Bərdə Rayon Məhkəməsi Qərar — İş №3(021)-71/2025

Azərbaycan Respublikası adından QƏRAR Bərdə rayonu İş № 3(021)-71/2025 07.02.2025 BƏRDƏ RAYON MƏHKƏMƏSİ Bərdə Rayon Məhkəməsinin hakimi Babaşov Fuad Bəhruz oğlunun sədrliyi, X5 iclas katibliyi, protokol tərtib etmiş şəxs X8 və barəsində inzibati xəta haqqında iş üzrə icraat aparılan şəxs Şəxs, icra sənədi üzrə tələbkar X2 iştirаkları ilə, xx.xx.1995-ci ildə Bərdə şəhərində doğulmuş, orta təhsilli, evli, işləməyən, Bərdə rayonu LƏk kəndində yaşayan Şəxs Azərbaycan Respublikası İnzibati Xətalar Məcəlləsinin (bundan sonra İXM) 528.1-ci maddəsində müəyyən olunmuş inzibati xəta törətməsinə dair Bərdə rayon İcra və Probasiya şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs barəsində Azərbaycan Respublikası İnzibati Xətalar Məcəlləsinin (bundan sonra İXM) 528.1-ci mаddəsi ilə inzibаti xətа haqqında Bərdə rayon İcra və Probasiya Şöbəsində 07 fevral 2025-ci il tarixdə, MN № ******* nömrəli protokol tərtib edilmişdir ondan ötəri ki, o, Ağdam rayon Məhkəməsinin 2(013) -23/2020 saylı 22 oktyabr 2020-ci il tarixli və Bərdə Rayon Məhkəməsinin 2(021)-4345/2024 saylı, 19 dekabr 2024-cü il tarixli qətnamələrinə əsasən 3241 manat aliment borcu vardır. Bununla da İXM 528.1-ci mаddəsində nəzərdə tutulmuş inzibati xətanı törətmişdir. Məhkəmə iclasında protokol tərtib etmiş şəxs Bərdə Rayon İcra və Probasiya Şöbəsinin icra məmuru X8 çıxış edərək göstərdi ki, Ağdam rayon Məhkəməsinin 2(013)-123/2020 nömrəli, 22 yanvar 2020-ci il tarixli icra vərəqəsinə əsaəsn 10 sentyabr 2019-cu il tarixdən başlayaraq Şəxs 08 avqust 2017-ci ildə anadan olmuş Ümid və 10 avqust 2019-cu ildə anadan olmuş Uğur adlı uşaqların yetkinlik yaşına çatana kimi saxlanması üçün hər ay hər uşağa görə 110 manat olmaqla cəmi 220 manat sabit pul məbləğində aliment tutulub X3 ödənilməlidir. Bərdə Rayon Məhkəməsinin 2(021)-4345/2024 nömrəli, 19 dekabr 2024-cü il tarixli qətnaməsinə əsasən 08 avqust 2017-ci il təvəllüdlü X10 və 10 avqust 2019-cu il təvəllüdlü X11 adlı azyaşlı övladlarının saxlanılması üçün Ağdam rayon Məhkəməsinin 22 yanvar 2020-ci il tarixli 2(013)-123/2020 saylı qətnaməsinə əsasən Şəxs tutulması qət edilən alimentin məbləği artırılaraq hər ay bir uşaq üçün 160 manat olmaqla, cəmi 320 manat (üç yüz iyirmi) manat sabit pul məbləğində müəyyən edilməklə Şəxs tərəfindən X2 xeyrinə ödənilməlidir. Hər iki icra sənədi icra edilməsi üçün Bərdə Rayon İcra və Probasiya Şöbəsinə daxil olmuş, tərəfindən icra sənədi üzrə icraata başlamaq haqqında qərar qəbul edilmiş və həmin qərar eyni tarixli bildirişlə bərabər borclunun ünvanına göndərilmişdir. Həmin bildirişdə icra sənədi üzrə tələbin 10 gün müddətində könüllü olaraq icra edilməsi, əks təqdirdə məcburi icra hərəkətləri ilə bağlı xərclərin onlardan tutulması göstərilmişdir. Borclu isə icra sənədi üzrə öhdəliyi tam şəkildə icra etməkdən imtina edir. Odur ki, protokolunu müdafiə edir. Şəxs barəsində inzibati tənbeh tədbirinin seçilməsini məhkəmədən xahiş etdi. Məhkəmə iclаsındа barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, açıq ürək əməliyyatı keçirmiş, xəstə olduğundan işləmək iqtidarında deyil. Xəstəliyi ilə əlaqədar ona İİ dərəcəli əlillik təyin edilmişdir. Yaxın vaxtlarda pensiya kartı ona təqdim olunacaqdır. Bundan sonra aliment ödənişləri edəcəkdir. Odur ki, məhkəmə tərəfindən nəzərə alınmasını xahiş etdi. Məhkəmə iclasında tələbkar X7 izahatında göstərmişdir ki, məhkəmə qətnaməsi ilə iki uşağın saxlanması üçün aliment tutulub. Hal-hazırda