Bərdə Rayon Məhkəməsi Qərar — İş №3(021)-237/2025

Azərbaycan Respublikası adından QƏRAR Bərdə rayonu İş № 3(021)-237/2025 10.05.2025 BƏRDƏ RAYON MƏHKƏMƏSİ Hakim Abdullayev Fərman Firidun oğlunun sədrliyi, X2 iclas katibliyi, Bərdə rayon Polis Şöbəsinin İTB-nin sahə rəisi X12, zərərçəkmiş şəxslər X4, X6, barəsində inzibati xəta haqqında iş üzrə icraat aparılan şəxs Şəxs iştirаkları ilə, xx.xx.1974-cü ildə Tərtər rayonu, Mamırlı kəndində doğulmuşdur, Azərbaycan Respublikasının vətəndaşı, evli, orta təhsilli, fərdi əməklə məşğul olan, Bərdə şəhəri, S.Vurğun küçəsi ev 35-də qeydiyyatda olan və yaşayan Şəxs Azərbaycan Respublikasının İnzibati Xətalar Məcəlləsinin 510-cu maddəsində müəyyən olunmuş inzibati xəta törətməsinə dair Bərdə rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs xx.xx.2025-ci il tarixdə, saat 20:00 radələrində Bərdə şəhəri, Babək küçəsi 26 ünvanda yerləşən Bərdə rayon polis şöbəsinin inzibati binasının qapı postuna yaxınlaşaraq, övladının yol patrul xidməti əməkdaşı tərəfindən polis şöbəsinə gətirildiyini bildirmiş, xidmətdə olan polis əməkdaşları X4 və X6 ona Bərdə rayon X17 Patrul Xidməti Bölüyünə yaxınlaşmalı olmasını bildirdikdə Şəxs polislərin ünvanına nəlayiq ifadələr işlətmişdir. Buna görə də polis əməkdaşları X4 və X6 tərəfindən polis şöbəsinə aparılmış, şöbədə inzibati qaydada tutulmuşdur. Bərdə rayon polis şöbəsində xx.xx.2025-ci il tarixdə İXM-in 510-cu mаddəsi ilə nəzərdə tutulmuş inzibаti xətаnı törətməkdə təqsirli bilinərək, barəsində inzibati xəta haqqında MN2083692 saylı prоtоkоl tərtib оlunаrаq baxılması üçün Bərdə Rayon Məhkəməsinə göndərilmişdir. Məhkəmə iclasında Bərdə rayon Polis Şöbəsinin İTB-nin sahə rəisi X12 protokolu müdafiə edərək ifadəsində göstərdi ki, Şəxs xx.xx.2025-ci il tarixdə, saat 20:00 radələrində Bərdə şəhəri, Babək küçəsi 26 ünvanda yerləşən Bərdə rayon polis şöbəsinin inzibati binasının qapı postuna gəlmiş, oğlu Əlzamin Məhişlinin yol patrul xidməti əməkdaşı tərəfindən polis şöbəsinə gətirildiyini bildirmişdir. Polis əməkdaşları ona Bərdə rayon X17 Patrul Xidməti Bölüyünə yaxınlaşmalı olmasını bildirdikdə Şəxs polis əməkdaşları X4 və X3 ünvanına nəlayiq ifadələr işlətmişdir. Bun agörə də polis əməkdaşları tərəfindən polis şöbəsinə dəvət olunmuş, inzibati qaydada tutulmuşdur. Şəxs özünü nizam-intizamsız apardığına və polis əməkdaşlarının ünvanına nalayiq ifadələr işlədərək xırda xuliqanlıq hərəkətlərinə yol verdiyinə görə barəsində Azərbaycan Respublikasının İnzibati Xətalar Məcəlləsinin 510-cu maddəsi ilə protokol tərtib edilmişdir. Məhkəmə iclasında inzibati xəta törətməkdə təqsirləndirilən Şəxs izahatında göstərdi ki, xx.xx.2025-ci il tarixdə işdə olduğu vaxt oğlu Əlzamin Məhişlinin yol patrul xidməti əməkdaşı tərəfindən saxlanıldığını bilmiş, buna görə də Bərdə rayon X14 X18 gəlmiş, oğlu Əlzamin Məhişlinin orada olmadığını görüb X8 ilə birlikdə saat 20 radələrində Bərdə rayon polis şöbəsinin inzibati binasının qarşısına gəlmiş, şöbənin qapı posunda növbədə olan polis əməkdaşları X4 və X5 oğlu Əlzamin Məhişlinin polis şöbəsinə gətirildiyini bildirmiş, bu zaman polis əməkdaşları ona Bərdə rayon X17 Patrul Xidməti