Bərdə Rayon Məhkəməsi Qərar — İş №3(021)-1273/2023

Azərbaycan Respublikası adından QƏRAR Bərdə rayonu İş № 3(021)-1273/2023 14.08.2023 BƏRDƏ RAYON MƏHKƏMƏSİ Bərdə Rayon Məhkəməsinin hakimi Əbilov Qamət Mehman oğlunun sədrliyi, X6 iclas katibliyi, Bərdə RPŞ-nin İTB-nin polis sahə rəisi X7, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1975-ci ildə Xocalı rayonu Cəmilli kəndində anadan olmuş, ünvan 1 ünvanında yaşayan Şəxs barəsində Azərbaycan Respublikasının İnzibati Xətalar Məcəlləsinin 510-cu maddəsi ilə olan inzibati xəta haqqında materiala açıq məhkəmə iclasında baxaraq MÜƏYYƏN ETDİ: Şəxs İXM-in 510-cu maddəsi ilə nəzərdə tutulmuş inzibati xətanı törətməkdə təqsirli bilinərək, barəsində Bərdə rayon Polis Şöbəsi tərəfindən 11 avqust 2023-cü il tarixdə inzibati xəta haqqında protokol tərtib olunaraq, baxılması üçün Bərdə Rayon Məhkəməsinə göndərilmişdir. İnzibati xəta haqqında protokol tərtib olunmuşdur ona görə ki, Şəxs 11 avqust 2023-cü il tarixdə Bərdə rayon İcra və Probasiya Şöbəsində uca səslə nalayiq ifadələr işlətmişdir. Məhkəmə iclasında Bərdə RPŞ-nin İTB-nin polis sahə rəisi X11 bildirdi ki, Xocalı rayon Məhkəməsinin 2(070)-2 saylı saylı xx.xx.2020-ci il tarixli icra sənədi üzrə tələbkar Şəxs xx.xx.2023-cü il tarixində saat 03:20 radələrində icra şöbəsinə gəlmiş və şöbənin rəisi Rusif Quliyev öz xidməti otağında onu qəbul edərkən şöbənin iş rejimini pozmuş, icra məmuru və şöbənin rəisinin ünvanına nalayiq ifadələr işlətmişdir. Şöbənin mühafizə polisi X4 təhdid etmiş, həmçinin şöbənin icra məmuru X2 təhqir edərək hədələmişdir. Şəxs 11 avqust 2023-cü il tarixində İcra və Probasiya şöbəsinin iş fəaliyyətini 15-20 dəqiqə pozmuşdur. Buna görə də tərəfindən onun barəsəində Azərbaycan Respublikasının İnzibati Xətalar Məcəlləsinin 510-cu maddəsi ilə potokol tərtib olunmuşdur. Barəsində tədbir görülməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirdi ki, Bərdə rayon İcra və Probasiya şöbəsi tərəfindən ona qarşı qərəzli mövqe var və onun hüquqları bilərəkdən tapdalanır. Həmçinin İcra və probasiya şöbəsi tərəfindən verilən məlumatlar yalandır, həqiqəti əks etdirmir. Barəsində olan protokolun ləğv olunmasını xahiş etdi. Məhkəmə iclasında şahid qismində çıxış edən icra məmuru X3 bildirdi ki, Xocalı rayon Məhkəməsinin 2(070)-2 saylı saylı xx.xx.2020-ci il tarixli icra sənədi üzrə tələbkar Şəxs xx.xx.2023-cü il tarixində icra şöbəsinə gəlmiş və şöbənin rəisi Rusif Quliyev öz xidməti otağında onu qəbul edərkən şöbənin iş rejimini pozmuş,icra məmuru və şöbənin rəisinin ünvanına nalayiq ifadələr işlətmişdir. Dəfələrlə şöbədə qanunsuz çəkilişlər aparmış və şöbənin mühafizə polisi X4 təhdid etmidir. Həmçinin onu təhqir edərək hədələmişdir. O, 11 avqust 2023-cü il tarixində İcra və Probasiya şöbəsinin iş fəaliyyətini 15-20 dəqiqə pozmuşdur. Məhkəmə iclasında şahid qismində çıxış edən icra məmuru X1 rayon Məhkəməsinin 2(070)-2 saylı saylı xx.xx.2020-ci il tarixli icra sənədi üzrə tələbkar Şəxs xx.xx.2023-cü il tarixində icra şöbəsinə gəlmiş və şöbənin rəisi Rusif Quliyev öz xidməti otağında onu qəbul edərkən şöbənin iş rejimini pozmuş,icra məmuru və şöbənin rəisinin ünvanına nalayiq ifadələr işlətmişdir. Dəfələrlə şöbədə qanunsuz çəkilişlər aparmış və şöbənin mühafizə polisi X4 təhdid etmidir. Həmçinin şöbənin icra məmuru X2 təhqir edərək hədələmişdir. Beləliklə, Şəxs 11 avqust 2023-cü il tarixində İcra və Probasiya şöbəsinin iş fəaliyyətini 15-20 dəqiqə pozmuşdur. Məhkəmə işdə iştirak edən şəxslərin dinləyib, tədqiq edilmiş sübutlara qiymət verərək hesab edir ki, Şəxs Azərbaycan Respublikası İXM-in 510-cu maddəsi ilə nəzərdə tutulmuş inzibati xətanı törətməsi