Beyləqan Rayon Məhkəməsi Qərar — İş №3(020)-1116/2025

Azərbaycan Respublikası adından QƏRAR Beyləqan rayon İş № 3(020)-1116/2025 15.12.2025 BEYLƏQAN RAYON MƏHKƏMƏSİ Beyləqan Rayon Məhkəməsinin hakim Nurullayev Ramiz Vəliş oğlunun sədrliyi, Quliyev Zaur Qulu oğlunun katibliyi, İnzibati xəta haqqında protokol tərtib etmiş Beyləqan rayon Polis şöbəsinin polis sahə rəisi, polis kapitanı X2, Barəsində inzibati xəta haqqında protokol tərtib edilmiş şəxs Şəxs iştirakları ilə, xx.xx.1988-ci il tarixdə Füzuli rayonu, Yuxarı Güzlək kəndində anadan olmuş, Azərbaycan Respublikası vətəndaşı, ailəli, orta təhsilli, işsiz, Füzuli rayonu, Yuxarı Güzlək kəndində qeydiyyatda olmaqla hazırda ünvan 1 ünvanında yaşayan, Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətanı törətməsi haqqında Beyləqan rayon Polis Şöbəsindən daxil olmuş inzibati xəta haqqında materiala məhkəmənin binasında, açıq məhkəmə iclasında baxıb, məhkəmə müəyyən etdi: Məhkəmənin icraatına Şəxs İXM 510 və 535.1-ci maddələrində nəzərdə tutulan inzibati xətanı törətməsi haqqında Beyləqan rayon Polis Şöbəsi tərəfindən tərtib edilmiş xx.xx.2025-ci il tarixli, MN ******* nömrəli inzibati xəta haqqında protokol və ona əlavə edilmiş material daxil olmuşdur. Həmin protokoldan görünür ki, Şəxs xx.xx.2025-ci il tarixdə sərxoş vəziyyətdə rayon PŞ-nin 1 saylı postunda uca səslə nəlayiq söyüşlər söyərək polisin qanuni tələbinə qəsdən tabe olmamışdır. Məhkəmə iclasında inzibati xəta haqqında protokol tərtib etmiş şəxs Beyləqan rayon Polis şöbəsinin polis sahə rəisi, polis kapitanı X2 oğlu izahat verərək bildirmişdir ki, xx.xx.2025-ci il tarixdə saat 17:05 radələrində Beyləqan RPŞ-nin PPXB-nin polis nəfəri polis serjantı Ruslan Vəliyev xidmət yoldaşı Beyləqan RPŞ-nin PPXB-nin polis nəfəri polis serjantı Elşad Həsənovla birlikdə rayon PŞ-nin 1 saylı postunda xidmətdə olan zaman iki nəfər şəxs onlara yaxınlaşaraq inzaibati qaydada həbs edilən dostları Fuad Babayevlə görüşmək istədiklərini bildirmiş, qapı postundan xidmətdə olan polis əməkdaşları PŞ-nin növbətçi hissəsinə məlumat vermişlər. Növbətçi hissə görüşə icazə verilmədiyi qapı postunda xidmət aparan polis əməkdaşlarına bildirmiş, qpı postunda xidmət aparan polis əməkdaşları isə görüş verilmədiyini həmin şəxslərə bildirmişdir. Bu zaman həmin şəxslər qapı postunun qarşısında uca səslə nəlayiq ifadələr işlətməyə başlamışdır. Həmin vaxt qapı postunda olan polis əməkdaşları həmin şəxsləri sakitləşdirərək nizam-intizama dəvət etsələr də həmin şəxslər polisin qanuni tələbinə məhəl qoymadan öz hərəkətlərini davam etdirmişlər. Ona görə də, həmin şəxslər polis əməkdaşları tərəfindən polis şöbəsinə gətirilmiş, araşdırma zamanı həmin şəxslərdən birinin Şəxs olduğu məlum olmuşdur. Bu səbəbdən, Şəxs barəsində İXM-in 510 və 535.1-ci maddələri ilə inzibati xəta haqqında protokol tərtib edilmişdir. Odur ki, məhkəmədən Şəxs inzibati qaydada məsuliyyətə cəlb olunmasını xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilərək izahatında bildirmişdir ki, xx.xx.2025-ci il tarixdə dostu Əli Hüseynovla birlikdə inzibati qaydada həbs edilmiş tanışı Fuad Babayevə yemək vermək və Fuad Babayevlə görüşmək məqsədi ilə Beyləqan rayon PŞ-nin qapı postuna getmişlər. Qapı postunda xidmətdə olan iki nəfər polis əməkdaşlarına tanışları Fuad Babayevlə görüşmək istədiyini bildirmişlər. Qapı postundan növbətçi hissə ilə əlaqə saxlandıqdan sonra görüşmək mümkün olmadığı onlara bildirilmişdir. Bu zaman sərxoş vəziyyətdə olduğuna görə özündə olmadığında uca səslə ünvansız nəlayiq ifadələr işlətməyə başlamışdır. Həmin vaxt qapı