Beyləqan Rayon Məhkəməsi Qərar — İş №3(020)-1124/2025

Azərbaycan Respublikası adından QƏRAR Beyləqan rayon İş № 3(020)-1124/2025 16.12.2025 BEYLƏQAN RAYON MƏHKƏMƏSİ Beyləqan Rayon Məhkəməsinin hakimi Nurullayev Ramiz Vəliş oğlunun sədrliyi, Quliyev Zaur Qulu oğlunun katibliyi, İnzibati xəta haqqında protokol tərtib etmiş Beyləqan rayon İcra və probasiya şöbəsinin icra məmuru X1, Barəsində inzibati xəta haqqında icraat aparılan şəxs Şəxs iştirakları ilə, xx.xx.2002-ci il tarixdə Beyləqan rayonu, Örənqala qəsəbəsində anadan olmuş, Azərbaycan Respublikası vətəndaşı, subay, orta təhsilli, işsiz, Beyləqan rayonu, Örənqala qəsəbəsində qeydiyyatda olmaqla həmin ünvanında yaşayan, Şəxs barəsində Beyləqan rayon İcra və probasiya şöbəsindən daxil olmuş inzibati xəta haqqında materiala baxaraq, MÜƏYYƏN ETDİM: Beyləqan rayon İcra və probasiya şöbəsindən daxil olmuş inzibati xəta haqqında materialdan görünür ki, Beyləqan Rayon Məhkəməsinin e-2(020)-732/2025 saylı, xx.xx.2025-ci il tarixli icra sənədinə əsasən Şəxs xx.xx.2024-cü il tarixli müqavilə üzrə 1291,14 manat əsas borc, 129,11 manat məbləğində cərimə borcu,xx.xx.2024-cü il tarixli müqavilə üzrə 299,76 manat əsas borc, 29.98 manat məbləğində cərimə borcu və 37,50 manat məbləğində ödənilmiş dövlət rüsumu olmaqla cəmi 1787,49 manat məbləğində pul vəsaiti tutularaq "xxxx" MMC-yə ödənilməlidir. Bundan başqa Beyləqan Rayon 1 saylı Notariat kontorunun 8İ-3710 saylı, xx.xx.2025-ci il tarixli icra qeydinə əsasən Şəxs 12535.29 manat pul vəsaiti tutularaq "xxxx" ASC-yə ödənilməlidir. Həmçinin Bakı şəhəri Yasamal Rayon Məhkəməsinin 3(004)-5544/2023 saylı, xx.xx.2023-cü il tarixli icra sənədinə əsasən Şəxs 700 manat inzibati cərimə tutularaq dövlət büdcəsinə ödənilməlidir. Şəxs icra sənədləri üzrə borcunu ödəməmiş, həmçinin icra sənədlərinin icrası ilə əlaqədar icra məmurunun qanuni tələblərini yerinə yetirməmiş və icra məmurunun çağırışlarına gəlməmişdir. Beyləqan rayon İcra və probasiya şöbəsinin icra məmuru X2 məhkəmə iclasında izahat verərək göstərdi ki, Beyləqan Rayon Məhkəməsinin e-2(020)- 732/2025 saylı, xx.xx.2025-ci il tarixli icra sənədinə əsasən Şəxs xx.xx.2024-cü il tarixli müqavilə üzrə 1291,14 manat əsas borc, 129,11 manat məbləğində cərimə borcu,xx.xx.2024-cü il tarixli müqavilə üzrə 299,76 manat əsas borc, 29.98 manat məbləğində cərimə borcu və 37,50 manat məbləğində ödənilmiş dövlət rüsumu olmaqla cəmi 1787,49 manat məbləğində pul vəsaiti tutularaq "xxxx" MMC-yə ödənilməlidir. Bundan başqa Beyləqan Rayon 1 saylı Notariat kontorunun 8İ-3710 saylı, xx.xx.2025-ci il tarixli icra qeydinə əsasən Şəxs 12535.29 manat pul vəsaiti tutularaq "xxxx" ASC-yə ödənilməlidir. Həmçinin Bakı şəhəri Yasaml rayon Məhkəməsinin 3(004)-5544/2023 saylı, xx.xx.2023-cü il tarixli icra sənədinə əsasən Şəxs 700 manat inzibati cərimə