Beyləqan Rayon Məhkəməsi Qərar — İş №3(020)-606/2025

Azərbaycan Respublikası adından QƏRAR Beyləqan rayon İş № 3(020)-606/2025 24.09.2025 BEYLƏQAN RAYON MƏHKƏMƏSİ Mən, Beyləqan Rayon Məhkəməsinin hakimi Səfərov Səbuhi Əlifağa oğlu, Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta törətməsinə dair daxil olmuş inzibati xəta haqqında materiala baxaraq, M Ü Ə Y Y Ə N E T D İ M: Beyləqan Rayon Məhkəməsinin icraatına Beyləqan rayon Polis şöbəsi tərəfindən Şəxs barəsində tərtib edilmiş 27 iyul 2025-ci il tarixli, İXP seriyalı, ******* nömrəli inzibati xəta haqqında protokol daxil olmuşdur. Protokola əsasən, Şəxs 22 yanvar 2025-ci il tarixdə Azərbaycan Respublikası İXMin 339.1-1-ci maddəsi ilə təqsirli bilinib 50 manat cərimə edilmiş, lakin cəriməni qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan ödəməmişdir. Buna görə ona dəbbə pulu hesablanmışdır. Daha sonra Şəxs barəsində 27 iyul 2025-ci il tarixli İXP seriyalı ******* saylı inzibati xəta haqqında protokol tərtib olunmuş və baxılması üçün 19 sentyabr 2025-ci il tarixdə Beyləqan Rayon Məhkəməsinə göndərilmişdir. Məhkəmə inzibati xəta haqqında işin baxılmağa hazırlanması zamanı işin icraatını rədd edən halların mövcudluğunu müəyyən etmişdir. Belə ki, elektron məhkəmə informasiya sistemi vasitəsilə əldə edilmiş məlumatdan görünür ki Şəxs 10 iyun 2025-ci il tarixdə ölmüşdür. Azərbaycan Respublikası İnzibati Xətalar Məcəlləsinin: 53.1 və 53.1.8-ci maddələrinə görə barəsində inzibati xəta haqqında iş üzrə icraat aparılan şəxs öldükdə inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 106.0 və 106.0.4-cü maddələrinə görə hakim, səlahiyyətli orqan (vəzifəli şəxs) inzibati xətalar haqqında işlərə baxarkən işin icraatını rədd edən hallar mövcudluğuna dair məsələləri həll edir. Təsvir edilənlərə əsasən məhkəmə hesab edir ki, Şəxs öldüyündən, bu, işin icraatını rədd edən haldır və buna görə də başlanmış icraata xitam verilməlidir. Azərbaycan Respublikası İnzibati Xətalar Məcəlləsinin 109.1-ci və 109.2-ci maddələrinə görə inzibati xəta haqqında işin baxılmağa hazırlanması zamanı bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Şərh olunanlara əsasən və Azərbaycan Respublikası İnzibati Xətalar Məcəlləsinin 109.2-ci maddəsini rəhbər tutaraq, Q Ə R A R A A L D İ M: Beyləqan rayon Polis şöbəsi tərəfindən Şəxs barəsində tərtib edilmiş 27 iyul 2025ci il tarixli, İXP seriyalı, ******* nömrəli inzibati xəta haqqında protokol üzrə başlanmış icraata xitam verilsin. Qərarın surəti rəsmi qaydada verildiyi gündən 10 (on) gün müddətində həmin qərarı qəbul etmiş hakim vasitəsilə və ya birbaşa apelyasiya instansiyası məhkəməsinə şikayət verilə bilər. Sədrlik edən: Səbuhi Səfərov