Astara Rayon Məhkəməsi Qərardad — İş №3(018)-684/2023

Azərbaycan Respublikası adından QƏRARDAD Astara rayonu İş № 3(018)-684/2023 28.08.2023 ASTARA RAYON MƏHKƏMƏSİ X5 Aslan oğlunun sədrliyi, Cavadov Rüfət Şahverən oğlunun katibliyi ilə, Azərbaycan Respublikası X3 Bakı Regional bölməsinin xx.xx.2023-cu il tarixli MN ******* saylı inzibati tənbeh vermə haqqında qərarın ləğv edilməsi, işə yenidən baxılması üçün X3 Bakı Regional bölməsinə göndərilməsi barədə X2 tərəfindən verilmiş şikayətə açıq məhkəmə iclasında baxaraq, məhkəmə Müəyyən etdi: X2 barəsində tərtib olunmuş Azərbaycan Respublikası X3 Bakı Regional bölməsinin xx.xx.2023-cu il tarixli MN ******* saylı inzibati tənbeh vermə haqqında qərarın ləğv edilməsi, işə yenidən baxılması üçün X3 Bakı Regional bölməsinə göndərilməsi barədə qərar qəbul edilməsini xahiş etmişdir. Məhkəmə iclasının vaxtı və yeri barədə X1 və Azərbaycan Respublikası Qida Təhlükəsizliyi Agentliyinə lazımı qaydada məlumat verilsə də, X2 və Azərbaycan Respublikası X3 nümayəndəsi məhkəmə iclasında iştirak etməmiş, işə baxılmasını təxirə salmaq haqqında onlardan vəsatət daxil olmamışdır. Məhkəmə şikayəti və ona əlavə edilmiş sənədləri nəzərdən keçirib hesab edir ki, inzibati xəta haqqında protokol üzrə çıxarılmış qərarlardan verilmiş şikayət ona əlavə edilmiş sənədlərlə birlikdə şikayətçiyə geri qaytarılmalıdır. Belə ki, X2 barəsində tərtib edilmiş Azərbaycan Respublikası X3 Bakı Regional bölməsinin xx.xx.2023-cu il tarixli MN ******* saylı inzibati tənbeh vermə haqqında qərarı şikayətinə əlavə etməmişdir. Əlavə olaraq şikayət vermiş şəxsə səlahiyyətli orqanın (vəzifəli şəxsin) müvafiq protokolu əsasında qəbul edilmiş qərardan yenidən Azərbaycan Respublikası İnzibati Xətalar Məcəlləsinin 128.2.3-cü maddəsinə uyğun olaraq - yuxarı səlahiyyətli orqana (vəzifəli şəxsə) və ya məhkəməyə şikayət vermək hüququ izah edilməlidir. Azərbaycan Respublikası İnzibati Xətalar Məcəlləsinin 43, 114, 115, 128 və 132-ci maddələrini rəhbər tutaraq, məhkəmə Qərara aldı: Azərbaycan Respublikası X3 Bakı Regional bölməsinin xx.xx.2023-cu il tarixli MN ******* saylı inzibati tənbeh vermə haqqında qərarların ləğv edilməsi, işə yenidən baxılması üçün X3 Bakı Regional bölməsinə göndərilməsi barədə X2 tərəfindən verilmiş şikayət və ona əlavə olunmuş sənədlər X1 geri qaytarılsın və şikayət vermiş şəxsə, qeyd edilən nöqsan aradan qaldırıldıqdan sonra yenidən Azərbaycan Respublikası İnzibati Xətalar Məcəlləsinin 128.2.3-cü maddəsinə uyğun olaraq yuxarı səlahiyyətli orqana (vəzifəli şəxsə) və ya məhkəməyə şikayət vermək hüququ izah edilsin. Qərarın surəti təqdim edildiyi və ya alındığı gündən 10 (on) gün müddətində Astara rayon Məhkəməsi vasitəsilə və ya birbaşa Şirvan Apelyasiya Məhkəməsinə apellyasiya şikayəti verilə bilər. Sədrlik edən: İlqar Məmmədov