tutularaq dövlət büdcəsinə ödənilməlidir. Birinci icra sənədi üzrə xx.xx.2025-ci il tarixdə, ikinci icra sənədi üzrə xx.xx.2025-ci il tarixdə, üçüncü icra sənədi üzrə isə xx.xx.2024-cü il tarixdə icraata başalamaq haqqında qərarlar qəbul etmiş və tələbin könüllü icrası ilə bağlı borcluya bildirişlər göndərilmişdir. Qanuni icra tədbirləri görülməsinə baxmayaraq borclu Şəxs icra sənədləri üzrə borcundan heç bir ödəniş etməmişdir. Barəsində qanuni icra tədbirləri görülməsinə baxmayaraq çağırışlara gəlməmişdir. Ona görə də Şəxs barəsində axtarış qərarı qəbul edərək Beyləqan Rayon Polis polis şöbəsinə göndərilmişdir. Şəxs polis tərəfindən saxlanılaraq icra şöbəsinə təhvil verilmişdir. Şəxs icra şöbəsində izahat verərək hazırda icra sənədləri üzrə borcundan ödəniş etmək üçün maddi imkanının olmadığını və ona vaxt verilərsə borcunu gələcəkdə hissə-hissə ödəyə biləcəyini göstərmişdir. Ona görə də borclu Şəxs barəsində İXM-nin 528.1-ci maddəsi ilə protokol tərtib edərək məhkəməyə vermişdir. Qanuni qərar qəbul edilməsini xahiş etdi. Barəsində inzibati xəta haqqında protokol tərtib edilmiş şəxs Şəxs özünü təqsirli bildi və məhkəmə iclasında izahat verərək bildirdi ki, Beyləqan Rayon Məhkəməsinin e-2(020)-732/2025 saylı, xx.xx.2025-ci il tarixli icra sənədinə əsasən Əhmədli ondan xx.xx.2024-cü il tarixli müqavilə üzrə 1291,14 manat əsas borc, 129,11 manat məbləğində cərimə borcu,xx.xx.2024-cü il tarixli müqavilə üzrə 299,76 manat əsas borc, 29.98 manat məbləğində cərimə borcu və 37,50 manat məbləğində ödənilmiş dövlət rüsumu olmaqla cəmi 1787,49 manat məbləğində pul vəsaiti tutularaq "xxxx" MMC-yə ödənilməlidir. Bundan başqa Beyləqan Rayon 1 saylı Notariat kontorunun 8İ- 3710 saylı, xx.xx.2025-ci il tarixli icra qeydinə əsasən ondan 12535.29 manat pul vəsaiti tutularaq "xxxx" ASC-yə ödənilməlidir. Həmçinin Bakı şəhəri Yasaml rayon Məhkəməsinin 3(004)-5544/2023 saylı, xx.xx.2023-cü il tarixli icra sənədinə əsasən ondan 700 manat inzibati cərimə tutularaq dövlət büdcəsinə ödənilməlidir. Əvvəllər rəsmi olaraq elektrik şəbəkəsində işlədiyinə görə kredit götürmüş, lakin işdən çıxdığına görə göstərilən borclarından ödəniş etməyə maddi imkanı olmamışdır. Lakin barəsində olan 700 manat inzibati cəriməni ödəmiş, amma qəbzini itirmişdir. Bundan başqa rəsmi olaraq Beyləqan rayonu, Örənqala qəsəbəsində qeydiyyatda olmasına baxmayaraq hazırda Bakı şəhərində yaşadığından icra məmurunun çağırışlarından xəbərdar olmamış, ona görə də icra məmurunun çağırışlarına gəlməmişdir. Hazırda da icra sənədi üzrə borcundan 150 manat ödəniş etmək imkanı vardır. Qalan borclarını gələcəkdə aylıq hissə-hissə olmaqla ödənişlər edə bilər. Barəsində qanuni qərar qəbul edilməsini məhkəmədən xahiş etdi. İş materiallarında olan və məhkəmə iclasında tədqiq edilmiş: Beyləqan Rayon Məhkəməsinin e-2(020)-732/2025 