Bərdə Rayon Məhkəməsi Qərar — İş №3(021)-1205/2021

Azərbaycan Respublikası adından QƏRAR Bərdə rayonu İş № 3(021)-1205/2021 22.09.2021 BƏRDƏ RAYON MƏHKƏMƏSİ Bərdə Rayon Məhkəməsinin hakimi Kərimov Əyyub Vaqif oğlunun sədrliyi, X1 iclas katibliyi, protokol tərtib etmiş şəxs X4, barəsində inzibati xəta haqqında iş üzrə icraat aparılan şəxs Şəxs və onun vəkili X3 iştirаkları ilə xx.xx.1963-cü ildə Bərdə rayonunda doğulmuş, orta təhsilli, evli, işləməyən, Bərdə rayonu, Nəcəfqulubəyli kəndində yaşayan Şəxs Azərbaycan Respublikası İnzibati Xətalar Məcəlləsinin (bundan sonra İXM) 528.1-ci maddəsində müəyyən olunmuş inzibati xəta törətməsinə dair Bərdə rayon İcra və Probasiya şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs barəsində Azərbaycan Respublikası İnzibati Xətalar Məcəlləsinin (bundan sonra İXM) 528.1-ci mаddəsi ilə inzibаti xətа haqqında Bərdə rayon İcra və probasiya Şöbəsində (Bundan sonra Bərdə RİPŞ) 22 sentyabr 2021-ci il tarixdə, MN № ******* saylı protokol tərtib edilmişdir ondan ötəri ki, o, Bərdə Rayon Məhkəməsinin 2(021)-691/2018 saylı, 01 mart 2018-ci il tarixli icra sənədi üzrə icra məmurunun irəli sürdüyü tələblərə məhəl qoymayaraq icra sənədini üzürlü səbəbdən icra etməmişdir.Bununlada İXM 528.1-ci mаddəsində nəzərdə tutulmuş inzibati xətanı törətmişdir. Məhkəmə iclasında protokol tərtib etmiş şəxs Bərdə RİPŞ-nin icra məmuru X4 çıxış edərək göstərdi ki, Bərdə Rayon Məhkəməsinin 2(021)- 2(021)-691/2018 saylı, 01 mart 2018-ci il tarixli icra sənədinə əsasən cavabdehlər Şəxs və qeyrilərindən əmlak və ya onların dəyəri 6629 manat məbləğində pul alınaraq iddiaçı X2 verilməlidir. Qətnamə qanuni qüvvəsini aldıqdan sonra icra sənədi icra edilməsi üçün Bərdə RİPŞ-nə daxil olmuş, icra məmuru tərəfindən 23.04.2018-ci il tarixdə icra sənədi üzrə icraat başlamaq haqqında qərar qəbul edilmiş və həmin qərar eyni tarixli bildirişlə bərabər borcluların ünvanına göndərilmişdir. Həmin bildirişdə icra sənədi üzrə tələbi 10 gün müddətində könüllü olaraq icra edilməsi, əks təqdirdə məcburi icra hərəkətləri ilə bağlı xərclərin onlardan tutulması göstərilmişdir.Aparılmış icra hərəkətləri nəticəsində əmlakın bir qismi alınaraq iddiaçıya verilmiş, qalan əmlak isə aşkar edilməmişdir. Hazırda borclunun tələbkara 4645 manat məbləğində pul borcu vardır.Dəfələrlə xəbərdarlıq edilməsinə baxmayaraq borclu icra sənədi üzrə tələbi təmin etməmiş və icra məmurunun qanuni çağırışlarına gəlməmişdir. İcra sənədi üzrə tələbin təmin edilməsi ilə əlaqədar 03.02.2021ci il tarixdə borclunun axtarılması haqqında qərar qəbul edilmişdir. Tapıldıqdan sonra qanuni təhbehin seçilməsi üçün İXM-nin 528-ci maddəsi ilə inzibati xəta haqqında protokol tərtib edilərək baxılması üçün rayon məhkəməsinə gətirilmişdir. Bərdə rayon Məhkəməsinin 3(021)-177/2021 saylı, 16.02.2021-ci il tarixli inzibati xəta haqqında qərarı ilə İXM-nin 528-ci maddəsinə əsasən Şəxs 08 gün müddətinə inzibati qaydada həbs edilmişdir. 