Bölüyünə yaxınlaşmalı olmasını bildirmişlər. Həmin vaxt əsəbi olduğundan həmin polis əməkdaşlarının ünvanlarına nalayiq ifadələr işlətmişdir. Sonra polis əməkdaşları onu polis şöbəsinə aparmış və inzibati qaydada tutulmuşdur. Əməlindən peşmandır və polis əməkdaşlarından üzr istəyir. Məhkəmə iclasında zərərçəkmiş şəxs qismində dindirilmiş X4 ifadəsində göstərdi ki, Bərdə RPŞ-nin PPXB-nin polis nəfəridir. xx.xx.2025-ci il tarixdə, saat 20:00 radələrində Bərdə şəhəri, Babək küçəsi 26 ünvanda yerləşən Bərdə rayon polis şöbəsinin inzibati binasının qapı postunda X6 ilə birlikdə xidmətdə olduğu vaxt Məhişov X7 qapı postuna yaxınlamış, oğlu Əlzamin Məhişlinin yol patrul xidməti əməkdaşı tərəfindən polis şöbəsinə gətirildiyini bildirmişdir. Ona Bərdə rayon X17 Patrul Xidməti Bölüyünə yaxınlaşmalı olmasını bildirdikdə Şəxs uca səslə onların ünvanlarına söyüş söyərək təhqir etmişdir. Bu barədə rəhbərliyə raportla müraciət etmiş, göstəirşə əsasən Şəxs polis şöbəsinə aparılmış və inzibati qaydada tutulmuşdur. Məhkəmə iclasında zərərçəkmiş şəxs qismində dindirilmiş X6 ifadəsində göstərdi ki, Bərdə RPŞ-nin PPXB-nin polis nəfəridir. xx.xx.2025-ci il tarixdə, saat 20:00 radələrində Bərdə şəhəri, Babək küçəsi 26 ünvanda yerləşən Bərdə rayon polis şöbəsinin inzibati binasının qapı postunda X4 ilə birlikdə xidmətdə olduğu vaxt Məhişov X7 qapı postuna yaxınlamış, oğlu Əlzamin Məhişlinin yol patrul xidməti əməkdaşı tərəfindən polis şöbəsinə gətirildiyini bildirmişdir. Ona Bərdə rayon X17 Patrul Xidməti Bölüyünə yaxınlaşmalı olmasını bildirdikdə Şəxs uca səslə onların ünvanlarına söyünc edərək təhqir etmişdir. Bu barədə X4 rəhbərliyə raportla müraciət etmiş, göstəirşə əsasən Şəxs polis şöbəsinə aparılmış və inzibati qaydada tutulmuşdur. Məhkəmə tərəfləri dinləyib, iş materiallarını araşdırıb hesаb edir ki, Şəxs Azərbaycan Respublikasının İXM-in 510-cu maddəsində nəzərdə tutulan inzibati xətanı törətmişdir. Belə ki, inzibаti xəta haqqında işin mаteriаllarına əlаvə edilmiş: Bərdə rayon Polis şöbəsinin İTB-nin polis sahə rəisi X12 tərəfindən tərtib edilmiş xx.xx.2025-ci il tarixli, MN2083692 nömrəli inzibati xəta haqqında protokoldan görünür ki, Şəxs xx.xx.2025-ci il tarixdə, saat 20:00 radələrində Bərdə şəhəri, Babək küçəsi 26 ünvanda yerləşən Bərdə rayon polis şöbəsinin inzibati binasının qapı postunun qarşısında xidmətdə olan polis əməkdaşları X4 və X3 ünvanına nəlayiq ifadələr işlədərək onları təhqir etmişdir. xx.xx.2025-ci il tarixli inzibati iş üzrə zərərçəkmiş şəxs kimi tanınma haqqında qərardan görünür ki, X4 və X6 iş üzrə zərərçəkmiş şəxs qismində tanınmışlar. xx.xx.2025-ci il tarixli inzibati qaydada tutma haqqındqa protokoldan görünür ki, Şəxs xx.xx.2025-ci il tarixdə saat 21:10-da inzibati qaydada tutulmuşdur. AZ44698 seriya nömrəli vəsiqənin surətindən görünür ki, X1 RPŞ-nin PPXB-nin polis nəfəridir. AZE №16854281 seriya nömrəli şəxsiyyət vəsiqəsinin surətindən görünür ki, X6 xx.xx.2000-ci ildə Bərdə rayonunda doğulmuşdur, Bərdə rayonu, Ərəblər kəndində qeydiyyatdadır və yaşayır. AA******* seriya nömrəli şəxsiyyət vəsiqəsi məlumatlarından görünür ki, Şəxs xx.xx.1974-cü ildə Tərtər