Beyləqan Rayon Məhkəməsi Qərar — İş №3(020)-555/2025

Azərbaycan Respublikası adından QƏRAR Beyləqan rayon İş № 3(020)-555/2025 01.09.2025 BEYLƏQAN RAYON MƏHKƏMƏSİ Bеyləqаn Rayon Məhkəməsinin hakimi Səfərоv Səbuhi Əlifаğа oğlunun sədrliyi, məhkəmə iclasının katibi X1, barəsində inzibati xəta haqqında iş üzrə icraat aparılan şəxs Şəxs, müdafiəçi – Beyləqan rayon Vəkil Bürosunun vəkili X4, inzibati xəta haqqında protokol tərtib etmiş səlahiyyətli orqan – Bеyləqаn rayon İcra və Probasiya şöbəsinin rəisi X5 iştirakları ilə, xx xxxxxx 1987-ci il tarixdə Füzuli rаyоnunda doğulmuş, Azərbaycan Respublikasının vətəndaşı, evli, işsiz, Beyləqan şəhəri, X6 küçəsi ev 14 ünvanında qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin (bundan sonra - Azərbaycan Respublikası İXM) 528.1-ci maddəsində nəzərdə tutulmuş inzibati xətanı törətməsi ilə bağlı Bеyləqаn rayon İcra və Probasiya şöbəsi tərəfindən tərtib edilmiş 28 avqust 2025-ci il tarixli, MN seriyalı, ******* nömrəli inzibati xəta haqqında protokol və ona əlavə edilmiş digər sənədlərdən ibarət inzibati xəta haqqında icraat materiallarına Bеyləqаn Rayon Məhkəməsinin inzibati binasında açıq məhkəmə baxışı iclasında baxaraq, məhkəmə M Ü Ə Y Y Ə N E T D İ: Borclu Şəxs (bundan sonra borclu) Beyləqan Rayon Məhkəməsinin 30 iyun 2025-ci il tarixli, 16(020)-25/2025 saylı icra sənədi üzrə tələbkar X2 (bundan sonra tələbkar) xeyrinə 2016 (iki min on altı) mаnаt məbləğində olan aliment borcunu ödəməməklə, həmin icra sənədindəki tələbi icra məmuru tərəfindən lazımi qaydada xəbərdarlıq edilməsinə baxmayaraq, üzrsüz səbəbdən icra etməmişdir. Buna görə də Beyləqan RİPŞ-nin rəis X7 tərəfindən borclunun Azərbaycan Respublikası İXM-in 528.1-ci maddəsində nəzərdə tutulmuş inzibati xətanı törətməsi ilə bağlı tərtib edilmiş 28 avqust 2025-ci il tarixli, MN seriyalı, ******* nömrəli inzibati xəta haqqında protokol toplanmış digər sənədlərdən ibarət inzibati xəta haqqında icraat materialları ilə birlikdə baxılması üçün Beyləqan Rayon Məhkəməsinə göndərilmişdir. Məhkəmə iclasında iştirak etmiş A.Ə.Quliyev verdiyi izahatında göstərmişdir ki, Beyləqan rayon Məhkəməsinin 30 iyun 2025-ci il tarixli, 16(020)-25/2025 saylı icra sənədi üzrə tələbkar X2 xeyrinə 2016 mаnаt məbləğində pul vəsaiti borclu Şəxs tutularaq ödənilməlidir. O, həmin icra sənədi üzrə 04 iyul 2025-ci il tarixdə icraata başlamaq haqqında qərar qəbul etmiş, qərarın surəti və tələbin könüllü icrası haqqında bildirişi borclunun yaşadığı ünvana göndərmişdir. Lakin, borclu qeyd olunan məbləğdən hər hansı bir formada ödəniş etməmişdir. Hazırda borclunun tələbkara olan borcu cəmi 2016 manat təşkil edir. Borcunu ödəməsi ilə əlaqədar borclu Beyləqan RİPŞ-yə dəvət edilsə də gəlməmiş və yaşadığı ünvanda aşkar edilməmişdir. Hazırda tələbkar borcludan borcunu birdəfəlik tam həcmdə ödəməsini tələb edir. Göstərdiklərinə əsasən borclu onun həmin icra sənədinin icrası ilə əlaqədar etdiyi qanuni tələblərini yerinə yetirməmişdir. Buna görə də 28 avqust 2025-ci il tarixdə borclu barəsində Azərbaycan Respublikası İXM-in 528.1-ci maddəsi ilə inzibati xəta haqqında protokol tərtib etmişdir. Həmin protokolu müdafiə etmiş və təmin olunmasını xahiş etmişdir. Məhkəmə