Beyləqan Rayon Məhkəməsi Qərar — İş №3(020)-709/2024

Azərbaycan Respublikası adından QƏRAR Beyləqan rayon İş № 3(020)-709/2024 14.11.2024 BEYLƏQAN RAYON MƏHKƏMƏSİ Beyləqan Rayon Məhkəməsinin hakimi Cabbarlı Xatın Mahir qızının sədrliyi, Abbasov Zaur Alı oğlunun katibliyi, Beyləqan Rayon İcra və Probasiya şöbəsinin rəisi vəzifəsini icra edən icra məmuru X11, Barəsində inzibati xəta haqqında protokol tərtib edilmiş şəxs Şəxs iştirakları ilə, xx.xx.1968-ci il tarixdə Beyləqan rayonunda doğulmuş, Azərbaycan Respublikasının vətəndaşı, ailəli, "xxxx" Şirkətinin direktoru vəzifəsində işləyən, Beyləqan rayonu 1-ci Şahsevən kəndində qeydiyyatda olan, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta törətməsi haqqında protokola və ona əlavə olunmuş materiallara açıq məhkəmə iclasında baxaraq, M Ü Ə Y Y Ə N E T D İ: Borclu Şəxs barəsində Beyləqan rayon icra şöbəsinin icra məmuru X16 tərəfindən Azərbaycan Respublikası İnzibati Xətalar Məcəlləsinin 528.1-ci maddəsi ilə 14 noyabr 2024-cü il tarixli, MN saylı ******* nömrəli inzibati xəta haqqında protokol tərtib edilərək baxılması üçün Beyləqan Rayon Məhkəməsinə təqdim edilmişdir. Məhkəmə iclasında inzibati xəta haqqında protokol tərtib etmiş Beyləqan rayon icra şöbəsinin icra məmuru X16 protokolu müdafiə edərək bildirmişdir ki, Abşeron Rayon Məhkəməsinin xx.xx.2021-ci il tarixli, e-2(012)-4862/2021 saylı icra vərəqəsinə əsasən cavabdeh Şəxs xx.xx.2018-ci il tarixli, BL194267 saylı nisyə satış müqaviləsi üzrə 332,96 manat əsas, 33,29 manat cərimə olmaqla cəmi 366,25 manat borc və 20 manat ödənilmiş dövlət rüsumu "xxxx" MMC-nin xeyirinə ödənilməlidir. İcra sənədi üzrə xx.xx.2021-ci il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərilmişdir. Bundan başqa Abşeron Rayon Məhkəməsinin xx.xx.2019-cu il tarixli, 2(012)-2960/2019 saylı icra vərəqəsinə əsasən Şəxs 9800 manat məbləğində pul vəsaiti və 30 manat dövlət rüsumu alınaraq X8 xeyirinə ödənilməlidir. İcra sənədi üzrə xx.xx.2019-cu il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərilmişdir. Həmçinin Bakı şəhəri Binəqədi Rayon Məhkəməsinin xx.xx.2018-ci il tarixli, 2(001)-6422/2018 saylı icra vərəqəsinə əsasən Şəxs 24000 manat əsas borc və 2400 manat məbləğində faiz borcu tutularaq X12 verilməlidir. İcra sənədi üzrə xx.xx.2019-cu il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərilmişdir. Abşeron Rayon 1 saylı Notariat Kontorunun 2605 nömrəli, xx.xx.2022-ci il tarixli icra qeydinə əsasən Şəxs cəmi 146.27 manat məbləğində pul vəsaiti tutularaq "xxxx" MMC-nin xeyirinə ödənilməlidir. İcra qeydi üzrə xx.xx.2022-ci il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərilmişdir. Abşeron Rayon Məhkəməsinin xx.xx.2022-ci il tarixli, e-2(012)-3125/2022 saylı icra vərəqəsinə əsasən Şəxs 9323.10 manat və dövlət rüsumunun əvəzi kimi 123.70 manat pul tutularaq "xxxx" MMC-nin xeyirinə ödənilməlidir. İcra sənədi üzrə xx.xx.2024-cü il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərilmişdir. Bakı şəhəri Binəqədi Rayon Məhkəməsinin xx.xx.2016-cı il tarixli, 2(001)-9364/2016 saylı icra vərəqəsinə əsasən Şəxs 44580 manat pul vəsaiti tutularaq X4, 1000 manat məbləğində pul vəsaiti tutularaq X5, 2450 manat pul vəsaiti tutularaq X10, 7150 manat pul vəsaiti tutularaq X6 xeyirlərinə verilməlidir. İcra sənədi üzrə xx.xx.2016-cı