saylı, xx.xx.2025-ci il tarixli icra sənədindən görünür ki, Şəxs xx.xx.2024-cü il tarixli müqavilə üzrə 1291,14 manat əsas borc, 129,11 manat məbləğində cərimə borcu,xx.xx.2024-cü il tarixli müqavilə üzrə 299,76 manat əsas borc, 29.98 manat məbləğində cərimə borcu və 37,50 manat məbləğində ödənilmiş dövlət rüsumu olmaqla cəmi 1787,49 manat məbləğində pul vəsaiti tutularaq "xxxx" MMC-yə ödənilməlidir. İcraata başlamaq haqqında xx.xx.2025-ci il tarixli qərardan və tələbin könüllü icrası haqqında bildirişdən görünür ki, Beyləqan Rayon Məhkəməsinin e-2(020)- 732/2025 saylı, xx.xx.2025-ci il tarixli icra sənədi əsasında icraata başlanılmış və icra vərəqəsində göstərilən tələbin könüllü icrası üçün borclu Şəxs 10 gün vaxt verilmişdir. Beyləqan Rayon 1 saylı Notariat kontorunun 8İ-3710 saylı, xx.xx.2025-ci il tarixli icra qeydindən görünür ki, Şəxs 12535.29 manat pul vəsaiti tutularaq "xxxx" ASC-yə ödənilməlidir. İcraata başlamaq haqqında xx.xx.2025-ci il tarixli qərardan və tələbin könüllü icrası haqqında bildirişdən görünür ki, Beyləqan Rayon 1 saylı Notariat kontorunun 8İ- 3710 saylı, xx.xx.2025-ci il tarixli icra qeydi əsasında icraata başlanılmış və icra vərəqəsində göstərilən tələbin könüllü icrası üçün borclu Şəxs 10 gün vaxt verilmişdir. Bakı şəhəri Yasaml rayon Məhkəməsinin 3(004)-5544/2023 saylı, xx.xx.2023-cü il tarixli icra vərəqəsindən görünür ki, Şəxs Azərbaycan Respublikasının İXM-nin 333.3-cü maddəsi ilə nəzərdə tutulan inzibati xəta əməlini törətməkdə təqsirli bilinərək nəqliyyat vasitələrini idarəetmək hüququ 2 il müddətinə məhdudlaşdırılmaqla 700 manat məbləğində inzibati qaydada cərimə edilmişdir. İcraata başlamaq haqqında xx.xx.2024-cü il tarixli qərardan və tələbin könüllü icrası haqqında bildirişdən görünür ki, Bakı şəhəri Yasaml rayon Məhkəməsinin 3(004)-5544/2023 saylı, xx.xx.2023-cü il tarixli icra qeydi əsasında icraata başlanılmış və icra vərəqəsində göstərilən tələbin könüllü icrası üçün borclu Şəxs 10 gün vaxt verilmişdir. xx.xx.2024-cü il tarixli, xx.xx.2025-ci il tarixli və xx.xx.2025-ci il tarixli Bildirişlərdən görünür ki, Şəxs icra sənədlərinin icra edilməsi barədə bildirişlər göndərilmişdir. xx.xx.2025-ci il tarixli, xx.xx.2025-ci il tarixli və xx.xx.2025-ci il tarixli Xəbərdarlıqlardan görünür ki, Şəxs icra sənədlərinin icra edilməsi barədə xəbərdarlıqlar göndərilmişdir. xx.xx.2025-ci il tarixli borclunun axtarılması haqqında qərardan görünür ki, Şəxs barəsində axtarış elan edilmişdir. Məhkəmə, proses iştirakçılarının izahatlarını dinləyib, habelə inzibati xəta haqqında işin materiallarını nəzərdən keçirərək hesab edir ki, Şəxs barəsində İXM-in 528.1-ci maddəsi ilə olan inzibati protokol əsaslı olaraq tərtib edilmişdir. Belə ki, məhkəmə iclasında toplanmış və tədqiq edilmiş sübutlarla müəyyən edilmişdir ki, Şəxs icra sənədləri