Bərdə Rayon Məhkəməsi Qərar — İş №3(021)-1380/2025

Azərbaycan Respublikası adından QƏRAR Bərdə rayonu İş № 3(021)-1380/2025 08.12.2025 BƏRDƏ RAYON MƏHKƏMƏSİ Hakim Abdullayev Fərman Firidun oğlunun sədrliyi, X1 iclas katibliyi, icra məmuru X5 və barəsində inzibati xəta haqqında iş üzrə icraat aparılan şəxs Şəxs iştirakları ilə, Ş/V:AA*******, xx.xx.1997-ci il tarixdə Barnaul şəhərində doğulmuş, orta təhsilli, subay, fərdi əməklə məşğul olan, Kəlbəcər rayonu, Hacıkənd Ə/D Hacıkənd kəndində qeydiyyatda olan və Bərdə rayonu, Qaradağlı kəndində yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsində müəyyən olunmuş inzibati xəta törətməsinə dair Bərdə rayon icra və probasiya şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs barəsində Azərbaycan Respublikası İnzibati Xətalar 528.1-ci maddəsində müəyyən olunmuş inzibati xəta törətməsinə dair Bərdə rayon İcra və probasiya şöbəsi tərəfindən 08 dekabr 2025-ci il tarixdə inzibati xəta haqqında prоtоkоl tərtib оlunаrаq baxılması üçün Bərdə rayon məhkəməsinə göndərilmişdir. Məhkəmə iclasında protokol tərtib etmiş şəxs Bərdə rayon İcra və probasiya şöbəsinin icra məmuru X5 protokolu müdafiə edərək bildirdi ki, Bərdə rayon Məhkəməsinin xx.xx.2022-ci il taixli, 2(021)-2802/2022 saylı icra sənədinə əsasən X6 04 fevral 2020-ci il təvəllüdlü X7 ilə hər həftənin şənbə və bazar günləri səhər saat 10:00-dan axşam saat 22:00 kimi həmçinin bayram günləri daxil olmaqla görüşüb ünsiyyətdə olmaq, müəyyən edilmiş vaxtda cavabdeh Şəxs övladı ilə birlikdə rayonda olmadığı zaman öz aralarında razılığa gələrək görüşüb ünsiyyətdə olma vaxtını həftənin digər günləri istənilən saatda əvəz edəcəklərinə dair X8 ilə cavabdeh Şəxs arasında mediasiya prosesi nəticəsində bağlanmış 13 sentyabr 2021-ci il tarixli barışıq sazişi təsdiq edilmişdir. İcra sənədi üzrə müvafiq olaraq icraata başlanılmşdır. İcra səndinin icrası ilə bağlı tərəflərə məlumat göndərilmiş, borclu Şəxs tələbin könüllü icrası üçün bildiriş göndərilmişdir. Lakin borclu tələbin təmin edilməsindən yayınaraq tələbkara uşağı ilə görüşüb ünsiyyətdə olmasına şərait yaratmayaraq icra məmurunun qanuni tələblərini yerinə yetirməmişdir. Tələbkar tələbin təmin edilərək övladı ilə görüşüb ünsiyyətdə olmasının təmin olunmasını tələb edir. Məhkəmə iclаsındа barəsində inzibati xəta haqqında iş üzrə icraat aparılan şəxs Şəxs bildirdi ki, tələbkar ilə uşaqla görüş barədə qarşılıqlı razılaşmışlar və barışıq sazişi bağlamışlar. Aralarında bağlanmış barışıq sazişi məhkəmə tərəfindən təsdiq edilmişdir. xx.xx.2020-ci il təvəllüdlü X9 onun yanında saxlanmış, uşağın saxlanması üçün X3 xeyrinə aliment tutulmuş və X6 uşaqla görüş verilmişdir. Məhkəmə tərəfindən verilmiş icra sənədi üzrə tələbi xx.xx.2025-ci il tarixədək təmin edərək uşağın atası ilə görüşünə etiraz etməmiş və 5 yaşlı uşağı tələbkara yaşadıqları evdə görüşməsi üçün vermişdir. Ona görə ki, tələbkar X8 ona barışacaqları barədə vədlər vermiş, lakin hazırda başqa şəxslə yeni ailə qurmuşdur. Hazırda uşağının tələbkarın yeni ailə qurduğu qadınla yaşadığı evdə aparıb görüşməsinə