Bərdə Rayon Məhkəməsi Qərardad — İş №3(021)-1385/2021

Azərbaycan Respublikası adından QƏRARDAD Bərdə rayonu İş № 3(021)-1385/2021 11.11.2021 BƏRDƏ RAYON MƏHKƏMƏSİ Bərdə Rayon Məhkəməsinin hakimi Əbilov Qamət Mehman oğlunun sədrliyi, X2 iclas katibliyi ilə, xx.xx.1993-cü ildə Bərdə rayonu Arabaçılar kəndində аnаdаn оlmuş, Bərdə rayonu Arabaçılar kəndində qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin 227-ci maddəsi ilə Bərdə Rayon Polis Şöbəsindən daxil olmuş 3(021)-1384/2021, 3(021)-1385/2021, 3(021)- 1386/2021 saylı inzibati xəta haqqında materiallara baxaraq, Müəyyən etdi: Bərdə Rayon Polis Şöbəsindən daxil olmuş MN ******* saylı inzibati xəta haqqında protokoldan görünür ki, Şəxs 25.10.2021-ci il tarixdə Bərdə rayonu Arabaçılar kəndində yaşadığı evin həyətindən 1 ədəd “Markus” markalı su matoru oğurlamışdır. Bundan başqa Bərdə Rayon Polis Şöbəsindən daxil olmuş MN ******* saylı inzibati xəta haqqında protokoldan görünür ki, Şəxs 22.10.2021-ci il tarixdə Bərdə rayonu Arabaçılar kəndində X4 oğluna məxsus sahədən 1 ədəd mis qazan oğurlamışdır. Bundan başqa Bərdə Rayon Polis Şöbəsindən daxil olmuş MN ******* saylı inzibati xəta haqqında protokoldan görünür ki, Şəxs 09.11.2021-ci il tarixdə Bərdə rayonu Arabaçılar kəndində yaşadığı evin həyətindən həmkəndlisi X3 məxsus 1 ədəd “Marqus” markalı su matoru oğurlamışdır. İşə baxılması hakimin səlahiyyətinə aiddir. İşə baxılmasına istisna edən hallar mövcud deyildir. Protokollar və iş materialları İXM-nə uyğun tərtib edilmişdir. İcraatı rədd edən hallar yoxdur, işə baxılması üçün kifayət qədər sübutlar mövcuddur. Azərbaycan Respublikası İXM-nin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Məhkəmə hesab edir ki, törədilmiş inzibati xətalar eyni şəxs tərəfindən törədildiyindən bir icraatda baxılsın. Azərbaycan Respublikası İnzibati Xətalar Məcəlləsinin 106-109-ci maddələrini rəhbər tutaraq, Qərar v e r d i m: Şəxs Azərbaycan Respublikası İXM-nin 227-ci maddəsi ilə inzibati məsuliyyətə cəlb edilməsinə dair 3(021)-1384/2021, 3(021)-1385/2021, 3(021)-1386/2021 saylı saylı inzibati işlər bir icraatda baxılsın. İşə 11 noyabr 2021-ci il tarixdə saat 15:30-da Bərdə Rayon Məhkəməsinin binasında barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxslərin iştirakları ilə baxılsın. Hakim Qamət Əbilov