Beyləqan Rayon Məhkəməsi Qərar — İş №3(020)-86/2024

Azərbaycan Respublikası adından QƏRAR Beyləqan rayon İş № 3(020)-86/2024 09.02.2024 BEYLƏQAN RAYON MƏHKƏMƏSİ Mən, Beyləqan Rayon Məhkəməsinin hakim və sədri vəzifəsini müvəqqəti icra edən Ləzimov Sulduz Paşa oğlunun sədrliyi, Məhkəmə iclas katibi Quliyev Zaur Qulu oğlunun katibliyi ilə xx.xx.1988-ci ildə anadan olmuş, Azərbaycanlı, Azərbaycan Respublikası vətəndaşı, Beyləqan rayon 1-ci Şahsevən kəndində qeydiyyatda olan Şəxs barəsində Bakı Şəhər Qaradağ Rayon Polis İdarəsindən daxil olmuş inzibati xəta haqqında materiala baxaraq Müəyyən etdim: Daxil olmuş inzibati xəta haqqında materialdan görünür ki, Şəxs Azərbaycan Respublikası DİN Bakı Şəhər Qaradağ Rayon Polis İdarəsindən daxil olmuş inzibati xətalar haqqında EQ 16715645 nömrəli, xx.xx.2023-cü il tarixli protokoluna əsasən Azərbaycan Respublikası İXM-nin 327.1-ci və 332.3-cü maddəsi ilə təqsirli bilinərək 300 manat məbləğində cərimə edilmişdir. Lakin Şəxs inzibati cəza növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan ödəməmiş və ödəyəcəyi məbləğə 180 manat dəbbə pulu əlavə edilmişdir. Nəticədə onun ödəyəcəyi məbləğ hazırda dəbbə pulu ilə birlikdə 480 manat təşkil edir. Buna görə də, Şəxs barəsində Azərbaycan Respublikası İXM-nin 529.3-cü maddəsi ilə xx.xx.2023cü il tarixli İXP ******* nömrəli inzibati protokol tərtib etməklə baxılması üçün məhkəməyə göndərilmişdir. İnzibati xəta törətmiş şəxs məhkəmə iclasının vaxtı və yeri barədə lazımi qaydada məlumat verilməsinə baxmayaraq məhkəmə iclasına gəlməmişdir. İş materiallarından görünür ki, Şöbəsindən daxil olmuş inzibati xətalar haqqında EQ 16715645 nömrəli, xx.xx.2023-cü il tarixli protokoluna əsasən Azərbaycan Respublikası İXM-nin 327.1-ci və 332.3-cü maddəsi ilə təqsirli bilinərək 300 manat məbləğində cərimə edilmişdir. Lakin qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan cəriməni ödəməmiş və ödəyəcəyi məbləğə 180 manat dəbbə pulu əlavə edilmişdir. Nəticədə onun ödəyəcəyi məbləğ dəbbə pulu ilə birlikdə 480 manata çatmışdır. Məhkəmə iclası zamanı müəyyən olundu ki, İnzibati xəta törətmiş şəxsin inzibati cəriməsi bu günə kimi ödənilməmiş qalmışdır. İş materiallarını nəzərdən keçirib, Şəxs inzibati cəriməni ödəməməsini əsas tutaraq onun nəqliyyat vasitələrini idarə etmə hüququ Azərbaycan Respublikası İXM-nin 529.3-cü maddəsinin sanksiyasında nəzərdə tutulmuş qaydada 8 (səkkiz) ay müddətinə məhdudlaşdırılmasını məqsədə müvafiq hesab edirəm. Yuxarıda göstərilənlərə əsasən və Azərbaycan Respublikası İXM-nin 112, 114, 115, 117-ci maddələrini rəhbər tutaraq Qərara aldım: Azərbaycan Respublikası İXM-nin 529.3-cü maddəsi ilə təqsirli bilinən, Şəxs nəqliyyat vasitələrini idarə etmə hüququ 8 (səkkiz) ay müddətinə məhdudlaşdırılsın. Qərarın surəti təqdim edildiyi və ya alındığı gündən 10 gün müddətində Şirvan apellyasiya məhkəməsinə şikayət və ya protest verilə bilər. Beyləqan Rayon Məhkəməsinin hakim və sədri vəzifəsini müvəqqəti icra edən: Sulduz Ləzimov.