postunda olan iki nəfər polis əməkdaı onu nizam-intizama dəvət etmiş, lakin o, polis əməkdaşlarına məhəl qoymamış və öz hərəkətlərinə davam etmişdir. Hazırda hərəkətlərindən peşimandır. Bir daha belə hərəkətlərə yol verməyəcəkdir. Göstərilənlərin nəzərə alınmasını xahiş etmişdir. Məhkəmə iclasında şahid Beyləqan RPŞ-nin PPXB-nin polis nəfəri polis baş serjantı X4 ifadə verərək göstərdi ki, xx.xx.2025-ci il tarixdə, saat 17:05 radələrində Beyləqan rayon PŞ-nin 1 nömrəli qapı postunda Beyləqan RPŞ-nin PPXB-nin polis nəfəri polis serjantı X5 ilə birlikdə xidmətdə olan zaman sonradan adları onlara məlum olan Beyləqan rayon sakinləri Şəxs və Şəxs sərxoş vəziyyətdə yaxınlaşaraq inzibati qaydada həbsdə saxlanılan X6 ilə görüşmək istədiklərini bildirmişlər. Onlar həmin vətəndaşlara dəfələrlə görüşə icazə verilmədiyini bildirsəlr də həmin şəxslər uca səslə ünvansız nəlayiq ifadələr işlədərək onların iş rejiminə mane olmağa başlamışlar. Həmin şəxsləri niazm-intizama dəvət etsədlərdə həmin şəxslər öz qanunsuz hərəkətlərinə davam etmişlər. Bundan sonra həmin şəxslərin hərəkətləri barədə onlar RPŞ-nin NH-nə məlumat vermişlər. PŞ-də həmin şəxslərdən birinin Beyləqan rayon sakini Şəxs olduğu məlum olmuşdur. Məhkəmə iclasında şahid Beyləqan RPŞ-nin PPXB-nin polis nəfəri polis serjantı X1 RPŞ-nin PPXB-nin polis nəfəri polis serjantı X4 ilə eyni məzmunda ifadə verərək Ruslan Vəliyevin ifadəsində göstərdiyi xüsatları təsdiq etmişdir. Məhkəmə inzibati xəta haqqında protokol tərtib etmiş şəxsin, barəsində inzibati xəta haqqında iş üzrə icraat aparılan şəxsin izahatlarını və şahid ifadəsini dinləyib, həmçinin inzibati xəta haqqında iş materiallarını nəzərdən keçirərək hesab edir ki, Şəxs barəsində Beyləqan rayon Polis Şöbəsi tərəfindən İXM-in 510 və 535.1-ci maddələri ilə tərtib edilmiş inzibati xəta haqqında protokol əsaslıdır. Belə ki, iş materiallarında olan və məhkəmə baxışında tədqiq edilmiş: Beyləqan RPŞ-nin PPXB-nin polis nəfəri polis baş serjantı X4 tərəfindən tərtib edilmiş xx.xx.2025-ci il tarixdə, saat 17:05 radələrində Beyləqan rayon PŞ-nin 1 nömrəli qapı postunda Beyləqan RPŞ-nin PPXB-nin polis nəfəri polis serjantı X5 ilə birlikdə xidmətdə olan zaman sonradan adları onlara məlum olan Beyləqan rayon sakinləri Şəxs və Şəxs sərxoş vəziyyətdə yaxınlaşaraq inzibati qaydada həbsdə saxlanılan X6 ilə görüşmək istədiklərini bildirmişlər. Onlar həmin vətəndaşlara dəfələrlə görüşə icazə verilmədiyini bildirsəlr də həmin şəxslər uca səslə ünvansız nəlayiq ifadələr işlədərək onların iş rejiminə mane olmağa başlamışlar. Həmin şəxsləri niazm-intizama dəvət etsədlərdə həmin şəxslər öz qanunsuz hərəkətlərinə davam etmişlər. Bundan sonra həmin şəxslərin hərəkətləri barədə onlar RPŞnin NH-nə məlumat vermişlər. AZA seriyalı 028088 №-li İnzibati qaydada tutma haqqında protokoldan görünür ki, Şəxs 14 dekabr 2025-ci il tarixdə saat 18:00-da inzibati qaydada tutulmuşdur. İnsan psixikasına təsir edən istehlak və sərxoşluq hallarının bütün növlərini təyin edən tibbi muayinəsi barədə xx.xx.2025-ci il tarixli, 1402 nömrəli protokoldan görünür ki, Şəxs xx.xx.2025-ci il tarixdə yüngül dərəcə sərxoş vəziyyətdə olmuşdur. Göründüyü kimi, Şəxs İXM-in 510 və 535.1-ci maddələrində nəzərdə tutulan inzibati xətanı törətməsi iş materialları və məhkəmə iclasında toplanmış sübutlarla tam sübuta yetirilmişdir. İXM-in 2-ci maddəsinə əsasən Azərbaycan Respublikasının inzibati xətalar qanunvericiliyin vəzifələri insan və vətəndaş hüquqlarını və azadlıqlarını, onun sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. İXM-in 3-cü maddəsinə