Bərdə Rayon Məhkəməsi Qərar — İş №3(021)-5/2022

Azərbaycan Respublikası adından QƏRAR Bərdə rayonu İş № 3(021)-5/2022 12.01.2022 BƏRDƏ RAYON MƏHKƏMƏSİ Məhkəmənin hakimi Elsun Məzahir oğlu Əhmədovun sədrliyi ilə, Məhkəmə iclas katibi Orxan Elşən oğlu Bayramovun katibliyi, Şəxs MMC-nin barəsində Azərbaycan Respublikasının İnzibati Xətalar Məcəlləsinin 211.2-ci maddəsi ilə olan inzibati xəta haqqında materiala Bərdə Rayon Məhkəməsinin inzibati binasında açıq məhkəmə iclasında baxaraq MÜƏYYƏN ETDİ Azərbaycan Respublikasının İqtisadiyyat Nazirliyi yanında Dövlət Vergi Xidməti 11 saylı Ərazi Vergilər İdarəsindən daxil olmuş MN ******* saylı inzibati xəta haqqında protokoldan və ona əlavə edilmiş sənədlərdən görünür ki, 25 noyabr 2021-ci il tarixdə saat 15:15-də Bərdə rayonu Güloğlular kəndi ərazisində yerləşən təsərrüfat subyektində Nazirlər Kabinetinin 29 may 2020-ci il tarixli 189 saylı qərarı pozaraq 3 nəfər vətəndaşın tibbi maska taxmadığı müəyyən edilmişdir. Məhkəmə iclasının 28 dekabr 2021-ci il tarixdə dindirilmiş İqtisadiyyat Nazirliyinin Dövlət Vergi Xidmətinin 11 saylı Ərazi Vergilər Baş İdarəsinin nümayəndəsi X1 izahatında bildirdi ki, Şəxs MMC-i 25 noyabr 2021-ci il tarixdə saat 15:15-də Bərdə rayonu Güloğlular kəndi ərazisində yerləşən təsərrüfat subyektində Nazirlər Kabinetinin 29 may 2020-ci il tarixli 189 saylı qərarı pozaraq 3 nəfər vətəndaşın tibbi maska taxmadığı müəyyən edilmişdir. Şəxs MMC-nin barəsində inzibati tənbeh tətbiqi növündə cərimə tətbiq edilməsini xahiş etdi. İş üzrə inzibati xəta törətmiş şəxs Şəxs MMC-nin nümayəndəsi etibarnamə təqdim etmədiyindən, Şəxs MMC-nin nümayəndəsi kimi qəbul edilmir və məhkəmə iclasında verdiyi izahat qəbul edilmir. Məhkəmə iş materiallarını araşdırıb hesab edir ki, Şəxs MMC-nin Azərbaycan Respublikasının İnzibati Xətalar Məcəlləsinin 211.2-ci maddəsində nəzərdə tutulan inzibati xətanı törətməsi habelə inzibati xəta haqqında 25 noyabr 2021-ci il tarixli MN ******* nömrəli protokolla sübuta yetirilir. Bununla Şəxs MMC Azərbaycan Respublikasının İnzibati Xətalar Məcəlləsinin 211.2-ci maddəsində nəzərdə tutulan inzibati xətanı törətmişdir. Azərbaycan Respublikasının İnzibati Xətalar Məcəlləsinin 211.2-ci maddəsinə əsasən epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər və hüquqi şəxslər tərəfindən həmin tələblərin pozulmasının qarşısının alınmamasına görə hüquqi şəxslər altı yüz manat məbləğində cərimə edilir. Həmin Məcəllənin 18.5-ci maddəsinə əsasən bu Məcəllənin 127-4.5-ci maddəsində nəzərdə tutulmuş hal istisna olmaqla, hüquqi şəxs barəsində inzibati tənbeh yalnız hakim tərəfindən tətbiq edilir. Həmin Məcəllənin 31.3-cü maddəsinə əsasən hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə hesab edir ki, inzibati xəta törədən Şəxs MMC-nin barəsində Azərbaycan Respublikasının İnzibati Xətalar Məcəlləsinin 211.2-ci maddəsinin sanksiyası çərçivəsində inzibati qaydada cərimə tənbehi təyin edilməlidir. Yuxarıda göstərilənlərə əsasən Azərbaycan Respublikasının İnzibati Xətalar Məcəlləsinin 211.2, 360, 362-365, 425, 430-432-ci maddələrini rəhbər tutaraq QƏRARA ALDİ Şəxs MMC MN ******* saylı inzibati xəta haqqında protokol üzrə Azərbaycan Respublikasının İnzibati Xətalar Məcəlləsinin 211.2-ci maddəsi ilə təqsirli bilinərək barəsində 600 (altı yüz) manat məbləğində inzibati cərimə tənbeh tədbiri tətbiq edilsin. Qərarın surətindən təqdim edildiyi və ya alındığı gündən 10 gün müddətində şikayət və protest verilə bilər. Hakim Elsun Əhmədov