Bərdə Rayon Məhkəməsi Qərar — İş №3(021)-1275/2024

Azərbaycan Respublikası adından QƏRAR Bərdə rayonu İş № 3(021)-1275/2024 20.12.2024 BƏRDƏ RAYON MƏHKƏMƏSİ Hakim Babaşov Fuad Bəhruz oğlunun sədrliyi, X3 iclas katibliyi, protokol tərtib etmiş şəxs X4, zərərçəkmiş şəxslər X7 və X2, barəsində inzibati xəta haqqında iş üzrə icraat aparılan şəxs Şəxs iştirаkları ilə, xx.xx.1985-ci ildə Bərdə rayonunda doğulmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, Bərdə rayonu, Çələbilər kəndində yaşayan Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələrində müəyyən olunmuş inzibati xəta törətməsinə dair Bərdə rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs 18 dekabr 2024-cü il tarixdə Bərdə rayonu Məşədiibişli kəndində yüksək səslə nəlayiq ifadələr işlədərək polis əməkdaşlarının qanuni tələbinə tabe olmadığından 18 dekabr 2024-cü il tarixdə İXM-in 510 və 535.1-ci mаddələrində nəzərdə tutulmuş inzibаti xətаları törətməkdə təqsirli bilinərək barəsində MN № ******* nömrəli inzibati xəta haqqında prоtоkоl tərtib оlunаrаq baxılması üçün Bərdə Rayon Məhkəməsinə göndərilmişdir. Məhkəmə iclasında protokol tərtib etmiş şəxs Bərdə Rayon Polis Şöbəsinin İTB-nin polis sahə rəisi X8 izahatında göstərdi ki, 18 dekabr 2024-cü il tarixdə saat 17:30 radələrində Bərdə rayonu Məşədiibişli kəndində Bərdə RPŞ-nin İTB-nin sahənin polis nəfərləri polis serjantları Vadim Səfərov, Alı Əlizadə, Ayxan Abbaszadə və Amil Verdiyev ilə xidmətdə olan zaman dörd nəfər şəxsin bir-birləri ilə sözlü mübahisə etdikləri aşkar edilmişdir. Həmin şəxlərə yaxınlaşıb özlərini təqdim edib ictimai yerdə olduqlarını bildirərək həmin şəxsləri nizam intizama dəvət etsələrdə həmin şəxslər təkrara uca səslə ünvansız nəlayiq ifadələr işlədərək ətrafdakı insanların diqqətini cəlb etməyə və həmin yerə ətraf kütlənin toplaşmağına şərait yaratmışdırlar. Dəfələrlə həmin şəxsləri nizam intizama dəvət etsələrdə onlar polisin qanuni tələbinə qəsədən tabe olmayaraq öz qanunsuz əməllərini davam etdirmişlər. Həmin şəxsləri Polis Şöbəsinə dəvət etsələrdə həmin şəxslər heç bir yerə getməyəcəklərini bildirərək onlara əl qol hərəkətləri etməyə və polisin ünvanına nəlayiq ifadələr işlətməyə başlamışlar. Dəfərlə həmin şəxslərə polisin qanuni tələbinə tabe olmağa xəbərdarlıq edilsə də həmin şəxslər hadisə yerindən qaçmağa cəhd göstərmişlər. Lakin həmin şəxslərin Polis Şöbəsinə gətirilməsini təmin etmişlər. Rayon Polis Şöbəsində məlum olmuşdur ki, həmin şəxslərdən biri də Şəxsdur. Buna görə də Şəxs barəsində İXMnin 510 və 535.1-ci maddələri ilə inzibati xətanın törədilməsi haqqında protokol tərtib edilmiş, əmələ hüquqi qiymət verilməsi və tədbir görülməsi üçün məhkəməyə gətirilmişdir. Odur ki, Şəxs barəsində inzibati tənbeh tətbiq edilməsi barədə qərarın qəbul edilməsini məhkəmədən xahiş edir. Məhkəmə iclаsındа barəsində inzibati xəta haqqında iş üzrə icraat aparılan şəxs Şəxs izahatında göstərdi ki, 18 dekabr 2024-cü il tarixdə içkili olmuş ucadan nəlayiq ifadələr işlətmişdir. Törətdiyi əməldən peşimandır. Məhkəmə iclasında zərərçəkmiş şəxs qismində izahat verən Bərdə rayon YPX əməkdaşı X10 ifadəsində göstərmişdir ki, 18 dekabr 2024-cü il tarixdə saat 17:30 radələrində Bərdə rayonu Məşədiibişli kəndində xidmətdə olan zaman dörd nəfər şəxsin bir-birləri ilə sözlü mübahisə etdikləri aşkar edilmişdir. Həmin şəxlərə yaxınlaşıb özlərini təqdim edib ictimai