Bərdə Rayon Məhkəməsi Qərardad — İş №3(021)-1203/2024

Azərbaycan Respublikası adından QƏRARDAD Bərdə rayonu İş № 3(021)-1203/2024 27.11.2024 BƏRDƏ RAYON MƏHKƏMƏSİ Hakim Babaşov Fuad Bəhruz oğlunun sədrliyi, X1 iclas kаtibliyi ilə, Bərdə RPŞ tərəfindən qəbul edilmiş 26 sentyabt 2024-cü il tarixli, TP6771247 nömrəli inzibati xəta haqqında qərarından şikayətçi (barəsində inzibati xəta haqqında iş üzrə icraat aparılan şəxs) X3 tərəfindən verilmiş şikayətə və ona əlavə edilmiş sənədlərə baxaraq, məhkəmə MÜƏYYƏN ETDİ: Bərdə RPŞ tərəfindən qəbul edilmiş 26 sentyabr 2024-cü il tarixli, TP6771247 saylı qərardan görünür ki, X3 Azərbaycan Respublikası İnzibati Xətalar Məcəlləsinin 327.2-ci maddəsində nəzərdə tutulmuş inzibati xətanı törətdiyinə görə barəsində 100 manat məbləğində cərimə növündə tənbeh tətbiq edilmişdir. Barəsində inzibati xəta haqqında iş üzrə icraata aparılan X3 məhkəməyə ərizə verərək barəsində qəbul edilmiş 26 sentyabr 2024-cü il tarixli TP6771247 saylı inzibati xəta haqqında qərarın və ona dair protokolun ləğv edilməsini xahiş etmişdir. Məhkəmə şikayət ərizəsini nəzərdən keçirib, şikayətin dəlillərini iş materialları və əlavə təqdim edilmiş sənədlərlə əlaqəli şəkildə araşdırıb hesab edir ki, X3 barəsində qəbul edilmiş qərardan qanunla müəyyən edilmiş qaydada şikayət vermə müddətini buraxmışdır. Belə ki, barəsində inzibati xəta haqqında iş üzrə qərar qəbul edilən şəxs X3 şikayət ərizəsində qərarın surətini 24 noyabr 2024-cü il tarixdə aldığını qeyd etsə də iş materiallarında olan Azərbaycan Respublikası Daxili İşlər Nazirliyinin rəsmi internet səhifəsindən çıxarışdan görünür ki, X3 24 oktyabr 2024-cü il tarixdə Daxili İşlər Nazirliyinin rəsmi internet səhifəsinə müraciət edərək cərimə məbləğinin silinməsini xahiş etmişdir. Bundan başqa X3 qərardan şikayət vermə müddətini buraxmasının üzrlü səbəbləri barədə şikayət ərizəsinə sübut əlavə etməmiş və şikayət müddətini ötürməsi ilə bağlı məhkəməyə buraxılmış prosessual müddətinə bərpasına dair vəsatət (ərizə) təqdim etməmişdir. Azərbaycan Respublikası İnzibati Xətalar Məcəlləsinin 130-cu maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1 – 57.5-ci maddələrində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət və ya protest verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Buraxılmış müddətin bərpası qeyrimümkün hesab edildikdə, bu halda vəsatəti rədd etmə haqqında qərardad qəbul edilir. İXM-in 126.1-ci maddəsinə əsasən barəsində inzibati xəta haqqında iş üzrə qərar qəbul edilmiş şəxs yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətaların törədilməsinə görə inzibati tənbeh tətbiq etmə haqqında qərar ona bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan 20 (iyirmi) gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. Şikayət şəxsən verilə və ya poçt, yaxud internet vasitəsilə göndərilə bilər. İş materiallarından göründüyü kimi mübahisələndirilən qərardan şikayət vermə müddəti şikayət verən şəxs X3 tərəfindən üzürsüz səbəblərdən buraxılmış və buraxılmış müddətin bərpasına dair vəsatət təqdim olunmamışdır. Həmçinin, şəxsin qərarı nə vaxt əldə etməsinə dair sübut da iş materialına əlavə edilməmişdir. Qeyd edilənləri və İXM-in 130-cu maddəsini nəzərə alaraq məhkəmə QƏRАRА АLDİ: X2 Bərdə RPŞ tərəfindən qəbul edilmiş 26 sentyabt 2024-cü il tarixli, TP6771247 nömrəli inzibati tənbeh vermə haqqında elektron qərardan verdiyi şikayət və ona əlavə olunmuş sənədlər ona geri qaytarılsın. Qərardaddan 10 gün müddətinə şikayət verilə bilər. Hakim: Fuad Babaşov