Bərdə Rayon Məhkəməsi Qərardad — İş №3(021)-744/2021

Azərbaycan Respublikası adından QƏRARDAD Bərdə rayonu İş № 3(021)-744/2021 26.07.2021 BƏRDƏ RAYON MƏHKƏMƏSİ Mən, Bərdə Rayon Məhkəməsinin hakimi Əhmədov Elsun Məzahir oğlu, Bərdə Rayon Polis X2 Bölməsindən daxil olmuş Şəxs Azərbaycan Respublikasının İnzibati Xətalar Məcəlləsinin 227, 510 və 535.1-ci maddələrində nəzərdə tutulmuş inzibati xəta törətməsi barədə materiallara baxaraq, Müəyyən e t d i m: Bərdə Rayon Polis X2 Bölməsindən daxil olmuş MN ******* saylı inzibati xəta haqqında protokol Şəxs 01 iyul 2021-ci il tarixdə Bərdə şəhəri, E.Əsədov küçəsində avtomobil təmiri sexindən X1 məxsus olan 90 (doxsan) manat dəyərində kontakt qaynaq aparatını oğurlamışdır. Bundan başqa, MN ******* saylı inzibati xəta haqqında protokol Şəxs 25 iyul 2021-ci il tarixdə saat 08:45-də Bərdə şəhəri, Səttarxan küçəsində yaşadığı evin qarşısında polis əməkdaşlarına nalayiq ifadələrlə söyüb təhqir edərək, onların qanuni tələblərinə qəsdən məhəl qoymamışdır. İşə baxılmasına istisna edən hallar mövcud deyildir. Protokollar və iş materialları Azərbaycan Respublikası İnzibati Xətalar Məcəlləsinə uyğun tərtib edilmişdir. İcraatı rədd edən hallar yoxdur, işə baxılması üçün kifayət qədər sübutlar mövcuddur. Vəsatət və etirazları yoxdur. Azərbaycan Respublikası İnzibati Xətalar Məcəlləsinin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Məhkəmə hesab edir ki, törədilmiş inzibati xətalar eyni şəxs tərəfindən törədildiyindən bir icraatda baxılmalıdır. Azərbaycan Respublikası İnzibati Xətalar Məcəlləsinin 34, 106-109-ci maddələrini rəhbər tutaraq, Qərar v e r d i m: Şəxs Azərbaycan Respublikası İnzibati Xətalar Məcəlləsi 227, 510 və 535.1-cı maddələri ilə inzibati məsuliyyətə cəlb edilməsinə dair 3(021)-744/2021 saylı, 3(021)- 745/2021 saylı, inzibati işlə bir icraatda baxılsın. İşə 26 iyul 2021-ci il tarixdə saat 10:00-da Bərdə Rayon Məhkəməsinin inzibati binasında barəsində inzibati xəta haqqında iş üzrə icraat aparılan şəxs Şəxs, inzibati xəta haqqında protokolları tərtib etmiş dövlət orqanının nümayəndəsinin və zərərçəkmiş şəxslərin iştirakları ilə baxılsın.