Beyləqan Rayon Məhkəməsi Qərar — İş №3(020)-237/2023

Azərbaycan Respublikası adından QƏRAR Beyləqan rayon İş № 3(020)-237/2023 13.03.2023 BEYLƏQAN RAYON MƏHKƏMƏSİ Beyləqan rayon məhkəməsinin hakimi Nurullayev Ramiz Vəliş oğlunun sədrliyi, Quliyev Zaur qulu oğlunun katibliyi ilə, Beyləqan rayonu, RTS qəsəbəsində yerləşən SƏNAN-M Məhdud Məsuliyyətli Cəmiyyətinin barəsində Beyləqan rayon Polis Şöbəsindən daxil olmuş inzibati xəta haqqında materiala baxaraq, M ü ə y y ə n e t d i m: Beyləqan rayonu, RTS qəsəbəsində yerləşən SƏNAN-M Məhdud Məsuliyyətli Cəmiyyəti yol hərəkəti qaydaları əlehinə olan inzibati xəta törətdiyinə görə Hüquqi şəxsin mülkiyyətində və yaxud dövlət qrumunun istifadəsində olan nəqliyyat vasitəsinin inzibati xətanın törədilməsi zamanı idarə etmiş fiziki şəxs haqqında məlumatı səlahiyyətli orqanının (vəzifəli şəxsin) bu barədə sorğusu daxil olduğu vaxtdan 5 (beş) gün müddətə məlumat verilməmişdir. Bununla da SƏNAN-M Məhdud Məsuliyyətli Cəmiyyəti Azərbaycan Respublikası İXMnin 347-ci maddəsi ilə nəzərdə tutulmuş inzibati xəta əməlini törətmişdir. Məhkəmə iclasının vaxtı və yeri barədə hüquqi şəxsin ünvanına məhkəmə bildirişi göndərilmiş iş materiallarına əlavə edilmiş poçt şöbəsinin xəbərnaməsindən görünür ki, məhkəmə bildirişi göndərilən məktub SƏNAN-M Məhdud Məsuliyyətli Cəmiyyətinin nümayəsndəsi tərəfindən qəbul edilmişdir. Lakin həmin MMC işə baxılması ilə əlaqədar olaraq nümayəndəsini məhkəməyə göndərməmişdir. Hüquqi şəxsin nümayəndəsi heç bir üzürlü səbəb göstərmədən məhkəmə iclasına gəlmədiyindən məhkəmə Azərbaycan Respublikası İXM-nin **2.*.4-cü maddəsini nəzərə alıb hüquqi şəxsin nümayəndəsinin iştirakı olmadan işdə olan sənədlər əsasında işə baxılmasını mümkün hesab edir. İşdə olan inzibati xəta haqqında protokoldan görünür ki, Beyləqan rayonu, RTS qəsəbəsində yerləşən SƏNAN-M Məhdud Məsuliyyətli Cəmiyyəti yol hərəkəti qaydaları əlehinə olan inzibati xəta törətdiyinə görə Hüquqi şəxsin mülkiyyətində və yaxud dövlət qrumunun istifadəsində olan nəqliyyat vasitəsinin inzibati xətanın törədilməsi zamanı idarə etmiş fiziki şəxs haqqında məlumatı səlahiyyətli orqanının (vəzifəli şəxsin) bu barədə sorğusu daxil olduğu vaxtdan 5 (beş) gün müddətə məlumat verilməmişdir. İşdə olan inzibati xəta haqqında protokoldan görünür ki, SƏNAN-M Məhdud Məsuliyyətli Cəmiyyətinin istifadəsində olan “Chrysler 300” minik markalı, **-AA-002 dövlət qeydiyyat nömrə nişanlı avtomobil 23.0*.2023-cü il tarixdə, saat *7:56 radələrində Bakı şəhəri ərazisində dayanma qaydalarını pozduğuna görə Azərbaycan Respublikası İXM-nin 346.*-ci maddəsi ilə inzibati protokol tərtib edilmişdir. İşdə olan poçt xəbərnaməsindən görünür ki, Azərbaycan Respublikası DİN-nin Beyləqan rayon PŞ-nin YPXB-i tərəfindən SƏNAN-M Məhdud Məsuliyyətli Cəmiyyətininə hüquqi şəxsin mülkiyyətində və yaxud dövlət qrumunun istifadəsində olan nəqliyyat vasitəsinin inzibati xətanın törədilməsi zamanı idarə etmiş fiziki şəxs haqqında məlumat verilməsinə dair hüquqi şəxsin ünvanına sorğu verilmiş, sorğu 3*.0*.2023-cü il tarixdə mərkəzin direktoru tərəfindən şəxsən alınmışdır. Lakin hüquqi şəxs qanunla müəyyən edilmiş müddət ərzində sorğuya cavab verməmişdir. Beləliklə də SƏNAN-M Məhdud Məsuliyyətli Cəmiyyəti hüquqi şəxsin mülkiyyətində və yaxud dövlət qrumunun istifadəsində olan nəqliyyat vasitəsinin inzibati xətanın törədilməsi zamanı idarə etmiş fiziki şəxs haqqında məlumatı beş iş günü müddətində Azərbaycan Respublikası DİN-nin Beyləqan rayon PŞ-nin YPXB-ə məlumat vermədiyi sübuta yetirildiyindən SƏNAN-M Məhdud Məsuliyyətli Cəmiyyətinin hərəkətlərində Azərbaycan Respublikası İXM-nin 347-ci maddəsinin tərkibi vardır. Ona görə də SƏNAN-M Məhdud Məsuliyyətli Cəmiyyəti Azərbaycan Respublikası İXM-nin 347-ci maddəsi ilə təqsirli bilinib cəzalandırılmalıdır. Azərbaycan Respublikası İXM-nin 2*-ci maddəsində deyilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 3*.3-cü maddəsində deyilir ki, hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. İnzibati xəta əməlini törətmiş hüquqi şəxs SƏNAN-M Məhdud Məsuliyyətli Cəmiyyəti xəta törətdiyi maddənin sanksiyası daxilində cərimə təyin edilməlidir. Yuxarıda göstərilənlərə əsasən və Azərbaycan Respublikası İXM-nin **2, **4, **5, **7, *28-*30-cu maddələrini rəhbər tutaraq məhkəmə adından Qərara aldım: SƏNAN-M Məhdud Məsuliyyətli Cəmiyyəti Azərbaycan Respublikası İXM-nin 347-ci maddəsi ilə nəzərdə tutulmuş inzibati xəta əməlini törətməkdə təqsirli bilinib, 300 (üç yüz) manat məbləğində inzibati qaydada cərimə edilsin. Qərardan onun surəti rəsmi qaydada verildiyi vaxtdan *0 gün müddətində Şirvan Apellyasiya Məhkəməsinə şikayət və ya protest verilə bilər. Hakim: Ramiz Nurullayev