Balakən Rayon Məhkəməsi Qərar — İş №3(019)-290/2023

Azərbaycan Respublikası adından QƏRAR Balakən Rayonu İş № 3(019)-290/2023 24.07.2023 BALAKƏN RAYON MƏHKƏMƏSİ Hakim Səlimov Hümbət Qamuna oğlunun sədrliyi, məhkəmə iclas katibi X1 katibliyi ilə, xx.xx.1993-cü ildə Türkiyə Respublikasının Kayseri şəhəri, Talaş ilçesində anadan olmuş, Türkiyə Respublikasının vətəndaşı, evli, orta təhsilli, Türkiyə Respublikası, Kayseri şəhəri, Talaş ilçesi, Bahçeli evlər məhəlləsi, Genclik küçəsi, Geritoğulları apartmanı, mənzil 1 ünvanında qeydiyyatda olan və yaşayan Altınbaş Hüseyin Göksel oğlu barəsində Azərbaycan Respublikası Dövlət Gömrük Komitəsinin Balakən Gömrük İdarəsi tərəfindən Azərbaycan Respublikası İnzibati Xətalar Məcəlləsinin 480-cı maddəsi ilə icraat başlanmış inzibati xəta haqqında materiala açıq məhkəmə iclasında baxaraq müəyyənetdi: Türkiyə Respublikasının vətəndaşı Altınbaş Hüseyin Göksel oğlu 03 iyun 2023-cü il tarixdə saat 12:35-radələrində Gürcüstan istiqamətindən Türkiyə Respublikasından Azərbaycan Respublikasına sərbəst dövriyyə üçün yük gətirərkən “Mazımqara” gömrük postunda idarə etdiyi “SCANİA” markalı, 38VK074/ dövlət nömrə nişanlı nəqliyyat vasitəsinin salonunda sürücünün başı üzərində maqnitafon üçün nəzərdə tutulmuş boşluqda 10 qutu (bir blok) , qoşqunun sağ və sol tərəfindəki əşyalar üçün nəzərdə tutulmuş dolabların hər birində keçəyə sarınmış formada 10 qutu-cəmi 30 qutu (3 blok) “LARK” markalı siqaretləri Azərbaycan Respublikasının gömrük sərhədindən gömrük nəzarətindən gizlədilməklə keçirmişdir. Barəsində inzibati xəta haqqında iş üzrə icraat aparılan şəxs Altınbaş Hüseyin Göksel oğlu məhkəmə iclasının yeri və vaxtı barədə lazımi qaydada xəbərdar edilməsinə baxmayaraq məhkəmə iclasına gəlməmişdir.O, məhkəməyə ərizə verərək işə iştirakı olmadan baxılmasına etirazı olmadığını bildirmişdir. Azərbaycan Respublikası İXM-nin 61.3-cü maddəsinə əsasən işə Altınbaş Hüseyin Göksel oğlunun iştirakı olmadan baxılması mümkün hesab edilmişdir. Altınbaş Hüseyin Göksel oğlunun həmin inzibati xətanı törətməsi iş materiallarında olan sənədlərlə aşağıdakı qaydada tam sübut olunur. İnzibati xəta haqqında materialda olan Azərbaycan Respublikası Ədliyyə Nazirliyi Məhkəmə Ekspertiza Mərkəzinin 24 iyun 2023-cü il tarixli 9/4678 nömrəli ekspert rəyindən görünür ki, ekspertizaya təqdim edilmiş 30 qutu-(3 blok) “LARK American Blend” markalı, ştrix koduna görə (ilk üç rəqəmi 762) İsveçrə istehsalı olan siqaretlərin xx.xx.2023-cü il tarixə olan orta bazar qiyməti ümumilikdə təxminən 180,0 (30 qutu x 6 man) manat müəyyən edilir. İş materiallarında olan sənədlərdən görünür ki, 30 qutu “LARK American Blend” markalı siqaretlər Balakən Gömrük İdarəsində saxlanılır. Azərbaycan Respublikası İnzibati Xətalar Məcəlləsinin 1-ci maddəsinə əsasən Azərbaycan Respublikasının inzibati xətalar qanunvericiliyi bu Məcəllədən ibarətdir. Həmin Məcəllənin 2-ci maddəsinə görə Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan,qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə görə yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Malların və nəqliyyat vasitələrinin Azərbaycan Respublikasının gömrük sərhədindən gömrük nəzarətindən gizlədilməklə keçirilməsinə, yəni gizli saxlanc yerlərindən və ya malların aşkar edilməsini çətinləşdirən digər üsullardan istifadə edilməklə, yaxud bir qəbildən olan malların digər şəklə salınmaqla keçirilməsinə görə, bu az miqdarda olduqda, Azərbaycan Respublikası İnzibati Xətalar Məcəlləsinin 480-cı maddəsində inzibati məsuliyyət nəzərdə tutulmuşdur. İşin hallarını, hüquq normalarının tələblərini nəzərə alaraq hesab edirəm ki, Altınbaş Hüseyin Göksel oğlu Azərbaycan Respublikası İnzibati Xətalar Məcəlləsinin 480-cı maddəsində nəzərdə tutulmuş inzibati xətanı törətmişdir, onun əməli Azərbaycan Respublikası İnzibati Xətalar Məcəlləsinin 480-cı maddəsi ilə düzgün tövsif edilmişdir, o həmin xətanı törətməkdə təqsirlidir və onun barəsində inzibati tənbeh tətbiq olunmalıdır. İXM-nin 21-ci maddəsinə görə, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinin tələbinə görə fiziki və hüquqi şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Barəsində inzibati xəta haqqında iş üzrə icraat aparılan Altınbaş Hüseyin Göksel oğlunun məsuliyyətini yüngülləşdirən və məsuliyyəti ağırlaşdıran hallar yoxdur. Barəsində inzibati xəta haqqında iş üzrə icraat aparılan Altınbaş Hüseyin Göksel oğlunun şəxsiyyətini, törədilmiş xətanın xarakterini, məsuliyyəti ağırlaşdırılan halların olmamasını nəzərə alaraq onun barəsində inzibati xətanın bilavasitə obyekti olan malların müsadirəsi tənbehinin tətbiq edilməsini qanuni və əsaslı hesab edirəm. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 49-51, 114, 128-130-cu maddələrini rəhbər tutaraq qəraraaldım: Barəsində inzibati xəta haqqında iş üzrə icraat aparılan Altınbaş Hüseyin Göksel oğlu Azərbaycan Respublikası İnzibati Xətalar Məcəlləsinin 480-cı maddəsi ilə təqsirli bilinsin, ondan aşkar olunaraq götürülmüş və Qərb Ərazi Baş Gömrük İdarəsinin Balakən Gömrük postunda saxlanılan, 180.00 manat dəyərində 30 qutu “LARK American Blend” markalı siqaretlər dövlət nəfinə müsadirə edilsin. Qərardan surəti rəsmi qaydada verildiyi gündən 10 gün müddətində Balakən Rayon Məhkəməsi vasitəsi ilə və ya bilavasitə Azərbaycan Respublikası Şəki Apellyasiya Məhkəməsinə şikayət verilə bilər. Hakim H.Q.Səlimov