22 sentyabr 2021-ci il tarixdə borclunun Bərdə RİPŞ-də Şəxs barəsində İXMnin 528.1-ci mаddəsi ilə inzibаti xətа haqqında MN № ******* saylı protokol tərtib edilmişdir. Odur ki, protokolunu müdafiə edir. Borclunun barəsində tənbeh tədbirinin seçilməsini məhkəmədən xahiş etdi. Məhkəmə iclаsındа barəsində inzibati xəta haqqında iş üzrə icraat aparılan şəxs Şəxs izahatında göstərdi ki, Bərdə Rayon Məhkəməsinin 2(021)- 2(021)-691/2018 saylı, 01 mart 2018-ci il tarixli icra sənədinə əsasən ondan və qeyrilərindən icra sənədi üzrə əmlakın və ya onlar olmadığı təqdirdə onların dəyəri yəni 6629 manat pul və 30 manat dövlət rüsumu alınaraq tələbkar Midvari İsmayılovaya verilməlidir. Heç bir yerdə işləmədiyi, xəstə olmasını və gündəlik 6 manat qazancı olduğu üçün həmin borcu tələbkara ödəyə bilmir. Təqaüd belə almır. Maddi imkansızlığının nəzərə alınmasını məhkəmədən xahiş etdi. Məhkəmə iclаsındа barəsində inzibati xəta haqqında iş üzrə icraat aparılan şəxs Şəxs vəkili X5 çıxışında Şəxs xəstə olmasını, maddi imkansızlığını, qazancının az olmasını, icra sənədi üzrə tələbə qarşı qərəzli olmamasını və oğlunun vətən müharibəsində iştirak etməsini nəzərə alınmasını məhkəmədən xahiş etdi. Məhkəmə tərəfləri dinləyib, iş materiallarını araşdırıb hesаb edir ki, Şəxs İXM-in 528.1ci mаddəsində nəzərdə tutulan inzibati xətanı törətmişdir və o, inzibаti qаydаdа məsuliyyətə cəlb оlunmаlıdır. Belə ki, inzibаti işin mаteriаllarına əlаvə edilmiş: Bərdə Rayon Məhkəməsinin 2(021)-691/2018 saylı, 01 mart 2018-ci il tarixli icra sənədindən görünür ki, 500 manat dəyərində 1 ədəd “Dnepr” markalı soyuducu və digər əmlaklar və ya onıar olmadığı təqdirdə dəyəri 6629 manat və ödənilmiş dövlət rüsumu olaraq 30 manat alınaraq iddiaçı X2 verilməlidir. Bərdə rayon İcra və Probasiya şöbəsinin icra məmuru X4 tərəfindən tərtib edilmiş 22.09.2021-ci il tarixli, MN № ******* protokolda göstərilmişdir ki, Bərdə Rayon Məhkəməsinin 2(021)-691/2018 saylı, 01 mart 2018-ci il tarixli icra sənədi üzrə tələbkar 4645 manat borcu yaranmışdır. Bərdə RİPŞ-nin icra məmurunun 23.04.2018-ci il tarixli qərarına əsasən borclu Şəxs və digərlərinin barəsində icraat başlanmışdır. Həmin tarixli bildirişin surətindən də görünür ki, Bərdə Rayon Məhkəməsinin 2(021)-691/2018 saylı, 01.03.2018-ci il tarixli icra sənədindən irəli gələn tələbləri könüllü yerinə yetirilməsi üçün borcluya 10 gün vaxt verilmişdir. Bərdə RİPŞ-nin icra məmurunun 14.09.2020, 20.11.2020, 16.12.2020, 12.01.2021 və 29.01.2020-ci il tarixli xəbərdarlıqların surətindən görünür ki, Bərdə Rayon Məhkəməsinin 2(021)-691/2018 saylı, 01.03.2018-ci il tarixli icra sənədlərindən irəli gələn ötəlikləri, yani icra sənədi üzrə yaranmış pul borcunu könüllü icra etməsi üçün 10 gün müddətində vaxt verilməsi, verilən müddət ərzində icranı könüllü icra etmədiyi halda icra tədbirləri məcburi qaydada həyata keçiriləcəyi, ölkədən getmək hüququnun məhdudlaşdırılması, əmlakının üzərinə həbsin