iclasının yeri və vaxtı barədə barəsində inzibati xəta haqqında iş üzrə icraat aparılan şəxs Şəxs məlumat verilsə də, o, məhkəmə iclasına gəlməmiş və gəlməməsi barədə heç bir məlumat verməmişdir. Məhkəmə iclasında iştirak etmiş barəsində inzibati xəta haqqında iş üzrə icraat aparılan şəxsin müdafiəçisi X4 müdafiə etdiyi şəxsin mobil telefon vasitəsilə ona ödənilməli olan aliment məbləğini ödəmək məqsədilə pul tapmaq üçün Bakı şəhərinə getdiyini qeyd edərək, təqdimat üzrə icraata xitam verilməsini xahiş etmişdir. Azərbaycan Respublikası İXM-in 528.1-ci maddəsinə əsasən icra sənədindəki tələbin icra məmuru tərəfindən müəyyən olunmuş müddətdə üzrsüz səbəbdən icra edilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. Məhkəmə iş materiallarına əlavə edilmiş müvafiq sənədlərin surətləri əsasında 28 avqust 2025-ci il tarixli, MN seriyalı, ******* nömrəli inzibati xəta haqqında protokolda və onu tərtib etmiş Beyləqan RİPŞ-nin rəisi A.Ə.Quliyev məhkəmə iclasında verdiyi izahatında göstərilmiş işin faktiki hallarının iş materiallarında eyni məzmunda öz əksini tapdığını, xüsusilə də işin faktiki hallarının yuxarıda göstərilmiş məzmunda olduğunu müəyyən edir. Beləliklə, məhkəmə iş üzrə əhəmiyyət kəsb edən bütün halları hərtərəfli, tam və obyektiv araşdırıb, işə aid biri digərinə kifayət qədər uyğun gələn mümkün və mötəbər sübutların məcmusuna əsaslanaraq hesab edir ki, Şəxs iş üzrə məhkəmənin müəyyən etdiyi əməli törətməsi: - iş materiallarında olan sənədlərlə və işin faktiki halları ilə tam sübuta yetirilmişdir. Azərbaycan Respublikası İXM-in 528.1-ci maddəsində nəzərdə tutulmuş inzibati xətanın tərkib əlamətlərini yaratmışdır. Buna görə də Şəxs həmin maddədə nəzərdə tutulmuş inzibati xətanı törətməkdə təqsirli bilinməlidir. Məhkəmə Şəxs məsuliyyətini yüngülləşdirən və ağırlaşdıran hal müəyyən etməmişdir. Məhkəmə Azərbaycan Respublikası İXM-in 31.2-ci maddəsinə əsasən Şəxs törətdiyi inzibati xətanın xarakterini, onun qeyd olunan borc məbləğinin uzun müddət öncədən yaranmasına baxmayaraq, ödəməyə çalışmamasını, əksinə yayınmasını, Beyləqan rayon İcra və Probasiya şöbəsinə gəlməməsini, həmçinin təqsirinin dərəcəsi, əmlak vəziyyəti, məsuliyyətini yüngülləşdirən və ağırlaşdıran halın olmamasını nəzərə alaraq hesab edir ki, həmin Məcəllənin 21-ci maddəsində göstərilmiş məqsədlərin təmin edilməsi üçün onun barəsində 8 (səkkiz) gün müddətə inzibati həbs tənbeh tədbiri tətbiq edilməsi zəruridir. Məhkəmə şərh olunanlara əsasən, Azərbaycan Respublikası İXM-in 40, 43, 114.1.1, 115, 117 və 128-130-cu maddələrini rəhbər tutaraq, QƏRARA A L D İ: Şəxs Azərbaycan Respublikası İXM-in 528.1-ci maddəsində nəzərdə tutulmuş inzibati xətanı törətməkdə təqsirli bilinsin. Onun barəsində 8 (səkkiz) gün müddətinə inzibati həbs tənbeh tədbiri tətbiq edilsin. Həbsetmənin əvvəli azadlığının faktiki məhdudlaşdırıldığı vaxtdan hesablansın. Qərar dərhal icra olunsun. Qərarın icrası Bеyləqаn rayon Polis şöbəsinin müvəqqəti saxlama yerinə həvalə olunsun. Qərardan rəsmi qaydada verildiyi gündən 10 (on) gün müddətində Bеyləqаn Rayon Məhkəməsi vasitəsi ilə Şirvan Apelyasiya Məhkəməsinə şikayət və ya protest verilə bilər. Sədrlik edən: Səbuhi Səfərоv