Beyləqan Rayon Məhkəməsi Qərar — İş №3(020)-535/2024

Azərbaycan Respublikası adından QƏRAR Beyləqan rayon İş № 3(020)-535/2024 25.07.2024 BEYLƏQAN RAYON MƏHKƏMƏSİ Hakim Cabbarlı Xatın Mahir qızının sədrliyi, Xankişiyev Tural Şahsuvar oğlunun katibliyi, İnzibati xəta haqqında protokolu tərtib etmiş şəxs Beyləqan rayon PŞ-nin İTB-nin polis sahə rəisi polis kapitanı X5, Zərərçəkmiş şəxs X3, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1966-cı il tarixdə Beyləqan rayonu Dünyamalılar kəndində anadan olmuş, Azərbaycan Respublikasının vətəndaşı, evli, orta təhsilli, işsiz, Beyləqan rayonu Dünyamalılar kəndində qeydiyyatda olmaqla yaşayan, Şəxs Azərbaycan Respublikasının İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməsinə dair materiala açıq məhkəmə iclasında baxaraq, məhkəmə MÜƏYYƏN ETDİ: İnzibati xəta haqqında materialdan görünür ki, Şəxs xx.xx.2024-cü il tarixdə, gecə saat 01 radələrində Beyləqan rayonu Dünyamalılar kəndində küçədə X11 ilə şəxsi münasibətləri zəmnində mübahisə etmiş və mübahisə zamanı X6 döymüşdür. Qeyd olunanlara əsasən Beyləqan rayon PŞ-nin İTB-nin polis sahə rəisi polis kapitanı X12 tərəfindən Şəxs barəsində xx.xx.2024-cü il tarixli, MN ******* nömrəli inzibati xəta haqqında protokol tərtib edilmiş və həmin protokola baxılması üçün iş materialları ilə birlikdə aidiyyəti üzrə Beyləqan Rayon Məhkəməsinə göndərilmişdir. Məhkəmə iclasında iştirak edən inzibati xəta haqqında protokol tərtib etmiş Beyləqan rayon PŞ-nin İTB-nin polis sahə rəisi polis kapitanı X12 izahat verərək bildirmişdir ki, xx.xx.2024-cü il tarixdə Beyləqan rayonu Dünyamalılar kənd sakini X1 rayon PŞ-nə ərizə ilə müraciət edərək, xx.xx.2024-cü il tarixdə gecə saat 01 radələrində əmisi Şəxs onu döyməsini bildirərək bu barədə araşdırma aparılmasını xahiş etmişdir. Müraciətlə bağlı Beyləqa rayon PŞ-nin TB-nin təhqiqatçısı kapitanı X13 tərəfindən araşdırma aparılmış və Şəxs əməlində cinayət tərkibi olmadığına görə cinayət işinin başlanmasının rədd edilməsi haqqında 18 iyun 2024-cü il tarixli qərar qəbul edilmişdir. Həmin qərar Şəxs barəsində İXM-in 157-ci maddəsi ilə inzibati araşdırma aparılması üçün bölmənin aidiyyatı əməkdaşı kimi ona göndərilmişdir. Bu səbəbdən, Şəxs əməlində İXM-in 157-ci maddəsində nəzərdə tutulan inzibati xətanın əlamətləri olduğundan barəsində inzibati xəta haqqında iş üzrə icraatın başlanılması qərara alınmış və onun barəsində AR İXM- nin 157-ci maddəsi ilə inzibati xəta haqqında protokol tərtib edilmişdir. Odur ki, məhkəmədən Şəxs inzibati qaydada məsuliyyətə cəlb olunmasını xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs bildirmişdir ki, zərərçəkmiş şəxs X11 onun qardaşı oğludur. Onunla aralarında bir neçə müddətdir ki, torpaq mübahisələri vardır. Nicat Rəşidovun atası, yəni qardaşı X4 rayonu Dünyamalılar kəndi ərazisində yerləşən 12 ha torpaq sahəsini 2004-cü ildə almış və həmin vaxtdan həmin torpaq sahəsindən istifadə etmişdir. X14 həmin torpaq sahəsini onun adına keçirilməsi ilə əlaqədar razılıq ərizəsi verməməsi ilə əlaqədar aralarında mübahisə yaranmış və buna görə də ondan polisə şikayət etmişdir. xx.xx.2024cü il tarixdə saat 12 radələrində o, bacısı evindən öz evinə gələn zaman kəndin içərisində Nicat Rəşidovla rastlaşmış və Nicata “sənə ayıb olsun məndən niyə haqsız yerə şikayət etmisən” demişdir. Bundan sonra Nicatla arlarında sözlə mübahisə yaranmış Nicatın sərxoş olduğunu başa düşdüyünə görə onunla mübahisə etməmiş və oradan çıxıb getmişdir. Lakin həmin gün gecə saat 01 radələrində Nicat sərxoş vəziyyətdə onun qapısına gəlmiş və nalayiq söyüşlərlə onu təhqir etmişdir. O, Nicat Rəşidova cavab qaytarmış, həmin vaxt Nicat Rəşidov başı ilə onun göz nahiyyəsinə bir zərbə vurmuş, daha sonra təpiklə sağ qoluna və sağ böyrünə vurmuşdur. O, özünü müdafiə etmək məqsədi ilə Nicat Rəşidovun yaxasından tutaraq sinəsindən vuraraq geriyə itələyən zaman Nicat sərxoş vəziyyətdə olduğundan müvazinətini saxlaya bilmədiyi üçün yerə yıxılmışdır. Nicat Rəşidov yerə yıxılan zaman xəsarət almışdır. Hadisəni eşidən kürəkəni X10 onların yanına gələrək onları aralamış və aralarında baş vermiş münaqişə başa çatmışdır. Göstərilənlərin nəzərə alınmasını və ona həbslə bağlı olmayan cəza verilməsini xahiş etmişdir. Məhkəmə iclasında iştirak edən zərərçəkmiş şəxs X11 izahatında bildirmişdir ki, Şəxs onun əmisidir. Aralarında ədavət düşmənçilikləri olmamışdır. Atası Şəxs 2004-cü ildə ailə üzvlərinə məxsus olan Beyləqan rayonu Dünyamalılar kəndində yerləşən 12 ha əkin torpaq onların imzası olmadan əmisi Şəxs satmışdır. Həmin vaxtdan sözügedən torpaq sahəsini Şəxs istifadə etmiş, lakin əmisi Şəxs həmin torpaq sahəsini öz mülkiyyətinə keçirmək üçün onun da razılıq ərizəsi verməli olması ilə əlaqədər aralarında mübahisə yaranmış və bununla əlaqədar o, polisə şikayət etmişdir.xx.xx.2024-cü il tarixdə saat 23 radələrində Dünyamalılar kəndinin içi ilə öz evinə gedən zaman kəndin içərisində əmisi Şəxslə qarşılaşmış və əmisi Şəxs ondan nə üçün polisə şikayət etdiyini soruşaraq ona öz iradını bildirmişdir. Bu zaman əmisi Şəxs ilə aralarında sözlü mübahisələri yaranmışdır. Lakin Şəxs onun əmisi olduğundan və yaşca ondan böyük olduğundan Elxana heç bir söz demədən oradan çıxıb getmişdir. Bundan sonra əmisi Şəxs onun arxasıyca ona söyüş söymüş və buna görə də həmin gün gecə saat 01 radələrində əmisi Elxan Gülalılyevin yaşadığı evə gedərək onu küçədə söyüb təhqir etməsini əmisinə irad bildirmiş və əmisinə ondan yenidən polisə şikayət edəcəyini demişdir. Həmin vaxt əmisi Şəxs onun boğazından tutaraq onu boğmuş və yumruqla sol göz nahiyəsinə bir zərbə vurub onu yerə yıxmışdır. Şəxs əlindən çıxmaq və özündən aralamaq üçün Şəxs sifətinə başı ilə bir zərbə vurmuş və həmin vaxt onların səsinə Elxan Gülalılyevin kürəkəni Ruslan oraya gələrək onları aralamışdır. Bundan sonra aralarında baş vermiş münaqişə başa çatmışdır. X9 barışmamış və onu bağışlamamışdır. Qeyd etdiklərinin nəzərə alınaraq, Şəxs inzibati qaydada məsuliyyətə cəlb edilməsini xahiş etmişdir. İnzibati xəta haqqında işə əlavə edilmiş, Beyləqan RPŞ-nin təhqiqat bölməsinin təhqiqatçısı tərəfindən qəbul edilmiş 18 iyun 2024-cü il tarixli, “cinayət işi başlanmasının rədd edilməsi haqqında” qərardan görünür ki, Beyləqan rayon Polis şöbəsinin təhqiqat bölməsinin təhqiqatçısı, polis kapitanı X13 tərəfindən baş vermiş hadisə ilə bağlı araşdırma aparılmış, araşdırma zamanı toplanmış materialda həmin fakt üzrə Azərbaycan Respublkası CPM-nin 39.1.2-ci maddəsinin tələblərinə əsasən Şəxs həmin hərəkətlərində Azərbaycan Respublikası İXM-nin 157-ci maddəsinin əlamətləri olduğundan barəsində həmin maddə ilə tədbir görülməsi üçün qərarın sürəti Beyləqan rayon PŞ-nin İTB-nə göndərilmişdir. İş materiallarında olan Azərbaycan Respublikası SN-nin MTE və PA Birliyinin Beyləqan rayonlararası zona mərkəzinin eksperti Fazil Bayramov tərəfindən X3 adına verilmiş 13 iyun 2024-cü il tarixli, 432/2024 saylı ekspert rəyindən görünür ki, müayinə zamanı 1991-ci il təvəllüdlü X2 said nahiyəsində sıyrıq aşkar olunmuşdur. Qeyd olunan xəsarət bərk küt əşyanın təsirindən törənmişdir, müayinə olunanın göstərdiyi müddətdə və şəraitdə əmələ gələ bilərdi və sağlamlığa zərər vurmayan xəsarət olduğu üçün dərəcəsi təyin edilmir. Toplanmış araşdırma materialları və MTE və PA birliyinin Beyləqan rayon şöbəsinin ekspert rəyi, eləcə də zərərçəkmiş şəxs X3 izahatı ilə müəyyən olunmuşdur ki, Şəxs aralarında olan mübahisə zamanı qardaşı oğlu X7 fiziki zor tətbiq edərək