Bərdə Rayon Məhkəməsi Qərar — İş №3(021)-1383/2022

Azərbaycan Respublikası adından QƏRAR Bərdə rayonu İş № 3(021)-1383/2022 03.11.2022 BƏRDƏ RAYON MƏHKƏMƏSİ Məhkəmənin hakimi Elsun Məzahir oğlu Əhmədovun sədrliyi ilə, Məhkəmə iclas katibi Orxan Elşən oğlu Bayramovun katibliyi, Bərdə rayonu X8 Yol Polis bölməsinin yol patrul xitmətinin inspektoru, polis baş serjantı X1, Barəsində inzibati icraat aparılan X2 iştirakları ilə, 03 may 1994-cü il tarixdə Bərdə rayonu, Yeni Daşkənd kəndində doğulmuş, orta təhsilli, işləməyən, evli, Bərdə rayonu, Yeni Daşkənd kəndində yaşayan X2 Bərdə rayon Yol Patrul Xidmətinin polis baş serjantı X3 26 avqust 2022-ci il tarixli, İXP ******* saylı inzibati tənbeh vermə haqqında qərarının ləğv edilməsinə dair şikayətinə Bərdə Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏNETDİ Bərdə Rayon Məhkəməsinə X2 barəsində olan inzibati xəta haqqında 26 avqust 2022-ci il tarixli, İXP ******* saylı qərardan verdiyi şikayət daxil olmuşdur. Şikayət onunla əsaslandırılmışdır ki, X5 26 avqust 2022-ci il tarixdə Bərdə şəhəri Bakı küçəsində “Ford Fusion” **-OA-*** dövlət nişanlı avtomobilinə X11 Xidmətinin əməkdaşı X4 tərəfindən İnzibati Xətalar Məcəlləsinin 327.2-ci-ci maddəsi ilə inzibati xəta törədilməsi barədə protokol tərtib edilməklə qərar qəbul etmişdir. X6 barəsində tərtib edilən İXP № ******* saylı inzibati xəta haqqında protokol və TP № ******* saylı qərarla razılaşmiyaraq protokol və qərar əsaslı olmadığını bildirmişdir. Belə ki, belə protokol və qərar yazılması ilə bağlı heç bir bildiriş gəlmədiyini və videogörüntü tələb etdiyi halda ona heç bir videogörüntü təqdim edilmədiyini bildirmişdir. X12 Xidmətinin əməkdaşı tərəfindən Azərbaycan Respublikası İnzibati Xətalar Məcəlləsinin 327.2-ci-ci maddəsinə uyğun olaraq protokol tərtib etmişlər. Həmin protokol və qərar əsassız olduğundan onun ləğv edilməsini məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan X6 şikayətin dəlillərinə uyğun izahat verərək şikayətin təmin edilməsini xahiş etdi. Məhkəmə iclasında Bərdə rayonu X8 Yol Polis bölməsinin yol patrul xitmətinin inspektoru, polis baş serjantı X4 izahatında göstərdi ki, barəsində inzibati xəta haqqında iş üzrə icraat aparılan X6 “giriş qadağandır” yol nişanının tələbini pozmuşdur. Bunun üçün saxlanılmış, müvafiq protokol tərtib edilmişdir. Yazılmış protokol və qərar qanunidir. Şikayətin təmin edilməməsini xahiş etdi. Məhkəmə proses iştiraçılarının izahatını dinləyib, iş materiallarını araşdıraraq belə qənaətə gəlir ki, verilmiş şikayət təmin edilməməlidir. Belə ki, Azərbaycan Respublikasının İnzibati Xətalar Məcəlləsinin 327.2-ci maddəsinə əsasən giriş qadağandır yol nişanının tələbini pozmağa görə altmış manat məbləğində cərimə edilir. Qeyd edilən giriş qadağandır yol nişanı sürücülər tərəfindən görülən yerdə quraşdırılmış və həmin nişanın mövcudluğu dövlət yol polis şöbəsinin nümayəndəsi tərəfindən təqdim edilmiş video görüntüdə öz əksini tapmışdır. Azərbaycan Respublikasının İnzibati Xətalar Məcəlləsinin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Həmin Məcəllənin 99-cu madəsinə əsasən inzibati xəta hadisəsinin mövcudluğunu göstərən kifayət qədər halların səlahiyyətli vəzifəli şəxs tərəfindən bilavasitə və ya xüsusi texniki vasitələrin köməyi ilə aşkar edilməsi inzibati xətalar haqqında işlər üzrə icraat başlanması əsaslarından biridir. Göstərilənlərə əsasən məhkəmə hesab edir ki, şikayətçi X2 Bərdə rayon Yol Patrul Xidmətinin polis baş serjantı X1 26 avqust 2022-ci il tarixli, İXP ******* saylı inzibati tənbeh vermə haqqında qərarından verdiyi şikayət əsassız olduğundan təmin edilməməli və mübahisələndirilən qərar dəyişdirilmədən saxlanılmalıdır. Şərh olunanları və Azərbaycan Respublikasının İnzibati Xətalar Məcəlləsinin 132-ci maddəsini rəhbər tutaraq məhkəmə QƏRARAALDİ: X6 tərəfindən verilmiş şikayət təmin edilməsin. Bərdə rayon Yol Patrul Xidmətinin polis baş serjantı X1 26 avqust 2022-ci il tarixli, İXP ******* saylı inzibati tənbeh vermə haqqında qərarı dəyişdirilmədən saxlanılsın. Qərarın surəti rəsmi qaydada verildiyi vaxtdan 10 (on) gün müddətində Bərdə Rayon Məhkəməsi vasitəsi ilə və ya birbaşa Gəncə Apellyasiya Məhkəməsinə apellyasiya şikayəti və ya protesti verilə bilər. Hakim Elsun Əhmədov