunun katibliyi, Protokolu tərtib edən şəxs X10, Barəsində inzibati xəta haqqında iş üzrə icraat aparılan şəxs- Şəxs iştirakı ilə, xx xxxxxx 1979-cu il tarixdə Astara rayonu Kakalos kəndində anadan olmuş, Azərbaycan Respublikası vətəndaşı, evli, işləməyən, Astara rayonu Kakalos kəndində yaşayan Şəxs barəsində Astara RPŞ-dən daxil olmuş inzibati xəta haqqında protokola və ona əlavə edilmiş sənədlərə baxaraq, məhkəmə m ü ə y y ə n e t d i: 26 iyun 2024-cü il tarixli, MN seriyalı ******* nömrəli inzibati xəta haqqında protokola əsasən, xx.xx.2024-cü il tarixdə saat 16:20 radələrində Şəxs Astara RPŞ-nin inzibati binasının önündə polisin qanuni tələbinə qəsdən tabe olmamışdır. Məhkəmədə protokol tərtib edən şəxs X13 bildirdi ki, xx.xx.2024-cü il tarixdə saat 16:20 radələrində Şəxs Astara RPŞ-nin inzibati binasının önündə Astara RPŞ-nin polis nəfərləri X8 və X2 qanuni tələbinə qəsdən tabe olmamışdır. Məhkəmədə barəsində inzibati xəta haqqında iş üzrə icraat aparılan şəxs Şəxs özünü təqsirli bilərək göstərdi ki, xx.xx.2024-cü il tarixdə saat 16:20 radələrində qardaşı oğlu X7 polis şöbəsində olması ilə bağlı qardaşı X3 məlumat almışdır. X5 birlikdə Astara RPŞ-nin inzibati binasının önünə gələrək onun buraxılmasını tələb etmişlər, əks halda özlərini yandıracaqlarını bildirmiş və bu barədə DİN-nin 102 xidmətinə məlumat vermişlər. Astara RPŞ-nin polis nəfərləri onlara hərəkətlərinin qanuna zidd olmasını izah etmiş, lakin onlar polisin qanuni tələblərinə tabesizlik göstərmişlər. Məhkəmədə şahid X8 bildirdi ki, xx.xx.2024-cü il tarixdə saat 16:20 radələrində Şəxs və X6 polis şöbəsinə gətirilən X1 buraxılmasını tələb edərək səs-küy salaraq ictimai qaydanı pozmuşlar. Daha sonra özlərini yandıracaqlarını bildirmiş və üzərlərinə yanacaq maddə tökmüşlər. O və Astara RPŞ-nin digər polis nəfəri Vurğun Talıbzadə onlara hərəkətlərinin qanuna zidd olmasını izah etmiş, lakin onlar polisin qanuni tələblərinə tabesizlik göstərmişlər. Məhkəmədə şahid X4 bildirdi ki, xx.xx.2024-cü il tarixdə saat 16:20 radələrində Şəxs və X6 polis şöbəsinə gətirilən X1 buraxılmasını tələb edərək səs-küy salaraq ictimai qaydanı pozmuşlar. Daha sonra özlərini yandıracaqlarını bildirmiş və üzərlərinə yanacaq maddə tökmüşlər. O və Astara RPŞ-nin digər polis nəfəri Nemət Məmmədov onlara hərəkətlərinin qanuna zidd olmasını izah etmiş, lakin onlar polisin qanuni tələblərinə tabesizlik göstərmişlər. İnzibati xəta haqqında işin sənədlərini tədqiq edərək məhkəmə hesab edir ki, toplanmış sübutlarla Şəxs Azərbaycan Respublikası İXM-nin 535.1-ci maddəsi ilə inzibati xəta törətməkdə təqsiri tam sübuta yetirilir və onun törətdiyi əməl düzgün olaraq Azərbaycan Respublikasının İnzibati Xətalar Məcəlləsinin 535.1-ci maddəsi ilə tövsif olunmuşdur. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 6.1-ci maddəsinə əsasən inzibati xətaya görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İnzibati tənbeh tətbiq edərkən məhkəmə İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakterini, inzibati xəta törədən şəxsin şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Məhkəmə İnzibati Xətalar Məcəlləsinin 32-ci maddəsinə əsasən Şəxs məsuliyyətini yüngülləşdirən hal aşkar etmədi. Məhkəmə İnzibati Xətalar Məcəlləsinin 33-cü maddəsinə əsasən Şəxs məsuliyyətini ağırlaşdıran hal aşkar etmədi. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə-fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Şərh edilənləri nəzərə alaraq, məhkəmə inzibati xəta törətmiş Şəxs barəsində Azərbaycan Respublikası İXM-nin 535.1-ci maddəsi ilə inzibati tənbeh tətbiq edərkən xətanın xarakterini, onun şəxsiyyətini, onun təqsirinin dərəcəsini, əmlak vəziyyətini nəzərə alır və onun barəsində inzibati həbs növündə inzibati tənbeh tətbiq edilməsi nəticəsinə gəlir. Azərbaycan Respublikası İnzibati Xətalar Məcəlləsinin 114.1.1-ci maddəsinə əsasən inzibati xəta haqqında işə baxılarkən inzibati tənbeh vermə haqqında qərar çıxarılır. Qeyd olunanlara əsasən və Azərbaycan Respublikası İXM-nin 535.1, 48-51-ci, 114-cü və 128-130cu maddələrini rəhbər tutaraq, məhkəmə q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinib, barəsində 10 (səkkiz) sutka inzibati həbs tədbiq edilsin. İnzibati həbs haqqında qərar dərhal icra edilsin. İnzibati həbsdə saxlamanın əvvəli 26 iyun 2024-cü il saat 16:20-dan hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərarın surəti rəsmi qaydada təqdim edildiyi və ya alındığı gündən 10 gün müddətində Astara Rayon Məhkəməsi vasitəsi ilə və ya Şirvan Apellyasiya Məhkəməsinə apellyasiya şikayəti və protesti verilə bilər. Sədrlik edən: İlqar Məmmədov