Bərdə Rayon Məhkəməsi Qərar — İş №3(021)-1118/2023

Azərbaycan Respublikası adından QƏRAR Bərdə rayonu İş № 3(021)-1118/2023 19.06.2023 BƏRDƏ RAYON MƏHKƏMƏSİ Hakim Babaşov Fuad Bəhruz oğlunun sədrliyi, X5 iclas katibliyi, protokol tərtib etmiş şəxs X11 və barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1978-ci ildə Bərdə rayonunda anadan olmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, Bərdə rayonu Qarabağ küçəsi, ev 20-də yaşayan Şəxs Azərbaycan Respublikasının İnzibati Xətalar Məcəlləsinin (bundan sonra İXM) 510-cu maddəsində müəyyən olunmuş inzibati xəta törətməsinə dair Bərdə rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: X11 barəsində Bərdə rayon Polis Şöbəsində 19 iyun 2023-cü il tarixdə İXM-in 510-cu mаddəsi ilə nəzərdə tutulmuş inzibаti xətаnı törətməkdə təqsirli bilinərək, barəsində inzibati xəta haqqında MN № ******* nömrəli prоtоkоl tərtib оlunаrаq baxılması üçün Bərdə Rayon Məhkəməsinə göndərilmişdir. Məhkəmə iclasında protokol tərtib etmiş şəxs X11 izahatında göstərdi ki, Bərdə şəhəri B.Hacıyev küçəsində yaşayan Şəxs xx.xx.2023-cü il tarixdə saat 12 radələrində yaşadıqları evdə arvadı X7 ilə münaqişə yaratdığından onu sakitləşdirmək istəyən X2nu və qardaşı X3 nəlayiq sözlərlə söyüb təhqir edib, yaşadıqları evin həyətindən qovaraq sözlə öldürəcəyi ilə hədələmişdir. Lakin, mübahisə zamanı Şəxs arvadı Aynur Məmmədovaya atası Mütalim Qurbanova və digər ailə üzvlərinə hər hansı bir xəsarət yetirməmişdir. Bundan sonra Şəxs barəsində AR İXM-nin 510-cu maddəsi ilə inzibati xəta haqqında protokol tərtib edilmişdir. Əmələ hüquqi qiymət verilməsi və tədbir görülməsi üçün inzibati xəta törədən şəxs məhkəməyə gətirilmişdir. Odur ki, Şəxs barəsində qanuni qərarın qəbul edilməsini məhkəmədən xahiş etdi. Məhkəmə iclаsındа barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, ailə üzvləri ilə birlikdə Bərdə şəhəri B.Hacıyev küçəsində yaşayır. X1 barəsində yazdığı şikayətlə tanış edilmişdir. 2001-ci ildə X7 ilə ailə həyatı qurmuş, rəsmi nikahlarından 2 övladları vardır. Təxminən üç il olar ki, o, digər xanımla yaşadığından daim ailələrində münaqişə olur, bu səbəbdən qeyri rəsmi yaşadığı xanımla birlikdə yaşayır. xx.xx.2023-cü il tarixdə səhər saatlarında arvadı Aynur ona zəng edərək, onunla söhbət etmək istədiyini bildirərək onu yaşadığı evə dəvət etmişdir. Həmin gün saat 12 radələrində yaşadığı evə getmiş və arvadı Aynur ilə aralarında söhbətləri olmuşdur. Söhbət əsnasında arvadı Aynur ona bildirmişdir ki, ondan boşanmaq və yaşadıqları evi bömək istəyir. O, arvadı Aynurun ona etdiyi təkliflə razılaşmayaraq Aynurla sözlə mübahisə etmişdir. Bu səbəbdən oğlu Raul, arvadı Aynurla olan mübahisəni görərək, bu barədə onun atası Mütalimə və qardaşı Arzumana zəng edərək, bu barədə məlumat vermişdir. Bundan sonra atası Mütalim, qardaşı Arzuman və əmisi oğlu Fərid də onların yaşadığı evə gəlmişlər. Bundan sonra atası Mütalim ilə aralarında mübahisə olmuş, lakin, mübahisə zamanı onun əlində bıçaq olmamışdır. X2 və digər şahidlər baş vermiş mübahisə zamanı onun orada olan bütün şəxsləri nəlayiq sözlərlə söyüb təhir etməyini bildirsə