Bərdə Rayon Məhkəməsi Qərar — İş №3(021)-164/2025

Azərbaycan Respublikası adından QƏRAR Bərdə rayonu İş № 3(021)-164/2025 04.04.2025 BƏRDƏ RAYON MƏHKƏMƏSİ Hakim Məhərrəmov Bayram Yusif oğlunun sədrliyi, məhkəmə iclasının katibi Tağıyev Babək Vaqif oğlunun katibliyi, inzibati xəta haqqında protokolu tərtib etmiş şəxs X1, tələbkarın nümayəndəsi X6, barəsində inzibati xəta haqqında protokol tərtib edilmiş Şəxs və müdafiəçisi X2 iştirakları ilə, xx.xx.1964-cü ildə ünvan 1ində doğulmuş, ali təhsilli, ailəli, ünvan 1i ünvanında qeydyyatda olmaqla yaşayan Şəxs barəsində Azərbaycan Respublikasının İnzibati Xətalar Məcəlləsinin (bundan sonra Azərbaycan Respublikasının İXM və ya İXM) 528.1-ci maddəsində müəyyən olunmuş inzibati xəta törətməsinə dair Bərdə Rayon icra və probasiya şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs barəsində Azərbaycan Respublikası İnzibati Xətalar 528.1-ci maddəsində müəyyən olunmuş inzibati xəta törətməsinə dair Bərdə Rayon İcra və Probasiya Şöbəsi tərəfindən 4 aprel 2025-ci il tarixli MN ******* saylı inzibati xəta haqqında prоtоkоl tərtib оlunаrаq baxılması üçün Bərdə Rayon Məhkəməsinə göndərilmişdir. Məhkəmə iclasında inzibati xəta haqqında protokolu tərtib etmiş şəxs Bərdə Rayon İcra və Probasiya Şöbəsinin icra məmuru X7 izahatında bildirdi ki, Bərdə Rayon Məhkəməsinin 13 sentyabr 2018-ci il tarixli 2(021)-3562 nömrəli icra sənədinə əsasən Şəxs 7030 manat, Bərdə Rayon Məhkəməsinin 19 dekabr 2018-ci il tarixli 2(021)-5040 nömrəli icra sənədinə əsasən 6430 manat, Gəncə Apellyasiya Məhkəməsinin 8 sentyabr 2021-ci il tarixli 2(104)-1857 nömrəli icra sənədinə əsasən icra 18317 manat borc ödənilməlidir. Tələbin könüllü icrası barədə bildiriş verilmişdir. Lakin üzərinə düşən öhdəliyi yerinə yetirməmişdir. Borcluya dəfələrlə rəsmi qaydada xəbərdarlıq edilməsinə baxmayaraq, o, borcu ödəməmişdir. Müxtəlif bəhanələrlə icraya mane olmuşdur, hətta icra məmurunun çağırışına gəlməmişdir. Tələbin yönəldilə biləcəyi əmlakı yoxdur. İcra və probasiya Şöbəsinə dəvət edilmiş, ona yenidən bildiriş verilmiş, xəbərdarlıq edilmişdir. Borcunu ödəməsi təklif edilmişdir. Lakin borcunu ödədməmişdir, digər icra sənədləri üzrə də icra işlərinin olduğunu, buna görə də ödəniş edə bilmədiyini bildirmişdir. Buna görə də onun barəsində İXM-in 528.1-ci maddəsi ilə inzibati xəta haqqında protokol tərtib olunaraq məhkəməyə verilmişdir. Borclunun barəsində İXM-nin 528.1-ci maddəsinə əsasən inzibati tənbeh tədbiri barədə qərar qəbul edilməsini xahiş etdi. Məhkəmə iclаsındа barəsində inzibati xəta haqqında iş üzrə icraat aparılan şəxs Şəxs bildirdi ki, icra sənədləri üzrə müəyyən olunmuş borc onun borcudur, borcun yaranmasına səbəb maddi vəziyyətinin pisləşməsi olmuşdur, işləmədiyindən borcunu ödəyə bilməmişdir. Barəsində borcla bağlı məhkəmə qətnamələri olduğunu bilmişdir. Barəsində olan inzibati protokolda qeyd edilən üç qətnamələrdən əlavə digər dördüncü icra sənədi üzrə hər ay 300 manat ödənişlər edir, lakin həmin icra sənədi üzrə də borcu yekunlaşmamışdır. Əvvəllər azadlıqdan məhhrumetmə növündə cəza çəkmişdir, 2022-ci ilin aprelin 8 də şərti ilə cəzadan azad olunmuşdur. 