Astara Rayon Məhkəməsi Qərar — İş №3(018)-996/2024

Azərbaycan Respublikası adından QƏRAR Astara rayonu İş № 3(018)-996/2024 25.11.2024 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Bəxtiyar Şahfirudin oğlunun, Məhkəmə iclas katibi X3 katibliyi, Barəsində inzibati icraat aparılan şəxs Şəxs iştirakı ilə xx.xx.1997-ci ildə Astara rayonu, Züngüləş kəndində anadan olmuş, Azərbaycan Respublikasının vətəndaşı, orta təhsilli, subay, işləməyən, Astara rayonu, Züngüləş kəndində qeydiyyatda olan və həmin ünvanda yaşayan Şəxs Azərbaycan Respublikasının İXM-nin 535.1-ci maddəsi ilə nəzərdə tutulan inzibati xəta törətməsinə dair Astara Rayon Polis Şöbəsindən daxil olmuş materiala baxaraq, MÜƏYYƏNETDİM: Astara Rayon Məhkəməsinə Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə inzibati xəta törətməsinə dair 25 noyabr 2024-cü il tarixli MN seriyalı ******* saylı inzibati xəta haqqında protokol daxil olmuşdur. İnzibati xəta haqqında materialda göstərilmişdir ki, 24 noyabr 2024-cü il tarixdə, saat 21:30 radələrində Şəxs Astara şəhər ərazisində “Halal” marketin önündə “Niva” markalı avtomobildə musiqiyə yüksək səs verdiyi üçün polis əməkdaşları tərəfindən saxlanılmışdır. Polis əməkdaşları sürücüyə etdiyi hərəkətin qayda pozuntusu olmasını izah etmələrinə baxmayaraq Şəxs polis əməkdaşlarının fikirlərini qeyri səmimi qəbul edərək, onu saxlamalarına etiraz edərək uca səslə nalayiq ifadələr işlətməyə başlamışdır. Həmin zaman polis əməkdaşları ona dəfələrlə etdiyi hərəkətin inzibati xəta olmasını izah etmələrinə baxmayaraq o, polisin qanuni tələblərinə qəsdən əməl etməyərək tabesizlik göstərmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilərək izahatında göstərmişdir. 24 noyabr 2024-cü il tarixdə saat 21:30 radələrində özünə məxsus “Niva” markalı avtomobil ilə Astara şəhər ərazisində yerləşən “Halal” marketin önündə olan zaman musiqiyə yüksək səs verdiyi səbəbindən Astara RPŞ-nin DBYP-nin əməkdaşları ona saxla əmri vermişlər. Polis əməkdaşları özlərini təqdim etdikdən sonra etdiyi hərəkətin qayda pozuntusu olmasını ona izah edən zaman o, polis əməkdaşlarına etiraz edərək səs-küy salaraq nalayiq ifadələr işlətməyə başlamışdır. Polis əməkdaşları ona etdiyi hərəkətin inzibati xəta olmasını dəfələrlə izah etmələrinə baxmayaraq o, polis əməkdaşlarının qanuni tələblərinə qəsdən tabe olmamışdır. Əməlindən peşman olduğunu, bir daha belə hərəkətlərə yol verməyəcəyini nəzərə alınmasını xahiş etmişdir. Məhkəmə iclası zamanı şahid qismində dindirilən Astara RPŞ-nin İTB-nin rəisi polis kapitanı X1 izahatında göstərdi ki, Astara RPŞ-nin İTB-nin rəisi vəzifəsində işləyir. 24 noyabr 2024-cü il tarixdə saat 21:30 radələrində Astara şəhər ərazisində yerləşən “Halal” marketin önündə olan zaman Astara rayon sakini Şəxs özünə məxsus “Niva” markalı avtomobil ilə musiqiyə yüksək səs verdiyi səbəbindən Astara RPŞ-nin DBYP-nin əməkdaşları ona saxla əmri vermişlər. Şəxs etdiyi hərəkətin inzibati xəta olduğunu izah etmişlər. Polis əməkdaşları Şəxs nizam-intizama dəvət etməsinə baxmayaraq o, daha da aqressivləşərək polisin qanuni tələblərinə qəsdən tabe olmamışdır. İş materiallarında olan xx.xx.2024-cü il tarixli 211 saylı tutma protokoldan görünür ki, Şəxs 24 noyabr 2024-cü il tarixdə, saat 21:30-da inzibati qaydada tutulmuşdur. Məhkəmə barəsində inzibati icraat aparılan şəxsin izahatını, inzibati xəta haqqında materialı araşdırıb hesab edir ki, Şəxs polisin qanuni tələbinə tabe olmaması onun özünün səmimi etirafı və iş materialları əsasında tam sübuta yetirilmişdir. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. “Polis haqqında” Azərbaycan Respublikası Qanununun 17-ci maddəsinin 1-ci bəndinə görə üzərinə düşən vəzifələrin yerinə yetirilməsi üçün hər bir şəxsdən cinayətlərə və digər hüquqpozmalara, şəxsiyyət və ictimai asayiş üçün təhlükə törədən və onlara şərait yaradan hərəkətlərə son qoyulmasını tələb etmək polis əməkdaşının hüququdur. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran hallar Məhkəmədə işə baxılarkən nəzərə alır. Azərbaycan Respublikası İnzibati Xətalar Məcəlləsinin 32.1.1-ci maddəsinə əsasən inzibati xəta törətmiş şəxsin səmimi peşmançılığı onun məsuliyyətini yüngülləşdirən hal kimi nəzərə alır. Şəxs məsuliyyətini ağırlaşdıran hal müəyyən edilməmişdir. Həmin Məcəllənin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Məhkəmə barəsində inzibati icraat aparılan şəxs Şəxs əməlində məsuliyyəti yüngülləşdirən hal kimi əməlindən peşman olması müəyyən edilmiş, ağırlaşdıran hallar isə müəyyən etməmişdir. İnzibati Xətalar Məcəlləsinin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Barəsində inzibati icraat aparılan şəxs Şəxs törətdiyi inzibati xətanın xarakterini, şəxsiyyətini, onun təqsirinin dərəcəsini və iş üzrə tədqiq olunmuş digər halları araşdırıb hesab edir ki, Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinərək inzibati məsuliyyətə cəlb edilməli və barəsində həmin maddənin sanksiyası həddində inzibati həbs növündə tənbeh tədbiri tətbiq edildiyi halda cəzanın məqsədlərinə nail olmaq olar. Şərh olunanlara əsasən və Azərbaycan Respublikası İnzibati Xətalar Məcəlləsinin 40, 43, 48-51, 109, 114-115, 128-130-cu maddələrini rəhbər tutaraq, QƏRARAALDİM: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinərək barəsində 08 (səkkiz) gün müddətinə həbs inzibati tənbeh tədbiri tətbiq edilsin. Şəxs barəsində olan inzibati həbsin müddəti 24 noyabr 2024-cü il tarixdən, saat 21:30-dan hesablansın. Qərarın icrası Astara rayon Polis şöbəsinə həvalə edilsin. Qərardan, surəti təqdim edildiyi və ya alındığı gündən 10 (on) gün müddətində şikayət verilə bilər. Sədrlik edən: Bəxtiyar Məmmədov