üzrə borcunu ödəməyərək sözügedən icra sənədlərini icra etməmiş və Şəxs borcun ödənilməməsinin səbəbi kimi maddi imkanının zəif olmasını göstərməsi borclu tərəfindən icra sənədlərinin icra edilməməsi üçün əsas sayıla bilməz. Göründüyü kimi, Şəxs qanuni qüvvəyə minmiş məhkəmə və digər orqanın qərarları üzrə verilmiş icra sənədlərini üzrsüz səbəbdən icra etməmiş, bununla əlaqədar icra məmurunun qanuni tələblərini qəsdən yerinə yetirməmişdir. İşin hallarından da göründüyü kimi o, maddi imkanı olmamaq baxımından icra sənədlərini icra etməməsi öz təsdiqini tapmamışdır. Belə olan halda, məhkəmə hesab edir ki, inzibati xəta törətmiş şəxs Şəxs İXM-in 528.1-ci maddəsi ilə inzibati qaydada məsuliyyətə cəlb olunmalıdır. Azərbaycan Respublikası Mülki Prosessual Məcəlləsinin 15.2-ci maddəsinin tələblərinə əsasən, məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları və onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Həmin Məcəllənin 15.3-cü maddəsinə əsasən, məhkəmə aktının icra olunmaması və məhkəməyə digər hörmətsizlik halları qanunda nəzərdə tutulmuş məsuliyyətlə nəticələnir. Məhkəmə qətnaməsinin, qərarının və qərardadının vaxtında icra olunmaması ədalətli məhkəmə baxışına olan hüququn pozulması hesab edilir. Qərarın icrasının zəruriliyi Azərbaycan Respublikası Konstitusiyasında, mülki-prosessual, cinayət və inzibati qanunvericilikdə və bir sıra beynəlxalq normativ aktlarda öz izahatıni tapmışdır. Azərbaycan Respublikasının Ali Məhkəməsi Plenumunun 30 mart 2006-cı il tarixli qərarında qanuni qüvvəyə minmiş qətnamələrinin icrası xüsusilə vurğulanmışdır. Həmin qərarda qeyd olunur ki, «məhkəmə qətnaməsinin icrası müddəti məhkəmə baxışının tərkib hissəsi kimi qiymətləndirilir. Məhkəmələr məhkəmə aktlarının icrasına möhlət verilməsi, icranın dayandırılması, icra üsulunun dəyişdirilməsi və məhkəmə icraçılarının hərəkətlərindən verilən şikayətlərlə bağlı məsələlərə baxarkən Avropa Konvensiyanın məhkəmə qətnamələrinin ağlabatan müddətdə icra olunması tələbini nəzərə almalıdırlar». Avropa Konvensiyasının 6-cı maddəsində izahını tapan «ədalətli məhkəmə baxışına olan hüquq» qanuni qüvvəyə minmiş məhkəmə qətnaməsinin dövlət tərəfindən icra etmə vəzifəsini özündə ehtiva edir. Həmin hüququn pozulması icranın tam yerinə yetirilməməsində və qanuni qüvvəyə minmiş məhkəmə qərarının icrasının gecikdirilməsində də təzahür edə bilər. Məhkəmə hesab edir ki, qanuni qüvvəyə minmiş məhkəmə və digər orqanın qərarı icraya yönəldiyi vaxtdan bu günə kimi hərəkətsiz qalması, tələbkarın dövlət tərəfındən təminat verilən “ədalətli məhkəmə baxışına olan hüququ”nun pozulmasına gətirib çıxara bilər. Belə olan halda, inzibati xətanı törətmiş şəxsin təqsirindən məhkəmənin qərarı əsasında icra sənədləri qanunla müəyyən edilmiş müddətdə icra olunmamış və icra edilməməsi üçün üzürlü səbəb