barəsində inzibati xəta haqqında iş üzrə icraat aparılan şəxsin etirafı və iş üzrə toplanmış sübutlarla tam sübuta yetir. Onun inzibati məsuliyyətdən azad edilməsi və iş üzrə icraata xitam verilməsi üçün heç bir əsas yoxdur və Şəxs törətdiyi inzibati xətaya görə tənbeh edilməlidir. İşdə olan xx.xx.2023-cü il tarixli, MN №1660046 nömrəli inzibati xəta haqqında protokoldan görünür ki, Şəxs 11 avqust 2023-cü il tarixdə Bərdə rayon İcra və Probasiya Şöbəsində uca səslə nalayiq ifadələr işlətmişdir. İş materiallarına əlavə olunmuş Bərdə rayon İcra və Probasiya şöbəsi tərəfindən tərtib olunmuş xx.xx.2023-cü il tarixli Aktdan görünür ki, Xocalı rayon Məhkəməsinin 2(070)-2 saylı saylı xx.xx.2020-ci il tarixli icra sənədi üzrə tələbkar Şəxs xx.xx.2023-cü il tarixində saat 03:20 radələrində icra şöbəsinə gəlmiş və şöbənin rəisi Rusif Quliyev öz xidməti otağında onu qəbul edərkən şöbənin iş rejimini pozmuş, icra məmuru və şöbənin rəisinin ünvanına nalayiq ifadələr işlətmişdir. Dəfələrlə şöbədə qanunsuz çəkilişlər aparmış və şöbənin mühafizə polisi X4 təhdid etmidir. Həmçinin şöbənin icra məmuru X2 təhqir edərək hədələmişdir. Beləliklə, Şəxs 11 avqust 2023-cü il tarixində İcra və Probasiya şöbəsinin iş fəaliyyətini 15-20 dəqiqə pozmuşdur. İş materiallarına əlavə olunmuş Bərdə rayon Poliş Şöbəsi tərəfindən tərtib olunmuş xx.xx.2023-cü il tarixli imza etməkdən imtina haqqında protokoldan görünür ki, Bərdə şəhər 588 saylı qəsəbədə yaaşayan Şəxs barəsində tərtib olunmuş inzibati protokola və digər sənədlərə qol çəkmədən imtina etmişdir. Beləliklə, Şəxs Azərbaycan Respublikası İXM-nin 510-cu maddəsində nəzərdə tutulan inzibati xəta törətməsi özünün etirafı, inzibati xəta törətməsi barədə tərtib olunmuş protokol, həmçinin protokola əlavə edilmiş digər materiallarla təsdiq olunur. Onun inzibati məsuliyyətdən azad edilməsi və iş üzrə icraata xitam verilməsi üçün heç bir əsas yoxdur və Şəxs törətdiyi inzibati xətaya görə tənbeh edilməlidir. Azərbaycan Respublikası İXM-in 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə -əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İXM-in 76.1-ci maddəsinə əsasən, inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Həmin Məcəllənin İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsində isə göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında barəsində inzibati xəta haqqında iş üzrə icraat aparılan şəxs Şəxs əməlində məsuliyyətini yüngülləşdirən və ağırlaşdıran hallar müəyyən edilmədi. Barəsində tətbiq ediləcək inzibati tənbeh növünü müəyyən edərkən, məhkəmə inzibati xəta törətmiş Şəxs törətdiyi inzibati xətanın xarakterini, onun şəxsiyyətini nəzərə alaraq inzibati tənbehin məqsədinə nail olmaq üçün onun barəsində inzibati cərimə tənbehi tətbiq etməyi məqsədəmüvafiq hesab edir. Belə ki, Şəxs törətdiyi inzibati xətanın xarakterini nəzərə alaraq məhkəmə hesab edir ki, barəsində inzibati cərimə tətbiq etməklə onu qanunlara əməl edilməsi ruhunda tərbiyələndirmək, habelə gələcəkdə yeni inzibati xəta törətməsinin qarşısını almaq kimi inzibati tənbehin məqsədinə nail olmaq mümkündür. Göstərilənləri və Azərbaycan Respublikası İXM-nin 114, 115, 117, 128-130-cu maddələrini rəhbər tutub, QƏRARVERDİ: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinərək, barəsində 100 (bir yüz) manat inzibati tənbeh- cərimə tətbiq edilsin. Qərarın surəti inzibati xəta törətmiş şəxsə və Bərdə rayon Polis Şöbəsinə göndərilsin. Qərarın icrası Bərdə rayon İcra və Probasiya şöbəsinə həvalə edilsin. Qərarın surəti rəsmi qaydada alındığı gündən 10 (on) gün müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti və ya protesti verilə bilər. Hakim: Qamət Əbilov