Bərdə Rayon Məhkəməsi Qərar — İş №3(021)-542/2021

Azərbaycan Respublikası adından QƏRAR Bərdə rayonu İş № 3(021)-542/2021 17.05.2021 BƏRDƏ RAYON MƏHKƏMƏSİ Bərdə Rayon Məhkəməsinin hakimi Əhmədov Elsun Məzahir oğlunun sədrliyi, Məhkəmə iclas katibi X4, Bərdə rayon İcra və probasiya şöbəsinin icra məmuru X6, X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxxxx 1985-ci il tarixdə Bərdə rayon Əyricə kəndində doğulmuş, evli, orta təhsilli, “MTK Bərdə” pambıq zavodunda işləyən, Bərdə rayonu Əyricə kəndində yaşayan Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə olan inzibati xəta haqqında materiala Bərdə Rayon Məhkəməsinin inzibati binasında açıq məhkəmə iclasında baxaraq MÜƏYYƏN ETDİ Bərdə rayon İcra və probasiya şöbəsindən daxil olmuş MN ******* saylı inzibati xəta haqqında protokoldan görünür ki, Şəxs Bərdə Rayon Məhkəməsinin 2(021)-4577/2017 saylı 24 avqust 2017-ci il tarixli icra sənədi üzrə X3 1585 manat aliment borcu yaranmışdır, həmin borcu ödəməyərək icra məmurunun qanuni tələblərinə tabe olmamış, məhkəmənin qanuni qüvvəsini almış qətnaməsini heç bir üzürlü səbəb olmadan icra etməmişdir. Məhkəmə iclasında Bərdə rayon İcra və probasiya şöbəsinin icra məmuru X10 göstərdi ki, Bərdə Rayon 2(021)-4577/2017 saylı 24 avqust 2017-ci il tarixli icra sənədi üzrə tələbkar X3 1585 manat aliment borc Şəxs tərəfindən ödənilməmişdir. Borcluya dəfələrlə xəbərdarlıq edilmişdir. Borclu icra şöbəsinə gəlməkdən boyun qaçırmışdır. Şəxs dəfələrlə xəbərdarlıq edilsə də, həmin borcu ödəməyərək icra məmurunun qanuni tələblərinə tabe olmamış, məhkəmənin qanuni qüvvəsini almış qətnamələrini heç bir üzürlü səbəblər olmadan icra etməmişdir. Məhkəmədən Şəxs barəsndə qanunamüvafiq tədbir görülməsini xahiş etdi. Məhkəmə iclasında tələbkar X5 izahatında bildirdi ki, Şəxs ara-sıra ödənişlər edib, lakin bir müddətdir ki, dayandırıbdır. Lakin buna baxmayaraq onun həbs edilməsini istəmir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs verdiyi izahatında göstərdi ki, işsiz olduğu müddətdə aliment borcu yığılmışdır. Bundan başqa 2-ci Qarabağ müharibəsində iştirak etmiş və 4 ay da əlavə olaraq ödəyə bilməmişdir. Yığılmış borcdan 500 manat ödəniş edib. Hal-hazırda fəhləlik edib gücü çatan qədər ödəniş edib. Hal-hazırda MTK Bərdə pambıq zavoduna işlə düzəlib və odəniş maaşına yönəlibdir. O mart ayında 100 manat, aprel ayında 145 manat aliment borcundan ödəmiş və hazırda məhkəmə zalında 500 manat nağd şəkildə ödəniş etməyə hazırdır. Borcu ödəməyə hazır olduğunu, sadəcə imkan elədikcə mütəmadi ödənişlər etdiyini qeyd edərək məhkəmədən söylənilənləri nəzərə alaraq ona köməklik göstərilməsini xahiş etdi. Məhkəmə iclasında barəsində inzibati icrat aparılan Şəxs yığılmış aliment borcundan 500 manat tələbkara ödəyərək, qalan məbləğin tez bir zamanda ödənilməsinə dair yazılı iltizam verdi. Məhkəmə iclasında tələbkar X5 500 manat ödənişi qəbul edərək Şəxs həbs edilməməsini və başlanılmış inzibati xəta haqqında iş üzrə icraata xitam verilməsini məhkəmədən xahiş etdi. Məhkəmə barəsində inzibati xəta haqqında iş üzrə icraat aparılan şəxsin, tələbkarın, icra məmurunun izahatını və inzibati materiala əlavə olunmuş sənədləri araşdıraraq hesab edir ki, Şəxs əməlində inzibati xəta tərkibi olmadığından icraata xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. İnzibati Xətalar Məcəlləsinin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikasının İnzibati Xətalar Məcəlləsinin 53-cü maddəsinə görə, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə görə, bu Məcəllənin 53-cü maddəsində nəzərdə tutulmuş hallardan hər-hansi biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Belə olan halda məhkəmə hesab edir ki, Şəxs mütəmadi olaraq ödənişlər etmiş və məhkəmə qərarının icrasından qərəzli şəkildə yayınma halları mövcud olmamışdır. Bundan başqa yaranmış 1585 manat borcdan 500 manat ödəniş məhkəmə iclas zalında həyata keçirilmiş və cəmi borc 1085 manat təşkil edir. Qeyd olunanlara əsasən Şəxs əməlində inzibati xəta tərkibi olmadığından inzibati xəta haqqında işin icraatına xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43,112, 114, 115, 117, 128-130-cu maddələrini rəhbər tutaraq məhkəmə, QƏRARA ALDİ Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında işin icraatına xitam verilsin. Qərarın surəti rəsmi qaydada verildiyi vaxtdan 10 (on) gün müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti və ya protesti verilə bilər.