rayonu, Mamırlı kəndində doğulmuşdur, Bərdə şəhəri, S.Vurğun küçəsi ev 35-də qeydiyyatdadır və yaşayır. Azərbaycan Respublikasının İnzibati Xətalar Məcəlləsinin (bundan sonra İXM) 510-cu maddəsinə əsasən, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Məhkəmə iclasında tədqiq olunmuş və mötəbərliliyi məhkəmədə heç bir şübhə doğurmayan sübutlarla müəyyən edilmişdir ki, Şəxs xx.xx.2025-ci il tarixdə, saat 20:00 radələrində Bərdə şəhəri, Babək küçəsi 26 ünvanda yerləşən Bərdə rayon polis şöbəsinin inzbati binasının qarşısında xidmətdə olan Bərdə RPŞ-nin PPXB-nin polis nəfərləri X4 və X3 ünvanına nalayiq ifadələr işlədib ictimai qaydanı pozaraq xırda xuliqanlıq etmişdir. Belə olan halda inzibati xəta törədən şəxs Şəxs İXM-in 510-cu maddəsində nəzərdə tutulan inzibati xətanı törətmişdir. İXM-in 76.1-ci maddəsinə əsasən, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. İXM-in 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İXM-in 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Məhkəmə Şəxs məhz hansı tənbehin tətbiq edilməsini müzakirə edərkən onun törətmiş olduğu inzibаti xətаnın xаrаkterini və barəsində inzibati icraat aparılan şəxsin şəxsiyyətini nəzərə alaraq belə qənaətə gəlir ki, onun barəsində inzibati cərimə tənbehi tətbiq edilməlidir. Belə ki, İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. İXM-in 3-cü maddəsində isə göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. İXM-in 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İXM-in 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İXM-in 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə həmçinin bildirir ki, İXM-in 31.4-1-ci maddəsinə qeyd edilmişdir ki, inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Şəxs əməlində onun məsuliyyətini yüngülləşdirən və ağırlaşdıran hallar aşkar edilməmişdir. Belə olan halda, məhkəmə belə qənaətə gəlir ki, Şəxs İXM-in 510-cu maddəsi ilə təqsirli bilinib, bаrəsində 100 manat məbləğində inzibati cərimə tənbeh növünün tətbiq edilməsi ilə оnu qаnunlаrа əməl edilməsi ruhundа tərbiyələndirmək, hаbelə gələcəkdə yeni inzibаti xətа törətməsinin qаrşısını аlmаq kimi inzibаti tənbehin məqsədlərinə nаil оlmаq mümkündür. Bundan başqa məhkəmə qeyd edir ki, Şəxs barəsində inzibati cərimə tənbehi tətbiq edildiyindən və o, xx.xx.2025-ci il tarixdə saat 21:10-dəqiqədə inzibati qaydada tutulduğundan dərhal məhkəmə iclas zalından azad edilməlidir. Göstərilənlərə əsаsən və İXM-in 43, 112, 114, 115, 117, 128-130-cu mаddələrini rəhbər tutаrаq, məhkəmə Q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 510-cu mаddəsi ilə təqsirli bilinib barəsində 100 (yüz) manat məbləğində inzibаti cərimə tənbehi tətbiq edilsin. Şəxs dərhal məhkəmə iclas zalından azad edilsin. Qərаrın icrаsı Bərdə rаyоn İcra və Probasiya şöbəsinə həvаlə edilsin. Qərаrın surəti inzibаti xətа törətmiş şəxsə, protokol tərtib edən şəxsə və zərərçəkmiş şəxslərə göndərilsin. Qərаrın surəti təqdim edildiyi və yа аlındığı gündən 10 (оn) gün müddətində Bərdə rayon Məhkəməsi vasitəsilə və ya birbaşa Gəncə Аpellyаsiyа Məhkəməsinə аpellyаsiyа şikаyəti və yа prоtesti verilə bilər. Hаkim: Fərman Abdullayev