Bərdə Rayon Məhkəməsi Qərar — İş №3(021)-637/2022

Azərbaycan Respublikası adından QƏRAR Bərdə rayonu İş № 3(021)-637/2022 14.05.2022 BƏRDƏ RAYON MƏHKƏMƏSİ Bərdə Rayon Məhkəməsinin hakimi Əbilov Qamət Mehman oğlunun sədrliyi, X7 iclas katibliyi, Bərdə RPŞ-nin polis sahə rəisi, X4, zərərçəkmiş şəxs X5 və barəsində inzibati xəta haqqında iş üzrə icraat aparılan şəxs Şəxs iştirаkları ilə, xx.xx.1998-ci il tarixdə Bərdə şəhərində аnаdаn оlmuş, Azərbaycan Respublikasının vətəndaşı, orta təhsilli, Bərdə şəhəri, Füzuli küçəsi ev 97 qeydiyyatda olmaqla, yaşayan Şəxs Azərbaycan Respublikası İnzibati Xətalar Məcəlləsinin (bundan sonra İXM-nin) 227-ci maddəsi ilə Bərdə Rayon Polis Şöbəsindən daxil olmuş MN 1418520, ******* və MN ******* saylı inzibati xəta haqqında materiallara baxaraq, Müəyyən etdi: Bərdə Rayon Polis Şöbəsindən daxil olmuş MN ******* saylı inzibati xəta haqqında protokoldan görünür ki, Şəxs 16 mart 2022-ci il tarixdə X2 məxsus Bərdə şəhəri, Füzuli küçəsi 99 saylı yaşayış evindən müxtəlif əşyalar və avtomobildən səsgücləndirici oğurlamış, 90 manat dəyərində ziyan vurmuşdur. Bundan başqa Bərdə Rayon Polis Şöbəsindən daxil olmuş MN ******* saylı inzibati xəta haqqında protokoldan görünür ki, Şəxs 26 aprel 2022-ci il tarixdə X2 məxsus Bərdə şəhəri, Füzuli küçəsi 99 saylı yaşayış evinin həyətində olan ona məxsus ** BU *** dövlət nömrə nişanlı avtomaşından 2 ədəd səsgücləndirici oğurlamışdır. Bundan başqa Bərdə Rayon Polis Şöbəsindən daxil olmuş MN ******* saylı inzibati xəta haqqında protokoldan görünür ki, Şəxs 15 mart 2022-ci il tarixdə Bərdə şəhəri, Səttərxan küçəsində yaşayan X6 məxsus yaşayış evindən 1 ədəd dəyəri 25 manat olan DVD videomaqnitofon, 1 ədəd 50 manat dəyərində su qızdırıcı və 15 manat dəyərində şokolad oğurlamışdır. Bərdə rayon Məhkəməsinin 3(021)-637/2022 saylı, 14 may 2022-ci il tarixli qərarı ilə Şəxs Azərbaycan Respublikası İXM-nin 227-ci maddəsi ilə inzibati məsuliyyətə cəlb edilməsinə dair 3(021)-637/2022, 3(021)-638/2022 və 3(021)-639/2022 saylı inzibati işlər bir icraatda 3(021)-637/2022 sayla baxılması qərara alınmışdır. Məhkəmə iclasında Bərdə RPŞ- nin polis sahə rəisi X4 bildirdi ki, Şəxs 16 mart 2022ci il tarixdə X2 məxsus Bərdə şəhəri, Füzuli küçəsi 99 saylı yaşayış evindən müxtəlif əşyalar və avtomobildən səsgücləndirici, 26 aprel 2022-ci il tarixdə həmin şəxsin yaşayış evinin həyətində olan ona məxsus ** BU *** dövlət nömrə nişanlı avtomaşından 80 manat dəyərində 2 ədəd səsgücləndirici, 15 mart 2022-ci il tarixdə Bərdə şəhəri, Səttərxan küçəsində yaşayan X6 məxsus yaşayış evindən 1 ədəd dəyəri 25 manat olan DVD videomaqnitofon, 1 ədəd 50 manat dəyərində su qızdırıcı və 15 manat dəyərində şokolad oğurlamışdır. Ona görə də barəsində İXM-nin 227-ci maddəsi ilə protokol tərtib edilərək baxılması üçün aidiyyəti üzrə məhkəməyə verilmişdir. Şəxs barəsində inzibati tənbeh tətbiq olunmasını xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs məhkəmə iclasında izahat verib bildirdi ki, maddi imkansızlıqdan 16 mart 