Bərdə Rayon Məhkəməsi Qərar — İş №3(021)-661/2023

Azərbaycan Respublikası adından QƏRAR Bərdə rayonu İş № 3(021)-661/2023 28.03.2023 BƏRDƏ RAYON MƏHKƏMƏSİ Hakim Babaşov Fuad Bəhruz oğlunun sədrliyi, X2 iclas katibliyi ilə, Şəxs Azərbaycan Respublikası İnzibati Xətalar Məcəlləsinin 552-ci maddəsində müəyyən olunmuş inzibati xəta törətməsinə dair Azərbaycan Respublikasının Rəqəmsal İnkişaf və Nəqliyyat Nazirliyinin Tabeliyində Azərbaycan Yerüstü Nəqliyyat X4 İdarəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs Azərbaycan Respublikası İnzibati Xətalar Məcəlləsinin (bundan sonra İXM) 552-ci mаddəsi ilə nəzərdə tutulmuş inzibаti xətаnı törətməkdə təqsirli bilinərək barəsində Azərbaycan Respublikasının Rəqəmsal İnkişaf və Nəqliyyat Nazirliyinin Tabeliyində Azərbaycan Yerüstü Nəqliyyat X4 İdarəsi tərəfindən 13 mart 2023-cü il tarixdə inzibati xəta haqqında prоtоkоl tərtib оlunmuş, baxılması üçün Bərdə Rayon Məhkəməsinə göndərilmişdir. İnzibati xətа hаqqındа prоtоkоl ona görə tərtib olunmuşdur ki, 13 mart 2023-cü il, saat 10:47-də Bərdə şəhəri, H.Əliyev prospektində keçirilən reyd zamanı sürücü Şəxs idarə etdiyi «Canqan» markalı, **-BP-*** dövlət nömrə nişanlı yük maşını ilə qanunsuz yükdaşıma fəaliyyəti göstərdiyi aşkar olundu. Sürücü Şəxs qanunvericilikdə nəzərdə tutulmuş tələb olunan sənədləri təqdim etmədi. İş üzrə inzibati xəta törətmiş şəxs Şəxs və protokol tərtib etmiş Azərbaycan Yerüstü Nəqliyyat X4 İdarəsinə məhkəmə iclasının vaxtı və yeri barədə rəsmi qaydada məlumat veriilməsinə baxmayaraq barəsində icraat aparılan şəxs və Azərbaycan Yerüstü Nəqliyyat X4 İdarəsinin nümayəndəsi məhkəmə iclasına gəlməmişlər. Məhkəmə onların iştirakı olmadan işə baxılmasını mümkün hesab etmişdir. Belə ki, İXM-in 61.3-cü maddəsinə əsasən inzibati xəta haqqında işə barəsində inzibati xəta haqqında iş üzrə icraat aparılan şəxsin iştirakı ilə baxılır. Həmin işə şəxsin iştirakı olmadan, yalnız o hallarda baxılır ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun. Məhkəmə hesаb edir ki, Şəxs İXM-in 552-ci mаddəsində nəzərdə tutulan inzibati xətanı törətmişdir və o, inzibаti qаydаdа məsuliyyətə cəlb оlunmаlıdır. Belə ki, Azərbaycan Yerüstü Nəqliyyat X4 İdarəsinin məsləhətçisi X6 tərəfindən tərtib edilmiş xx.xx.2023-cü il tarixli, MN №0316602 nömrəli protokoldan görünür ki, 13 mart 2023-cü il, saat 11:47-də Bərdə şəhəri, H.Əliyev prospektində keçirilən reyd zamanı «Canon» markalı, **-BP-*** dövlət nömrə nişanlı yük avtomobili yoxlanılmış, sürücü Şəxs «Canon» markalı, **-BP-*** dövlət nömrə nişanlı yük avtomobili ilə qeyri qanuni yükdaşıma fəaliyyəti göstərdiyi müəyyən edilmişdir. Azərbaycan Yerüstü Nəqliyyat X4 İdarəsinin kiçik inspektoru X6, X1 və X3 tərəfindən tərtib edilmiş 13 mart 2023-cü il tarixli Aktdan görünür ki, «Canqan» markalı, **-BP-*** dövlət nömrə nişanlı yük avtomobilinin sürücüsü Şəxs qanunsuz yükdaşıma fəaliyyəti ilə məşğul olması müəyyən edilmiş, Azərbaycan Respublikası Nazirlər Kabinetinin 09 fevral 2006-cı il tarixli 40 nömrəli və həmçinin 24 aprel 2009-cu il tarixli 71 nömrəli qərarlarının tələblərinə