2022-ci ildən bu günə qədər işsizdir, 2022-ci ildən bu günə qədər Bərdə rayon İcra və Probasiya Şöbəsindən ona borcun ödənilməsi barədə heç nə bildirilməmişdir. Yalnız 17 mart 2025-ci il tarixdə onu Bərdə Rayon İcra və Probasiya Şöbəsinə çağıraraq bu barədə xəbərdarlıq edilmişdir, maddi imkansızlıq və işsizlik səbəbindən borcunu ödəyə bilməmişdir. Məhkəmə qətnamələrini icra etməmək məsuliyyətə səbəb olduğunu bilir, borcunu ödəməyə çalışır, ali təhsilli olsa da fəhləlik edir, imkanı olduqca borcundan ödəyəcəkdir, barəsində həbslə əlaqədar olmayan cəza təyin edilməsini xahiş etmişdir. Məhkəmə iclаsındа barəsində inzibati xəta haqqında iş üzrə icraat aparılan şəxs Şəxs müdafiəçisi X8 bildirmişdir ki, əvvəllər Şəxs borcunun ödənilməsi barədə heç bir xəbərdarlıq edilməmişdir, 17 mart 2025-ci il tarixdə borcunu ödəməsi deyil, bundan sonra qeyri-iş günləri olmuş, borclunun faktiki olaraq borcu ödəməsi barədə vaxtı olmamışdır, həmçinin yaşlıdır, borcunun ödənilməməsi maddi imkansızlığı, işləməməsi ilə bağlıdır. Məhkəmə işdə iştirak edən şəxsləri dinləyib, iş materiallarını araşdırıb hesаb edir ki, Şəxs İXM-in 528.1-ci mаddəsində nəzərdə tutulan inzibati xətanı törətmişdir və o, inzibаti qаydаdа məsuliyyətə cəlb оlunmаlıdır. İnzibati işin materiallarına istinad: İnzibаti işin mаteriаllarına əlаvə edilmiş Gəncə Apellyasiya Məhkəməsinin 8 sentyabr 2021-ci il tarixli 2(104)-1857 nömrəli icra vərəqəsindən görünür ki, Bərdə Rayon Məhkəməsinin 26 yanvar 2021-ci il tarixli 2(021)-55/2021 saylı qətnaməsi ilə (hakim Əyyub Kərimov) iddianın qsmən təmin edilməsi, cavabdehlər Şəxs və X3 müştərək qaydada xx.xx.2014-cü il tarixli, 2964 saylı kredit müqaviləsi üzrə 1842.14 manat əsas, 719.97 manat faiz borcu və 5 manat cərimə olmaqla, cəmi 2567.11 (iki min beş yüz altmış yeddi manat on bir qəpik) manat məbləğində pulun və ödənilmiş 30 manat dövlət rüsumunun tutularaq iddiaçı Ləğv prosesində olan "xxxx" Açıq Səhmdar Cəmiyyətinə ödənilməsi, iş üzrə aparılmış ekspertiza tədqiqatının dəyəri 150 manatın cavabdehlər Şəxs və X3 müştərək qaydada tutulması, iddianın qalan hissədə təmin edilməməsi qət edilmişdir. İnzibаti işin mаteriаllarına əlаvə edilmiş Bərdə Rayon Məhkəməsinin 19 dekabr 2018-ci il tarixli 2(021)-540 nömrəli icra vərəqəsindən görünür ki, iddiaçı X5 cavabdeh Şəxs qarşı pul tələbinə dair iddiasının təmin edilməsi, cavabdeh Şəxs 6400 manat məbləğində pul və ödənilmiş 30 manat dövlət rüsumu alınaraq iddiaçı X9 verilməsi qət edilmişdir. İnzibаti işin mаteriаllarına