Astara Rayon Məhkəməsi Qərar — İş №3(018)-657/2023

Azərbaycan Respublikası adından QƏRAR Astara rayonu İş № 3(018)-657/2023 21.08.2023 ASTARA RAYON MƏHKƏMƏSİ Astara rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi X7 katibliyi, barəsində inzibati icraat aparılan şəxs Şəxs və zərərçəkmiş şəxs X1 iştirakı ilə, xx.xx.1996-ci ildə Astara rayonunda, anadan olmuş, Azərbaycan Respublikası vətəndaşı, orta təhsilli, evli, OBA marketdə satıçı işləyən, Astara rayonu Şahağacı kəndində qeydiyyatda olmaqla orada yaşayan Şəxs haqqında Azərbaycan Respublikası İnzibati Xətalar Məcəlləsinin 157-ci maddəsi ilə Astara rayon polis şöbəsindən daxil olmuş inzibati xətaya dair materiala Astara rayon Məhkəməsinin inzibati binasında baxaraq, məhkəmə MÜƏYYƏN ETDİ: Astara rayon Polis şöbəsinin ictimai təhlükəsizlik bölməsinin polis sahə rəisi X6 tərəfindən Şəxs barəsində Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsinə dair 04 avqust 2023-cü il tarixli, MN ******* nömrəli protokol tərtib edilərək, baxılması üçün Astara rayon Məhkəməsinə göndərilmişdir. Tərtib olunmuş protokoldan görünür ki, Şəxs 09 iyun 2023-cü il tarixdə saat 18:30 Astara rayonu Şahağacı kəndində yerləşən OBA marketində X3 ilə aralarında şəxsi münasibətlər zəminində yaranmış mübahisə zamanı sonuncunu qəsdən döymüşdür. Məhkəmə iclası zamanı barəsində inzibati icraat aparılan Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməkdə özünü təqsirli bilməyərək, verdiyi izahatında göstərdi ki, Astara rayonu Şahağacı kəndində qeydiyyatda olmaqla orada yaşayır. 09 iyun 2023-cü il tarixdə saat 18:30 Astara rayonu Şahağacı kəndində yerləşən OBA marketində işdə olarkən qardaşının keçmiş arvadı X3 ora gəlmiş və onun qohumu Aygün Məmmədova ilə aralarında mübahisə baş vermişdir. Həmin vaxtı o, onları sakitləşdirmiş və sonra da öz işi ilə məşğul olmuşdur. Ancaq o həmin vaxtı X2 vurmamış və ona xəsarət yetirməmişdir. Məhkəmədən iş üzrə icraata xitam verilməsni xahiş etdi. Məhkəmə iclası zamanı zərərçəkmiş şəxs X3 vermiş olduğu izahatında göstərdi ki, o, Astara rayonu Şahağacı kəndində qeydiyyatda olmaqla orada yaşayır. 09 iyun 2023-cü il tarixdə saat 18:30 Astara rayonu Şahağacı kəndində yerləşən OBA marketində olarkən keçmiş ərinin qohumu Aygün Məmmədova ilə aralarında mübahisə baş vermiş və həmiin vaxtı Aygün Məmmədova onu itələmiş, bədənin müxtəlif yerlərindən vurmuşdur. Şəxs onları sakitləşdirmişdir. Şəxs onu vurmamış və döyməmişdir. Məhkəmə iclası zamanı şahid Aygün Məmmədova vermiş olduğu izahatında göstərdi ki, o, Astara rayonu Şahağacı kəndində qeydiyyatda olmaqla orada yaşayır. 09 iyun 2023-cü il tarixdə saat 18:30 Astara rayonu Şahağacı kəndində yerləşən OBA marketində olarkən onunla X3 arasında mübahisə baş vermiş, qohumu Şəxs onları sakitləşdirmişdir. Nə o, nədə ki, Şəxs X2 vurmamış, itələməmiş və ya döyməmişlər. İnzibati materiala əlavə edilmiş Azərbaycan Respublikası Səhiyyə Nazirliyinin Məhkəmə-tibbi ekspertiza və patoloji anatomiya birliyi publik hüquqi şəxsin Lənkəran rayonlararası MTE və PA şöbəsi tərəfindən verilmiş 10 iyun 2023-cü il tarixli, 187 saylı ekspert rəyindən görünür ki, X1 bədəni üzərində - sağ bazu, sağ bayır topuq, boyun nahiyəsində sıyrıqlar, təpə, sağ sağrı, boyun nahiyəsində qançır aşkar edilmişdir. Qeyd olunan xəsarətlər bərk küt əşyanın təsirindən törənmişlər. Müayinədən bir gün əvvələ uyğun gəlir. Sağlamlığa zərər vurmayan xəsarətlər olduqları üçün dərəcələri təyin edilmir. Məhkəmə inzibati xəta haqqında işin materiallarını tədqiq edib, inzibati icraatda iştirak edən şəxslərin izahatını dinləyərək, hesab edir ki, təqdim olunmuş sübutlarla istinad olunan inzibati xəta hadisəsinin baş verdiyi sübuta yetirilmədiyinə, eləcə də əməldə istinad olunan inzibati xəta tərkibi olmadığına görə Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsi barədə başlanılmış inzibati icraata xitam verilməlidir. Belə ki, məhkmə iclasında Şəxs X2 döyməklə ona dərəcələri təyin edilməyən xəsarət yetirməsi öz təsdiqini tapmamışdır. X3 ifadəsində onu Şəxs döyməməsini bildirdi. Belə ki, Azərbaycan Respublikası İnzibati Xətalar Məcəlləsinin 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə - beş yüz manatdan min manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Göründüyü kimi, Şəxs X2 döyməsi istisna olunur. Barəsində inzibati xəta haqqında icraat aparılan Şəxs özünü təqsirli hesab etməyərək, döymə inzibati xətasının tərkibi yaradan hərəkətlərə yol vermədiyini bildirmişdir. Azərbaycan Respublikası İnzibati Xətalar Məcəlləsinin 3-cü maddəsinin tələbinə görə Yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 53.0.1 və 53.0.2-ci maddələrinə əsasən inzibati xəta hadisəsi və ya inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanılmış icraata isə xitam verilməlidir. Qeyd olunan Məcəllənin 105-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Beləliklə, məhkəmə belə nəticəyə gəlir ki, Şəxs əməlində Azərbaycan Respublikası İnzibati Xətalar Məcəlləsinin 157-ci maddəsinin tərkibi olmadığından barəsində başlanılmış inzibati xəta haqqında işin icraatına xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 53, 105, 114, 128-130-cu maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə başlanılmış inzibati xəta haqqında işin icraatına xitam verilsin. Qərarın surəti təqdim edildiyi və ya alındığı gündən 10 (on) gün müddətində Astara rayon Məhkəməsi vasitəsilə və ya birbaşa Şirvan Apelyasiya Məhkəməsinə apelyasiya şikayəti verilə bilər. Hakim:Mübariz Məmmədov.