Bərdə Rayon Məhkəməsi Qərar — İş №3(021)-759/2023

Azərbaycan Respublikası adından QƏRAR Bərdə rayonu İş № 3(021)-759/2023 20.04.2023 BƏRDƏ RAYON MƏHKƏMƏSİ Hakim Babaşov Fuad Bəhruz oğlunun sədrliyi, X2 iclas katibliyi, inzibati xəta törətmiş şəxs Şəxs iştirakı ilə, Şəxs Azərbaycan Respublikası İnzibati Xətalar Məcəlləsinin 353.5-ci maddəsində müəyyən olunmuş inzibati xəta törətməsinə dair Azərbaycan Respublikasının Daxili İşlər Nazirliyinin Baş X6 İdarəsinin Yol-Patrul Xidməti Alayından daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs Azərbaycan Respublikası İnzibati Xətalar Məcəlləsinin (bundan sonra İXM) 353.5ci mаddəsi ilə nəzərdə tutulmuş inzibаti xətаnı törətməkdə təqsirli bilinərək barəsində Vİ Tağım Yol patrul xidməti inspektoru, polis baş serjantı X3 tərəfindən 24 fevral 2023-cü il tarixdə inzibati xəta haqqında prоtоkоl tərtib оlunmuş, Azərbaycan Respublikasının Daxili İşlər Nazirliyinin Baş X6 İdarəsinin Yol-Patrul Xidməti Alayı tərəfindən baxılması üçün Qaradağ Rayon Məhkəməsinə göndərilmişdir. Bakı şəhəri Qaradağ Rayon Məhkəməsinin xx.xx.2023-cü il tarixli, 3(021)-406/2023 nömrəli qərardadı ilə inzibati material Şəxs yaşayış yeri üzrə Bərdə rayon Məhkəməsinə göndərilmişdir. İnzibati xətа hаqqındа prоtоkоl ona görə tərtib olunmuşdur ki, Şəxs istifadəsində olan KAMAZ 6520 YÜK markalı ** BX *** dövlət qeydiyyat nişanlı nəqliyyat vasitəsi 24 fevral 2023-cü il, saat 12:25-də Bakı-Qazax y.DYPİ N 719 saylı postda yoxlanılarkən, Şəxs tərəfindən nəqliyyat vasitəsinə artıq yük yığılması və nəticədə iriqabaritli və ya ağırçəkili nəqliyyat vasitələrinin icazə verilən çəki və yüklə birlikdə oxa düşən kütlə parametrlərini aşmaqla ümumi istifadədə olan avtomobil yollarında idarə edilməsinə görə həmin inzibati xətanın il ərzində inzibati tənbeh almış şəxs tərəfindən təkrar törədilməsinə görə İXM-nin 353.5-ci maddəsində nəzərdə tutulmuş inzibati xətaya yol verməsi müəyyən edilmişdir. Məhkəmə iclasında inzibati xəta törətmiş şəxs Şəxs göstərdi ki, 3 oxlu Rusiya istehsalı olan KAMAZ 6520 YÜK markalı nəqliyyat vasitəsi vardır. 20 noyabr 2022-ci il tarixdə Bakı şəhərindən istifadəsində olan KAMAZ 6520 YÜK markalı nəqliyyat vasitəsinə mişar daşı yükləyərək Bərdə rayonuna gələrkən, Dövlət yol polis əməkdaşı tərəfindən saxlanılmış, nəqliyyat vasitəsinə artıq yük yığılması müəyyən edilmiş və barəsində İXM-nin 353.2-ci maddəsi ilə protokol tərtib edilmiş, xx.xx.2022-ci il tarxili TP ******* saylı qərarla 600 manat cərimə olunmuşdur. Həmin cəriməni ödəmişdir. Təkrarən 24 fevral 2023-cü il tarixdə Bakı şəhərindən istifadəsində olan KAMAZ 6520 YÜK markalı nəqliyyat vasitəsinə mişar daşı yükləyərək Bərdə rayonuna gələrkən, Dövlət yol polis əməkdaşı Vİ Tağım Yol patrul xidməti inspektoru, polis baş serjantı X3 tərəfindən saxlanılmış, nəqliyyat vasitəsinə artıq yük yığıldığı müəyyən