əlаvə edilmiş Bərdə Rayon Məhkəməsinin 13 sentyabr 2018-ci il tarixli 2(021)-3562 nömrəli icra vərəqəsindən görünür ki, iddianın qismən təmin edilməsi, cavabdeh Şəxs 7000 manat pulun və ödənilmiş dövlət rüsumunun əvəzi olaraq 30 manat alınıb iddiaçı X4 verilməsi, iddianın qalan hissədə təmin eidlməməsi qət edilmişdir İnzibаti işin mаteriаllarına əlаvə edilmiş Bərdə Rayon İcra və Probasiya Şöbəsi tərəfindən qəbul edilmiş icraata başlama haqqında xx.xx.2022-ci il tarixli qərardan görünür ki, Gəncə Apellyasiya Məhkəməsinin 8 sentyabr 2021-ci il tarixli 2(104)-1857 saylı icra vərəqəsi üzrə icraata başlanılmış, icra sənədi üzrə borcluya borcu könüllü ödəməsi üçün 10 gün müddət verilmişdir. İnzibаti işin mаteriаllarına əlаvə edilmiş Bərdə Rayon İcra və Probasiya Şöbəsi tərəfindən qəbul edilmiş icraata başlama haqqında xx.xx.2019-cu il tarixli qərardan görünür ki, 19 dekabr 2018-ci il tarixli 2(021)-540saylı icra vərəqəsi üzrə icraata başlanılmış, icra sənədi üzrə borcluya borcu könüllü ödəməsi üçün 10 gün müddət verilmişdir. İnzibаti işin mаteriаllarına əlаvə edilmiş Bərdə Rayon İcra və Probasiya Şöbəsi tərəfindən qəbul edilmiş icraata başlama haqqında xx.xx.2022-ci il tarixli qərardan görünür ki, Bərdə Rayon Məhkəməsinin 13 sentyabr 2018-ci il tarixli 2(021)-3562 saylı icra vərəqəsi üzrə icraata başlanılmış, icra sənədi üzrə borcluya borcu könüllü ödəməsi üçün 10 gün müddət verilmişdir. İnzibаti işin mаteriаllarına əlаvə edilmiş tələbin könüllü ödənilməsi haqqında xx.xx.2019-cu il tarixli bildirişdən görünür ki, Bərdə Rayon Məhkəməsinin19 dekabr 2018ci il tarixli 2(021)-540 saylı icra sənədi üzrə borclu Şəxs borcu könüllü ödəməsi üçün 10 gün müddət verilmişdir. İnzibаti işin mаteriаllarına əlаvə edilmiş tələbin könüllü ödənilməsi haqqında xx.xx.2022-ci il tarixli bildirişdən görünür ki, Bərdə Rayon Məhkəməsinin13 sentyabr 2018ci il tarixli 2(021)-3562 saylı icra sənədi üzrə borclu Şəxs borcu könüllü ödəməsi üçün 10 gün müddət verilmişdir. İnzibаti işin mаteriаllarına əlаvə edilmiş tələbin könüllü ödənilməsi haqqında xx.xx.2022-ci il tarixli bildirişdən görünür ki, Bərdə Rayon Məhkəməsinin 8 sentyabr 2021ci il tarixli 2(104)-1857 saylı icra sənədi üzrə borclu Şəxs borcu könüllü ödəməsi üçün 10 gün müddət verilmişdir. İnzibаti işin mаteriаllarına əlаvə edilmiş “Elektron icra sistemindən” çıxarışdan görünür ki, Şəxs mülkiyyətində daşınar və daşınmaz əmlak yoxdur, əmək haqqı və ya pensiya almır. İnzibati iş materiallarına əlavə edilmiş oğlunun izahatlarından görünür ki, Bərdə rayon İcra və probasiya Şöbəsinin icraatında olan digər icra sənədinin icrası ilə əlaqədar hər ay 300 manat pul ödəyir. İnzibаti işin mаteriаllarına əlаvə edilmiş Bərdə rayon İcra və Probasiya şöbəsi tərəfindən tərtib edilmiş 4 aprel 2025-ci il tarixli MN ******* nömrəli protokolda