Bərdə Rayon Məhkəməsi Qərar — İş №3(021)-1002/2024

Azərbaycan Respublikası adından QƏRAR Bərdə rayonu İş № 3(021)-1002/2024 30.08.2024 BƏRDƏ RAYON MƏHKƏMƏSİ X9 Qasım oğlunun sədrliyi, məhkəmə iclas katibi Hətəmxanlı Hətəm Şahmar oğlunun katibliyi, inzibati xəta haqqında protokolu tərtib etmiş şəxs-Bərdə Rayon İcra və Probasiya Şöbəsinin icra məmuru X1, inzibati xəta törətmiş şəxs Şəxs iştirakı ilə, xx xxxxx 1988-ci ildə Bərdə rayonunda anadan olmuş, orta təhsilli, evli, fərdi əməklə məşğul olan, Bərdə şəhəri Xaqani küçəsi ev 40-da qeydiyyatda olan və yaşayan Şəxs barəsində Azərbaycan Respublikasının İnzibati Xətalar Məcəlləsinin (bundan sonra Azərbaycan Respublikasının İXM və ya İXM) 528.1-ci maddəsi ilə olan inzibati xəta haqqında materiala açıq məhkəmə iclasında baxaraq məhkəmə Müəyyənetdi: Bərdə Rayon İcra və Probasiya Şöbəsindən daxil olmuş 30 avqust 2024-cü il tarixli, MN ******* nömrəli inzibati xəta haqqında protokoldan görünür ki, Şəxs Gəncə Apellyasiya Məhkəməsinin 26 iyul 2013-cü il tarixli 2(104)-1709/2013 saylı və Gəncə Apellyasiya Məhkəməsinin 25 yanvar 2024-cü il tarixli 2(104)-409/2024 saylı icra sənədləri üzrə 11127,5 manat məbləğində borcu yaranmış, borclu icra sənədləri üzrə tələbi təmin etməmiş və icra məmurunun qanuni tələblərini yerinə yetirməmişdir. Məhkəmə iclasında inzibati xəta törətmiş şəxs Şəxs göstərdi ki, Gəncə Apellyasiya Məhkəməsinin 26 iyul 2013-cü il tarixli icra sənədinə əsasən X3 12 500 manat, Gəncə Apellyasiya Məhkəməsinin 25 yanvar 2024-cü il tarixli 2(104)-409/2024 saylı icra sənədinə əsasən isə X4 3300 manat məbləğində pul ödəməlidir. Əvvəllər borcundan 2300 manat ödəmiş, 1500 manat pulu isə bu gün ödəmişdir. Ümumiyyətlə, tələbkarlara cəmi 3800 (üç min səkkiz yüz) manat məbləğində ödəniş etmişdir. Borcunu ödəməkdən boyun qaçırmır. Sadəcə olaraq maddi imkanı zəif olduğuna görə bütün borcunu birdəfəyə ödəyə bilmir. Bərdə Rayon İcra və Probasiya Şöbəsinə könüllü gəlmişdir. Söz verir ki, gələn ay borcundan 2000 manat, sonrakı aylarda isə hər ay borcundan 1000 manat ödəyəcəkdir. Ona köməklik göstərilməsini məhkəmədən xahiş edir. Bərdə Rayon İcra və Probasiya Şöbəsinin icra məmuru X2 göstərdi ki, Şəxs Gəncə Apellyasiya Məhkəməsinin 26 iyul 2013-cü il tarixli icra sənədinə əsasən X3 12 500 manat, Gəncə Apellyasiya Məhkəməsinin 25 yanvar 2024-cü il tarixli 2(104)-409/2024 saylı icra sənədinə əsasən isə X4 3300 manat məbləğində pul ödəməlidir. Borclu Şəxs protokol tərtib edənədək borcundan 2300 manat, məhkəməyə gətirilərkən isə 1500 manat olmaqla, cəmi 3800 (üç min səkkiz yüz) manat ödəmiş, qalan borclar ödənilməmiş qalmışdır. Borcludan borlarını tam şəkildə ödəməsini tələb etsə də ödəməmişdir. Tərəfindən borclunun əmlak vəziyyəti yoxlanılmış, müəyyən edilmişdir ki, borclunun üzərinə tələb yönəldilə biləcək əmlakı və qazancı yoxdur. Borclu İcra Şöbəsinə könüllü olaraq özü gəlmişdir. Məhkəmə iş materiallarında olan sənədləri tədqiq edib, işdə iştirak edən şəxslərin izahatlarını dinləyərək belə qənaətə gəlir ki, Bərdə Rayon İcra və Probasiya Şöbəsinin icra məmuru X2 tərəfindən tərtib edilmiş xx.xx.2024-cü il tarixli, MN ******* saylı inzibati xəta haqqında protokol əsassızdır, Şəxs əməlində İXM-nin 528.1-ci maddəsinin tərkib əlamətləri yoxdur. Belə ki, Azərbaycan Respublikasının İXM-nin: 528.1-ci maddəsinə əsasən, icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. 53-cü maddəsinə görə, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 105.1-ci maddəsinə görə, bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Bərdə Rayon İcra və Probasiya Şöbəsinin icra məmuru tərəfindən tərtib edilən xx.xx.2024-cü il tarixli, MN ******* saylı inzibati xəta haqqında protokolda Şəxs Gəncə Apellyasiya Məhkəməsinin 26 iyul 2013-cü il tarixli, 2(104)-1709/2013 saylı və Gəncə Apellyasiya Məhkəməsinin 25 yanvar 2024-cü il tarixli 2(104)-409/2024 saylı icra sənədlərini icra etməməsi qeyd olunsa da, protokola əlavə edilmiş sənədlərdən görünür ki, borclu icra sənədi üzrə borclu olduğu puldan könüllü olaraq 3800 (üç min səkkiz yüz) manat ödəmiş, qalan borcunu isə növbəti ayda 2000 (iki min) manat, sonrakı aylarda isə hər ay 1000 (bir min) manat olmaqla ödəyəcəyinə söz vermiş, borclu məhkəmə iclasında icra sənədinin icrasından boyun qaçırmadığını bildirmiş və öz davranışı ilə bunu göstərmişdir. İXM-nin: 2-ci maddəsinə görə, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. 3-cü maddəsində göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. 76.1-ci maddəsinə əsasən, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. 84.2-ci maddəsinə görə, heç bir sübutun qabaqcadan müəyyən edilmiş qüvvəsi yoxdur. Məhkəmə hesab edir ki, Şəxs əməlində İXM-nin 528.1-ci maddəsinin tərkibi olmadığından inzibati xəta haqqında işin icraatına xitam verilməlidir. Göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 114, 128 və 130-cu maddələrini rəhbər tutaraq məhkəmə Qəraraaldı: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında material üzrə icraata əməlində inzibati xəta tərkibinin olmaması əsası ilə xitam verilsin. Qərarın surəti rəsmi qaydada verildiyi vaxtdan 10 (on) gün müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Gündüz Abbasov