uşaqları saxlamaqda çətinlik çəkir. Kirayədə yaşayır. Uşaqların ehtiyaclarını ödəyə bilmir. Borclu axırıncı dəfə 2024-cü ilin noyabr ayında 200 manat aliment ödəmişdir. Hazırda borcunun ödənilməsini tələb etdi. Məhkəmə tərəfləri dinləyib, iş materiallarını araşdırıb hesаb edir ki, X9 İXM-in 528.1-ci mаddəsində nəzərdə tutulan inzibati xətanı törətmişdir və o, inzibаti qаydаdа məsuliyyətə cəlb оlunmаlıdır. Belə ki, inzibаti xəta haqqında işin mаteriаllarına əlаvə edilmiş: Ağdam rayon Məhkəməsinin 2(013)-123/2020 nömrəli, 22 yanvar 2020-ci il tarixli icra vərəqəsinə əsasən 10 sentyabr 2019-cu il tarixdən başlayaraq Şəxs 08 avqust 2017-ci ildə anadan olmuş Ümid və 10 avqust 2019-cu ildə anadan olmuş Uğur adlı uşaqların yetkinlik yaşına çatana kimi saxlanması üçün hər ay hər uşağa görə 110 manat olmaqla cəmi 220 manat sabit pul məbləğində aliment tutulub X3 ödənilməlidir. Bərdə Rayon Məhkəməsinin 2(021)-4345/2024 nömrəli, 19 dekabr 2024-cü il tarixli qətnaməsinə əsasən 08 avqust 2017-ci il təvəllüdlü X10 və 10 avqust 2019-cu il təvəllüdlü X11 adlı azyaşlı övladlarının saxlanılması üçün Ağdam rayon Məhkəməsinin 22 yanvar 2020-ci il tarixli 2(013)-123/2020 saylı qətnaməsinə əsasən Şəxs tutulması qət edilən alimentin məbləği artırılaraq hər ay bir uşaq üçün 160 manat olmaqla, cəmi 320 manat (üç yüz iyirmi) manat sabit pul məbləğində müəyyən edilməklə Şəxs tərəfindən X2 xeyrinə ödənilməlidir 15 fevral 2021-ci il tarixli icraata başlama haqqında qərarından və bildirişdən görünür ki, Ağdam rayon Məhkəməsinin 22 yanvar 2020-ci il tarixli 2(013)-123/2020 saylı icra sənədi üzrə icraata başlanmış, borcluya icra sənədi üzrə tələbin könüllü icra edilməsi barədə xəbərdarlıq edilmişdir. 28 dekabr 20204-cü il tarixli icraatya başalama haqqında qərardan və bildirişdən görünür ki, Bərdə Rayon Məhkəməsinin 2(021) 4345/2024 nömrəli, 19 dekabr 2024-cü il tarixli icra sənədi üzrə icraata başlanmış, borcluya alimentin ödənilməsi barədə xəbərdarlıq edilmişdir. Bərdə Rayon İcra və Probasiya Şöbəsinin icra məmuru X8 tərəfindən tərtib edilmiş 07 fevral 2025-ci il tarixli, MN № ******* nömrəli inzibati xəta haqqında protokoldan görünür ki, Ağdam rayon Məhkəməsinin 2(013)-123/2020 saylı 22 oktyabr 2020-ci il tarixli, Bərdə Rayon Məhkəməsinin 2(021)-4345/2024 saylı, 19 dekabr 2024-cü il tarixli qərarına əsasən 3241 manat aliment borcu vardır. Bərdə Rayon Məhkəməsinin 20 iyun 2023-cü il tarixli, 8(021)-354/2023 nömrəli qərardadından görünür ki, Şəxs ölkədən getmək hüququ müvəqqəti məhdudlaşdırılmışdır. İş materiallarında olan X6 tərəfindən verilmiş PTCA-Stent protokolundan görünür ki, Şəxs ürəyinə VVİR cihaz impantasiya edilmişdir. İş materiallarında olan Azərbaycan Respublikası Tibbi Ərazi Bölmələrini İdarəetmə Birliyi ”Publik Hüquqi şəxs“ Bərdə rayon Mərkəzi Xəstəxanası” Publik Hüquqi şəxs tərəfindən verilmiş 15 yanvar 2025-ci il tarixli məktubdan görünür ki, Şəxs 16 dekabr 2024cü il və 07 yanvar 2025-ci il tarixlərdə Bərdə rayon X1 Şöbəsinə müraciət etmiş ona əvvəllər keçirilən miokard infarktı, süni ürək ritmi aparıcısının olması və əvvəllər keçirilən durğunluq ürək çatışmamazlığı diaqnozu qoyulmuşdur. İXM-in 528.1-ci maddəsinə əsasən, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə-fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin maddəyə görə, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi inzibati məsuliyyətə səbəb olur. Məhkəmə iclasında tədqiq olunmuş və mötəbərliliyi məhkəmədə heç bir şübhə doğurmayan sübutlarla müəyyən