Bərdə Rayon Məhkəməsi Qərardad — İş №3(021)-1142/2024

Azərbaycan Respublikası adından QƏRARDAD Bərdə rayonu İş № 3(021)-1142/2024 31.10.2024 BƏRDƏ RAYON MƏHKƏMƏSİ Hakim Babaşov Fuad Bəhruz oğlunun sədrliyi, X2 iclas katibliyi, protokol tərtib etmiş səlahiyyətli orqanın nümayəndəsi X1 iştirаkları ilə, Şəxs MMC-nin Azərbaycan Respublikası İnzibati Xətalar Məcəlləsinin 469.2-ci maddəsində müəyyən olunmuş inzibati xəta törətməsinə dair ƏƏSMN yanında DƏMX Qarabağ RŞ-dən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs MMC Azərbaycan Respublikası İnzibati Xətalar Məcəlləsinin (bundan sonra İXM) 469.2-ci mаddəsi ilə nəzərdə tutulmuş inzibаti xətаnı törətməkdə təqsirli bilinərək, barəsində ƏƏSMN yanında DƏMX X3 03 oktyabr 2024-cü il tarixli, MN ******* nömrəli inzibati xəta haqqında prоtоkоl tərtib оlunаrаq baxılması üçün Bərdə Rayon Məhkəməsinə göndərilmişdir. İnzibati xətа hаqqındа prоtоkоl tərtib olunmuşdur ona görə ki, Şəxs MMC qanunvericiliklə müəyyən olunmuş qaydada hər bir işçinin istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta etməmişdir. Məhkəmə iclasında protokol tərtib etmiş orqanın nümayəndəsi, X4 izahatında göstərdi ki, Şəxs MMC çalışan işçilərinin hər birini bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari qaydada sığorta etdirmədiyinə görə barəsində inzibati xəta haqqında protokol tərtib edilərək məhkəməyə verilmişdir. Hazırda adıçəkilən hüquqi şəxs göstərilən xətanı aradan qaldıraraq bütün işçiləri istehsalatda bədbəxt hadisələr və peşə xəstəliklərindən icbari qaydada sığorta etdirmişdir. Buna görə tərtib edilmiş inzibati xəta haqqında protokol və ona əlavə edilmiş materialların geri qaytarılmasını məhkəmədən xahiş etdi. Məhkəmə iclаsına elektron kabinet vasitəsilə ərizə göndərmiş Şəxs MMC-nin nümayəndəsi X8 cəmiyyətdə çalışan işçilərin istehsalatda bədbəxt hadisələr və peşə xəstəliklərindən icbari qaydada sığorta edilməsi ilə bağlı "xxxx" ASC ilə xx.xx.2024-cü il tarixdə sığorta müqaviləsi bağlamasını və sığorta haqqını ödədiklərini qeyd etmişdir. Buna görə iş üzrə icraata xitam verilməsini xahiş etmişdir. Məhkəmə protokol tərtib edən səlahiyyətli orqanın nümayəndəsini dinləyib, iş materiallarını araşdırıb hesаb edir ki, Şəxs MMC barəsində İXM-in 469.2-ci mаddəsi ilə tərtib edilmiş 03 oktyabr 2024-cü il tarixli, MN ******* nömrəli inzibati xəta haqqında prоtоkоl onu tərtib edən səlahiyyətli orqan olan dair ƏƏSMN yanında DƏMX X5 geri qaytarılmalıdır. Belə ki, artıq inzibati xəta törətməkdə təqsirləndirilən hüquqi şəxs olan Şəxs MMC bütün işçilərini peşə xəstəlikləri və istehsalatda bədbəxt hadisələrdən icbari qaydada sığorta etdirmişdir. Həmçinin, protokol tərtib edən orqanın nümayəndəsi isə protokola baxılmayaraq materialların onu tərtib edən orqana geri qaytarılmasını xahiş etmişdir. Belə olan halda məhkəmə hesab edir ki, inzibati xəta haqqında protokol və ona əlavə edilmiş materiallar geri qaytarılmalıdır. İXM-in 106-cı maddəsində göstərilmişdir ki, inzibati xəta haqqında işin baxılmağa hazırlanması zamanı hakim, səlahiyyətli orqan (vəzifəli şəxs) aşağıdakı məsələləri həll edir: işin baxılması onun səlahiyyətinə aiddirmi; işin hakim, kollegial orqanın üzvü, vəzifəli şəxs tərəfindən baxılmasını istisna edən hallar mövcuddurmu; inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilmişdirmi; işin icraatını rədd edən hallar mövcuddurmu; mahiyyəti üzrə baxılması üçün işdə kifayət qədər sübutlar toplanmışdırmı; işə baxılmasının yeri və vaxtı barədə işdə iştirak edən şəxslər məlumatlandırılıbmı; iş üzrə vəsatətlər və etiraz etmə vardırmı. İXM-nin 109.1.6-cı maddəsinə əsаsən, protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Bundan başqa məhkəmə qeyd edir ki, Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 128-ci maddəsi baxımından həmin Məcəllənin 109-cu maddəsinin şərh edilməsinə dair” 03 may 2019-cu il tarixli Qərarının 1-ci bəndinə əsasən Azərbaycan Respublikası İnzibati Xətalar Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. Göstərilənlərə əsаsən və AR.İXM-in 43, 112, 114, 115, 117, 128-130-cu mаddələrini rəhbər tutаrаq məhkəmə, Q ə r a r a a l d ı: Şəxs MMC-nin Azərbaycan Respublikası İnzibati Xətalar Məcəlləsinin 469.2-ci mаddəsi ilə nəzərdə tutulmuş inzibаti xətаnı törətməkdə təqsirləndirilməsi barəsində ƏƏSMN yanında DƏMX X6 tərəfindən tərtib edilmiş 03 oktyabr 2024-cü il tarixli, MN ******* nömrəli inzibati xəta haqqında prоtоkоl ona əlavə edilmiş materiallarla birlikdə onu tərtib etmiş orqana geri qaytarılsın. Qərardaddan şikayət verilə bilməz. Hаkim:Fuad Babaşov