Beyləqan Rayon Məhkəməsi Qərar — İş №3(020)-326/2023

Azərbaycan Respublikası adından QƏRAR Beyləqan rayon İş № 3(020)-326/2023 30.03.2023 BEYLƏQAN RAYON MƏHKƏMƏSİ Beyləqan rayon məhkəməsinin hakimi Seyfullayev Seyfəli İzzət oğlunun sədrliyi, Abbasov Zaur Alı oğlunun katibliyi, Beyləqan rayon İcra və Probasiya Şöbəsinin icra məmuru X1, İnzibati xəta əməlini törətmiş şəxs Şəxs iştirakı ilə xx.xx.1995-ci ildə Beyləqan rayonunda anadan olmuş, orta təhsilli, məhkum olunmamış, fərdi əməklə məşğul olan, Azərbaycan Respublikası vətəndaşı, Azərbaycanlı, Beyləqan şəhəri, Yunis Abbaslı küçəsi, ev 6-da qeydiyyatda olan və yaşayan Şəxs barəsində Beyləqan rayon İcra və Probasiya Şöbəsindən daxil olmuş inzibati xəta haqqında materiala baxaraq, MÜƏYYƏN ETDİM: Beyləqan rayon İcra və Probasiya şöbəsindən daxil olmuş inzibati xəta haqqında protokoldan görünür ki, Zəngilan rayon məhkəməsinin 2(034)-491/2022 saylı, 29 dekabr 2022-ci il tarixli icra sənədinə əsasən Şəxs bir uşağın saxlanılması üçün hər ay 150 manat sabit pul məbləğində aliment alınaraq uşağın anası Zərərçəkmiş şəxs verilməlidir. Şəxs icra sənədini üzürsüz səbəbdən icra etməmiş, bununla əlaqədar icra məmurunun qanuni tələblərini yerinə yetirməmişdir. Barəsində inzibati xəta haqqında protokol tərtib edilmiş şəxs Şəxs məhkəmə iclasında izahat verərək bildirdi ki, Zəngilan rayon məhkəməsinin 2(034)-491/2022 saylı, 29 dekabr 2022-ci il tarixli icra sənədinə əsasən ondan bir uşağın saxlanılması üçün hər ay 150 manat sabit pul məbləğində aliment alınaraq uşağın anası Zərərçəkmiş şəxs verilməlidir. İcra sənədi üzrə aliment borcunu maddi imkanı zəif olduğundan heç bir ödəniş etməmiş, nəticədə icra sənədi üzrə 1200 manat aliment borcu yaranmışdır. İcra məmuru tərəfindən rayon İcra şöbəsinə dəvət olunmuş, icra şöbəsinə gəlmiş və icra məmuru tərəfindən ona hüquq və vəzifələri izah olunaraq aliment borcunu ödəməsi üçün 10 gün vaxt verilmiş, lakin ona verilmiş vaxt ərzində aliment borcundan heç bir ödəniş etməmişdir. Gündəlik fərdi işlərlə məşğul olur, qazancını özünün dolanışığına sərf edir. Hazırda icra sənədi üzrə aliment borcunu ödəyə bilmir. Ona vaxt verilərsə icra sənədi üzrə alimenti gələcəkdə alimentlə birlikdə hissə-hissə ödəyəcəkdir. Göstərilənlərin nəzərə alınmasını və barəsində qanuni qərar qəbul edilməsini məhkəmədən xahiş etdi. Beyləqan rayon İcra və Probasiya Şöbəsinin İcra və Probasiya şöbəsinin icra məmuru X2 məhkəmə iclasında izahat verərək göstərdi ki, Zəngilan rayon məhkəməsinin 2(034)- 491/2022 saylı, 29 dekabr 2022-ci il tarixli icra sənədinə əsasən Şəxs bir uşağın saxlanılması üçün hər ay 150 manat sabit pul məbləğində aliment alınaraq uşağın anası Zərərçəkmiş şəxs verilməlidir. Şəxs barəsində icra sənədi üzrə icra tədbirləri görülməsinə baxmayaraq bugünədək icra sənədi üzrə alimentdən heç bir ödəniş etməmiş, nəticədə icra sənədi üzrə 1200 manat aliment borcu yaranmışdır. «İcra haqqında» Azərbaycan Respublikası Qanununun 8.2-ci maddəsinin tələbinə əsasən tələbin könüllü icrası haqqında borclu Şəxs icra məmurunun bildirişi göndərilmişdir. Şəxs icra şöbəsinə gəlmiş və ona hüquq və vəzifələri izah olunaraq icra sənədi üzrə alimenti ödəməsi tələb olunmuşdur. Şəxs icra şöbəsində izahat verərək aliment ödəmək üçün maddi imkanının olmadığını bildirmişdir. Ona görə də Şəxs inzibati qaydada həbs edilməsi barədə qərar çıxarılmasını xahiş etdi. İşdə olan Zəngilan rayon məhkəməsinin 2(034)-491/2022 saylı, 29 dekabr 2022-ci il tarixli icra sənədinə əsasən Şəxs bir uşağın saxlanılması üçün hər ay 150 manat sabit pul məbləğində aliment alınaraq uşağın anası Zərərçəkmiş şəxs verilməlidir. Məhkəmə iclasında araşdırılmış sübutlarla Şəxs icra sənədi üzrə olan borclarını üzrsüz səbəbdən icra etməməsi və bununla əlaqədar icra məmurunun qanuni tələblərini yerinə yetirməməsi kifayət qədər sübuta yetirilmişdir. Onun həmin hərəkətlərində Azərbaycan Respublikası İXM-nin 528.1-ci maddəsinin tərkibi vardır. Ona görə də, Şəxs İXM-nin 528.1-ci maddəsi ilə təqsirli bilinərək inzibati məsuliyyətə cəlb edilməlidir. Azərbaycan Respublikası İXM-nin 21-ci maddəsində deyilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin məcəllənin 31.2 -ci maddəsində deyilir ki, fiziki və vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətinixarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati xəta törədən Şəxs şəxsiyyətini, törətdiyi xətanın xarakterini və hazırda da borcunu tam olaraq ödəməməsi, tələbkarların borcun ödənilməsində israrlı olmasını, habelə onun icra məmurunun qanuni tələblərini yerinə yetirməməsini nəzərə alıb ona xəta törətdiyi maddənin sanksiyası daxilində inzibati həbs növündə cəza verilməsini məqsədə müvafiq hesab edirəm. Göstərilənlərə əsasən və Azərbaycan Respublikası İnzibati Xətalar Məcəlləsinin 112, 114, 115 və 117, 128-130-cu maddələrini rəhbər tutaraq məhkəmə adından QƏRARA ALDİM: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta əməlini törətməkdə təqsirli bilinib 10 (on) gün müddətinə inzibati qaydada həbs edilsin. Həbs etmənin əvvəli 30 mart 2023-cü il tarixdən, saat 17:30-dan hesablansın. Qərardadan onun surəti rəsmi qaydada verildiyi vaxtdan 10 gün müddətində Şirvan Apellyasiya Məhkəməsinə şikayət və ya protest verilə bilər. Hakim: Seyfəli Seyfullayev