edilmişdir ki, barəsində inzibati xəta haqqında iş üzrə icraat aparılan Şəxs icra sənədləri üzrə 3241 manat aliment borcunu tələbkar X4 heç bir üzürlü səbəb göstərmədən ödəməmiş və bu barədə icra məmurunun qanuni tələblərini yerinə yetirməməklə, İXM-in 528.1-ci maddəsində nəzərdə tutulan inzibati xətanı törətmişdir. İş materiallarından görünür ki, inzibati xəta törədən şəxs məhkəmənin icra sənədini icra etmək barədə icra məmurunun qanuni tələbini yerinə yetirməməkdə davam edir. İXM-in 30.2-ci maddəsinə əsasən hamilə qadınlar və ya himayəsində on dörd yaşınadək uşağı olan qadınlar, on dörd yaşına çatmamış uşağını təkbaşına böyüdən kişilər, on səkkiz yaşına çatmayan şəxslər, orqanizmin funksiyalarının 61-80 faiz və ya 81-100 faiz pozulmasına görə əlilliyi müəyyən edilmiş şəxslər, 18 yaşınadək əlilliyi müəyyən edilmiş şəxslər, altmış yaşına çatmış qadınlar və altmış beş yaşına çatmış kişilər, habelə bu Məcəllənin 41-ci fəslində nəzərdə tutulmuş inzibati xətalar istisna olmaqla digər inzibati xətalara görə hərbi qulluqçular barəsində inzibati həbs tətbiq edilə bilməz. Baxmayaraq ki, hazırki işdən Şəxs əlilliyi müəyyən edilmir, lakin mütəmadi ödənişlər etməsi, son vaxtlar isə ürək xəstəliyinə tutulması və Bərdə RMX-nın arayışına əsasən miokard infarktı keçirməsi və ürəyində süni ürək ritmi aparıcısının olması, ürək çatmamazlığından əziyyət çəkməsi və özünün deməsinə görə əlilliklə bağlı müayinədən keçməsi və tezliklə əlillik dərəcəsi alacağı və ona pensiya təyin ediləcəyi ilə bağlı qeydlərini, hazırda xəstəliyinin ona inzibati həbs tədbirinin tətbiq ediləcəyi halda daha ağır fəsadlarla nəticələnə biləcəyini nəzərə alaraq məhkəmə hesab edir ki, ona yüngül, yəni inzibati cərimə növündə tənbeh tədbiri tətbiq etməklə inzibati tənbehin məqsədlərinə nail olmaq olar. Azərbaycan Respublikası Konstitusiyasının 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası MPM-nin 15.2-ci maddəsinə görə məhkəmələrin qanuni qüvvəyə minmiş qərarları bütün şəxslər üçün məcburidir və Azərbaycan Respublikası ərazisində hökmən icra olunmalıdır. “İcra Haqqında” Azərbaycan Respublikası Qanunun 2.1-ci maddəsinə görə Azərbaycan Respublikasında məhkəmə və digər orqanların qərarlarının məcburi icrası icra məmurları tərəfindən həyata keçirilir. Həmin Qanunun 12.1-ci maddəsinə görə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. «İcrа hаqqındа» Аzərbаycаn Respublikаsı Qаnununun 3.1-ci mаddəsinin tələbinə görə, məhkəmə və digər orqanların qərarlarının icrası ilə əlaqədar icra məmurunın tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Həmin Qаnunun 3.2-ci mаddəsinin tələbinə görə, məhkəmə və digər orqanların qərarlarının icrası ilə əlaqədar məhkəmə icraçılarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. İş materiallarından aydın olur ki, borclu olan inzibati xəta törədən şəxs sözügedən icra sənədinin tələblərini yerinə yetirmədiyindən barəsində icra məmuru tərəfindən “İcra haqqında” Qanunun 82.1-ci maddəsinə müvafiq olaraq inzibati xəta haqqında protokol tərtib edilmişdir. Belə ki, adı çəkilən Qanunun 82.1-ci maddəsinə əsasən, borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. İnzibati məsuliyyətə cəlb etmə haqqında qərar qəbul edildikdən sonra icra məmuru tərəfindən borcluya icra üçün yeni müddət təyin edilir. «İnsan hüquqlarının və əsas azadlıqlarının müdafiəsi haqqında» Avropa Konvensiyasının 6-cı maddəsi (ədalətli məhkəmə araşdırması hüququ) məhkəmə qərarlarının icrası prosedurunu da əhatə edir. İnsan Hüquqları üzrə Avropa