Bərdə Rayon Məhkəməsi Qərar — İş №3(021)-726/2024

Azərbaycan Respublikası adından QƏRAR Bərdə rayonu İş № 3(021)-726/2024 18.06.2024 BƏRDƏ RAYON MƏHKƏMƏSİ Bərdə Rayon Məhkəməsinin hakimi Abdullayev Fərman Firidun oğlunun sədrliyi, X1 iclas katibliyi, Bərdə RPŞ-nin İTB-nin polis sahə rəisi X2 və barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1988-ci ildə ünvan 1 ünvanında qeydiyyatda olub yaşayan Şəxs barəsində Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə olan inzibati xəta haqqında materiala açıq məhkəmə iclasında baxaraq MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətanı törətməkdə təqsirli bilinərək, barəsində Bərdə rayon Polis Şöbəsi tərəfindən 18 iyun 2024-cü il tarixdə inzibati xəta haqqında protokol tərtib olunaraq, baxılması üçün Bərdə Rayon Məhkəməsinə göndərilmişdir. Məhkəmə iclasında Bərdə RPŞ-nin İTB-nin polis sahə rəisi X4 bildirdi ki, xx.xx.2024-cü i tarixdə saat 20:35 radələrində Bərdə RPŞ-nin NH-nin sürücüsü polis nəfəri polis baş serjantı Müşviq Sadıxov PŞ-nin NH-nə zəng edərək, Bərdə şəhəri E.Əsədov küçəsində Səadət şadlıq sarayının qarşısında bir neçə nəfər şəxsin münaqişə etdikləri barədə məlumat vermişdir. Dərhal əməliyyat-istintaq qrupunun üzvləri Bərdə RPŞ-nin sahə rəisi polis kapitanı Pərvin Rüstəmov, Bərdə RPŞ-nin CAB-nin baş əməliyyat müvəkili, polis baş leytenantı Ramil Əliyev və Bərdə RPŞ-nin NH-nin sürücüsü Rüfət Cəlilov məlumatda göstərilən ünvana getmişlər. Orada baş vermiş münaqişənin kimlər tərəfindən törəndiyini öyrənmək istədikdə yolun kənarında dayanmış tanımadıqları şəxs NH-nin avtomobilinin qarşısına keçərək avtomobilin hərəkətinə maneə olmağa və ünvansız küçə söyüşləri söyməyə başlamışdır. Polis əməkdaşları həmin şəxsə nizam intizamlı olmağa, ictimai asayişi pozmamağa dəvət etsələr də, həmin şəxs ünvansız söyüşlər söyməyə davam etmişdir. Bütün aparılan profilaktiki tədbirlərə baxmayaraq onu sakitləşdirmək mümkün olmamış, öz xuliqanlıq hərəkətlərini davamlı etdiyinə, bütün aparılan profilaktiki tədbirlərə baxmayaraq həmin şəxs sakitləşməmiş və polis əməkdaşlarının qanuni tələblərinə qəsdən tabe olmamışdır. Həmin şəxsin RPŞ-nə gətirilməsini təmin etmişlər və məlum olmuşdur şəxs Şəxsdur. O, həmin vaxt sərxoş vəziyyətdə olmuşdur. Şəxs barəsində tədbir görülməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirdi ki, o, sərxoş vəziyyətdə olduğundan səs-küy salmışdır. Lakin polis əməkdaşlarını təhqir etməsini və müqavimət göstərməsini xatırlamır. İş materiallarına əlavə edilmiş xx.xx.2024-cü il tarixli Raportdan görünür ki, Bərdə RPŞ-nin təhqiqtçısı, polis kapitanı Orxan Nəbiyev, Bərdə RPŞ-nin sahə rəisi polis kapitanı Pərvin Rüstəmov, Bərdə RPŞ-nin CAB-nin baş əməliyyat müvəkili, polis baş leytenantı Ramil Əliyev və Bərdə RPŞ-nin NH-nin sürücüsü Rüfət Cəlilov tərəfindən Bərdə RPŞ-nin rəisi polis polkovniki Ənvər Həsənova məruzə edilərək bildirilmişdir ki, xx.xx.2024-cü il tarixdə saat 20:35 radələrində Bərdə RPŞ-nin NH-nin sürücüsü polis nəfəri polis baş serjantı Müşviq Sadıxov PŞ-nin NH-nə zəng edərək, Bərdə şəhəri E.Əsədov küçəsində Səadət şadlıq sarayının qarşısında bir neçə nəfər şəxsin münaqişə etdikləri barədə məlumat vermişdir. Dərhal əməliyyat-istintaq qrupunun üzvləri Bərdə RPŞ-nin sahə rəisi polis kapitanı Pərvin Rüstəmov, Bərdə RPŞ-nin CAB-nin baş əməliyyat müvəkili, polis baş leytenantı Ramil Əliyev və Bərdə RPŞ-nin NH-nin sürücüsü Rüfət Cəlilovla birlikdə məlumatda göstərilən ünvana getmişlər. Orada baş vermiş münaqişənin kimlər tərəfindən törəndiyini öyrənmək istədikdə yolun kənarında dayanmış tanımadıqları şəxs NH-nin avtomobilinin qarşısına keçərək avtomobilin hərəkətinə mane olmağa və ünvansız küçə söyüşləri söyməyə başlamışdır. Həmin vaxt orada 5-6 şəxs olmuşdur. Onlar həmin şəxsə nizam intizamlı olmağa, ictimai asayişi pozmamağa dəvət etsələr də, həmin şəxs ünvansız söyüşlər söyməyə davam etmişdir. Onlar təkrar həmin şəxsə sakitləşməsini, nalayiq ifadələr işlətməməsini bildirsələr də həmin şəxs onların qanuni tələblərinə tabe olmamışdır. Bütün aparılan profilaktiki tədbirlərə baxmayaraq onu sakitləşdirmək mümkün olmamış, öz xuliqanlıq hərəkətlərini davamlı etdiyinə, bütün aparılan profilaktiki tədbirlərə baxmayaraq həmin şəxs sakitləşmədiyinə və onların qanuni tələblərinə qəsdən tabe olmadığına görə tərəflərindən PŞ-nin inzibati binasına gətirilmişdir. Daha sonra məlum olmuşdur ki, həmin şəxs Bərdə şəhəri E.