də, lakin, mübahisə zamanı o, sərxoş halda olmuş, bu səbəbdən ola bilsin ki, mübahisə zamanı nəlayiq ifadələr işlətmişdir. xx.xx.2023-cü il tarixdə saat 12 radələrində atası və digər ailə üzvləri ilə mübahisəsi ona məxsus Bərdə şəhəri B.Hacıyev küçəsində olmuş və 20-25 dəqiqə ərzində davam etmişdir. Əməlindən çox peşmandır və məhkəmədən bağışlanmağını xahiş edir. Məhkəmə iclasında şahid qismində dindirilmiş X9 izahatında bildirmişdir ki, ailə üzvləri ilə birlikdə Bərdə şəhəri Babək küçəsi ev 25-də yaşayır. Əmisi oğlu Şəxs ailələrində narahatlıqlar yaratdığından bir neçə dəfə Anar barəsində polis şöbəsində araşdırma getmişdir. Buna baxmayaraq Şəxs öz əməllərindən əl çəkməyərək ailəsini daim narahat edir. Sonuncu dəfə xx.xx.2023-cü il tarixdə saat 12 radələrində əmisi oğlu Arzuman ona zəng edərək, qardaşı Anarın münaqişə yaratdığını bildirmişdir. Bu səbəbdən o, Anarın yaşadığı Bərdə şəhəri B.Hacıyev küçəsində yerləşən evinə getmiş və görmüşdür ki, oğlu Anar sərxoş vəziyyətdə ailə üzvlərini nəlayiq ifadələrlə söyüb təhqir edir və eyni zamanda əlində bıçaq götürərək ailə üzvlərini hədələyir. O, bununla əlaqədar olaraq Şəxs sakitləşdirmək istəsədə lakin, Anar öz əməllərindən əl çəkməyərək ailə üzvlərini nəlayiq ifadələrlə söyüb təhqir etməyini davam etdirmişdir. Bundan sonra Anar əlində olan bıçaqla əmisi Mütalimi həyətdən qovaraq küçəyə çıxarmış və ardınca qaçaraq hədələməyə və nalayiq sözlərlə söyüb təhqir etmişdir. Mübahisə təxminən 10-15 dəqiqə ərzində davam etmiş, mübahisə zamanı əmisi Mütalim Qurbanov, Anarın oğlu Raul Qurbanov və əmisi oğlu Arzuman Qurbanov orada olmuş, baş vermiş mübahisəni görmüşlər. Məhkəmə iclasında şahid qismində dindirilmiş X7 izahatında bildirmişdir ki, ailə üzvləri ilə Bərdə şəhəri B.Hacıyev küçəsində yaşayır, rəsmi olaraq müəllimə işləyir. Şəxs ilə 21 il əvvəl ailə həyatı qurmuş, rəsmi nikahlarından iki övladları vardır, hər iki övladı yetkinlik yaşına çatmışdır. Uzun müddətdir ki, ǝri Şəxs əxlaqsız qadınlarla yaşayır, bu səbəbdən daim aiələlərində mübahisələr yaranır. Sonuncu dəfə xx.xx.2023-cü il tarixdə saat 13 radələrində əri Şəxs sərxoş halda yaşadıqları evə gələrək, təcili yaşadıqları evi satıb, ona 20 000 manat pul verməsini tələb etmiş və onu və digər ailə üzvlərini öldürməklə hədələmişdir. Bu səbəbdən onunla birlikdə yaşayan oğlu Raul hadisə barədə Şəxs atasına və əmisi Arzumana zəng edərək məlumat vermişdir. Mütalim Qurbanov və Arzuman Qurbanov hadisə yerinə gələrək, Şəxs səkitləşdirmək istəsələr də lakin, Şəxs əlində olan bıçaqla, atası Mütalimi, Arzuman Qurbanovu və onu nəlayiq sözlərlə söyüb təhqir edib, bıçaqla hədələyib küçəyə çıxarıb qovmuşdur. Lakin, baş vermiş mübahisə zamanı hər hansı şəxs xəsarət almamışdır. Məhkəmə tərəfləri dinləyib, iş materiallarını araşdırıb hesаb edir ki, Şəxs İXM-in 510-ci mаddəsində nəzərdə tutulan inzibati xətanı törətmişdir və o, inzibаti qаydаdа məsuliyyətə cəlb оlunmаlıdır. Belə ki, inzibаti xəta haqqında işin mаteriаllarına əlаvə edilmiş: Bərdə rayon Polis şöbəsinin İTB-nin polis sahə rəisi X11 tərəfindən tərtib edilmiş 19 iyun 2023-cü il tarixli MN № ******* nömrəli protokolda göstərilmişdir ki, Şəxs 07 iyun 2023cü il tarixdə Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xəta törədilmişdir. İş materiallarında olan 13 iyun 2023-cü il tarixli cinayət işinin başlanmasının rədd edilməsi barədə qərardan görünür ki, X4 müraciəti əsasında toplanmış HK-1/2242 nömrəli toplanmış material üzrə cinayət işi başlanması rədd edilmişdir. AR.