Beyləqan Rayon Məhkəməsi Qərar — İş №3(020)-518/2024

Azərbaycan Respublikası adından QƏRAR Beyləqan rayon İş № 3(020)-518/2024 03.07.2024 BEYLƏQAN RAYON MƏHKƏMƏSİ Beyləqan rayon məhkəməsinin hakimi Nurullayev Ramiz Vəliş oğlunun sədrliyi, Quliyev Zaur Qulu oğlunun katibliyi, Beyləqan rayon İcra və probasiya şöbəsinin icra məmuru (stajor) X2, Barəsində inzibati xəta haqqında icraat aparılan şəxs Şəxs iştirakı ilə, xx.xx.1985-ci ildə Beyləqan rayonu, Gödəklər kəndində anadan olmuş, Azərbaycan Respublikası vətəndaşı, azərbaycanlı, subay, işsiz, Beyləqan rayonu, Gödəklər kəndində qeydiyyatda olmaqla yaşayan Şəxs barəsində Beyləqan rayon İcra və probasiya şöbəsindən daxil olmuş inzibati xəta haqqında materiala baxaraq, MÜƏYYƏN ETDİM: Beyləqan rayon İcra və probasiya şöbəsindən daxil olmuş inzibati xəta haqqında materialdan görünür ki, Beyləqan rayon məhkəməsinin 2(020)-449/2021 saylı, xx.xx.2021-ci il tarixli icra sənədinə əsasən Şəxs xx.xx.2021-ci ildən başayaraq xx.xx.2011-ci ildə anadan olmuş Qumru, xx.xx.2012-ci ildə anadan olmuş İnci və xx.xx.2015-ci ildə anadan olmuş Cavanşir adlı uşaqlara hər ay sabit pul məbləğində 120 manat olmaqla cəmi 360 manat aliment tutularaq X1 verilməlidir. Şəxs icra sənədini üzürsüz səbəbdən icra etməmiş, bununla əlaqədar icra məmurunun qanuni tələblərini yerinə yetirməmişdir. Barəsində inzibati xəta haqqında protokol tərtib edilmiş şəxs Şəxs özünü təqsirli bildi və məhkəmə iclasında izahat verərək bildirdi ki, barəsində olan icra sənədindən xəbərdardır. İcra sənədi üzrə alimenti hər ay ödəmiş, lakin maddi imkanı aşağı olduğundan icra sənədidə göstərilən alimenti tam ödəmədiyindən icra sənədi üzrə 5455 manat borcu yaranmışdır. Beyləqan rayon İcra şöbəsinin icra məmuru tərəfindən ona məxsus mobil telefona çağırış məktubu göndərilərək icra şöbəsinə dəvət olunmuş, könüllü olaraq icra şöbəsinə gəlmişdir. İcra şöbəsində də izahat verərkən bildirmişdir ki, icra sənədi üzrə alimenti hal-hazırda tam olaraq ödəməyə maddi imkanı çatmır. Ona vaxt verilərsə icra sənədi üzrə göstərilən alimenti ödəyən zaman yaranmış aliment borcundan hər ay hissə-hissə ödəyəcəkdir. Məhkəmənin hökmü ilə ona azadlığın məhdudlaşdırlması cəzası verilmiş, ona qolbaq taxılmışdır. Kənddən kənara çıxa bilmir. Rayonda iş tapa bilmir ona görə də vaxtlı-vaxtında alimenti ödəyə bilməmişdir. Ot yığmaqla əldə etdiyi qazancından aliment ödəməklə yanaşı özünün dolanışığına sərf edir. Barəsində qanuni qərar qəbul edilməsini məhkəmədən xahiş etdi. Beyləqan rayon İcra və probasiya şöbəsinin icra məmuru (stajor) X4 məhkəmə iclasında izahat verərək göstərdi ki, Beyləqan rayon məhkəməsinin 2(020)-449/2021 saylı, xx.xx.2021-ci il tarixli icra sənədinə əsasən Şəxs xx.xx.2021-ci ildən başayaraq xx.xx.2011-ci ildə anadan olmuş Qumru, xx.xx.2012-ci ildə anadan olmuş İnci və xx.xx.2015-ci ildə anadan olmuş Cavanşir adlı uşaqlara hər ay sabit pul məbləğində 120 manat olmaqla cəmi 