Bərdə Rayon Məhkəməsi Qərar — İş №3(021)-86/2025

Azərbaycan Respublikası adından QƏRAR Bərdə rayonu İş № 3(021)-86/2025 17.02.2025 BƏRDƏ RAYON MƏHKƏMƏSİ Məhkəmənin hakimi Məhərrəmov Bayram Yusif oğlunun sədrliyi, məhkəmə iclasının katibi X2, Bərdə Rayon Polis Şöbəsinin DYPB-nin yol patrul xidməti inspektoru X3, barəsində X6 protokol tərtib edilmiş Şəxs iştirakı ilə, 4 sentyabr 1973-cü ildə Ağdam rayonunda doğulmuş, orta təhsilli, evli, Ağdam rayonu, Əhmədavar kəndində qeydiyyatda olan, Bərdə rayonu, Kələntərli qəsəbəsi ünvanında yaşayan Şəxs barəsində Şəxs barəsində Azərbaycan Respublikasının İnzibati Xətalar Məcəlləsinin 333-1.1-ci maddəsi ilə olan X6 materiala Bərdə Rayon Məhkəməsinin inzibati binasında açıq məhkəmə iclasında baxaraq MÜƏYYƏNETDİ: Bərdə Rayon Polis Şöbəsindən daxil olmuş 17 fevral 2025-ci il tarixli İXP ******* saylı X6 protokoldan görünür ki, X5 Azərbaycan Respublikasının İnzibati Xətalar Məcəlləsinin 333-1.1-ci maddəsində nəzərdə tutulan inzibati xətanı törətmişdir. Məhkəmə iclasında Bərdə Rayon Polis Şöbəsinin DYPB-nin yolpatrul xidməti inspektoru X4 izahatında bildirdi ki, Bərdə şəhəri, H.Əliyev prospektində xidməti işdə olan zaman VAZ 21099, ** HV *** dövlət qeydiyyat nişanlı avtomobilin sürücüsü təhlükəsizlik kəməri taxmadığına görə avtomobilə saxla işarəsi vermiş, Şəxs spirtli içki və ya narkotik vasitə qəbul etdiyindən şübhlənmiş, Şəxs bu barədə sual vermiş, o, da səmimi olaraq 3 gün əvvəl narkotik vasitə qəbul etdiyini etiraf etmişdir. Onu tibbi müayinədən keçirdən zaman məlum olmuşdur ki, Şəxs narkotik vasitə olan marixuana qəbul etmişdir. Məhkəmə iclasında barəsində inzibati icraat aparılan X5 izahatında göstərdi ki, taksi fəaliyyəti ilə məşğul olur, Bərdə rayonundan Ağdam rayonuna Quzanlı qəsəbəsinə sərnişin aparan zaman polis əməkdaşları onu saxlamışdır, onun narkotik vasitə qəbul etdiyi məlum olmuşdur, həqiqətən narkotik vasitə olan mariuxanadan 4 gün əvvəl istifadə etmişdir. Əvvəllər də Ağdam Rayon Məhkəməsinin qərarı ilə sərxoş vəziyyətdə avtomobil idarə etdiyinə görə barəsində inzibati tədbir görülmüşdür. Başqa qazanc və ya iş yeri yoxdur, ailəsini, yalnız taksi fəaliyyətindən əldə etdiyi qazancla dolandırır, əməlindən çox peşmandır. Məhkəmədən barəsində yüngül tənbehin tətbiq edilməsini xahiş etdi. İnzibati işin materiallarına istinad: 17 fevral 2025-ci il tarixli İXP ******* nömrəli X6 Protokoldan görünür ki, X5 Azərbaycan Respublikası İnzibati Xətalar Məcəlləsinin 333.1-1-ci maddəsində nəzərdə tutulan inzibati xətanı törətmişdir. 17 fevral 2025-ci il tarixli 601 nömrəli X1 Müayinəsi barədə aktdan görünür ki, Şəxs narkotik vasitə olan THC (+) Marixuana müəyyən olunmuşdur. Azərbaycan Respublikası vətəndaşının AA seriyalı ******* nömrəli şəxsiyyət vəsiqəsinin surətindən görünür ki, Şəxs 4 sentyabr 1973-cü ildə doğulmuşdur. AE901041 nömrəli Azərbaycan Respublikası Sürücülük Vəsiqəsinin surətindən görünür ki, Şəxs sürücülük hüququ verilmişdir. Məhkəmə Bərdə rayon Polis Şöbəsinin DYPB-nin nümayəndəsinin, barəsində inzibati icraat aparılan şəxs Şəxs dinləyib, iş materiallarını araşdırıb hesab edir ki, Şəxs Azərbaycan Respublikasının İnzibati Xətalar Məcəlləsinin 333-1.1-ci maddəsində nəzərdə tutulan inzibati xətanı törətməsi özünün etirafı, habelə X6 17 fevral 2025-ci il tarixli İXP ******* nömrəli protokolla sübuta yetirilir. Onun inzibati məsuliyyətdən azad edilməsi və iş üzrə icraata xitam verilməsi üçün heç bir əsas yoxdur və Şəxs törətdiyi inzibati xətaya görə tənbeh edilməlidir. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 31.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. 32.2-ci maddəsinə əsasən inzibati tənbeh tətbiq edilərkən İnzibati Xətalar Məcəlləsinin 32.1.1-32.1.7-ci maddələrində göstərilməmiş başqa hallar da hakim tərəfindən məsuliyyəti yüngülləşdirən hal qismində nəzərə alına bilər. 333-1.1-ci maddəsinə əsasən nəqliyyat vasitəsini idarə etmək hüququ olan şəxs tərəfindən nəqliyyat vasitəsinin narkotik vasitələrdən, psixotrop maddələrdən və ya güclü təsir edən digər maddələrdən istifadə olunması nəticəsində sərxoş vəziyyətdə idarə edilməsinə görə–altı yüz manat məbləğində cərimə edilir və ya nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Azərbaycan Respublikası Nazirlər Kabinetinin 209 nömrəli 27 iyun 2014-cü il tarixli qərarının 3.3-cü bəndinə əsasən narkotik vasitələrdən, psixotrop maddələrdən və digər güclü təsir edən maddələrdən istifadə edilməsi nəticəsində yaranan sərxoşluq hallarının təyini isə həkim-narkoloq tərəfindən bioloji mayelərin (qan, tüpürcək, sidik, hava və s.) müayinəsi vasitəsilə həyata keçirilir. Şəxsə aid bioloji mayelərdə narkotik vasitələrin, psixotrop maddələrin və digər güclü təsir edən maddələrin izi və sərxoşluğun kliniki əlamətləri aşkar edildikdə, həmin şəxs sərxoş hesab edilir. Azərbaycan Respublikası İnzibati Xətalar Məcəlləsinin 333-1.1-ci maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında tədqiq edilmiş X6 protokol, sərxoşluq vəziyyətinin müəyyən edilməsi haqqında akt və inzibati materialda olan digər sənədlərlə sübuta yetirilmişdir. Azərbaycan Respublikası İnzibati Xətalar Məcəlləsinin 333-1.1-ci maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında tədqiq edilmiş X6 protokol və inzibati materialda olan digər sənədlərlə sübuta yetirilmişdir. Məhkəmə barəsində X6 iş üzrə icraat aparılan şəxs Şəxs əməlini səmimi etiraf etməsini, əməlindən peşman olmasını məsuliyyətini yüngülləşdirən hal hesab edir və Şəxs məsuliyyətini ağırlaşdıran hər hansı hal aşkar edilməmişdir. Göstərilənlərə əsasən məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyəti yüngülləşdirən hal kimi əməlindən səmimi peşman olmasını və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 333-1.1-ci maddəsi ilə nəzərdə tutulmuş inzibati xətanın törədilməsində təqsirli bilinməli və ona adıçəkilən maddənin sanksiyasının hədləri daxilində cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 206, 360,362-365,425,430-432-ci maddələrini rəhbər tutaraq QƏRARALDİ İnzibati xəta törətmiş Şəxs Azərbaycan Respublikasının İnzibati Xətalar Məcəlləsinin 333-1.1-ci maddəsi ilə təqsirli bilinib, barəsində 600 (altı yüz) manat məbləğində inzibati cərimə tənbeh tədbiri tətbiq edilsin. Qərarın surəti inzibati xəta törətmiş və protokol tərtib edən şəxsə göndərilsin. Qərarın icrası Bərdə Rayon İcra və Probasiya Şöbəsinə həvalə edilsin. Qərarın surəti rəsmi qaydada alındığı gündən 10 (on) gün müddətində Bərdə Rayon Məhkəməsi vasitəsi ilə və ya birbaşa Gəncə Apellyasiya Məhkəməsinə apellyasiya şikayəti və ya protesti verilə bilər. Hakim: Bayram Məhərrəmov