edilmişdir. Buna görə də barəsində İXM-nin 353.5-ci maddəsi ilə protokol tərtib edilmişdir. Əməlindən peşmandır və yüngül cəza verilməsini xahiş edir. Protokol tərtib edən Azərbaycan Respublikasının Daxili İşlər Nazirliyinin Baş X6 İdarəsinin Yol-Patrul Xidməti Alayına məhkəmə iclasının vaxtı və yeri barədə rəsmi qaydada məlumat verilməsinə baxmayaraq həmin qurumun nümayəndəsi məhkəmə iclasına gəlməmişdir. Məhkəmə işə protokol tərtib edən orqanın nümayəndəsinin iştirakı olmadan baxılmasını mümkün hesab etmişdir. Məhkəmə hesаb edir ki, Şəxs İXM-in 353.5-ci mаddəsində nəzərdə tutulan inzibati xətanı törətmişdir və o, inzibаti qаydаdа məsuliyyətə cəlb оlunmаlıdır. Belə ki, Vİ Tağım Yol patrul xidməti inspektoru, polis baş serjantı X3 tərəfindən tərtib edilmiş xx.xx.2023-cü il tarixli, İXP ******* nömrəli inzibati xəta haqqında protokoldan görünür ki, Şəxs xx.xx.2023-cü il tarixdə idarə etdiyi KAMAZ 6520 YÜK markalı nəqliyyat vasitəsinə artıq yük yığaraq İXM-nin 353.5-ci maddəsində nəzərdə tutulmuş inzibati xətaya yol vermişdir. Azərbaycan Respublikasının Daxili İşlər Nazirliyinin Baş X6 İdarəsi Yol-Patrul Xidməti Alayının Qebz №**********002 görünür ki, 3 oxlu Rusiya istehsalı olan KAMAZ markalı yük maşınına 25000 kq yük yığılması nəzrdə tutulduğu halda, Şəxs istifadəsində olan KAMAZ 6520 YÜK markalı nəqliyyat vasitəsinə 37890 kq yük yığmışdır. Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti Azərbaycan X1 X7 vasitələrinin yoxlanılması haqqında ÖVY№ 066956 Şəhadətnamənin surətindən görünür ki, ölçmə Çin istehsalı olan YAOHUA markalı, 10407 zavod nömrəli Elektron Avtomobil tərəzisi ilə çəkilmişdir. Yol hərəkət qaydaları, Yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan və bu qaydaların pozulması ilə əlaqədar digər inzibati xətalarla bağlı çıxarılan inzibati tənbeh vermə haqqında TP ******* nömrəli qərardan görünür ki, Şəxs xx.xx.2022-ci il tarixdə istifadəsində olan KAMAZ 6520 YÜK markalı nəqliyyat vasitəsinə artıq yük yığaraq İXM-nin 353.2-ci maddəsində nəzərdə tutulmuş inzibati xətaya yol vermişdir. Daxili İşlər Nazirliyinin Web portalından çıxarışdan görünür ki, Şəxs barəsində İXM-nin 353.2-ci maddəsi ilə tərtib edilmiş protokol və qəbul edilmiş TP ******* nömrəli qərar üzrə cəriməni ödəmişdir. Məhkəmə iclasında tədqiq olunmuş və mötəbərliliyi məhkəmədə heç bir şübhə doğurmayan sübutlarla müəyyən edilmişdir ki, Şəxs xx.xx.2023-cü il tarixdə idarə etdiyi KAMAZ 6520 YÜK markalı nəqliyyat vasitəsinə artıq yük yığaraq, İXM-in 353.5-ci maddəsində nəzərdə tutulan inzibati xətanı törətmişdir. İXM-in 353.5-ci maddəsinə əsasən Bu Məcəllənin 353.2-ci maddəsində nəzərdə tutulmuş, yəni iriqabaritli və ya ağırçəkili nəqliyyat vasitələrinin icazə verilən çəki və yüklə birlikdə oxa düşən kütlə parametrlərini aşmaqla ümumi istifadədə olan avtomobil yollarında idarə