Beyləqan Rayon Məhkəməsi Qərar — İş №3(020)-519/2025

Azərbaycan Respublikası adından QƏRAR Beyləqan rayon İş № 3(020)-519/2025 26.09.2025 BEYLƏQAN RAYON MƏHKƏMƏSİ Beyləqan Rayon Məhkəməsinin hakimi Səfərov Səbuhi Əlifağa oğlu sədrliyi, Bərşadlı Məmmədşah Elburus oğlunun katibliyi ilə, Barəsində inzibati xəta haqqında icraat aparılan şəxs Şəxs barəsində Azərbaycan Respublikasının İnzibati Xətalar Məcəlləsinin (bundan sonra - İXM-in) 529.3-cü maddəsi ilə İmişli rayon Polis şöbəsi tərəfindən başlanılaraq, aidiyyəti üzrə Beyləqan Rayon Məhkəməsinə göndərilmiş inzibati xəta haqqında protokola və əlavə edilmiş materiala məhkəmənin binasında açıq məhkəmə iclasında baxaraq, məhkəmə M Ü Ə Y Y Ə N E T D İ: İmişli rayon Polis şöbəsindən daxil olmuş 26 iyun 2025-ci il tarixli, İXP seriyalı, ******* nömrəli inzibati xəta haqqında protokolda göstərilmişdir ki, Şəxs 11 oktyabr 2024-cü il tarixdə “Renault Megane” markalı, ** CB *** dövlət qeydiyyat nişanlı avtomobillə hərəkətdə olarkən, yol hərəkəti qaydaları əleyhinə olan inzibati xətanı törətməsinə görə barəsində İnzibati Xətalar Məcəlləsinin 346.4 və 332.3-cü maddələri ilə inzibati xəta haqqında iş üzrə icraat başlanılmış və 400 manat məbləğində cərimə cəzası tətbiq edilmişdir. Şəxs 11 oktyabr 2024-cü il tarixli qərarla barəsində tətbiq edilmiş cərimə cəzasını qərar qanuni qüvvəyə mindiyi gündən 3 ay müddətinə icra etməmişdir. Barəsində inzibati xəta haqqında icraat aparılan şəxs Şəxs və İmişli rayon Polis şöbəsindən inzibati xəta haqqında işə baxılmanın vaxtı və yeri barədə qanunla müəyyən olunmuş qaydada məlumat verilmiş, lakin proses iştirakçıları məhkəməyə gəlməmiş, məhkəməyə işə baxılmanın təxirə salınması haqqında vəsatətlə müraciət edilməmişdir. Məhkəmə, İXM-in 112.1.4-cü maddəsinə əsasən proses iştirakçılarının iştirakı olmadan işə baxılmanı mümkün hesab etmişdir. İş materiallarında olan və məhkəmə baxışında tədqiq olunmuş: Azərbaycan Respublikası Daxili İşlər Nazirliyinin DYP Portal çıxarışından və 11 oktyabr 2024-cü il tarixli, EQ24109634 nömrəli inzibati xəta haqqında protokol əsasında qəbul edilmiş qərardan görünür ki, Şəxs idarə etdiyi “Renault Megane” minik markalı, ** CB *** dövlət qeydiyyat nömrəli nəqliyyat vasitəsi ilə Azərbaycan Respublikası İnzibati Xətalar Məcəlləsinin 346.4 və 332.3-cü maddələri ilə səlahiyyətli orqan tərəfindən 400 ( dörd yüz) manat məbləğində cərimə edilmişdir. Azərbaycan Respublikası DİN Baş Dövlət Yol Polisi İdarəsinin “Mərkəzi məlumat bazası”ndan çıxarışdan görünür ki, Şəxs barəsində qəbul edilmiş 11 oktyabr 2024-cü il tarixli inzibati xəta haqqında protokolla təyin olunmuş 400 (dörd yüz) manat cərimə məbləğinin üzərində 240 (iki yüz qırx) manat dəbbə pulu hesablanaraq, ümumilikdə cərimə borcu 640 (altı yüz qırx) manat təşkil edir. “AsanPay” ödəniş sistemindən çıxarılmış çıxarışdan görünür ki, Şəxs 11 oktyabr 2024cü il tarixli, EQ24109634 nömrəli qərar üzrə 400 manat inzibati cəriməni və hesablanmış 240 manat dəbbə pulunu ödəməmişdir. Göründüyü kimi, Şəxs barəsində çıxarılmış inzibati tənbeh tətbiq etmə haqqında qərarla ona təyin edilmiş cəriməni həmin qərar qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan ödəmədiyi üçün İXM-in 529.3-cü maddəsində nəzərdə tutulan inzibati xətanı törətmişdir. İXM-in 529.3-cü maddəsinə əsasən, yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə şəxsin nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmədə işə baxılarkən M.Ə.Mehtiyevəməlində İXM-in 32-ci maddəsinə əsasən onun məsuliyyətini yüngülləşdirən və həmin Məcəllənin 33-cü maddəsinə əsasən məsuliyyətini ağırlaşdıran hallar müəyyən edilməmişdir. Məhkəmə, barəsində icraat aparılan Şəxs inzibati tənbeh növünü tətbiq edərkən inzibati xətanın xarakterini, onunşəxsiyyətini xarakterizə edən halları, onun məsuliyyətini yüngülləşdirən və ağırlaşdıran halların olmamasını, eləcə də onun təqsirinin dərəcəsini nəzərə alır. İXM-in 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Göstərilənləri nəzərə alaraq məhkəmə, Şəxs İXM-in 529.3-cü maddəsinin sanksiyasında nəzərdə tutulmuş nəqliyyat vasitəsini idarə etmək hüququnun məhdudlaşdırılmasını məqsədə müvafiq hesab edir. Göstərilənlərə əsasən və İXM-in 40, 43, 45-48, 114, 119-121-ci maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikasının İnzibati Xətalar Məcəlləsinin 529.3-cü maddəsində nəzərdə tutulmuş inzibati xətanı törətməkdə təqsirli bilinsin, onun nəqliyyat vasitələrini idarə etmək hüququ 6 (altı) ay müddətinə məhdudlaşdırılsın. Qərarın surəti barəsində inzibati xəta haqqında icraat aparılan şəxsə və Beyləqan rayon Polis şöbəsinə göndərilsin. Qərardan onun surəti tərəflərə rəsmi qaydada verildiyi vaxtdan 10 (on) gün müddətinə Şirvan Apellyasiya Məhkəməsinə apelyasiya şikayəti verilə bilər. Sədrlik edən: Səbuhi Səfərov