qoyulması, tələbin gəlirinə yönələcəyi, məcburi qaydada məhkəməyə gətiriləcəyi, barəsində Azərbaycan Respublikası İXM-nin 528.1-ci maddəsi ilə inzibati xəta haqqında protokol tərtib edilib cinayət işinin başlanması üçün Azərbaycan Respublikası Ədliyyə Nazirliyinin İstintaq İdarəsinə təqdimat veriləcəyi barədə xəbərdar olunmuşdur. Bərdə RİPŞ-nin icra məmurunun 03.02.2021-ci il tarixli qərarının surətindən görünür ki, Bərdə Rayon Məhkəməsinin 2(021)-691/2018 saylı, 01.03.2018-ci il tarixli icra sənədindən irəli gələn tələbləri könüllü yerinə yetirmədiyi üçün Şəxs barəsində axtarış elan edilmişdir. Bərdə rayon Məhkəməsinin 3(021)-177/2021 saylı, 16.02.2021-ci il tarixli inzibati xəta haqqında qərarının surətindən görünür ki, Şəxs İXM-nin 528-ci maddəsinə əsasən 08 gün müddətinə inzibati qaydada həbs edilmişdir. 08.09.2020-ci il tarixli aktın surətindən müəyyən edilir ki, Bərdə Rayon Məhkəməsinin 2(021)-691/2018 saylı, 01.03.2018-ci il tarixli icra sənədi üzrə aparılmış icra hərəkətləri nəticəsində borclulardan 450 manat dəyərində “SAMSUNG” markalı televizor, və 31.05.2021-ci il tarixli aktla “Dnepr” markalı soyuducu, 4 ədəd böyük döşək., 4 ədəd yastıq, 4 ədəd yorğan , 1 ədəd dəmir paltar vannası, 1 ədəd kapron vanna, dörd ayaq, 2 ədəd çəkic, 2 ədədb kəlbətin, 1 ədəd balta, 2 ədə dəmir vedrə, 2 cüt yararlı vəziyyətdə ayaqqabı tələbkara təhvil verilmişdir. İXM-in 528.1-ci maddəsinə əsasən, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə-fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin maddəyə görə, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi inzibati məsuliyyətə səbəb olur. Məhkəmə iclasında tədqiq olunmuş və mötəbərliliyi məhkəmədə heç bir şübhə doğurmayan sübutlarla müəyyən edilmişdir ki, Bərdə Rayon Məhkəməsinin 2(021)- 691/2018 saylı, 01 mart 2018-ci il tarixli icra sənədinə əsasən cavabdehlər Şəxs və qeyrilərindən əmlak və ya onların dəyəri 6629 manat məbləğində pul alınaraq iddiaçı X2 verilməsinə dair qətnamə qəbul edilsə də inzibati işin materiallarından müəyyən edilri ki, bu vaxtadək sözü gedən icra sənədi icra borclular tərəfindən icra edilməmiş, bununla da İXM-in 528.1-ci maddəsində nəzərdə tutulan inzibati xətanı törətmişdir. İş materiallarından görünür ki, borclu məhkəmənin icra sənədini icra etmək barədə icra məmurunun qanuni tələbini yerinə yetirməməkdə davam edir. Azərbaycan Respublikası Konstitusiyasının 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası MPM-nin 15.2-ci maddəsinə görə məhkəmələrin qanuni qüvvəyə minmiş qərarları bütün şəxslər üçün məcburidir və Azərbaycan Respublikası ərazisində hökmən icra olunmalıdır. “İcra Haqqında” Azərbaycan Respublikası Qanunun 2.1-ci maddəsinə görə Azərbaycan Respublikasında məhkəmə və digər orqanların qərarlarının məcburi icrası icra məmurları tərəfindən həyata keçirilir. Həmin Qanunun 12.1-ci maddəsinə görə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. «İcrа hаqqındа» Аzərbаycаn