Əsədov küçəsi ev 47-də yaşayan X3r və tibbi müayinə zamanı onun sərxoş vəziyyətdə olduğu müəyyən edilmişdir. İş materiallarına əlavə edilmiş 18 iyun 2024-cü il tarixli, MN №2077045 nömrəli inzibati xəta haqqında protokoldan görünür ki, Şəxs 17 iyun 2024-cü il tarixdə saat Bərdə şəhəri, E.Əsədov küçəsində uca səslə nalayiq ifadələr işlətmiş və polisin qanuni tələbinə qəsdən tabe olmamışdır. İşdə olan xx.xx.2024-cü il tarixli, inzibati qaydada tutma haqqında protokoldan görünür ki, Şəxs xx.xx.2024-cü il tarixdə 21:10-da inzibati qaydada tutulmuşdur. İşdə olan Sərxoşluq vəziyyətinin tibbi müayinsi barədə 12456 nömrəli xx.xx.2024-cü il tarixli Aktdan görünür ki, Şəxs xx.xx.2024-cü il tarixdə saat 20:24-də müayinə olunan zaman orta dərəcədə sərxoşluğu olmuşdur. Beləliklə, Şəxs Azərbaycan Respublikası İXM-nin 510 və 535.1-ci maddələrində nəzərdə tutulan inzibati xəta törətməsi özünün etirafı, inzibati xəta törətməsi barədə tərtib olunmuş protokol, həmçinin protokola əlavə edilmiş digər materiallarla təsdiq olunur. Onun inzibati məsuliyyətdən azad edilməsi və iş üzrə icraata xitam verilməsi üçün heç bir əsas yoxdur və Şəxs törətdiyi inzibati xətaya görə tənbeh edilməlidir. Azərbaycan Respublikası İXM-in 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. İXM-in 535.1-ci maddəsinə əsasən, polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə-fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İXM-in 76.1-ci maddəsinə əsasən, inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsində isə göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Barəsində inzibati xəta haqqında iş üzrə icraat aparılan şəxs Şəxs əməlində məsuliyyətini yüngülləşdirən hal müəyyən edilmədi . Məhkəmə İXM-nin 33.1.7-ci maddəsinə əsasən barəsində inzibati xəta haqqında iş üzrə icraat aparılan şəxs Şəxs inzibati xətanı sərxoş halda olan törətməsini məsuliyyətini ağırlaşdıran hal kimi qiymətləndirir. İXM-nin 34.3-cü maddəsinə görə şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Barəsində tətbiq ediləcək inzibati tənbeh növünü müəyyən edərkən, məhkəmə inzibati xəta törətmiş Şəxs törətdiyi inzibati xətanın xarakterini, onun şəxsiyyətini nəzərə alaraq inzibati tənbehin məqsədinə nail olmaq üçün onun barəsində inzibati cərimə tənbehi tətbiq etməyi məqsədəmüvafiq hesab edir. Beləliklə, məhkəmə belə qənaətə gəlir ki, Şəxs İXM-in 510 və 535.1-ci mаddələri ilə təqsirli bilinib, bаrəsində 200 (iki yüz) manat cərimə tənbehi tətbiq edilməsi оnu qаnunlаrа əməl edilməsi ruhundа tərbiyələndirmək, hаbelə gələcəkdə yeni inzibаti xətа törətməsinin qаrşısını аlmаq kimi inzibаti tənbehin məqsədlərinə nаil оlmаq mümkündür. Göstərilənləri və Azərbaycan Respublikası İXM-nin 114, 115, 117, 128-130-cu maddələrini rəhbər tutub, QƏRARVERDİ: Şəxs Azərbaycan Respublikası İnzibati Xətalar Məcəlləsinin 510 və 535.1-ci mаddələri ilə təqsirli bilinərək, barəsində 200 (iki yüz) manat inzibati tənbeh- cərimə tətbiq edilsin. İnzibati qaydada tutulmuş Şəxs məhkəmə iclas zalından dərhal azad edilsin. Qərarın icrası Bərdə rayon İcra və Probasiya şöbəsinə həvalə edilsin. Qərarın surəti rəsmi qaydada alındığı gündən 10 (on) gün müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti və ya protesti verilə bilər. Hakim: Fərman Abdullayev