olmamışdır. İXM-in 2-ci maddəsinə əsasən Azərbaycan Respublikasının inzibati xətalar qanunvericiliyin vəzifələri insan və vətəndaş hüquqlarını və azadlıqlarını, onun sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. İXM-in 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. İXM-in 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. İXM-in 12.1-ci maddəsinə əsasən həmin Məcəllə ilə qorunun ictimai münsaibətlərə qəsd edən, hüquqa zidd olan, təqsirli sayılan (qəsdən və ya ehtiyasızlıqdan törədilən) inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. İXM-in 21-ci maddəsidə təsbit edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İXM-in 31.1-ci maddəsinə əsəsən inzibati xətaya görə tənbeh İnzibati Xətalar Məcəlləsinə uyğun olaraq tətbiq edilir. İXM-in 31.4-cü maddəsinə əsasən Bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. İXM-in 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Şəxs həmin inzibati xətanı törətməsi barəsində tərtib olunmuş yuxarıda qeyd edilən protokol, icra sənədləri, bildirişlər,xəbərdarlıqlar,axtarış qərarı, icra məmurunun və özünün məhkəməyə verdiyi izahat ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Məhkəmə inzibati xətanın xarakterini, məhkəmə qərarlarının icra olunmamasındakı müddəti, inzibati xətanın pul borcu ilə əlaqədar olduğunu, pul məbləği ilə bağlı icra sənədlərini icra etməyən şəxsin cərimələnməsinin lüzumsuz olduğunu nəzərə alaraq, hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədinə nail oluna bilməz. İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmədə, Şəxs məsuliyyətini yüngülləşdirən və məsuliyyətini ağırlaşdıran hallar müəyyən edilməmişdir. Beləliklə, məhkəmə hesab edir ki, Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinməli, törətmiş olduğu inzibati xətanın xarakteri, onun şəxsiyyətini, habelə təqsirinin dərəcəsi və tətbiq olunacaq inzibati tənbehin şəxsin islah olunmasına təsirini nəzərə alaraq, belə nəticəyə gəlir ki, Şəxs barəsində inzibati həbs növündə inzibati tənbeh tədbiri tətbiq edilməlidir. Həmçinin məhkəmə inzibati xəta törətmiş şəxsin nəzərinə çatdırır ki, İXM-in 31.5-ci maddəsinə əsasən inzibati tənbehin tətbiq edilməsi həmin inzibati tənbehə səbəb olmuş öhdəliklərin yerinə yetirilməsindən onu azad etmir. Göstərilənlərə əsasən və Azərbaycan Respublikası İnzibati Xətalar Məcəlləsinin 112, 114, 115 və 117, 128-130-cu maddələrini rəhbər tutaraq məhkəmə adından QƏRARA ALDİM: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xəta əməlini törətməkdə təqsirli bilinib 8 (səkkiz) gün müddətinə inzibati qaydada həbs edilsin. Həbs etmənin əvvəli 16 dekabr 2025-ci il tarixdən, saat 17:16-dan hesablansın. Qərardan onun surəti rəsmi qaydada verildiyi vaxtdan 10 gün müddətində Şirvan Apellyasiya Məhkəməsinə şikayət və ya protest verilə bilər. Hakim Ramiz Nurullayev