edilməsinə görə həmin inzibati xətanın il ərzində inzibati tənbeh almış şəxs tərəfindən təkrar törədilməsinə görə nəqliyyat vasitələrini idarə etmə hüququ altı aydan bir ilədək müddətə məhdudlaşdırılmaqla min iki yüz manat məbləğində cərimə edilir. İXM-in 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84-cü maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Məhkəmə Şəxs hansı həddə inzibati tənbeh tətbiq edilməsini müzakirə edərkən qeyd edir ki, onun təqsirli olduğu maddənin sanksiyasında konkret cərimə məbləği nəzərdə tutulduğundan ona inzibati cərimə tənbehi və həmçinin cərimə ilə yanaşı həmin maddənin sanksiyasında nəzərdə tutulmaqla onun ayrılmaz tərkib hissəsi olan və digər inzibati tənbeh növü olan nəqliyyat vasitələrini idarə etmə hüququnun məhdudlaşdırılmasının aşağı həddi tətbiq edilməlidir. Belə ki, İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsində isə göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 18.5-ci maddəsinə əsasən, hüquqi şəxs barəsində inzibati tənbeh yalnız hakim tərəfindən tətbiq edilir. Həmin Məcəllənin 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Eyni zamanda İXM-in 32.1.1-ci maddəsinə əsasən Şəxs inzibati tənbeh tətbiq edərkən onun səmimi peşmançılığını məsuliyyətini yüngülləşdirən hal kimi nəzərə alır. Bundan başqa məhkəmə tərəfindən inzibati xəta törədən Şəxs əməlində onun məsuliyyətini ağırlaşdıran hallar aşkar edilmir. Qeyd olunanlara əsasən məhkəmə belə qənaətə gəlir ki, Şəxs İXM-in 353.5-ci maddəsi ilə təqsirli bilinib, barəsində nəqliyyat vasitəsini idarə etmək hüququ 6 ay müddətinə məhdudlaşdırılmaqla, ona 1200 manat məbləğində inzibati cərimə tənbehi tətbiq edilməsi vasitəsilə həmin şəxsin qanunlara əməl edilməsi, habelə həm inzibati xəta törətmiş, həm də başqa şəxslər tərəfindən yeni inzibati xəta törədilməsinin qarşısını almaq kimi inzibаti tənbehin məqsədlərinə nаil оlmаq mümkündür. Göstərilənlərə əsаsən və İXM-in 43, 112, 114, 115, 117, 128-130-cu mаddələrini rəhbər tutаrаq, məhkəmə Q ə r a r a a l d ı: xx.xx.1983-cü ildə Bərdə rayonu, Güloğlular kəndində doğulmuş, Bərdə rayonu, Güloğlular kəndində qeydiyyatda olan və yaşayan Şəxs İXM-in 353.5-ci maddəsində nəzərdə tutulan inzibati xətanın törədilməsində təqsirli bilinib, bаrəsində nəqliyyat vasitəsini idarə etmək hüququ 6 (altı) ay müddətinə məhdudlaşdırılmaqla 1200 (min iki yüz) manat məbləğində inzibаti cərimə tənbehi tətbiq edilsin. Qərаrın surəti inzibаti xətа törətmiş və protokol tərtib etmiş şəxsə göndərilsin. Qərаrın icrаsı Bərdə rаyоn İcra və Probasiya Şöbəsinə və Daxili İşlər Nazirliyinin Baş X6 İdarəsinə həvаlə edilsin. Qərаrın surəti təqdim edildiyi və yа аlındığı gündən 10 (оn) gün müddətində Bərdə Rаyоn Məhkəməsi vаsitəsi ilə və ya birbaşa Gəncə Аpellyаsiyа Məhkəməsinə аpellyаsiyа şikаyəti və yа prоtesti verilə bilər. Hаkim: Fuad Babaşov