Bərdə Rayon Məhkəməsi Qərar — İş №3(021)-759/2021

Azərbaycan Respublikası adından QƏRAR Bərdə rayonu İş № 3(021)-759/2021 02.08.2021 BƏRDƏ RAYON MƏHKƏMƏSİ Bərdə Rayon Məhkəməsinin hakimi Əhmədov Elsun Məzahir oğlunun sədrliyi, Məhkəmə iclas katibi X4, Bərdə rayon İcra və probasiya şöbəsinin icra məmuru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, 27 avqust 1959-cu il tarixdə Bərdə rayonunda doğulmuş, evli, orta təhsilli, işləməyən, Bərdə şəhəri, R.Axundov küçəsi 1-də yaşayan Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə olan inzibati xəta haqqında materiala Bərdə Rayon Məhkəməsinin inzibati binasında açıq məhkəmə iclasında baxaraq MÜƏYYƏN ETDİ Bərdə rayon İcra və probasiya şöbəsindən daxil olmuş MN ******* saylı inzibati xəta haqqında protokoldan görünür ki, Şəxs Bərdə Rayon Məhkəməsinin 2(021)-1230/2019 saylı 04 aprel 2019-cu il tarixli icra sənədi üzrə borclu Şəxs X3 1250 manat borcu yaranmışdır. Borclu dəfələrlə xəbərdarlıq edilmişdir. Borclu icra şöbəsinə gəlməkdən boyun qacırmışdır. Şəxs dəfələrlə xəbərdarlıq edilsə də, həmin borcu ödəməyərək icra məmurun qanuni tələblərinə tabe olmamış, məhkəmənin qanuni qüvvəsini almış qətnaməsini heç bir üzürlü səbəb olmadan icra etməmişdir. Məhkəmə iclasında Bərdə rayon İcra və probasiya şöbəsinin icra məmuru X2 göstərdi ki, Bərdə Rayon Məhkəməsinin 2(021)-1230/2019 saylı 04 aprel 2019-cu il tarixli icra sənədi üzrə borclu Şəxs X3 1250 manat borc ödənilməmişdir. Borclu axtarışla gətirilib. Tələbkar borcu tam istəyir. Barəsində qanunamüvafiq tədbir görülməsini məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs oğlu verdiyi izahatında göstərdi ki, o nə məhkəmədən nə də icra şöbəsindən heç bir bildiriş almayıb. Hal-hazırda işləmir, lakin buna baxmayaraq borcundan 500 manat məhkəmə iclas zalında ödəniş etmək istəyir. Borcu ödəməkdən yayınmır. Göstərilənləri nəzərə alaraq barıəsində inzibati xəta haqqında iş üzrə icraata xitam verilməsini xahiş edi. Məhkəmə barəsində inzibati xəta haqqında iş üzrə icraat aparılan şəxsin, icra məmurunun izahatını və inzibati materiala əlavə olunmuş sənədləri araşdıraraq hesab edir ki, Şəxs oğlunun əməlində inzibati xəta tərkibi olmadığından icraata xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. İnzibati Xətalar Məcəlləsinin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikasının İnzibati Xətalar Məcəlləsinin 53-cü maddəsinə görə, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə görə, bu Məcəllənin 53-cü maddəsində nəzərdə tutulmuş hallardan hər-hansi biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Belə olan halda məhkəmə hesab edir ki, Şəxs borcun bir qismini ödəmiş və məhkəmə qərarının icrasından qərəzli şəkildə yayınma halları mövcud olmamışdır. Belə ki, icra işi ilə bağlı materialları məhkəmə nəzərdən keçirərək müəyyən etdi ki, Şəxs icra şöbəsində izahat verməmiş və məhkəmə qətnaməsinin icrası ilə bağlı icra məmurunun çağırışı əsasında məlumatlı olmuşdur. Bundan başqa Şəxs mövcud 1250 manat borcdan 500 manat ödənişi məhkəmə iclas zalında həyata keçirmiş və cəmi borc 750 manat təşkil edir. Qeyd olunanlara əsasən Şəxs əməlində inzibati xəta tərkibi olmadığından inzibati xəta haqqında işin icraatına xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43,112, 114, 115, 117, 128-130-cu maddələrini rəhbər tutaraq məhkəmə, QƏRARA ALDİ Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında işin icraatına xitam verilsin. Qərarın surəti rəsmi qaydada verildiyi vaxtdan 10 (on) gün müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti və ya protesti verilə bilər.