ona dərəcəsi təyin olunmayan bədən xəsarəti yetirməklə döymüşdür. Bu əməlləri ilə Şəxs Azərbaycan Respublikası İXM-nin 157-ci maddəsində nəzərdə tutulan inzibati xəta əməlini törətmişdir. Ona görə də o, həmin maddə ilə təqsirli bilinib inzibati məsuliyyətə cəlb edilməlidir. İşin məhkəmə iclasında araşdırılmış halları ilə hadisə zamanı Şəxs Nicat Rəşidovu döyməsi kifayət qədər sübuta yetmişdir. Həmçinin təhqiqatçı tərəfindən Şəxs hərəkətlərində Azərbaycan Respublikası İXM-nin 157-ci maddəsinin tərkibi olmasına dair qərar qəbul edilmişdir. Lakin Şəxs həmin qərarı mübahisələndirməmiş, qərardan şikayət verməmişdir. Həmin qərar qüvvədə olmaqla hazırda ondan şikayət vermə müddəti başa çatmışdır. Şəxs Nicat Rəşidovu döyməməsi barədə məhkəməyə verdiyi izahatı özünü müdafiə xarakteri dayışır. Məhkəmə proses iştirakçılarının izahatlarını dinləyərək və inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsi tam sübuta yetirilir. Belə ki, iş materiallarında olan MN seriyalı, ******* nömrəli inzbati xəta haqqında protokoldan görünür ki, Şəxs xx.xx.2024-cü il tarixdə, gecə saat 01 radələrində Beyləqan rayonu Dünyamalılar kəndində küçədə qardaşı oğlu X6 döymüşdür. Beləliklə, məhkəmə iclasında toplanmış və tədqiq edilmiş obyektiv sübutların məcmusu, zərərçəkmiş şəxsin və polis əməkdaşının izahatları, inzibati xəta haqqında protokol, ekspert rəyi və digər iş materialları ilə Şəxs zərərçəkmiş şəxsi döyərək qəsdən fiziki ağrı və dərəcəsi təyin edilməyən xəsarətlər yetirməsi sübuta yetirilmişdir. Onun əməli məhkəmə tərəfindən Azərbaycan Respublikasının İnzibati Xətalar Məcəlləsinin 157-ci maddəsi ilə tövsif edilməli və həmin maddənin sanksiyası həddində onun barəsində inzibati tənbeh tədbiri tətbiq edilməlidir. Qeyd edilən əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Məhkəmə barəsində inzibati xəta haqqında iş üzrə icaat aparılan şəxsə inzibati tənbeh tətbiq edərkən Azərbaycan Respublikasının İnzibati Xətalar Məcəlləsinin aşağıdakı prinsip və müddəalarını rəhbər tutur. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9-cu maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Beləliklə, Şəxs Azərbaycan Respublikası İXM-nin 157-ci maddəsi ilə nəzərdə tutulan inzibati xətanı törətməsi işdə olan sübutlarla tam sübuta yetirilmişdir. Azərbaycan Respublikasının İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmədə Azərbaycan Respublikasının İnzibati Xətalar Məcəlləsinin 32-ci maddəsinə əsasən məsuliyyətini yüngülləşdirən və İnzibati Xətalar Məcəlləsinin 33-cü maddəsinə əsasən Şəxs məsuliyyətini ağırlaşdıran hal müəyyən edilməmişdir. Qeyd olunanları nəzərə almaqla məhkəmə, barəsində inzibati xəta haqqında iş üzrə icraat aparılan şəxsə inzibati tənbeh tətbiq etmə məsələsini müzakirə edib, törədilmiş xətanın xarakterini və hallarını, inzibati xəta törədən şəxsin şəxsiyyətini xarakretizə edən halları, onun təqsirinin dərəcəsini və tətbiq olunacaq inzibati tənbehin şəxsin islah olunmasına təsirini nəzərə alaraq, belə nəticəyə gəlir ki, inzibati tənbehin məqsədi Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş cərimə növündə inzibati tənbeh tədbiri tətbiq olunduğu təqdirdə təmin edilə bilər və ona cərimə növündə inzibati tənbeh tədbiri tətbiq edilməsi qanuni və ədalətli olmaqla yanaşı, həm də inzibati tənbehin məqsədinə uyğundur. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114-cü maddəsini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 157-ci maddəsi ilə nəzərdə tutulmuş inzibati xəta əməlini törətməkdə təqsirli bilinib 300 (üç yüz) manat məbləğində cərimə edilsin. Qərarın surəti tərəfə təqdim edildiyi və ya alındığı gündən 10 (on) gün müddətində Şirvan Apellyasiya Məhkəməsinə apelyasiya şikayəti verilə bilər. Hakim: Xatın Cabbarlı