etiraz edir. Tələbkarın uşaqla görüş üçün üçüncü yer seçməsini istəyir. Başqa halda uşağı tələbkara verməyəcəkdir. Odur ki, nəzərə alınmasını xahiş edir. Məhkəmə, işdə iştirak edən şəxsləri dinləyib, iş materiallarını araşdırıb hesаb edir ki, Kərimli X2 Xətalar Məcəlləsinin (bundan sonra İXM-nin) 528.1-ci mаddəsində nəzərdə tutulan inzibati xətanı törətmişdir və o, inzibаti qаydаdа məsuliyyətə cəlb оlunmаlıdır. Belə ki, inzibati materiala əlаvə edilmiş və məhkəmə iclаsındа tədqiq edilmiş; Bərdə rayon Məhkəməsinin xx.xx.2022-ci il taixli, 2(021)-2802/2022 saylı icra sənədindən görünür ki, X6 04 fevral 2020-ci il təvəllüdlü X7 ilə hər həftənin şənbə və bazar günləri səhər saat 10:00-dan axşam saat 22:00 kimi həmçinin bayram günləri daxil olmaqla görüşüb ünsiyyətdə olmaq, müəyyən edilmiş vaxtda cavabdeh Şəxs övladı ilə birlikdə rayonda olmadığı zaman öz aralarında razılığa gələrək görüşüb ünsiyyətdə olma vaxtını həftənin digər günləri istənilən saatda əvəz edəcəklərinə dair X8 ilə cavabdeh Şəxs arasında mediasiya prosesi nəticəsində bağlanmış 13 sentyabr 2021-ci il tarixli barışıq sazişi təsdiq edilmişdir. xx.xx.2025-ci il tarixli (tələbin könüllü icrası haqqında) Bildirişdən görünür ki, Şəxs Bərdə rayon Məhkəməsinin xx.xx.2022-ci il taixli, 2(021)-2802/2022 saylı icra sənədi üzrə yaranmış borcu könüllü olaraq ödəməsi üçün 10 gün müddət verilmişdir. xx.xx.2025-ci il tarixli Bildirişdən görünür ki, X8 və Şəxs Bərdə rayon Məhkəməsinin xx.xx.2022-ci il taixli, 2(021)-2802/2022 saylı icra sənədi üzrə icra prosesi xx.xx.2025-ci il tarixdə saat 10:00 təyin edilməsi barədə bildiriş verilmişdir. Bərdə Rayon İcra və Probasiya Şöbəsi tərəfindən tərtib edilmiş xx.xx.2025-ci il tarixli aktdan görünür ki, icra sənədi üzrə Şəxs və uşaq 04 fevral 2020-ci il təvəllüdlü X7 görüş təyin edilmiş yer olan Bərdə rayon İcra və probasiya şöbəsinin inzibati binasına gəlməmiş, əlaqə saxlanıldıqda borclu Şəxs özünün və uşağın həmin görüş yerinə gəlməyəcəyini bildirmişdir. Borclu uşağı görüş yerinə gətirmədiyindən görüş vaxtı təxirə alınmışdır. xx.xx.2025-ci il tarixli Bildirişdən görünür ki, X8 və Şəxs Bərdə rayon Məhkəməsinin xx.xx.2022-ci il taixli, 2(021)-2802/2022 saylı icra sənədi üzrə icra prosesi xx.xx.2025-ci il tarixdə saat 10:00 təyin edilməsi barədə bildiriş verilmişdir. Bərdə Rayon İcra və Probasiya Şöbəsi tərəfindən tərtib edilmiş xx.xx.2025-ci il tarixli aktdan görünür ki, icra sənədi üzrə Şəxs və uşaq 04 fevral 2020-ci il təvəllüdlü X7 görüş təyin edilmiş yer olan Bərdə rayon İcra və probasiya şöbəsinin inzibati binasına gəlməmiş, əlaqə saxlanıldıqda borclu Şəxs özünün və uşağın həmin görüş yerinə gəlməyəcəyini bildirmişdir. Borclu uşağı görüş yerinə gətirmədiyindən görüş vaxtı təxirə alınmışdır. xx.xx.2025-ci il tarixli Bildirişdən görünür ki, X8 və Şəxs Bərdə rayon Məhkəməsinin xx.xx.2022-ci il taixli, 2(021)-2802/2022 saylı icra sənədi üzrə icra prosesi xx.xx.2025-ci il tarixdə saat 10:00 təyin edilməsi barədə bildiriş verilmişdir. Bərdə Rayon İcra və Probasiya Şöbəsi tərəfindən tərtib edilmiş xx.xx.2025-ci