360 manat aliment tutularaq X1 verilməlidir. Borclu Şəxs icra sənədi üzrə alimentdən əvvəllər azaz ödəniş etmiş, lakin alimenti tam olaraq ödəmədiyindən 5455 manat aliment borcu yaranmışdır. Sonradan isə icra sənədi üzrə borcundan ödənişlər etməmişdir. İcra sənədi üzrə alimenti ödəməsi üçün barəsində qanuni icra tədbirləri görülməsinə baxmayaraq bugünədək icra sənədi üzrə alimentdən heç bir ödəniş etməmişdir. «İcra haqqında» Azərbaycan Respublikası Qanununun 8.2-ci maddəsinin tələbinə əsasən tələbin könüllü icrası haqqında borclu Şəxs icra məmurunun bildirişi göndərilmişdir. Şəxs icra şöbəsində verdiyi izahatında icra sənədi üzrə aliment borcunu ödəmək üçün maddi imkanının olmadığını, ona vaxt verilərsə icra sənədi üzrə aliment borcunu gələcəkdə hər ay alimenti ödədikdə borcundan da hissə-hissə ödəyə biləcəyini bildirmişdir. Tələbkar isə bu cür ödəniş üsulu ilə razılaşmır, aliment borcunun tam olaraq ödənilməsini tələb edir. Ona görə də Şəxs barəsində inzibati xəta haqqında protokol tərtib edərək məhkəməyə vermişdir. İşdə olan Beyləqan rayon məhkəməsinin 2(020)-449/2021 saylı, xx.xx.2021-ci il tarixli icra sənədindən görünür ki, Şəxs xx.xx.2021-ci ildən başayaraq xx.xx.2011-ci ildə anadan olmuş Qumru, xx.xx.2012-ci ildə anadan olmuş İnci və xx.xx.2015-ci ildə anadan olmuş Cavanşir adlı uşaqlara hər ay sabit pul məbləğində 120 manat olmaqla cəmi 360 manat aliment tutularaq X1 verilməlidir. Məhkəmə iclasında araşdırılmış sübutlarla Şəxs icra sənədi üzrə olan aliment borcunu üzrsüz səbəbdən ödəməməsi və bununla əlaqədar icra məmurunun qanuni tələblərini yerinə yetirməməsi kifayət qədər sübuta yetirilmişdir. Ona görə də, Şəxs İXM-nin 528.1-ci maddəsi ilə təqsirli bilinərək inzibati məsuliyyətə cəlb edilməlidir. Azərbaycan Respublikası İXM-nin 21-ci maddəsində deyilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2 -ci maddəsində deyilir ki, fiziki və vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətinixarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati xəta törədən Şəxs şəxsiyyətini, törətdiyi xətanın xarakterini və hazırda da aliment borcunu ödəməməsi, tələbkarın borcun ödənilməsində israrlı olmasını, habelə onun icra məmurunun qanuni tələblərini yerinə yetirməməsini nəzərə alıb ona xəta törətdiyi maddənin sanksiyası daxilində inzibati həbs növündə cəza verilməsini məqsədə müvafiq hesab edirəm. Göstərilənlərə əsasən və Azərbaycan Respublikası İnzibati Xətalar Məcəlləsinin 112, 114, 115 və 117, 128-130-cu maddələrini rəhbər tutaraq məhkəmə adından QƏRARA ALDİM: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş xəta əməlini törətməkdə təqsirli bilinib 10 (on) gün müddətinə inzibati qaydada həbs edilsin. Həbs etmənin əvvəli 03 iyul 2024-cü il tarixdən, saat 16:30-dan hesablansın. Qərardadan onun surəti rəsmi qaydada verildiyi vaxtdan 10 gün müddətində Şirvan Apellyasiya Məhkəməsinə şikayət və ya protest verilə bilər. Hakim Ramiz Nurullayev