Bərdə Rayon Məhkəməsi Qərardad — İş №3(021)-857/2022

Azərbaycan Respublikası adından QƏRARDAD Bərdə rayonu İş № 3(021)-857/2022 21.07.2022 BƏRDƏ RAYON MƏHKƏMƏSİ Bərdə Rayon Məhkəməsinin hakimi Babaşov Fuad Bəhruz oğlunun sədrliyi, X1 iclas katibliyi, protokol tərtib etmiş şəxs X2, barəsində inzibati xəta haqqında iş üzrə icraat aparılan şəxs Şəxs və onun müdafiəçisi X9, zərərçəkmiş şəxs X3 iştirаkları ilə, xx.xx.1992-ci il tarixdə, Bərdə rayonunda anadan olmuş, Azərbaycan Respublikasının vətəndaşı, subay, orta təhsilli, müddətdən artıq həqiqi hərbi xidmət hərbi qulluqçusu, , Bərdə rayonu Qaraməmmədli kəndində yaşayan, N saylı hərbi hissədə hərbi xidmətdə olan Şəxs Azərbaycan Respublikası İnzibati Xətalar Məcəlləsinin (bundan sonra İXM-nin) 528.1-ci maddəsində müəyyən olunmuş inzibati xəta törətməsinə dair Bərdə rayon icra və probasiya şöbəsindən daxil olmuş inzibati xəta haqqında materiala açıq məhkəmə iclasında baxaraq məhkəmə, M ü ə y y ə n e t d i: Şəxs İXM-in 528.1-ci mаddəsi ilə nəzərdə tutulmuş inzibаti xətаnı törətməkdə təqsirli bilinərək, barəsində Bərdə rayon İcra və Probasiya şöbəsində 21 iyul 2022-ci il tarixdə inzibati xəta haqqında prоtоkоl tərtib оlunаrаq baxılması üçün Bərdə Rayon Məhkəməsinə göndərilmişdir. İnzibati xətа hаqqındа prоtоkоl tərtib olunmuşdur ona görə ki, borclu Şəxs icra məmurunun irəli sürdüyü tələblərə məhəl qoymayaraq icra sənədi üzrə tələbi icra etməmişdir. Məhkəmə iclasında protokol tərtib etmiş şəxs Bərdə rayon İcra və Probasiya şöbəsinin icra məmuru X2 izahatında göstərdi ki, Bərdə rayon Məhkəməsinin 30 iyul 2021-ci il tarixli, 2(021) 1432/2021 nömrəli icra sənədinə əsasən Şəxs ilə X3 birgə nikahlarından doğulmuş 11 iyun 2015-ci il təvəllüdlü X12 və 14 mart 2017-ci il təvəllüdlü X10 anaları X3 himayəsinə verilmiş, Uşaqların yetkinlik yaşına çatana kimi saxlanması üçün uşaqlar analarının himayəsinə verildiyi gündən başlayaraq cavabdeh Şəxs hər ay bir uşaq üçün 110 manat olmaqla cəmi 220 manat sabit pul məbləğində aliment tutularaq X4 ödənilməlidir. Lakin borclu Şəxs məhkəmə qətnaməsini icra etməmiş, 14 mart 2017-ci il təvəllüdlü X5 məcburi icra tədbirləri nəticəsində tələbkar X4 qaytarıb versə də 11 iyun 2015-ci il təvəllüldlü X11 tələbkara verməkdən imtina edərək uşağı gizlətmişdir. Dəfələrlə aparılmış icra tədbirlərinə baxmayaraq uşağın yerini müəyyən etmək mümkün olmamışdır. Şəxs dəfələrlə xəbərdarlıq edilməsinə baxmayaraq Şəxs icra sənədini icra etməmiş, icra məmurunun çağırışına gəlməmişdir. Bu səbəbədən də Şəxs barəsində axtarış qərarı verilərək icra edilməsi üçün Bərdə Rayon Polis Şöbəsinə göndərilmiş, polis əməkdaşları tərəfindən Şəxs İcra Şöbəsinə təhvil verilmişdir. Bundan sonra o, İXM-in 528.1-ci maddəsi ilə məhkəməyə verilmişdir. O, məhkəmədən qanuni qərar qəbul edilməsini xahiş etdi. Məhkəmə iclаsındа barəsində inzibati xəta haqqında iş üzrə icraat aparılan şəxs Şəxs izahatında göstərdi ki, məhkəmə qətnaməsinə əsasən birgə nikahdan olan uşaqları Əli və Yusif tələbkar X4 verilməli və ondan iki uşağın saxlanması üçün