Beyləqan Rayon Məhkəməsi Qərar — İş №3(020)-92/2024

Azərbaycan Respublikası adından QƏRAR Beyləqan rayon İş № 3(020)-92/2024 30.01.2024 BEYLƏQAN RAYON MƏHKƏMƏSİ Beyləqan rayon məhkəməsinin hakimi Ramiz Vəliş oğlu Nurullayevin sədrliyi, Quliyev Zaur Qulu oğlunun katibliyi, İnzibati xəta əməlini törətmiş şəxs-Şəxs iştirakı ilə, xx.xx.1987-ci ildə Beyləqan rayonu 1-ci Şahsevən kəndində anadan olmuş, Azərbaycan Respublikası vətəndaşı, azərbaycanlı, evli, orta təhsilli, deməsinə görə məhkumluğu olmayan, fərdi əməklə məşğul olan, Beyləqan rayonu 1-ci Şahsevən kəndində qeydiyyatda olan və yaşayan Şəxs. barəsində Beyləqan rayon Polis şöbəsindən daxil olmuş inzibati xəta haqqında materiala baxaraq, M ü ə y y ə n e t d i m: Şəxs xx.xx.2024-cü il tarixdə Beyləqan rayonu 1-ci Şahsevən kəndində yerləşən yaşadığı evdə özünə məxsus bir ədəd 12 kalibirli, “İJ” markalı, bala qundaq nömrəsi A 31597, lülə top nömrəsi ******* olan sənədsiz ov tüfəngini müvafiq icra orqanının icazəsi olmadan saxlama qaydasını pozmuşdur. Bununla da Şəxs Azərbaycan Respublikası İXM-nin 590.2-ci maddəsində nəzərdə tutulan inzibati xəta əməlini törətmişdir. Barəsində inzibati xəta haqqında protokol tərtib edilmiş şəxs Şəxs izahatında göstərdi ki, Beyləqan rayonu 1-ci Şahsevən kəndində qeydiyyatda olmaqla həmin ünvanda yaşayır, xx.xx.2024-cü il tarixdə Beyləqan rayonu 1-ci Şahsevən kəndində yerləşən yaşadığı evdə olan zaman darvazasının döyüldüyünü eşidərək darvazaya çıxmış, onu çağıran şəxslərin polis əməkdaşı olduğunu görmüşdür. Beyləqan rayon PŞ-nin əməkdaşları onda silah olması barədə məlumat daxil olduğunu və ov silahının olub-olmamasını soruşmuşlar.Həmin vaxt o, polis əməkdaşlarına evində olan ov tüfənginin atasından yadigar qaldığını və heç bir sənədlərinin olmadığını bildirmişdir. Ov tüfənginin sənədləri olmadığından ov tüfəngini polis əməkdaşlarına təhvil vermiş, özü də polis əməkdaşları ilə birlikdə rayon PŞ-ə gəlmişdir. Barəsində qanuni qərar qəbul edilməsini xahiş etdi. İş materiallarına əlavə edilmiş Beyləqan rayon PŞ-nin İTB-nin polis sahə rəisi polis baş leytenantı X1 rayon PŞ-nin rəisi Rüstəm Cəfərova ünvanladığı raportdan görünür ki, xx.xx.2024-cü il tarixdə, Beyləqan rayon PŞ-nin İTB-nin polis sahə nəfərləri polis serjantı Elvin Salahov və Yusif Əliyevlə birlikdə rayonun 1-ci Şahsevən kəndi ərazisində xidmətdə olan zaman Beyləqan rayon 1-ci Şahsevən kənd sakini Şəxs ov silahının olduğu barədə məlumat daxil olmuş və Şəxs yaşadığı evə gedərək Şəxs olan ov tüfənginin muvafiq sənədlərini tələb etmişlər. Həmin şəxs onlara ov tüfənginin atasından yadigar qaldığını və heç bir sənədinin olmadığını bildirmişdir. Ona görə də ov silahını saxlama qaydasını pozduğu üçün bir ədəd 12 kalibirli, “İJ” markalı, bala qundaq nömrəsi A 31597, lülə top nömrəsi ******* olan sənədsiz ov tüfəngini və həmin şəxsi rayon polis şöbəsinə gətirmişlər. Beləliklə də Şəxs ov silahını müvafiq icazə sənədləri olmadan saxlaması və daşıması onun özünün etirafı və iş materialları ilə kifayət qədər sübuta yetirilmişdir. Ona görə Şəxs Azərbaycan Respublikası İXM-nin 590.2-ci maddəsi ilə təqsirli bilinib cəzalandırılmalıdır. Azərbaycan Respublikası İXM-nin 21-ci maddəsində deyilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati xəta əməlini törətmiş şəxs Şəxs törətdiyi inzibati xətanın xarakteri, təqsirinin dərəcəsi nəzərə alınmaqla ona törətdiyi maddənin sanksiyası daxilində cərimə təyin edilməli və aşkar edilmiş ov tüfəngi müsadirə edilməlidir. Yuxarıda göstərilənlərə əsasən və Azərbaycan Respublikası İXM-nin 112, 114, 115, 117, 128-130-cu maddələrini rəhbər tutaraq məhkəmə adından Qərara aldım: Şəxs Azərbaycan Respublikası İXM-nin 590.2-ci maddəsi ilə nəzərdə tutulmuş inzibati xəta əməlini törətməkdə təqsirli bilinib bir ədəd 12 kalibirli, “İJ” markalı, bala qundaq nömrəsi A 31597, lülə top nömrəsi ******* olan sənədsiz ov tüfəngi müsadirə edilməklə, 80 (səksən) manat məbləğində inzibati qaydada cərimə edilsin. Qərardan onun surəti rəsmi qaydada verildiyi vaxtdan 10 gün müddətində Şirvan Apellyasiya Məhkəməsinə şikayət və ya protest verilə bilər. Hakim Ramiz Nurullayev