il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərilmişdir. Bakı şəhəri Binəqədi Rayon Məhkəməsinin xx.xx.2018-ci il tarixli, e-2(001)-9315/2018 saylı məhkəmə əmrinə əsasən Şəxs 53.76 manat və 20 manat ödənilmiş dövlət rüsumu tutularaq "xxxx" MMC-nin xeyirinə ödənilməlidir. İcra sənədi üzrə xx.xx.2019-cu il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərilmişdir. Bakı şəhəri, Binəqədi Rayon Məhkəməsinin xx.xx.2007-ci il tarixli, 2(001)- 1304/2007 saylı icra vərəqəsinə əsasən buraxışıl işi 1997-ci il tarixli, ban-st İT B11UJ83V5006127, mühərrik nömrəsi ******* olan “X23” markalı, **-CP-*** dövlət qeydiyyat nömrə nişanlı avtomobil hərrac yolu ilə satılaraq satışdan əldə olunan 9.595 ABŞ dolları ödəniş günündə manata nisbəti Azərbaycan Respublikası Beynəlxalq Bankı Səbail filialının hesabına ödənilməli, qalan məbləğ Şəxs verilməlidir. İcra sənədi üzrə xx.xx.2022-ci il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərmişdir. Bakı şəhəri Binəqədi Rayon Məhkəməsinin xx.xx.2017-ci il tarixli, 2(001)-830/2017 saylı icra vərəqəsinə əsasən ödəniş gününə olan məzənnə üzrə 41700 ABŞ dolları əsas borc və 688 ABŞ dolları faiz borcu olmaqla, cəmi 42388 ABŞ dolları məbləğində pul vəsaiti Azərbaycan manatı ilə Şəxs tutularaq X3 xeyrinə verilməlidir. İcra sənədi üzrə xx.xx.2017-ci il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərilmişdir. Abşeron Rayon Məhkəməsinin xx.xx.2022-ci il tarixli, 2(012)- 1573/2022 saylı icra vərəqəsinə əsasən X7 ilə Şəxs arasında bağlanılmış xx.xx.2014-cü il tarixli, 72/7 saylı icarə müqaviləsinə əsasən Şəxs 26500 manat pul və ödənilmiş dövlət rüsumuna görə 30 manat olmaqla, cəmi 26530 manat pul vəsaiti X1 xeyrinə tutulub verilməsi qət olunmuşdur. İcra sənədi üzrə xx.xx.2022-ci il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərmişdir. Abşeron Rayon Məhkəməsinin xx.xx.2019-cu il tarixli, 2(012)- 3821/2019 saylı icra vərəqəsinə əsasən Şəxs 114000 manat məbləğində borc pul, 7000 manat əsas borcun qanunsuz olaraq saxlanılmasına görə, hüquqi yardıma görə vəkilə ödənilmiş 100 manat və iddia ərizəsinin verilməsinə görə ödənilmiş 30 manat, cəmi 121300 manat pul alınaraq X2 ödənilməlidir. İcra sənədi üzrə xx.xx.2020-ci il tarixdə icraata başlamaq haqqında qərar qəbul edilmiş və tələbin könüllü icrası haqqında borcluya rəsmi qaydada bildiriş göndərilmişdir. Qeyd edilən icra sənədlərinin icrası ilə əlaqədar borclu Şəxs dəfələrlə xəbərdarlıqlar göndərilməsinə baxmayaraq icra sənədləri üzrə borcundan heç bir ödəniş etməmişdir. Borclu İcra Şöbəsinə gəlmiş, izahat verərək, maddi imkanı olmadığı üçün ödəniş etməyəcəyini bildirmişdir. Ona görə də borclu barəsində Azərbaycan Respublikasının İXM-in 528.1-ci maddəsi ilə protokol tərtib olunmuş və baxılması üçün Beyləqan Rayon Məhkəməsinə göndərilmişdir. Məhkəmədə barəsində inzibati xəta haqqında icraat aparılan şəxs Şəxs Azərbaycan Respublikası İnzibati Xətalar Məcəlləsinin 528.1-ci maddəsində özünü təqsirli bilərək izahatında bildirmişdir ki, icra sənədləri üzrə icraata başlama haqqında qərarı və tələbin könüllü icrası haqqında bildirişi rəsmi qaydada almışdır. Lakin maddi imkanı olmadığına görə İcra sənədləri üzrə borclarını ödəyə bilməmişdir. Hazırda icra sənədi üzrə borcunu ödəyə bilmir. 