Bərdə Rayon Məhkəməsi Qərar — İş №3(021)-10/2021

Azərbaycan Respublikası adından QƏRAR Bərdə rayonu İş № 3(021)-10/2021 05.01.2021 BƏRDƏ RAYON MƏHKƏMƏSİ Bərdə Rayon Məhkəməsinin hakimi Əbilov Qamət Mehman oğlunun sədrliyi, X4 iclas katibliyi, Bərdə RPŞ-nin İTB-nin polis sahə rəisi polis kapitanı X5, zərərçəkmiş şəxs X1, barəsində inzibati xəta haqqında iş üzrə icraat aparılan şəxs Şəxs iştirаkları ilə, xx.xx.1970-cı il tarixdə Ağdam şəhərində аnаdаn оlmuş, Ağdam şəhər M.Ə.Sabir küçəsi ev 3/2 ünvanında qeydiyyatda olmaqla Bərdə rayon 866 saylı qəsəbədə yaşayan Şəxs oğlunun Azərbaycan Respublikası İnzibati Xətalar Məcəlləsinin 227-ci maddəsi ilə müəyyən olunmuş inzibati xəta törətməsinə dair Bərdə rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, Müəyyən etdi: Bərdə Rayon Polis Şöbəsindən daxil olmuş MN ******* saylı inzibati xəta haqqında protokoldan görünür ki, Şəxs 16.09.2020-ci ildə saat 07:40-da Bərdə şəhər 866 saylı qəsəbə ərazisində “Oba” marketin qarşısındakı bankomatdan X3 məxsus təqaüd kartından 233 manat pulunu etibarından sui istifadə edərək çıxarıb talamışdır. Məhkəmə iclasında Bərdə RPŞ-nin İTB-nin polis sahə rəisi polis kapitanı X7 izahatında bildirdi ki, Şəxs 16.09.2020-ci ildə Bərdə şəhər 866 saylı qəsəbə ərazisində “Oba” marketin qarşısındakı bankomatdan X2 etibarından sui istifadə edərək ona məxsus təqaüd kartından 233 manat pulunu çıxarıb talamışdır. Barəsində inzibati xəta haqqında iş üzrə icraat aparılan şəxs Şəxs oğlu məhkəmə iclasında izahatında bildirdi ki, o, bankomata yaxın yerdə yaşayır və orada dayanaraq vətəndaşların bankomatdan pul çəkməsinə köməklik edir. O, Yeganə Novruzovanın pulunu oğurlamamışdır. Əgər ondan şübhələnirlərsə 2021-ci ilin yanvar ayının sonuna kimi 233 manat pulu X3 ödəyəcəyinə söz verir. O, bu barədə ərizəni məhkəməyə təqdim etdi. Zərərçəkmiş şəxs X6 məhkəmədə izahatında bildirdi ki, bankomatdan pul çəkmək üçün təqaüd kartını Şəxs vermişdir. O, kartı bankomata saldıqda bildirdi ki, kartda pul yoxdur. Lakin sonra məlum oldu ki, həmin məbləğ kartda yoxdur və həmin kartı axırıncı dəfə Şəxs vermişdir. Onun pulunu Şəxs oğurlamışdır. İşdə olan cinayət işi başlanılmasının rədd edilməsi haqqında 24.10.2020-ci il tarixli qərardan görünür ki, material üzrə cinayət işinin başlanılması rədd edilmişdir. Məhkəmə həmçinin qeyd edir ki, materiallarında olan videodiskə baxış zamanı müəyyən olunmuşdur ki, hadisə baş verdiyi tarixlə videodiskdə olan görüntülər üst-üstə düşür. Məhkəmə video diski və Şəxs oğlunun izahatını etiraf kimi qiymətləndirir. Şəxs oğlunun Azərbaycan Respublikası İXM-nin 227-ci maddəsində nəzərdə tutulan inzibati xəta törətməsi özünün etirafı, inzibati xəta törətməsi barədə tərtib olunmuş protokol, Bərdə RPŞ-nin TB-nin cinayət işinin başlanmasının rədd olunması barədə qərarları və həmçinin protokola əlavə edilmiş digər materiallarla təsdiq olunur. Şəxs məsuliyyətini yüngülləşdirən və ağırlaşdıran hallar yoxdur. Məhkəmə hesab edir ki, inzibati tənbehin məqsədlərinə nail olmaq üçün Şəxs oğlunun barəsində daha ciddi inzibati tənbeh hesab edilən həbs tətbiq edilməlidir. Şəxs oğluna inzibati həbs tətbiq etməklə onun qanunlara əməl edilməsi ruhunda tərbiyələndirmək, habelə özü, həm də başqa şəxslər tərəfindən yeni inzibati xəta törədilməsinin qarşısını almaq kimi Azərbaycan Respublikası İXM-nin 21-ci maddəsində nəzərdə tutulan inzibati tənbehin məqsədlərinə nail olmaq mümkündür. Həmin Məcəllənin 31.4-cü maddəsinə görə bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Azərbaycan Respublikası İXM-nin 30.1-ci maddəsinə görə inzibati həbs, yalnız müstəsna hallarda, inzibati xətaların ayrı-ayrı növlərinə görə üç ay müddətinədək hakim tərəfindən tətbiq edilir. Məhkəmə Şəxs oğluna inzibati tənbeh tətbiq edərkən onun törətdiyi xətanın xarakterini, şəxsiyyətini, onun təqsirinin dərəcəsini nəzərə alaraq, hesab edir ki, ona 01 (bir) ay gün inzibati tənbeh- həbs tətbiq edilməlidir. Göstərilənləri və Azərbaycan Respublikası İXM-nin 43,114, 128-130-cu maddələrini rəhbər tutub, Q ə r a r a a l d ı: Şəxs oğlu İXM-in 227-ci mаddəsi ilə təqsirli bilinərək, bаrəsində 01 (bir) ay müddətinə inzibаti tənbeh- həbs tətbiq edilsin. İnzibati həbs haqqında qərar dərhal icra edilsin. İnzibati həbsdə saxlamanın əvvəli 05 yanvar 2021-ci il tаrixdən, saat 11:30–dan hesablansın. Şəxs oğlu Azərbaycan Respublikası Daxil İşlər Nazirliyi tərəfindən müəyyən edilən yerdə mühafizə altında saxlanılsın. Qərarın surəti elan edildiyi və yа аlındığı gündən 10 (оn) gün müddətində Gəncə Apellyasiya Məhkəməsinə şikаyət verilə bilər