Astara Rayon Məhkəməsi Qərar — İş №3(018)-848/2023

Azərbaycan Respublikası adından QƏRAR Astara rayonu İş № 3(018)-848/2023 17.10.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi Paşabəyli Yusifkamal Elçin oğlunun katibliyi, ilə, xx.xx.1965-ci il tarixdə Astara rayonunda anadan olmuş, Azərbaycan Respublikasının vətəndaşı, Astara rayonu Ərcivan qəsəbəsində qeydiyyatda olmaqla, həmin qəsəbədə yaşayan Şəxs Azərbaycan Respublikası İnzibati Xətalar Məcəlləsinin (İXM) 552-ci maddəsi ilə təqsirləndirilməsinə dair inzibati xəta haqqında işə açıq məhkəmə iclasında baxaraq, məhkəmə MÜƏYYƏN ETDİ: Şəxs barəsində 25 sentyabr 2023-cü il tarixində Azərbaycan Respublkası Rəqəmsal İnkişaf və Nəqliyyat Nazirliyi tabeliyində Azərbaycan Yerüstü Nəqliyyat X1 İdarəsi tərəfindən AR İXM-nin 552-ci maddəsi ilə MN ******* nömrəli inzibati xəta haqqında protokol tərtib olunmuşdur. Ona görə ki, Şəxs idarə etdiyi “MersedesBenz” mikroavtobus markalı **-MG-*** dövlət qeydiyyat nişanlı nəqliyyat vasitəsi ilə AR İXM-nin 552-ci maddəsinin tələblərini pozmuş, qanunvericiliklə müəyyən olunmuş qaydada tələb olunan sənədləri xidmətin səlahiyyətli əməkdaşına təqdim etməmişdir. Bununla da, Şəxs Azərbaycan Respublikası İnzibati Xətalar Məcəlləsinin 552-ci maddəsində nəzərdə tutulmuş inzibati xətanı törətmişdir. Azərbaycan Respublikası İXM-nin 552-ci maddəsində avtomobil nəqliyyatı ilə sərnişin və yük daşımalarını yerinə yetirən şəxslər tərəfindən müvafiq icra hakimiyyəti orqanının əməkdaşının xidməti vəzifəsinin yerinə yetirilməsinə mane olma, o cümlədən qanunvericiliklə müəyyən olunmuş tələb olunan sənədlərin təqdim edilməməsi inzibati xəta kimi müəyyən edilmişdir. Tərəflərə Məhkəmə iclasının vaxtı və yeri barədə lazımi qaydada məlumat verilməsinə baxmayaraq onlar məhkəmə iclasına gəlməmiş və gəlməmələri barədə Məhkəməyə heç bir məlumat verməmişlər. Məhkəmə hesab edir ki, inzibati xəta tərkibi olmadığından Şəxs barəsində İXM-nin 552-ci maddəsi ilə başlanmış inzibati xəta haqqında iş üzrə icraata xitam verilməlidir. Məhkəmə gəldiyi nəticəni aşağıda qeyd olunanlarla əsaslandırır. İXM-nin 552-ci maddəsində avtomobil nəqliyyatı ilə sərnişin və yük daşımalarını yerinə yetirən şəxslər tərəfindən müvafiq icra hakimiyyəti orqanının əməkdaşının xidməti vəzifəsinin yerinə yetirilməsinə mane olma, o cümlədən qanunvericiliklə müəyyən olunmuş tələb olunan sənədlərin təqdim edilməməsi inzibati xəta kimi müəyyən edilmişdir. Lakin hazırki protokolda barəsində inzibati xəta haqqında iş üzrə icraat aparılan şəxs Şəxs Azərbaycan Respublkası Rəqəmsal İnkişaf və Nəqliyyat Nazirliyi tabeliyində Azərbaycan Yerüstü Nəqliyyat X1 İdarəsinin əməkdaşlarının xidməti vəzifəsinin yerinə yetirilməsinə hansı formada mane olmasını müəyyən etmək mümkün deyildir. Beləliklə, İXM-nin 552-ci maddəsində qeyd olunan “mane olma” sübut olunmadığından Məhkəmə hesab edir ki, Şəxs