hər ay hər uşağa cəmi 220 manat aliment tutulmalıdır. Oğlu Yusifi tələbkara vermişdir. Ancaq tələbkarın həyat tərzinə görə oğlu Əlini tələbkara vermir. Bundan başqa icra məmurunun çağırışlarından yayınmamışdır, müddətdən artıq həqiqi hərbi xidmət hərbi qulluqçusu olduğundan hərbi hissəni tərk edə bilməyinə görə icra məmurunun çağırışına gələ bilməmişdir.Ona görə də, barəsində ədalətli qərar qəbul edilməsini məhkəmədən xahiş edir. Məhkəmə iclasında icra işi üzrə tələbkar X6 verdiyi izahatında göstərmişdir ki, Bərdə rayon Məhkəməsinin 30 iyul 2021-ci il tarixli, 2(021) 1432/2021 nömrəli icra sənədinə əsasən Şəxs ilə birgə nikahlarından doğulmuş 11 iyun 2015-ci il təvəllüdlü X12 və 14 mart 2017-ci il təvəllüdlü X10 onun himayəsinə verilmiş, uşaqların yetkinlik yaşına çatana kimi saxlanması üçün uşaqlar ona verildiyi gündən başlayaraq cavabdeh Şəxs hər ay bir uşaq üçün 110 manat olmaqla cəmi 220 manat sabit pul məbləğində aliment tutularaq ona ödənilməlidir. Lakin borclu Şəxs məhkəmə qətnaməsini icra etməmiş, 14 mart 2017-ci il təvəllüdlü X5 məcburi icra tədbirləri nəticəsində ona qaytarıb versə də 11 iyun 2015-ci il təvəllüdlü X11 ona verməkdən imtina edərək uşağı gizlədir. Şəxs barəsində ciddi tədbir görülməsini xahiş edir. Məhkəmə tərəflərin izahatlarını dinləyib, iş materiallarını araşdıraraq hesаb edir ki, material baxılması üçün Tərtər Rayon Hərbi Məhkəməsinə göndərilməlidir. Belə ki, inzibаti işin mаteriаllarına əlаvə edilmiş hərbi biletin surətindən və daimi buraxılış vərəqəsinin surətindən görünür ki, Şəxs müddətdən artıq həqiqi hərbi xidmət hərbi qulluqçusudur. İXM-in 16-cı maddəsində göstərilir ki, bu məcəllənin 16.3-cü maddəsinin qeyd hissəsində “hərbi qulluqçular” dedikdə, müvafiq icra hakimiyyəti orqanının zabit heyəti, gizirləri, miçmanları, müddətindən artıq xidmət hərbi qulluqçuları, müddətli həqiqi hərbi xidmət hərbi qulluqçuları və hərbi qulluqçu hazırlayan xüsusi təyinatlı təhsil müəssisələrinin kursantları başa düşülür. Həmin Məcəllənin 43.4-cü maddəsində göstərilmişdir ki, Bu Məcəllənin 610-618-ci maddələrində nəzərdə tutulmuş inzibati xətalar haqqında işlərə, habelə bu Məcəllənin 43.1ci maddəsində nəzərdə tutulmuş inzibati xətaları hərbi qulluqçular və toplanışa çağırılmış hərbi vəzifəlilər törətdikdə, inzibati xətalar haqqında işlərə hərbi məhkəmələr baxır. Həmin Məcəllənin 114.3-cü maddəsinə əsasən inzibati xəta haqqında işə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, inzibati xəta haqqında işin aidiyyəti üzrə hakimə, səlahiyyətli orqana (vəzifəli şəxsə) göndərilməsi barədə qərardad çıxarılır. Göstərilənlərə əsаsən və İXM-in 43, 112, 114, 115, 117, 128-130-cu mаddələrini rəhbər tutаrаq məhkəmə, Q ə r a r a a l d ı: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta törətməsinə dair protokol və toplanmış material baxılması üçün aidiyyati üzrə Tərtər Hərbi Məhkəməsinə göndərilsin. Qərаrın surəti təqdim edildiyi və yа аlındığı gündən 10 (оn) gün müddətində Gəncə Аpelyаsiyа Məhkəməsinə аpellyаsiyа şikаyəti və yа prоtesti verilə bilər.