il tarixli aktdan görünür ki, icra sənədinin təmin edilməsi üçün icra sənədi üzrə borclu Şəxs yaşadığı ünvanda olmuşlar. Lakin borclu evin həyət darvazasını bağlayaraq icra sənədinin icrasından yayınmışdır. AA******* seriya və nömrəli şəxsiyyət vəsiqəsi məlumatlarından görünür ki, Şəxs xx.xx.1997-ci ildə Bərdə şəhərində doğulmuşdur, Kəlbəcər rayonu, Hacıkənd Ə/D Hacıkənd kəndində qeydiyyatdadır və Bərdə rayonu, Qaradağlı kəndində yahşayır. Bərdə rayon icra və probasiya şöbəsi tərəfindən tərtib edilmiş 08 dekabr 2025-ci il tarixli, MN №2327111 nömrəli protokoldan görünür ki, borclu Şəxs icra sənədi icra etməmişdir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən, icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin maddəyə görə, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi inzibati məsuliyyətə səbəb olur. Məhkəmə iclasında tədqiq olunmuş və mötəbərliliyi məhkəmədə heç bir şübhə doğurmayan sübutlarla müəyyən edilmişdir ki, borclu Şəxs müddət keçməsinə baxmayaraq icra sənədi üzrə borcunu heç bir üzrlü səbəb göstərmədən ödəməmiş və bu barədə icra məmurunun qanuni tələblərini yerinə yetirməməklə, İXM-in 528.1-ci maddəsində nəzərdə tutulan inzibati xətanı törətmişdir. İş materiallarından görünür ki, borclu məhkəmənin icra sənədlərini icra etmək barədə icra məmurunun qanuni tələbini yerinə yetirməməkdə davam edir. Azərbaycan Respublikası Konstitusiyasının 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası Mülki Prosessual Məcəlləsinin 15.2-ci maddəsinə görə məhkəmələrin qanuni qüvvəyə minmiş qərarları bütün şəxslər üçün məcburidir və Azərbaycan Respublikası ərazisində hökmən icra olunmalıdır. “İcra Haqqında” Azərbaycan Respublikası Qanunun 2.1-ci maddəsinə görə Azərbaycan Respublikasında məhkəmə və digər orqanların qərarlarının məcburi icrası icra məmurları tərəfindən həyata keçirilir. “İcra Haqqında” Azərbaycan Respublikası Qanunun 12.1-ci maddəsinə görə Bu Qanunun 8.2-ci maddəsinin üçüncü bəndində nəzərdə tutulmuş hal istisna olmaqla, icra məmuru icra sənədini aldığı gündən iki ay müddətində bütün zəruri icra hərəkətlərini həyata keçirməlidir. “İcra Haqqında” Azərbaycan Respublikası Qanunun 3.1-ci mаddəsinin tələbinə görə, Məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. “İcra Haqqında” Azərbaycan Respublikası Qanunun 3.2-ci mаddəsinin tələbinə görə, Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. İş materiallarından aydın olur ki, sözügedən icra sənədinin tələbləri yerinə yetirilmədiyindən icra məmuru tərəfindən “İcra haqqında” Qanunun 82.1-ci maddəsinə müvafiq olaraq inzibati xəta haqqında protokol tərtib edilmişdir. Belə ki, adı çəkilən Qanunun 82.1-ci maddəsinə əsasən, borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarları ilə bağlı verilmiş icra sənədləri istisna olmaqla). İnzibati məsuliyyətə cəlb etmə haqqında qərar qəbul edildikdən sonra icra məmuru tərəfindən borcluya icra üçün yeni müddət təyin edilir. «İnsan hüquqlarının və əsas azadlıqlarının müdafiəsi haqqında» Avropa Konvensiyasının 6-cı maddəsi (ədalətli məhkəmə araşdırması hüququ) məhkəmə