yerdə olduqlarını bildirərək həmin şəxsləri nizam intizama dəvət etsələrdə həmin şəxslər təkrara uca səslə ünvansız nəlayiq ifadələr işlədərək ətrafdakı insanların diqqətini cəlb etməyə və həmin yerə ətraf kütlənin toplaşmağına şərait yaratmışdırlar. Dəfələrlə həmin şəxsləri nizam intizama dəvət etsələrdə onlar polisin qanuni tələbinə qəsədən tabe olmayaraq öz qanunsuz əməllərini davam etdirmişlər. Bundan sonra həmin şəxsləri Polis Şöbəsinə gətirmişlər. Həmin şəxslərdən biri də Şəxs olmuşdur. Məhkəmə iclasında zərəçəkmiş qismində izahat verən Bərdə rayon YPX əməkdaşı X1 Alı Hafis oğlu ilə eyni məzmunlu izahat vermişdir. İş materiallarında olan 19 dekabr 2024-cü il tarixli, MN2058196 nömrəli inzibati xəta haqqında protokoldan görünür ki, 18 dekabr 2024-cü il tarixdə Bərdə rayonu Məşədiibişli kəndində yüksək səslə nəlayiq ifadələr işlətməklə polisin qanuni tələbini pozmuşdur. İş materiallarında olan inzibati qaydada tutma haqqında protokoldan görünür ki, Şəxs 18 dekabr 2024-cü il tarixdə inzibati qaydada tutulmuşdur. Məhkəmə tərəfləri dinləyib, iş materiallarını araşdırıb hesаb edir ki, Şəxs İXM-in 510-ci mаddəsində nəzərdə tutulan inzibati xətanı törətmişdir və o, inzibаti qаydаdа məsuliyyətə cəlb оlunmаlı, Şəxs Fəxərddin oğlunun əməlində Azərbaycan Respublikası İnzibati Xətalar Məcəlləsinin 535.1-ci maddəsinin tərkibi olmadığından həmin hissədə inzibati xəta haqqında iş üzrə icraata xitam verilməlidir. Belə ki, inzibаti xəta haqqında işin mаteriаllarına əlаvə edilmiş: Bərdə RPŞ İTB-nin polis sahə rəisi, polis kapitanı X8 tərəfindən Şəxs barəsində tərtib edilmiş xx.xx.2024-cü il tarixli MN № ******* nömrəli inzibati xəta haqqında protokolda göstərilmişdir ki, Şəxs Fəxərddin oğlu xırda xuliqanlıq etməklə polisin qanuni tələbinə qəsdən tabe olmamışdır. İşdə olan xx.xx.2024-cü il tarixli inzibati qaydada tutma haqqında protokoldan görünür ki, Şəxs İXM-in 510, 535.1-ci maddələri ilə nəzərdə tutulmuş inzibati xətanı törətdiyinə görə xx.xx.2024-cü ildə saat 18:40-da Bərdə RPŞ-də inzibati qaydada tutulmuşdur. İş materiallarında olan 18 dekabr 2024-cü il tarixli 1714 saylı sərxoşluq vəziyyətinin tibbi müayinəsi aktından görünür ki, Şəxs orta dərəcəli alkoqol sərxoşluğu vəziyyəti olmuşdur. İXM-in 510-cu maddəsinə əsasən, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmçinin, İXM-in 535.1-ci maddəsinə əsasən, polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Həmin maddəyə əsasən ictimai qaydanın mühafizə vəzifələrini icra edən polis əməkdaşının qanuni tələblərinə qəsdən tabe olmamaq inzibati məsuliyyətə səbəb olur. Məhkəmə iclasında tədqiq olunmuş və mötəbərliliyi məhkəmədə heç bir şübhə doğurmayan sübutlarla müəyyən edilmişdir ki, Şəxs 18 dekabr 2024-cü il tarixdə Bərdə rayonu Məşədiibişli kəndində polis əməkdaşları ilə uca səslə mübahisə edərək və etiraz edərək ucadan ünvansız nalayiq ifadələr işlədib ictimai qaydanı pozaraq xırda xuliqanlıq etmişdir. Bununla da o, İXM-in 510-cu maddəsində nəzərdə tutulan inzibati xətanı törətmişdir. Məhkəmə iclasında tədqiq edilmiş sübutlarla Şəxs əməlində İnzibati Xətalar Məcəlləsinin 535.1-ci maddəsinin tərkibinin olduğu sübut olunmur. Belə ki, iş materiallarında olan sənədlərlə, həmçinin məhkəmə iclasında inzibati xəta törətmiş şəxsin və zərərçəkmiş şəxslərin izahatları ilə müyyən olunur ki, Şəxs polis əməkdaşları ilə mübahisə etmiş, lakin heç bir