2-ci qrup əlildir. Barəsində qanuni qərar qəbul edilməsini məhkəmədən xahiş etmişdir. Məhkəmə inzibati xəta haqqında işin materiallarını yoxlayıb, inzibati xəta haqqında protokolun dəlillərini araşdırıb, Beyləqan rayon icra şöbəsinin icra məmurunun və barəsində inzibati icraat aparılan şəxsin izahatlarını dinləyərək hesab edir ki, barəsində inzibati xəta haqqında icraat aparılan şəxs Şəxs əməlində inzibati xəta tərkibi olduğundan inzibati məsuliyyətə cəlb edilməlidir. Belə ki, işdə olan və məhkəmə iclasında tədqiq edilmiş: Bakı şəhəri Binəqədi Rayon Məhkəməsinin xx.xx.2007-ci il tarixli, 2(001)-1304/2007 saylı icra vərəqəsinə əsasən buraxlış işi 1997-ci il tarixli, ban İT B11UJ83V5006127, mühərrik nömrəsi ******* olan “X23” markalı, **-CP-*** dövlət qeydiyyat nömrə nişanlı avtomobil hərrac yolu ilə satılaraq satışdan əldə olunan 9.595ABŞ doları ödəniş günündə manata nisbəti Azərbaycan Respublikası Beynəlxalq Bankı Səbail filialının hesabına ödənilməli, qalan məbləğ Şəxs verilməlidir. Bakı şəhəri Binəqədi Rayon Məhkəməsinin xx.xx.2016-cı il tarixli, 2(001)-9364/2016 saylı icra vərəqəsinə əsasən Şəxs 44580 manat pul vəsaiti tutularaq X4, 1000 manat məbləğində pul vəsaiti tutularaq X5, 2450 manat pul vəsaiti tutularaq X9, 7150 manat pul vəsaiti tutularaq X6 xeyrinə verilməlidir. Bakı şəhəri, Binəqədi Rayon Məhkəməsinin xx.xx.2017-ci il tarixli, 2(001)-830/2017 saylı icra vərəqəsinə əsasən ödəniş gününə olan məzənnə üzrə 41700 ABŞ dolları əsas borc 688 ABŞ dolları faiz borcu, cəmi 42388 ABŞ dolları məbləğində pul vəsaiti Azərbaycan manatı ilə Şəxs tutularaq X3 xeyirinə verilməlidir. Bakı Şəhəri Binəqədi Rayon Məhkəməsinin xx.xx.2018-ci il tarixli, 2(001)-6422/2018 saylı icra vərəqəsinə əsasən Şəxs 24000 manat əsas borc və 2400 manat məbləğində faiz borcu tutularaq X12 verilməlidir. Bakı şəhəri Binəqədi Rayon Məhkəməsinin xx.xx.2018-ci il tarixli, e-2(001)- 9315/2018 saylı məhkəmə əmrinə əsasən Şəxs 53,76 manat və 20 manat ödənilmiş dövlət rüsumu tutularaq "xxxx" MMC-nin xeyirinə ödənilməlidir. Abşeron Rayon Məhkəməsinin xx.xx.2019-cu il tarixli, 2(012)-2960/2019 saylı icra vərəqəsinə əsasən Şəxs 9800 manat məbləğində pul vəsaiti və 30 manat dövlət rüsumu alınaraq X8 xeyrinə ödənilməlidir. Abşeron Rayon Məhkəməsinin xx.xx.2019-cu il tarixli, 2(012)-3821/2019 saylı icra vərəqəsinə əsasən Şəxs 114000 manat məbləğində borc pul, 7000 manat əsas borcun qanunsuz olaraq saxlanılmasına görə, hüquqi yardıma görə vəkilə ödənilmiş 100 manat və iddia ərizəsinin verilməsinə görə ödənilmiş 30 manat, cəmi 121300 manat pul alınaraq X2 ödənilməlidir. Abşeron Rayon Məhkəməsinin xx.xx.2021-ci il tarixli, e-2(012)-4862/2021 saylı icra vərəqəsinə əsasən cavabdeh Şəxs xx.xx.2018-ci il tarixli, BL194267 saylı nisyə satış müqaviləsi üzrə 332,96 manat əsas və 33,29 manat cərimə olmaqla, cəmi 366,25 manat borc və 20 manat ödənilmiş dövlət "xxxx" MMC-nin xeyirinə ödənilməlidir. Abşeron Rayon Məhkəməsinin xx.xx.2022-ci il tarixli, 2(012)-1573/2022 saylı icra vərəqəsinə əsasən X7 ilə Şəxs arasında bağlanılmış xx.xx.2014-cü il tarixli, 72/7 saylı icarə müqaviləsinə əsasən Şəxs 26500 manat pul və ödənilmiş dövlət rüsumuna görə 30 manat olmaqla, cəmi 26530 manat pul vəsaiti X1 xeyirinə tutulub verilməsi qət olunmuşdur. Abşeron Rayon 1 saylı Notariat Kontorunun 2605 nömrəli, xx.xx.2022-ci il tarixli icra qeydinə əsasən Şəxs cəmi 146,27 manat məbləğində pul vəsaiti tutularaq "xxxx" MMC-nin xeyirinə ödənilməlidir. Abşeron