qərarlarının icrası prosedurunu da əhatə edir. İnsan Hüquqları üzrə Avropa Məhkəməsi «Hornsbi Yunanıstana qarşı» işdə bu prinsipi belə vurğulamışdır: «....Razılığa gələn Dövlətlərin daxili hüquq sistemləri məcburi qüvvəyə malik yekun məhkəmə qərarının tərəflərdən birinin ziyanına olaraq icra olunmadan qalmasına yol versəydi, 6-cı maddə ilə təmin olunan məhkəməyə müraciət hüququ xəyali hüquq olardı». Məhkəmə Şəxs məhz hansı tənbehin tətbiq edilməsini müzakirə edərkən onun törətmiş olduğu inzibаti xətаnın xаrаkterini və barəsində inzibati icraat aparılan şəxsin şəxsiyyətini nəzərə alaraq belə qənaətə gəlir ki, onun barəsində inzibati cərimə tənbehi tətbiq edilməlidir. Belə ki, İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. İXM-in 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-in 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İXM-in 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İXM-in 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İXM-in 32.1.3.-cü maddəsinə əsasən inzibati xətanın hamilə qadın və ya himayəsində azyaşlı uşağı olan qadın tərəfindən törədildikdə inzibati tənbeh tətbiq edilərkən, məsuliyyətini yüngülləşdirilən hal kimi nəzərə alınmalıdır. Şəxs himayəsində azyaşlı uşağının olması məsuliyyətini yüngülləşdirən hal kimi nəzərə alınır. Şəxs əməlində onun məsuliyyətini ağırlaşdıran hallar aşkar edilməmişdir. Məhkəmə həmçinin bildirir ki, İXM-in 31.4-cü maddəsinə qeyd edilmişdir ki, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. İXM-in 9.2, 12 və 35-ci maddələrinin mənası baxımından, şəxs həmin Məcəllənin 528.1-ci maddəsində nəzərdə tutulan inzibati xətanı törətməyə görə inzibati məsuliyyətə cəlb edildikdən sonra məhkəmə və digər orqanların qərarlarını icra etmədikdə (qərəzli olaraq icra etməmə istisna olmaqla), yenidən inzibati məsuliyyətə cəlb oluna bilər. (Azərbaycan Respublikası Konstitusiya Məhkəməsi Plenumunun 04 sentyabr 2018-ci il tarixli qərarı). Belə olan halda, İXM-in 528.1-ci maddəsinin sanksiyasında bir ayadək müddətə inzibati həbs tətbiqi nəzərdə tutulduğundan məhkəmə belə qənaətə gəlir ki, Şəxs İXM-in 528.1-ci mаddəsi ilə təqsirli bilinib, bаrəsində 500 manat məbləğində inzibati cərimə tənbeh növünün tətbiq edilməsi ilə оnu qаnunlаrа əməl edilməsi ruhundа tərbiyələndirmək, hаbelə gələcəkdə yeni inzibаti xətа törətməsinin qаrşısını аlmаq kimi inzibаti tənbehin məqsədlərinə nаil оlmаq mümkündür. Göstərilənlərə əsаsən və İXM-in 112, 114, 128-130-cu mаddələrini rəhbər tutаrаq məhkəmə, Q ə r a r a a l d ı: Şəxs İXM-in 528.1-ci maddəsi ilə təqsirli bilinib, barəsində 500 (beş yüz) manat məbləğində inzibаti cərimə tənbehi tətbiq edilsin. Qərаrın icrаsı Bərdə rаyоn İcra və Probasiya şöbəsinə həvаlə edilsin. Qərаrın surəti inzibаti xətа törətmiş şəxsə, protokol tərtib edən şəxsə və zərərçəkmiş şəxslərə göndərilsin. Qərаrın surəti təqdim edildiyi və yа аlındığı gündən 10 (оn) gün müddətində Bərdə rayon Məhkəməsi vasitəsilə və ya birbaşa Gəncə Аpellyаsiyа Məhkəməsinə аpellyаsiyа şikаyəti və yа prоtesti verilə bilər. Hakim: Fərman Abdullayev