əsasən yalnız həmin Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-in 4-cü maddəsinə əsasən bu məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. İXM-in 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İXM-in 12.1-ci maddəsinə əsasən həmin Məcəllə ilə qorunun ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyatsızlıqdan törədilən) inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. İXM-in 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İXM-in 30.1-ci maddəsinə əsasən inzibati həbs, yalnız müstəsna hallarda, inzibati xətaların ayrı-ayrı növlərinə görə üç ay müddətinədək hakim tərəfindən tətbiq edilir. İXM-in 31.1-ci maddəsinə əsəsən inzibati xətaya görə tənbeh İnzibati Xətalar Məcəlləsinə uyğun olaraq tətbiq edilir. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İXM-in 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Məhkəmədə Şəxs əməlində məsuliyyəti yüngülləşdirən və ağırlaşdıran hallar müəyyən edilməmişdir. İXM-in 510-cu madəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. İXM-in 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. İXM-in 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Azərbaycan Respublikası İnzibati Xətalar Məcəlləsinin 34-cü maddəsinin şərh edilməsinə dair Azərbaycan Respublikası Konstitusiya Məhkəməsi Plenumunun 2 sentyabr 2020-ci il tarixli qərarına əsasən İXM-in 34.3-cü maddəsində şəxsin məhz eyni vaxtda törətdiyi bir neçə inzibati xətaya görə tənbeh tətbiq edilməsi qaydası müəyyən olunmuşdur. Həmin maddəyə əsasən, şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Bu hal inzibati xətaların ideal məcmusunu ehtiva edir. Belə ki, maddənin məzmunundan göründüyü kimi, bir şəxs eyni vaxtda bir neçə inzibati xəta törətdikdə, həmin xətalara dair işlərə baxılması eyni orqanın səlahiyyətinə aid olduqda, göstərilən işlərə baxan müvafiq orqan bu inzibati xətaların sırasından ən ciddi xətaya görə müəyyən edilmiş sanksiya çərçivəsində tənbeh tətbiq etməlidir. Lakin bu o anlama gəlmir ki, eyni vaxtda törədilən inzibati xətalara baxan səlahiyyətli orqan yalnız daha ciddi inzibati tənbeh nəzərdə tutulmuş inzibati xətanı qiymətləndirir. İnzibati xətaya dair işlərə baxan səlahiyyətli orqan, şəxs tərəfindən eyni vaxtda törədilən hər bir inzibati xətaya ayrı-ayrılıqda qiymət verməli, bu xətaların hər birinin törədilməsində şəxsin təqsirini sübuta yetirməli, sadəcə olaraq ən ciddi xətaya görə müəyyən edilmiş sanksiya həddlərində tənbeh tətbiq etməlidir. Məhkəmə, Şəxs şəxsiyyətini, törətmiş olduğu xətanın xarakterini və inzibati tənbehin məqsədlərinə nail olmasını nəzərə alaraq, barəsində İXM-in 34.3-cü maddəsinə əsasən daha ciddi xətaya görə müəyyən edilmiş sanksiya çərçivəsində tənbeh tədbiri, yəni İXM-in 535.1-ci maddəsinin sanksiyasında nəzərdə tutulan inzibati həbs növündə tənbehin təyin edilməsini məqsədə müvafiq hesab edir. Məhkəmə qeyd edir ki, inzibati həbs növündə tənbeh tədbiri inzibati tənbehin məqsədlərinə, yəni Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur. Qeyd olunanları nəzərə alaraq və İXM-in 40, 43, 48, 48-51, 73, 114, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xəta əməlini törətməkdə təqsirli bilinsin. Azərbaycan Respublikası İnzibati Xətalar Məcəlləsinin 34.3-cü madəsinə əsasən Şəxs İXM-nin 535.1-ci maddəsi ilə 8 (səkkiz) gün müddətə inzibati həbs edilsin. İnzibati həbsin əvvəli xx.xx.2025-ci il tarixdən saat 18:00-dan hesablansın. Qərardan onun surəti rəsmi qaydada verildiyi vaxtdan 10 gün müddətində Şirvan Apellyasiya Məhkəməsinə şikayət və ya protest verilə bilər. Hakim: Ramiz Nurullayev