göstərilmişdir ki, borclu Şəxs Bərdə Rayon Məhkəməsinin Bərdə Rayon Məhkəməsinin 13 sentyabr 2018-ci il tarixli 2(021)-3562 nömrəli icra sənədinə əsasən Şəxs 7030 manat, Bərdə Rayon Məhkəməsinin 19 dekabr 2018-ci il tarixli 2(021)-5040 nömrəli icra sənədinə əsasən 6430 manat, Gəncə Apellyasiya Məhkəməsinin 8 sentyabr 2021-ci il tarixli 2(104)- 1857 nömrəli icra sənədinə əsasən icra 18317 manat borcu vardır. Azərbaycan Respublikası İnzibati Xətalar Məcəlləsinin 528.1-ci maddəsinə əsasən, icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin maddəyə görə, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi inzibati məsuliyyətə səbəb olur. Məhkəmə iclasında tədqiq olunmuş və mötəbərliliyi məhkəmədə heç bir şübhə doğurmayan sübutlarla müəyyən edilmişdir ki, borclu Şəxs Bərdə Rayon Məhkəməsinin 13 sentyabr 2018-ci il tarixli 2(021)-3562 nömrəli, Bərdə Rayon Məhkəməsinin nömrəli icra sənədi, Gəncə Apellyasiya Məhkəməsinin 8 sentyabr 2021-ci il tarixli 2(104)-1857 nömrəli icra sənədli üzrə tələbkara olan borcunu Bərdə Rayon icra və Probasiya Şöbəsinimn icraatında olan digər icra sənədi üzrə borcunu ödədiyindən, heç bir yerdə işləmədiyindən ödəməmişdir. Borcluya icra məmuru tərəfindən isə ötən müddət ərzində heç bir xəbərdarlıq və inzibati məsuliyyətə cəlb edilməmişdir. Yalnız 17 mart 2025-ci il tarixdə Bərdə Rayon Məhkəməsinin xx.xx.2019-cu il tarixli icra sənədinin icrası ilə bağlı 4 aprel 2025-ci il tarixdə Bərdə Rayon İcra və Probasiya Şöbəsi tərəfindən iltizam alınmışdır. Borclu məhkəmə iclasında da borcunu etiraf edərək, ödəməsi üçün çalışdığını bildirmişdir. Eyni zamanda icra məmurunun çağırışından yayınmamışdır. Məhkəmə işdə iştirak edən şəxslərin izahatını və inzibati materiala əlavə olunmuş sənədləri araşdıraraq hesab edir ki, Şəxs əməlində İXM-nin 528.1-ci maddəsinin tərkib əlamətləri yoxdur. Azərbaycan Respublikası Konstitusiyasının 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası Mülki Prosessual Məcəlləsinin 15.2-ci maddəsinə görə məhkəmələrin qanuni qüvvəyə minmiş qərarları bütün şəxslər üçün məcburidir və Azərbaycan Respublikası ərazisində hökmən icra olunmalıdır. “İcra Haqqında” Azərbaycan Respublikası Qanunun: 2.1-ci maddəsinə görə Azərbaycan Respublikasında məhkəmə və digər orqanların qərarlarının məcburi icrası icra məmurları tərəfindən həyata keçirilir. 12.1-ci maddəsinə görə Bu Qanunun 8.2-ci maddəsinin üçüncü bəndində nəzərdə tutulmuş hal istisna olmaqla, icra məmuru icra sənədini aldığı gündən iki ay müddətində bütün zəruri icra hərəkətlərini həyata keçirməlidir. 3.1-ci mаddəsinin tələbinə görə, Məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. 