Beyləqan Rayon Məhkəməsi Qərar — İş №3(020)-168/2024

Azərbaycan Respublikası adından QƏRAR Beyləqan rayon İş № 3(020)-168/2024 04.04.2024 BEYLƏQAN RAYON MƏHKƏMƏSİ Beyləqan rayon məhkəməsinin hakimi Ramiz Vəliş oğlu Nurullayevin sədrliyi, Quliyev Zaur Qulu oğlunun katibliyi ilə, Beyləqan şəhəri, ünvan 1 ünvanında yerləşən Şəxs barəsində Azərbaycan Respublikası Mərkəzi Bankından daxil olmuş inzibati xəta haqqında materiala baxaraq M ü ə y y ə n e t d i m: Daxil olmuş inzibati xəta haqqında materialdan görünür ki, Şəxs 15345.20 ABŞ dolları məbləğində vəsaiti 03 fevral 2022-ci il tarixdə xaricə köçürmüş və 2 il müddət keçsə də, 15345.20 ABŞ dolları məbləğində vəsait hesabına alınan malların (xidmətin) ölkəyə idxalını təsdiq edən gömrük bəyannaməsi və ya idxal olunan xidmətlərin göstərilməsini təsdiq edən sənədi banka təqdim etməmiş, qabaqcadan ödənilmiş valyuta vəsaitini geri qaytarmamışdır. Məhkəmə iclasının vaxtı və yeri barədə Azərbaycan Respublikası Mərkəzi Bankına və Şəxsnə qanunla müəyyən olunmuş qaydada məlumat verilməsinə baxmayaraq tərəflər heç bir üzürlü səbəb göstərmədən öz nümayəndələrini məhkəmə iclasına göndərməmişlər. Məhkəmə işə Azərbaycan Respublikası Mərkəzi Bankının və Şəxs nümayəndələrinin iştirakı olmadan baxılmağı mümkün hesab etdi. İşə əlavə edilmiş sənədlərdən görünür ki, 15 dekabr 2021-ci il tarixli müqavilə Şəxs MMC və «ENDER YAPİSAL ALÜMİNYUM SAN VƏ TİC» şirkəti arasında türk dilində bağlanmış, tərəflər müqavilənin şərtlərini qəbul etmiş və imzaları ilə təsdiq etmişlər. Həmçinin köçürmə haqqında ərizə Azərbaycan dilində tərtib edilmişdir. Pulun köçürülməsi 03 fevral 2022-ci il tarixdə "xxxx" ASC vasitəsi ilə həyata keçirilmişdir. İş materiallarına əlavə edilmiş 03 fevral 2022-ci il tarixli köçürmədən görünür ki, Şəxs MMC tərəfindən həmin tarixdə "xxxx" vasitəsi ilə Türkiyə Cümhuriyyətində yerləşən «ENDER YAPİSAL ALÜMİNYUM SAN VƏ TİC» şirkətinin hesabına 15345.20 ABŞ dolları vəsait köçürülmüşdür. İş materiallarına əlavə olunmuş pul köçürmələrinə dair xx.xx.2024-cü il tarixli, YGB **********6286 olan məlumat sənədinin 44-cü qrafasının 04 saylı əlavəsində əks olunmuş məlumatlardan görünür ki, məhkəməyə təqdim edilən gömrük bəyannaməsi Şəxs MMC-nin hesabından 03 fevral 2022-ci ildə xaricə köçürülmüş 15345.20 ABŞ dolları ilə bağlı nəzərdə tutulan malların idxalı ilə bağlı olmuşdur. İş materiallarına əlavə olunmuş pul köçürmələrinə dair xx.xx.2024-cü il tarixli, YGB **********6286 olan məlumat sənədinin 28-ci qrafasında əks olunmuş məlumatlardan görünür ki, məhkəməyə təqdim edilən gömrük bəyannaməsi AZ88RBTA******************** hesabından 03 fevral 2022-ci ildə xaricə köçürülmüş 15345.20 ABŞ dolları ilə bağlı nəzərdə tutulan malların idxalı ilə bağlı olmuşdur. Şəxs MMC-nin məhkəməyə təqdim etdiyi 02 fevral 2022-ci il tarixli, **********6286 nömrəli gömrük bəyannaməsindən görünür ki, 15345.20 ABŞ dolları dəyərində malların Azərbaycana gətirilməsi təmin edilmiş və həmin mallar gömrük orqanında bəyan edilmişdir. Bu hal həmin məhsulların Azərbaycan Respublikası Beyləqan rayon, Babək küçəsi ev 19-da yerləşən Şəxs MMC-nin ünvanına «ENDER YAPİSAL ALÜMİNYUM SAN VƏ TİC» şirkəti tərəfindən göndərilməsi ilə bağlı malların qablaşdırılması vərəqi ilə də təsdiq olunur. Beləliklə məhkəməyə təqdim olunmuş bəyənnamələr və bankdan icra olunan vəsaitlərin birgə araşdırması zamanı məlum olmuşdur ki, ölkədən çıxarılan vəsaitin müqabilində muvafiq mallar tam həcmdə ölkəyə idxal olunmuş, malların miqdarı, çeşidi eyniləşdirilmiş və eyni zamanda həmin bəyənnamənin elektron hökümət portalında təsdiq olunması sübuta yetirilmişdir. Bu səbəbdən də Şəxs MMC-nin hərəkətlərində Azərbaycan Respublikası İXM-nin 430.4-cü maddəsinin tərkibinin olması müəyyən edilməmişdir. İnzibati Xətalar Məcəlləsinin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Hesab edirəm ki, hazırkı vəziyyətdə Şəxs hərəkətlərində Azərbaycan Respublikası İXM-nın 430.4-cü maddəsinin tərkibi yoxdur, ona görə də inzibati xəta haqqında iş üzrə icrata xitam verilməlidir. Yuxarıda göstərilənlərə əsasən və Azərbaycan Respublikası İXM-nin 53.1.2,112, 114, 115, 117, 128-130-cu maddələrini rəhbər tutaraq məhkəmə adından Qərara aldım: Şəxs hərəkətlərində Azərbaycan Respublikası İnzibati Xətalar Məcəlləsinin 430.4-cü maddəsinin tərkibi olmadığına görə inzibati xəta haqqında iş üzrə icrata xitam verilsin. Qərardan onun surəti tərəflərə rəsmi qaydada verildiyi vaxtdan 10 gün müddətində Şirvan Apellyasiya Məhkəməsinə şikayət və ya protest verilə bilər. Hakim: Ramiz Nurullayev