Bərdə Rayon Məhkəməsi Qərardad — İş №3(021)-643/2025

Azərbaycan Respublikası adından QƏRARDAD Bərdə rayonu İş № 3(021)-643/2025 10.09.2025 BƏRDƏ RAYON MƏHKƏMƏSİ Hakim Abdullayev Ziya Yaşar oğlu, X3 tərəfindən verilmiş inzibati xəta haqqında qərarın ləğv edilməsi barədə şikayətinə baxaraq, məhkəmə MÜƏYYƏN ETDİ: X3 məhkəməyə şikayət ərizəsi ilə müraciət edərək Bərdə rayon Yol Patrul Xidməti tərəfindən tərtib edilmiş EQ 30381525 saylı xx.xx.2025-ci il tarixli inzibati xəta haqqında elektron qərarın və ona aid EQ 30180506 saylı qərarın ləğv edilməsini xahiş etmişdir. Məhkəmə şikayəti və əlavə edilmiş sənədləri araşdıraraq hesab edir ki, şikayət geri qaytarılmalıdır. Belə ki, təqdim edilmiş şikayət ərizəsindən görünür ki, X3 barəsində tərtib edilmiş EQ 30381525 saylı xx.xx.2025-ci il tarixli inzibati xəta haqqında elektron qərarın və ona aid EQ 30180506 saylı qərarın ləğv olunmasını və iş üzrə icraata xitam verilməsini xahiş etmişdir. Məhkəmə qeyd edir ki, inzibati xəta haqqında qərarın ləğvi xahiş olunsa da, həmin qərar iş materiallarına əlavə edilməmişdir. Sözügedən qərarın iş materiallarına əlavə edilməsi şikayətçiyə izah edilməklə şikayət ona əlavə edilmiş sənədlərlə birlikdə şikayətçiyə geri qaytarılmalıdır. Azərbaycan Respublikası İnzibati Xətalar Məcəlləsi 12.1. Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. İnzibati xətalar haqqında işlərə baxmağa səlahiyyəti olan orqanlar (vəzifəli şəxslər) 40.0. İnzibati xətalar haqqında işlərə: 40.0.1. rayon (şəhər) məhkəmələri və hərbi məhkəmələr; 40.0.2. uşaq hüquqlarının müdafiəsi üzrə komissiyalar (kollegial orqan); 40.0.3. müvafiq icra hakimiyyəti orqanları, Mərkəzi Bank, müvafiq icra hakimiyyəti orqanının yaratdığı qurum (vəzifəli şəxslər) baxırlar 110.1. İnzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Qeyd olunanları və Azərbaycan Respublikası İnzibati Xətalar Məcəlləsinin 40, 43, 100-cü maddələrini rəhbər tutaraq, məhkəmə QƏRARA ALDİ: X1 barəsində tərtib edilmiş EQ 30381525 saylı xx.xx.2025-ci il tarixli inzibati xəta haqqında elektron qərarın və ona aid EQ 30180506 saylı qərarın ləğv olunmasına dair şikayət və ona əlavə olunmuş materiallar X2 geri qaytarılsın. Qərardaddan şikayət verilə bilməz. Hаkim: Ziya Abdullayev