müqavimət göstərməmiş və polis əməkdaşlarının qanuni tələbinə əsasən riayət etmişdir. Bu isə Şəxs polis əməkdaşlarının qanuni tələbinə qəsdən tabe olmaması kimi şərh edilə bilməz. Məhkəmə qeyd etməyi vacib hesab edir ki, Şəxs uca səslə nalayiq ifadələr işlədərək cəmiyyətə açıq aşkar hörmətsizlik etməsi İXM-in 535.1-ci maddəsində nəzərdə tutulmuş inzibati xətanın tərkibini yaratmır. İXM-in 76.1-ci maddəsinə əsasən, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Məhkəmə Şəxs məhz hansı tənbehin tətbiq edilməsini müzakirə edərkən onun törətmiş olduğu inzibаti xətаnın xаrаkterini və barəsində inzibati xəta haqqında iş üzrə icraat aparılan şəxsin şəxsiyyətini, habelə 2 gün inzibati qaydada tutulmasını nəzərə alaraq belə qənaətə gəlir ki, onun barəsində aşağı həddə inzibati cərimə tənbehi tətbiq edilməlidir. Belə ki, İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsində isə göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 34.1-ci maddəsinə əsasən bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. Həmin Məcəllənin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Həmin Məcəllənin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Həmin Məcəllənin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə başlanmış icraata xitam verilir. Həmin Məcəllənin 114.1.4-cü maddəsinə əsasən inzibati xəta haqqında işə baxılarkən çıxarılan qərarlardan biri də inzibati xəta haqqında iş üzrə icraata xitam verilməsi haqqında qərardır. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Məhkəmə qeyd edir ki, inzibati xəta törədən Şəxs əməlində onun məsuliyyətini yüngülləşdirən hal əməlindən səmimi peşman olması və ilk dəfə inzibati xəta törətməsi, əvvəllər məhkumluğunun olmaması və polis əməkdaşlarından üzr istəməsi, habelə evli və himayəsində iki övladının olmasıdır. Şəxs əməlində onun məsuliyyətini ağırlaşdıran hər hansı hallar aşkar edilməmişdir. Məhkəmə həmçinin bildirir ki, İXM-in 31.4-1-ci maddəsinə qeyd edilmişdir ki, inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Belə olan halda, məhkəmə hesab edir ki, inzibati xəta törədən Şəxs İXM-nin 510-cu maddəsi ilə təqsirli bilinib barəsində 50 manat məbləğində inzibati cərimə tənbehi tətbiq edilməsi yolu ilə onu qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq kimi inzibаti tənbehin məqsədlərinə nаil оlmаq mümkündür. Həmçinin, Şəxs barəsində inzibati cərimə tənbehi tətbiq edildiyindən və o, 18 dekabr 2024-cü il tarixdən tutulduğundan dərhal məhkəmə iclas zalından azad edilməlidir. Göstərilənlərə əsаsən və İXM-in 43, 112, 114, 115, 117, 128-130-cu mаddələrini rəhbər tutаrаq, məhkəmə Q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 510-cu mаddəsi ilə təqsirli bilinib, 50 (əlli) manat məbləğində inzibаti cərimə tənbehi tətbiq edilsin. Şəxs əməlində Azərbaycan Respublikasının İnzibati Xətalar Məcəlləsinin 535.1-ci maddəsinin tərkibi olmadığından həmin hissədə inzibati xəta haqqında iş üzrə icraata xitam verilsin. Şəxs dərhal məhkəmə iclas zalından azad edilsin. Qərаrın icrаsı Bərdə rаyоn İcra və Probasiya şöbəsinə həvаlə edilsin. Qərаrın surəti inzibаti xətа törətmiş şəxsə və protokol tərtib edən şəxsə göndərilsin. Qərаrın surəti təqdim edildiyi və yа аlındığı gündən 10 (оn) gün müddətində Bərdə rayon Məhkəməsi vasitəsilə və ya birbaşa Gəncə Аpellyаsiyа Məhkəməsinə аpellyаsiyа şikаyəti və yа prоtesti verilə bilər. Hаkim:Fuad Babaşov