Rayon Məhkəməsinin xx.xx.2022-ci il tarixli, e-2(012)-3125/2022 saylı icra vərəqəsinə əsasən Şəxs 9323,10 manat və dövlət rüsumunun əvəzi kimi 123.70 manat pul tutularaq "xxxx" MMC-nin xeyrinə ödənilməlidir. İcra sənədləri üzrə icraata başlamaq haqqında qərarlardan və tələbin könüllü icrası haqqında bildirişlərdən görünür ki, yuxarıda sadalanan icra vərəqələri əsasında icraata başlanılmış və icra vərəqələrində göstərilən tələblərin könüllü icrası üçün borclu Şəxs 10 gün vaxt verilmişdir. İcra işində olan xəbərdarlıqlardan görünür ki, borcluya borcunun ödənilməsinə dair xəbərdarlıqlar edilmişdir. Elektron məhkəmə informasiya sistemi vasitəsilə əladə edilmiş məlumatdan görünür ki, Şəxs ikinci qrup əlildir. Azərbaycan Respublikası Konstitusiyasının 129-cu maddəsinin İ və İİ hissələrinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. Məhkəmə qərarlarının icrasının məcburiliyi “Məhkəmələr və hakimlər haqqında” qanunun 5-ci maddəsində də əks olunmuşdur. Həmin maddəyə əsasən məhkəmələr baxılmış işlər üzrə Azərbaycan Respublikası adından qətnamələr, hökmlər, qərardadlar və qərarlar çıxarırlar. Azərbaycan Respublikasının qanunvericiliyi ilə müəyyən edilmiş qaydada qanuni qüvvəyə minmiş bu qərarlar Azərbaycan Respublikası ərazisində bütün fiziki və hüquqi şəxslər tərəfindən mütləq, vaxtında və dəqiq icra olunmalıdır. Qanuni qüvvəyə minmiş məhkəmə qərarlarının icra edilməməsi Azərbaycan Respublikası qanunvericiliyi ilə nəzərdə tutulmuş məsuliyyətə səbəb olur. “İcra haqqında” Qanunun 12-ci maddəsinə görə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. Müstəsna hallarda icra sənədində göstərilən tələblərin icra olunması icra qurumunun rəhbərinin təqdimatı əsasında icra xidmətinin rəhbəri (baş icra məmuru) tərəfindən bir ay müddətinədək uzadıla bilər. Borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi üzrə icraata başladıqdan sonra, icra məmuru icra sənədində göstərilmiş hərəkətlərin borclu tərəfindən könüllü icrası üçün müddət təyin edir. Belə ki, “İcra haqqında” Qanunun 8.2-ci maddəsinə görə icra məmuru icra sənədini aldığı vaxtdan üç gün müddətində icraata başlamaq haqqında qərar qəbul etməlidir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməyibsə, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi göstərilir. Borclu tərəfindən müəyyən olunmuş on günlük müddət ərzində məhkəmə aktı könüllü icra olunmadıqda icra məmuru həmin Qanunun 43.1-ci maddəsində əks olunmuş borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi; tələbin borclunun əmək haqqına, pensiyasına, təqaüdünə və sair gəlirlərinə yönəldilməsi; tələbin borclunun üçüncü şəxslərdə olan pul vəsaitlərinə və digər əmlakına yönəldilməsi; icra sənədində göstərilmiş müəyyən əşyaların borcludan götürülüb tələbkara verilməsi və ya Azərbaycan Respublikasının digər qanunvericilik aktlarına uyğun olaraq icra sənədinin icrasını təmin edən başqa məcburi icra tədbirlərinə müraciət etməlidir. Qanunverici “İcra haqqında” Qanunun 82-ci maddəsində icra sənədi icra edilmədiyi halda inzibati və cinayət məsuliyyətinə cəlb olunmanın xüsusi qaydasını da müəyyən etmişdir. Belə ki, “İcra haqqında” Qanunun 82.1-ci maddəsinə görə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. Həmçinin icra məmuru tərəfindən borcluya icra üçün yeni müddət təyin edilir. Qanunun mənasına görə Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan məsuliyyət o vaxt yaranır ki, borclu məhkəmə qərarının icrası ilə əlaqədar icra məmurunun qanuni tələblərini yerinə yetirməsin və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə məcbur edən icra sənədini üzürsüz səbəbdən icra etməsin. Bu mənada məhkəmə aktlarını icra etməmə yalnız qərəzli olduqda İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta tərkibini yaradır. İcra etməmə o halda qərəzli olur ki, borclunun məhkəmə qərarının icrası üçün faktiki imkanlarının olması müəyyən edildiyi halda, o məhkəmə aktının tələbini icra etmir və ya məhkəmə aktlarının icrasını mümkünsüz etməyə yönələn hərəkətlərini davam etdirir. İşin qərarın təsviri hissəsində təsvir edilmiş hallarından görünür ki Şəxs tərəfindən icra sənədləri üzrə tədbir görülməsinə baxmayaraq icra sənədlərinin icrasını yerinə yetirməmişdir. İcra sənədləri üzrə göstərilən tələblərə əməl etməməsi borclu Şəxs icra sənədlərinin icrasının uzanmasına səbəb olduğunu göstərir. Əks yanaşma Azərbaycan Respublikası Konstitusiyasının 129-cu maddəsinin İ və İİ hissələrində təsbit olunmuş məhkəmənin qəbul etdiyi qərarların icrasının məcburiliyi və icra olunmamasının qanunla müəyyən edilmiş məsuliyyətə səbəb olduğu müddəasının pozulması ilə nəticələnə bilər. Odur ki, məhkəmə iş üzrə toplanmış sübutların və onların məcmusunun tam, hərtərəfli və obyektiv baxılmasına əsaslanmaqla belə nəticəyə gəlir ki, borclu Şəxs Azərbaycan Respublikası İXM-in 528.1-ci maddəsində nəzərdə tutulmuş inzibati xətanın törədilməsində təqsirliliyi iş materiallarında olan sübutlarla tam sübuta yetirilmişdir. Onun əməli düzgün olaraq İXM-in 528.1-ci maddəsi ilə tövsif edilmişdir. Onun hərəkətlərinə münasibətdə əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Odur ki, təqsiri tam sübuta yetirildiyinə görə inzibati məsuliyyətinə cəlb edilməli və tənbeh edilməlidir. Məhkəmə Şəxs inzibati tənbeh təyin etmək məsələsini həll edərkən qanunun aşağıdakı prinsip və müddəalarını rəhbər tutur. Azərbaycan Respublikası İXM-in 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Məhkəmə inzibati tənbeh tətbiq edilərkən xətanın xarakterini, inzibati xəta törədən səxsin şəxsiyyətini, onun təqsirinin dərəcəsini, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs məsuliyyətini yüngülləşdirən hal kimi onun ikinci qrup əlil olmasını müəyyən etmiş, lakin məsuliyyətini ağırlaşdıran hal müəyyən etməmişdir. Məhkəmə Şəxs törətdiyi inzibati xətanın xarakterini, tələbkarın əmlak mənafelərini və icra sənədinin icra olunmamasının tələbkarın qanunla qorunan mənafelərinin və pozulmuş hüquqlarının real müdafiəsi müddətini uzatdığı nəzərə alaraq hesab edir ki, Şəxs inzibati cərimə növündə tənbeh təyin etməklə tənbehin məqsədlərinə nail olmaq olar. Barəsində inzibati icraat aparılan şəxsə inzibati cərimə ilə əlaqədar olmayan həbs tənbehinin təyin edilməsi isə məqsədəmüvafiq deyildir. Yuxarıda göstərilənlərə əsasən və Azərbaycan Respublikası İXM-nin 112, 114, 115 və 117-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İXM-nin 528.1-ci maddəsi ilə nəzərdə tutulmuş inzibati xəta əməlini törətməkdə təqsirli bilinib 500 (beş yüz) manat məbləğində cərimə edilsin. Qərarın surəti təqdim edildiyi və ya alındığı gündən 10 gün müddətində Şirvan Apellyasiya Məhkəməsinə apelyasiya şikayəti və ya protest verilə bilər. Hakim: Xatın Cabbarlı