Respublikаsı Qаnununun 3.1-ci mаddəsinin tələbinə görə, məhkəmə və digər orqanların qərarlarının icrası ilə əlaqədar icra məmurunın tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Həmin Qаnunun 3.2-ci mаddəsinin tələbinə görə, məhkəmə və digər orqanların qərarlarının icrası ilə əlaqədar məhkəmə icraçılarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. İş materiallarından aydın olur ki, sözügedən icra sənədinin tələbləri yerinə yetirilmədiyindən icra məmuru tərəfindən “İcra haqqında” Qanunun 82.1-ci maddəsinə müvafiq olaraq inzibati xəta haqqında protokol tərtib edilmişdir. Belə ki, adı çəkilən Qanunun 82.1-ci maddəsinə əsasən, borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. İnzibati məsuliyyətə cəlb etmə haqqında qərar qəbul edildikdən sonra icra məmuru tərəfindən borcluya icra üçün yeni müddət təyin edilir. «İnsan hüquqlarının və əsas azadlıqlarının müdafiəsi haqqında» Avropa Konvensiyasının 6-cı maddəsi (ədalətli məhkəmə araşdırması hüququ) məhkəmə qərarlarının icrası prosedurunu da əhatə edir. İnsan Hüquqları üzrə Avropa Məhkəməsi «Hornsbi Yunanıstana qarşı» işdə bu prinsipi belə vurğulamışdır: «....Razılığa gələn Dövlətlərin daxili hüquq sistemləri məcburi qüvvəyə malik yekun məhkəmə qərarının tərəflərdən birinin ziyanına olaraq icra olunmadan qalmasına yol versəydi, 6-cı maddə ilə təmin olunan məhkəməyə müraciət hüququ xəyali hüquq olardı». Göründüyü kimi, borclu Şəxs Bərdə Rayon Məhkəməsinin 2(021)-691/2018 saylı, 01 mart 2018-ci tarixli icra sənədi üzrə tələbi icra etməkdən qəsdən yayınır. İXM-in 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Məhkəmə Şəxs məhz hansı tənbehin tətbiq edilməsini müzakirə edərkən onun törətmiş olduğu inzibаti xətаnın xаrаkterini və barəsində inzibati icraat aparılan şəxsin şəxsiyyətini nəzərə alaraq belə qənaətə gəlir ki, o, təqsirli olduğu maddənin sanksiyasında nəzərdə tutulmuş cərimə edilməlidir. Belə ki, İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsində isə göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Belə olan halda, məhkəmə hesab edir ki, Şəxs həmin maddə ilə təqsirli bilinib, barəsində 500 (beş yüz) manat məbləğində cərimə tənbehi tətbiq edilməsi ilə onu qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq kimi inzibаti tənbehin məqsədlərinə nаil оlmаq mümkündür. Göstərilənlərə əsаsən və İXM-in 43, 112, 114, 115, 117, 128-130-cu mаddələrini rəhbər tutаrаq, məhkəmə Q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 528.1-ci mаddəsi ilə təqsirli bilinib, bаrəsində 500 (beş yüz) manat məbləğində inzibаti cərimə tənbehi tətbiq edilsin. Qərаrın surəti inzibаti xətа törətmiş, protokol tərtib etmiş və zərərşəkmiş şəxslərə göndərilsin. Qərаrın icrаsı Bərdə rаyоn İcra və Probasiya şöbəsinə həvаlə edilsin. Qərаrın surəti təqdim edildiyi və yа аlındığı gündən 10 (оn) gün müddətində Bərdə Rаyоn Məhkəməsi vаsitəsi ilə Gəncə Аpelyаsiyа Məhkəməsinə аpelyаsiyа şikаyəti və yа prоtesti verilə bilər.