İXM-in 510-cu maddəsinə əsasən, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin maddəyə əsasən ictimai qaydanın mühafizə vəzifələrini icra edən polis əməkdaşının qanuni tələblərinə qəsdən tabe olmamaq inzibati məsuliyyətə səbəb olur. Məhkəmə iclasında tədqiq olunmuş və mötəbərliliyi məhkəmədə heç bir şübhə doğurmayan sübutlarla müəyyən edilmişdir ki, Şəxs xx.xx.2023-cü il tarixdə saat 12 radələrində Bərdə şəhəri B.Hacıyev küçəsində ictimai qaydanı pozaraq xırda xuliqanlıq etmişdir. Bununla da o, İXM-in 510-cu maddəsində nəzərdə tutulan inzibati xətanı törətmişdir. İXM-in 76.1-ci maddəsinə əsasən, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Məhkəmə Şəxs məhz hansı tənbehin tətbiq edilməsini müzakirə edərkən onun törətmiş olduğu inzibаti xətаnın xаrаkterini və barəsində inzibati xəta haqqında iş üzrə icraat aparılan şəxsin şəxsiyyətini, habelə onun törətdiyi əməlin cəmiyyətdə mənfi rezonans doğurmasını və polisin ictimai asayişin mühafizəsindəki roluna neqativ təsirini nəzərə alaraq belə qənaətə gəlir ki, onun barəsində inzibati həbs tənbehi tətbiq edilməlidir. Belə ki, İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsində isə göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs məsuliyyətini yüngülləşdirən hal onun əməlindən peşiman olmasıdır, inzibati xəta törədən şəxsin əməlində onun məsuliyyətini ağırlaşdıran hallar isə müəyyən edilməmişdir. Məhkəmə həmçinin bildirir ki, İXM-in 31.4-cü maddəsinə qeyd edilmişdir ki, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Belə olan halda İXM-in 510-cu maddəsinin sanksiyasında on beş günədək müddətə inzibati həbs tənbehinin tətbiqi nəzərdə tutulduğundan məhkəmə belə qənaətə gəlir ki, Şəxs AR. İXM-in 510-cu mаddəsi ilə təqsirli bilinib bаrəsində 05 gün müddətinə inzibati həbs tənbehi tətbiq edilməsi yolu ilə оnu qаnunlаrа əməl edilməsi ruhundа tərbiyələndirmək, hаbelə gələcəkdə yeni inzibаti xətа törətməsinin qаrşısını аlmаq kimi inzibаti tənbehin məqsədlərinə nаil оlmаq mümkündür. Göstərilənlərə əsаsən və İXM-in 43, 112, 114, 115, 117, 128-130-cu mаddələrini rəhbər tutаrаq, məhkəmə Q ə r a r a a l d ı: Şəxs Azərbaycan Respublikasının İnzibati Xətalar Məcəlləsinin 510-cu maddəsi ilə təqsirli bilinib bаrəsində 05 (beş) gün müddətinə inzibаti həbs tənbehi tətbiq edilsin. Həbs etmənin əvvəli 17 iyun 2023-cü il tаrixdən sааt 17:10-dan hesablansın. Qərаrın surəti inzibаti xətа törətmiş şəxsə və protokol tərtib edən şəxsə göndərilsin. Qərаrın icrаsı Bərdə rаyоn Polis Şöbəsinə həvаlə edilsin. Qərаrın surəti təqdim edildiyi və yа аlındığı gündən 10 (оn) gün müddətində Bərdə rayon Məhkəməsi vasitəsilə və ya bilavasitə Gəncə Аpellyаsiyа Məhkəməsinin Cinayət Kollegiyasına аpellyаsiyа şikаyəti və yа prоtesti verilə bilər. Hаkim: Fuad Babaşov