3.2-ci mаddəsinin tələbinə görə, Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. “İcra haqqında” Qanunun 82.1-ci maddəsinə müvafiq olaraq inzibati xəta haqqında protokol tərtib edilmişdir. Belə ki, adı çəkilən Qanunun 82.1-ci maddəsinə əsasən, borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarları ilə bağlı verilmiş icra sənədləri istisna olmaqla). İnzibati məsuliyyətə cəlb etmə haqqında qərar qəbul edildikdən sonra icra məmuru tərəfindən borcluya icra üçün yeni müddət təyin edilir. «İnsan hüquqlarının və əsas azadlıqlarının müdafiəsi haqqında» Avropa Konvensiyasının 6-cı maddəsi (ədalətli məhkəmə araşdırması hüququ) məhkəmə qərarlarının icrası prosedurunu da əhatə edir. İnsan Hüquqları üzrə Avropa Məhkəməsi «Hornsbi Yunanıstana qarşı» işdə bu prinsipi belə vurğulamışdır: «....Razılığa gələn Dövlətlərin daxili hüquq sistemləri məcburi qüvvəyə malik yekun məhkəmə qərarının tərəflərdən birinin ziyanına olaraq icra olunmadan qalmasına yol versəydi, 6-cı maddə ilə təmin olunan məhkəməyə müraciət hüququ xəyali hüquq olardı». Məhkəmə hesab edir ki, Şəxs barəsində tərtib edilmiş inzibati xəta haqqında protokol üzrə təqsiri sübuta yetirilmədiyindən icraata xitam verilməlidir. Belə ki, iş materiallarından görünür ki, Şəxs tələbin könüllü icrası haqqında bildiriş xx.xx.2025-ci il tarixdə verilmiş, könüllü icra müddəti bitdikdən cəmi 8 gün sonra məcburi icra hərəkətləri aparılmadan barəsində inzibati xəta haqqında protokol tərtib edilmişdir. Azərbaycan Respublikası İnzibati Xətalar Məcəlləsinin 528.1-ci maddəsinin dispozisiyasına əsasən icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra vərəqəsinin üzrsüz səbəbdən icra edilməməsi inzibati məsuliyyətə səbəb olduğundan, hazırkı halda isə borclu Şəxs tərəfindən bu halların mövcudluğu istisna olunduğundan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında iş üzrə icraata təqsirliliyi sübuta yetirilmədiyindən xitam verilməlidir. Azərbaycan Respublikası İnzibati Xətalar Məcəlləsinin: 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. 53-cü maddəsinə əsasən, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 76.1-ci maddəsinə əsasən, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. 114.1 və 114.1.4-cü maddələrinə görə inzibati xəta haqqında işə baxılarkən inzibati xəta haqqında iş üzrə icraata xitam verilməsi haqqında qərar çıxarılır. Məhkəmə hesab edir ki, Şəxs əməlində İXM-nin 528.1-ci maddəsinə münasibətdə təqsirliliyi sübuta yetirilmədiyindən inzibati xəta haqqında işin icraatına xitam verilməlidir. Göstərilənlərə əsаsən və İXM-in 112, 114, 128-130-cu mаddələrini rəhbər tutаrаq məhkəmə, Q ə r a r a a l d ı: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətməsinə dair iş üzrə icraata barəsində inzibati icraat aparılan şəxsin təqsirliliyi sübuta yetirilmədiyindən xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bərdə Rayon Məhkəməsi vasitəsilə və ya birbaşa Gəncə Apellyasiya Məhkəməsinə apellyasiya şikayəti verilə bilər. Hakim: Bayram Məhərrəmov