Bərdə Rayon Məhkəməsi Qərardad — İş №3(021)-1424/2023

Azərbaycan Respublikası adından QƏRARDAD Bərdə rayonu İş № 3(021)-1424/2023 26.09.2023 BƏRDƏ RAYON MƏHKƏMƏSİ Hakim Əbilov Qamət Mehman oğlunun sədrliyi ilə, Azərbaycan Respublikası Qida Təhlükəsizliyi Agentliyinin Bakı Regional Bölməsinin xx.xx.2022-ci il tarixli, MN № ******* saylı qərarından X1 verdiyi şikayəti və əlavə olunmuş sənədləri nəzərdən keçirərək , məhkəmə MÜƏYYƏNETDİ: Barəsində inzibati xəta haqqında iş üzrə icraat aparılan X2 Azərbaycan Respublikası Qida Təhlükəsizliyi Agentliyinin Bakı Regional Bölməsi tərəfindən qəbul edilmiş xx.xx.2022-ci il tarixli, MN № ******* saylı inzibati xəta haqqında qərardan şikayət verərək, qərarın ləğv edilməsini xahiş etmişdir. Məhkəmə şikayəti və işdə olan materialları nəzərədən keçirib hesab edir ki, şikayət onu verən şəxsə geri qaytarılmalıdır. Belə ki, şikayətə əlavə edilmiş Azərbaycan Respublikası Qida Təhlükəsizliyi Agentliyinin Bakı Regional Bölməsi tərəfindən X2 barəsində qəbul olunmuş xx.xx.2022-ci il tarixli, MN № ******* saylı qərarın surətindən görünür ki, X2 Azərbaycan Respublikası İXMnin 289.0.1-ci maddəsi ilə təqsirli bilinərək 600 manat məbləğində inzibati cərimə tətbiq edilmişdir. Həmin qərardan İXM-nin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində yuxarı səlahiyyətli orqana (vəzifəli şəxsə) və ya məhkəməyə şikayət verilməsi nəzərdə tutulmuşdur. Məhkəmə qeyd edir ki, X2 şikayətində Azərbaycan Respublikası Qida Təhlükəsizliyi Agentliyinin Bakı Regional Bölməsi tərəfindən qərarın ona təqdim edilmədiyini və sonrada qərarı icra şöbəsi vasitəsi ilə xx.xx.2023-cü il tarixdə aldığını qeyd etmiş, lakin qərardan məlumatı olduqdan sonra ondan şikayət verməmiş, şikayət vermə müddətini ötürdüyü halda məhkəməyə müraciət edərkən şikayəti ilə birlikdə müddətin bərpa olunması barədə vəsatət verməmişdir Azərbaycan Respublikasının İXM-nin 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Həmin Məcəllənin 130.2-ci maddəsinə görə bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Məhkəmə hesab edir ki, Azərbaycan Respublikası Qida Təhlükəsizliyi Agentliyinin Bakı Regional Bölməsinin xx.xx.2022-ci il tarixli, MN № ******* saylı qərarından X1 verdiyi şikayət geri qaytarılmalıdır. Şərh olunanlara əsasən və Azərbaycan Respublikasının İnzibati Xətalar Məcəlləsinin 130-cu maddəsini rəhbər tutaraq QƏRARAALDİ: Azərbaycan Respublikası Qida Təhlükəsizliyi Agentliyinin Bakı Regional Bölməsinin xx.xx.2022-ci il tarixli, MN № ******* saylı qərarından X1 verdiyi şikayət geri qaytarılsın. Qərardaddan şikayət verilə bilməz. Hakim: Qamət Əbilov