uyğunluğu yoxlanılmış, yoxlama zamanı sürücü Şəxs qanunsuz, yəni fərqlənmə nişanı olmadan yükdaşıma fəaliyyəti göstərdiyi aşkar olunmüşdur. Sürücü Şəxs törətdiyi inzibati xətanın mahiyyəti izah olunmuş, barəsində inzibati protokol tərtib ediləcəyi barədə xəbərdarlıq edilmiş, sürücü izahat verməkdən və protokola imza etməkdən imtina etmişdir. Məhkəmə iclasında tədqiq olunmuş və mötəbərliliyi məhkəmədə heç bir şübhə doğurmayan sübutlarla müəyyən edilmişdir ki, 13 mart 2023-cü il tarixdə saat 11:47-də Bərdə şəhəri Hə.Əliyev prospektində reyd zamanı Şəxs idarə etdiyi «Canon» markalı, **- BP-*** dövlət nömrə nişanlı minik avtomobili yoxlanılmış, sürücü qanunvericilikdə nəzərdə tutulmuş tələb olunan sənədləri təqdim etməmiş, bununla da İXM-in 552-ci maddəsində nəzərdə tutulan inzibati xətanı törətmişdir. İXM-in 552-ci maddəsinə əsasən avtomobil nəqliyyatı ilə sərnişin və yük daşımalarını yerinə yetirən şəxslər tərəfindən müvafiq icra hakimiyyəti orqanının müəyyən etdiyi orqan (qurum) əməkdaşının xidməti vəzifəsinin yerinə yetirilməsinə mane olmağa, o cümlədən qanunvericiliklə müəyyən olunmuş tələb olunan sənədlərin təqdim edilməməsinə görə əlli manat məbləğində cərimə edilir. İXM-in 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84-cü maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Məhkəmə Şəxs hansı həddə tənbeh tətbiq edilməsini müzakirə edərkən qeyd edir ki, onun təqsirli olduğu maddənin sanksiyasında konkret cərimə məbləği nəzərdə tutulduğundan ona inzibati cərimə tənbehi tətbiq edilməlidir. Belə ki, İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsində isə göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 18.5-ci maddəsinə əsasən, hüquqi şəxs barəsində inzibati tənbeh yalnız hakim tərəfindən tətbiq edilir. Həmin Məcəllənin 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati işin materiallarından Şəxs məsuliyyətini yüngülləşdirən və ağırlaşdıran hallar müəyyən edilmədi. Qeyd olunanlara əsasən məhkəmə belə qənaətə gəlir ki, Şəxs İXM-in 552-ci maddəsi ilə təqsirli bilinib, ona 50 manat məbləğində inzibati cərimə tənbehi tətbiq edilməsi vasitəsilə həmin şəxsin qanunlara əməl edilməsi, habelə həm inzibati xəta törətmiş, həm də başqaları tərəfindən yeni inzibati xəta törədilməsinin qarşısını almaq kimi inzibаti tənbehin məqsədlərinə nаil оlmаq mümkündür. Göstərilənlərə əsаsən və İXM-in 43, 112, 114, 115, 117, 128-130-cu mаddələrini rəhbər tutаrаq, məhkəmə Q ə r a r a a l d ı: xx.xx.1954-cü ildə təvəllüdlü, Ağdam rayonu, Tağıbəyli kəndində qeydiyyatda olan Şəxs İXM-in 552-ci maddəsində nəzərdə tutulan inzibati xətanın törədilməsində təqsirli bilinib, bаrəsində 50 manat məbləğində inzibаti cərimə tənbehi tətbiq edilsin. Qərаrın surəti inzibаti xətа törətmiş və protokol tərtib etmiş şəxsə göndərilsin. Qərаrın icrаsı Ağdam rаyоn İcra və Probasiya şöbəsinə həvаlə edilsin. Qərаrın surəti təqdim edildiyi və yа аlındığı gündən 10 (оn) gün müddətində Bərdə Rаyоn Məhkəməsi vаsitəsi ilə və ya birbaşa Gəncə Аpellyаsiyа Məhkəməsinə аpellyаsiyа şikаyəti və yа prоtesti verilə bilər. Hаkim:Fuad Babaşov