həmin maddədə nəzərdə tutulan inzibati xətanın törədilməsində təqsirləndirilə bilməz. Ona görə də Məhkəmə İXM-nin 53.0.2-ci maddəsinin göstərişinə əsaslanaraq hesab edir ki, inzibati xəta tərkibi olmadığından inzibati xəta haqqında iş üzrə icraata xitam verilməlidir. Məsuliyyəti yüngülləşdirən və ya ağırlaşdıran hallar müəyyən olunmadı. İXM-nin 3-cü maddəsinə əsasən yalnız həmin Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Məhkəmə hesab edir ki, Şəxs inzibati məsuliyyətə cəlb edilməsi üçün inzibati xəta haqqında işdə onun iddia etdiyi halı inkar edən sübutlar olmalıdır; belə sübutlar isə yoxdur. Azərbaycan Respublikası İnzibati Xətalar Məcəlləsinin 8.2-ci madəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Yuxarıda göstərilənlərə əsasən və İXM-nin 53.0.2, 105, 114.2.1, 115 və 117-ci maddələrini göstərişini rəhbər tutaraq, Məhkəmə QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 552-ci maddəsi ilə başlanmış inzibati xəta haqqında iş üzrə icraata inzibati xəta tərkibi olmadığına görə xitam verilsin. Qərarın surəti təqdim edildiyi və ya alındığı gündən 10 gün müddətində inzibati xəta haqqında iş üzrə qərardan Astara Rayon Məhkəməsi vasitəsilə və ya birbaşa Şirvan Apellyasiya Məhkəməsinə apellyasiya şikayəti verilə bilər. Hakim:Mübariz Məmmədov BİRİNCİ İNSTANSİYA MƏHKƏMƏSİNİN MƏHKƏMƏ İCLASİNİN RROTOKOLU 02 mart 2020-ci il İş № 3(018)-114/2020 Astara şəhəri Astara Rayon Məhkəməsi Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi və Cavadov Rüfət Şahverən oğunun katibliyi ilə, Sədrlik edən saat 17:00-da məhkəmə iclasını açaraq barəsində inzibati icraat aparılan Şəxs «AR İXM-nin 552-ci maddəsi ilə tərtib edilmiş inzibati materiala» açıq məhkəmə iclasında baxılacağını elan edir. Məhkəmə katibi məruzə edərək bildirir ki, barəsində inzibati icraat aparılan Şəxs məhkəmə iclasında iştirak etməmiş və bu barədə məhkəməyə məlumat verməmişdir. Sədrlik edən ərizəni və ona əlavə olunmuş sənədləri nəzərdən keçirir. Sədrlik edən müşavirəyə getdiyini elan edir. Sədrlik edən müşavirə otağına gedir. Sədrlik edən müşavirə otağından qayıdıb barəsində inzibati icraat aparılan Şəxs «ARİXM-nin 552-ci maddəsi ilə tərtib edilmiş inzibati materialın xitam edilməsinə dair qərarı oxuyub elan edir. Sədrlik edən saat 17:10-da məhkəmə iclasını bağlı elan edir. Sədrlik edən: Məhkəmə iclas katibi: Tərtib edildi: 02 mart 2020-ci il tarixdə ASTARARAYONMƏHKƏMƏSİ AZ 0700 Astara şəhəri, H.Əliyev prospekti, 07 Tel:(025 22) 5-24-30, Faks: (025 22) 5-24-40 № 3(018)-114/2020 02mart 2020-ci il Azərbaycan Respublikası Nəqliyyat Nazirliyi Dövlət Avtomobil Nəqliyyatı Xidmətinin Lənkəran Regional Şöbəsinə Ünvan: Lənkəran şəhəri, Füzuli küçəsi 75 Astara rayon Məhkəməsinin 02 mart 2020-ci il tarixli, 3(018)-114/2020 saylı qərarı məlumat üçün sizə göndərilir. Qoşma: 01 vərəq (qərarın surəti) Astara rayon Məhkəməsinin hakimi: Mübariz Məmmədov