2022-ci il tarixdə X2 məxsus Bərdə şəhəri, Füzuli küçəsi 99 saylı yaşayış evindən müxtəlif əşyalar və avtomobildən səsgücləndirici, 26 aprel 2022-ci il tarixdə həmin şəxsin yaşayış evinin həyətində olan ona məxsus ** BU *** dövlət nömrə nişanlı avtomaşından 80 manat dəyərində 2 ədəd səsgücləndirici, bundan başqa 15 mart 2022-ci il tarixdə Bərdə şəhəri, Səttərxan küçəsində yaşayan X6 məxsus yaşayış evindən 1 ədəd dəyəri 25 manat olan DVD videomaqnitofon, 1 ədəd 50 manat dəyərində su qızdırıcı və 15 manat dəyərində şokolad oğurlamışdır. Əməlindən peşman olmasının nəzərə alınmasını xahiş etdi. Məhkəmə iclasında zərərçəkmiş şəxs X5 bildirdi ki, Şəxs 16 mart 2022-ci il tarixdə ona məxsus Bərdə şəhəri, Füzuli küçəsi 99 saylı yaşayış evindən müxtəlif əşyalar və avtomobildən səsgücləndirici oğurlamış, cəmi 90 manat dəyərində ziyan vurmuşdur. Bundan başqa 26 aprel 2022-ci il tarixdə Bərdə şəhəri, Füzuli küçəsi 99 saylı yaşayış evinin həyətində olan ona məxsus ** BU *** dövlət nömrə nişanlı avtomaşından 80 manat dəyərində 2 ədəd səsgücləndirici oğurlamışdır. Hazırda da onların dəyəri ona ödənilməmişdir. Şəxs vurduğu ziyanı tələb edir. Məhkəmədən inzibati xəta haqqında iş üzrə icraat aparılan şəxsin barəsində inzibati tədbir görülməsini xahiş etdi. Zərərçəkmiş şəxs X6 məhkəmə iclasının vaxtı və yeri barədə lazımi qaydada məlumat verilməsinə baxmayaraq o, məhkəmə iclasına gəlməmiş və gəlməməsinin səbəbləri barədə məhkəməyə heç bir məlumat verməmişdir. Məhkəmə işə zərərçəkmiş şəxs X3 iştirakı olmadan baxılmasını mümkün hesab edir. Məhkəmə işdə iştirak edən şəxsləri dinləyib, iş materiallarını araşdırıb hesab edir ki, Şəxs İXM-in 227-ci maddəsində nəzərdə tutulan inzibati xətanı törətmişdir və o, inzibati qaydada məsuliyyətə cəlb olunmalıdır. Belə ki, işdə olan Bərdə Rayon Polis Şöbəsinin cinayət işi başlanmasının rədd edilməsi haqqında 26.03.2022-ci tarixli qərarından görünür ki, 16 mart 2022-ci il tarixdə X1 16 mart 2022-ci il tarixdə özünə məxsus Bərdə şəhəri, Füzuli küçəsi 99 saylı yaşayış evindən cəmi dəyəri 90 manat olan müxtəlif əşyalar və avtomobildən səsgücləndirici oğurlanması barədə müraciəti əsasında toplanmış HK-1-1017 saylı material üzrə cinayət işinin başlanması rədd olunmuşdur. İşdə olan Bərdə Rayon Polis Şöbəsinin cinayət işi başlanmasının rədd edilməsi haqqında 03 may 2022-ci tarixli qərarından görünür ki, 26 aprel 2022-ci il tarixdə X1 özünə məxsus Bərdə şəhəri, Füzuli küçəsi 99 saylı yaşayış evinin həyətində olan ** BU *** dövlət nömrə nişanlı avtomaşından 80 manat dəyərində 2 ədəd səsgücləndirici oğurlanması barədə müraciəti əsasında toplanmış HK-1-1577/22 saylı material üzrə cinayət işinin başlanması rədd olunmuşdur. İşdə olan Bərdə Rayon Polis Şöbəsinin cinayət işi başlanmasının rədd edilməsi haqqında 25 mart 2022-ci tarixli qərarından görünür ki, 15 mart 2022-ci il tarixdə Bərdə şəhəri, Səttərxan küçəsində yaşayan X3 özünə məxsus yaşayış evindən 1 ədəd dəyəri 25 manat olan DVD videomaqnitafon, 1 ədəd 50 manat dəyərində su qızdırıcı və 15 manat