Məhkəməsi «Hornsbi Yunanıstana qarşı» işdə bu prinsipi belə vurğulamışdır: «Razılığa gələn Dövlətlərin daxili hüquq sistemləri məcburi qüvvəyə malik yekun məhkəmə qərarının tərəflərdən birinin ziyanına olaraq icra olunmadan qalmasına yol versəydi, 6-cı maddə ilə təmin olunan məhkəməyə müraciət hüququ xəyali hüquq olardı». Həmçinin həmin konvensiyanın 4 saylı Protokolun 1-ci maddəsinə əsasən heç kəs yalnız hər hansı bir müqavilə öhdəliyini ödəmək iqtidarında olmadığına görə azadlıqdan məhrum edilə bilməz. Həmçinin, Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 332.1-ci maddəsinin bəzi müddəalarının şərh edilməsinə dair” 2015ci il 5 mart tarixli Qərarında formalaşdırdığı hüquqi mövqeyə görə, inzibati xətalar sahəsində yaranan münasibətlər təbiətinə görə repressiv (tənbehləndirici) və preventiv (xəbərdaredici) xarakter daşıyır. Çünki səlahiyyətli orqan (vəzifəli şəxs) xəta törətmiş subyektə qarşı məsuliyyət tədbirlərini tətbiq edərkən inzibati xarakterli məcburetmə səlahiyyətlərinə malikdir. İnzibati xətalar qanunvericiliyi (inzibati-delikt hüququ) təbiətinə görə cinayət qanunvericiliyinə daha yaxındır. Bu hüquq sahələri müəyyən etdikləri qanun pozuntularının ictimai təhlükəliliyi dərəcəsinə görə fərqlənir. İnzibati-delikt normalarının cinayət qanunvericiliyi normalarından fərqi birincinin nisbətən yüngül ictimai təhlükəli əməlləri qadağan etməsi ilə əlaqədardır. Göründüyü kimi, borclu Ağdam rayon Məhkəməsinin 2(013) 123/2020 saylı 22 oktyabr 2020-ci il tarixli, Bərdə Rayon Məhkəməsinin 2(021) 4345/2024 saylı, 19 dekabr 2024-cü il tarixli qərarına əsasən 3241 manat aliment borcu ödənilməmiş qalmışdır. Bu da onun icra sənədinin icrasından qəsdən yayındığını və qərəzliliyi sübut edir. İXM-in 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Məhkəmə Şəxs məhz hansı tənbehin tətbiq edilməsini müzakirə edərkən onun törətmiş olduğu inzibаti xətаnın xаrаkterini və barəsində inzibati icraat aparılan şəxsin şəxsiyyətini nəzərə alaraq belə qənaətə gəlir ki, o, təqsirli olduğu maddənin sanksiyasında nəzərdə tutulmuş inzibati cərimə edilməlidir. Belə ki, İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsində isə göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə qeyd edir ki, inzibati xəta törədən Şəxs əməlində onun məsuliyyətini yüngülləşdirən hallar onun ilk dəfə inzibati xəta törətməsi və ürək xəstəliyindən əziyyət çəkməsidir, inzibati xəta törədən şəxsin əməlində onun məsuliyyətini ağırlaşdıran hər hansı hallar aşkar edilməmişdir. Belə olan halda, məhkəmə hesab edir ki, inzibati xəta törədən Şəxs həmin maddə ilə təqsirli bilinib, barəsində 500 (beş yüz) manat məbləğində inzibati cərimə tənbehi tətbiq edilməsi yolu ilə onu qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq kimi inzibаti tənbehin məqsədlərinə nаil оlmаq mümkündür. Göstərilənlərə əsаsən və İXM-in 43, 112, 114, 115, 117, 128-130-cu mаddələrini rəhbər tutаrаq, məhkəmə Q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 528.1-ci mаddəsi ilə təqsirli bilinib bаrəsində 500 (beş yüz) manat məbləğində inzibаti cərimə tənbehi tətbiq edilsin. Qərаrın surəti inzibаti xətа törətmiş şəxsə, protokol tərtib etmiş şəxsə və icra işi üzrə tələbkara göndərilsin. Qərаrın icrаsı Bərdə rаyоn İcra və Probasiya Şöbəsinə həvаlə edilsin. Qərаrın surəti təqdim edildiyi və yа аlındığı gündən 10 (оn) gün müddətində Bərdə Rаyоn Məhkəməsi vаsitəsi ilə və ya birbaşa Gəncə Аpellyаsiyа Məhkəməsinə аpellyаsiyа şikаyəti və yа prоtesti verilə bilər. Hаkim:Fuad Babaşov