Beyləqan Rayon Məhkəməsi Qərar — İş №3(020)-159/2023

Azərbaycan Respublikası adından QƏRAR Beyləqan rayon İş № 3(020)-159/2023 13.02.2023 BEYLƏQAN RAYON MƏHKƏMƏSİ Mən, Beyləqan rayon məhkəməsinin hakimi Nurullayev Ramiz Vəliş oğlunun sədrliyi, Quliyev Zaur Qulu oğlunun katibliyi ilə xx.xx.1992-ci ildə Beyləqan rayonunda anadan olmuş, Azərbaycanlı, Azərbaycan Respublikası vətəndaşı, Beyləqan şəhəri, M.Ə.Rəsulzadə küçəsi ev 63-də qeydiyyatda olan və yaşayan oğlunun barəsində Beyləqan Rayon Polis İdarəsindən daxil olmuş inzibati xəta haqqında materiala baxaraq Müəyyən etdim: Daxil olmuş inzibati xəta haqqında materialdan görünür ki, Şəxs Azərbaycan Respublikası DİN Beyləqan Rayon Polis Şöbəsindən daxil olmuş inzibati xətalar haqqında EQ 11368831 nömrəli, xx.xx.2022-ci il tarixli protokoluna əsasən Azərbaycan Respublikası İXM-nin 469.3-cü maddəsi ilə təqsirli bilinərək cəmi 50 manat məbləğində cərimə edilmişdir. Lakin Şəxs inzibati cəza növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan ödəməmiş və ödəyəcəyi məbləğə 30 manat dəbbə pulu əlavə edilmişdir. Nəticədə onun ödəyəcəyi məbləğ hazırda dəbbə pulu ilə birlikdə 80 manat təşkil edir. Buna görə də, Şəxs barəsində Azərbaycan Respublikası İXM-nin 529.3-cü maddəsi ilə İXP ******* nömrəli, xx.xx.2023-cü il tarixli inzibati protokol tərtib edilməklə baxılması üçün məhkəməyə göndərilmişdir. İnzibati xəta törətmiş şəxs məhkəmə iclasının vaxtı və yeri barədə lazımi qaydada məlumat verilməsinə baxmayaraq məhkəmə iclasına gəlməmişdir. İş materiallarından görünür ki, İnzibati xəta törətmiş şəxs Azərbaycan Respublikası DİN Baş Dövlət Yol Polis İdarəsinin inzibati xətalar haqqında EQ 11368831 nömrəli, xx.xx.2022-ci il tarixli protokola əsasən Azərbaycan Respublikası İXM-nin 469.3-cü maddəsi ilə təqsirli bilinərək cəmi 50 manat məbləğində cərimə edilmişdir. Lakin qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan cəriməni ödəməmiş və ödəyəcəyi məbləğə 30 manat dəbbə pulu əlavə edilmişdir. Nəticədə onun ödəyəcəyi məbləğ dəbbə pulu ilə birlikdə 80 manata çatmışdır. Məhkəmə iclası zamanı müəyyən olundu ki, İnzibati xəta törətmiş şəxsin inzibati cəriməsi bu günə kimi ödənilməmiş qalmışdır. İş materiallarını nəzərdən keçirib, Şəxs inzibati cəriməni ödəməməsini əsas tutaraq onun nəqliyyat vasitələrini idarə etmə hüququ Azərbaycan Respublikası İXM-nin 529.3-cü maddəsinin sanksiyasında nəzərdə tutulmuş qaydada 06 (altı) ay müddətinə məhdudlaşdırılmasını məqsədə müvafiq hesab edirəm. Yuxarıda göstərilənlərə əsasən və Azərbaycan Respublikası İXM-nin 112, 114, 115, 117, 128- 130-cu maddələrini rəhbər tutaraq Qərara aldım: xx.xx.1992-ci ildə anadan olan Şəxs Azərbaycan Respublikası İXM-nin 529.3-cü maddəsi ilə nəzərdə tutulmuş inzibati xəta əməlini törətməkdə təqsirli bilinib nəqliyyat vasitələrini idarə etmə hüququ 06 (altı) ay müddətinə məhdudlaşdırılsın. Qərarın surəti rəsmi qaydada verildiyi vaxtdan 10 gün müddətində Şirvan Apelyasiya Məhkəməsinə şikayət və ya protest verilə bilər. Hakim: Ramiz Nurullayev