dəyərində şokolad oğurlanması barədə müraciəti əsasında toplanmış HK-1-997 saylı material üzrə cinayət işinin başlanması rədd olunmuşdur. Şəxs Azərbaycan Respublikası İXM-nin 227-ci maddəsində nəzərdə tutulan inzibati xəta törətməsi özünün etirafı, zərərçəkmiş şəxsin izahatı, inzibati xəta törətməsi barədə tərtib olunmuş protokollar, Bərdə RPŞ-nin TB-nin cinayət işinin başlanmasının rədd olunması barədə qərarları və həmçinin protokola əlavə edilmiş digər materiallarla təsdiq olunur. Həmin Məcəllənin 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs əməlindən peşman olmasını məsuliyyətini yüngülləşdirən hal kimi qiymətləndirir. Eyni zamanda məhkəmə iclasında barəsində inzibati xəta haqqında iş üzrə icraat aparılan şəxs Şəxs əməlində məsuliyyətini ağırlaşdıran hal müəyyən edilmədi. Məhkəmə hesab edir ki, inzibati tənbehin məqsədlərinə nail olmaq üçün Şəxs barəsində daha ciddi inzibati tənbeh hesab edilən həbs tətbiq edilməlidir. Şəxs inzibati həbs tətbiq etməklə onun qanunlara əməl edilməsi ruhunda tərbiyələndirmək, habelə özü, həm də başqa şəxslər tərəfindən yeni inzibati xəta törədilməsinin qarşısını almaq kimi Azərbaycan Respublikası İXM-nin 21-ci maddəsində nəzərdə tutulan inzibati tənbehin məqsədlərinə nail olmaq mümkündür. Belə ki, İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsində isə göstərilir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə həmçinin bildirir ki, İXM-in 31.4-cü maddəsinə qeyd edilmişdir ki, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Azərbaycan Respublikası İXM-nin 30.1-ci maddəsinə görə inzibati həbs, yalnız müstəsna hallarda, inzibati xətaların ayrı-ayrı növlərinə görə üç ay müddətinədək hakim tərəfindən tətbiq edilir. Həmin Məcəllənin 34.1-ci maddəyə görə bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. Bu Məcəllənin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Həmin Məcəllənin 34.4-cü maddəsinə əsasən şəxsin müxtəlif vaxtlarda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, barəsində inzibati icraat aparılan şəxsə tətbiq olunan tənbeh bu Məcəllənin 25.4, 27.1, 28.3, 29.3 və 30.1-ci maddələrində müəyyən edilmiş hədlərdən artıq ola bilməz. Məhkəmə Şəxs inzibati tənbeh tətbiq edərkən onun törətdiyi xətanın xarakterini, şəxsiyyətini, onun təqsirinin dərəcəsini nəzərə alaraq, hesab edir ki, ona 1 (bir) ay inzibati tənbeh-həbs tətbiq edilməlidir. Göstərilənləri və Azərbaycan Respublikası İXM-nin 43,112,114,115,117,128-130-cu maddələrini rəhbər tutub, Q ə r a r a a l d ı: Şəxs İXM-in 227-ci mаddəsi ilə təqsirli bilinərək, bаrəsində 01 (bir) ay müddətinə inzibаti tənbeh-həbs tətbiq edilsin. İnzibati həbs haqqında qərar dərhal icra edilsin. İnzibati həbsdə saxlamanın əvvəli 14 may 2022-ci il tаrixdən, saat 10:00–dan hesablansın. Şəxs Azərbaycan Respublikası Daxil İşlər Nazirliyi tərəfindən müəyyən edilən yerdə mühafizə altında saxlanılsın. Qərarın surəti elan edildiyi və yа аlındığı gündən 10 (оn) gün müddətində Gəncə Apellyasiya Məhkəməsinə şikаyət verilə bilər. Hakim Qamət Əbilov