Bərdə Rayon Məhkəməsi Qərar — İş №3(021)-994/2022

Azərbaycan Respublikası adından QƏRAR Bərdə rayonu İş № 3(021)-994/2022 12.08.2022 BƏRDƏ RAYON MƏHKƏMƏSİ Bərdə Rayon Məhkəməsinin hakimi Babaşov Fuad Bəhruz oğlunun sədrliyi, X2 iclas katibliyi, protokol tərtib etmiş şəxs Bərdə rayon Polis Şöbəsinin sahə rəisi, polis leytenantı Fərhad İsmayılovun, barəsində inzibati xəta haqqında iş üzrə icraat aparılan şəxs Şəxs iştirаkları ilə, xx.xx.1984-cü ildə, Bərdə rayonunda doğulmuş, Azərbaycan Respublikasının vətəndaşı, subay, orta təhsilli, işləməyən, Bərdə rayonu Lənbəran kəndində yaşayan Şəxs (AA*******) Azərbaycan Respublikasının İnzibati Xətalar Məcəlləsinin (bundan sonra İXM) 510-cu və 535.1-ci maddələrində müəyyən olunmuş inzibati xəta törətməsinə dair Bərdə rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs xx.xx.2022-ci il tarixdə 01:30 radələrində Bərdə şəhəri C.Məmmədquluzadə küçəsində yerləşən 4 nömrəli evin qarşısında ünvanlı ünvansız nəlayiq söyüşlər edərək polisin qanuni tələbinə qəsdən tabe olmadığı üçün Bərdə rayon Polis şöbəsində 12 avqust 2022-ci il tarixdə İXM-in 510 və 535.1-ci mаddələri ilə nəzərdə tutulmuş inzibаti xətаnı törətməkdə təqsirli bilinərək, barəsində inzibati xəta haqqında MN № ******* saylı prоtоkоl tərtib оlunаrаq baxılması üçün Bərdə Rayon Məhkəməsinə göndərilmişdir. Məhkəmə iclasında protokol tərtib etmiş şəxs Bərdə rayon Polis şöbəsinin sahə rəisi, polis leytenantı Fərhad İsmayılov izahatında göstərdi ki, 12 avqust 2022-ci il tarixdə saat axşam 01-02 radələrində sonradan adını bildiyi Bərdə rayonu Lənbəran kənd sakini Şəxs Bərdə şəhəri C.Məmmədquluzadə küçəsi ev 54-də yaşayan keçmiş həyat yoldaşının evinə gedərək orada münaqişə yaratması, ictimai qaydanı pozaraq nəlayiq söyüşlər etməsi barədə DİN-nin 102 xidmətindən məlumat daxil olmuş, həmin məlumat əsasında hadisə yerinə gedən zaman Şəxs sərxoş halda üzünün sağ hissəsinin qanlı vəziyyətdə nalayiq söyüşlər söyərək bina sakinlərini narahat etməsini aşkar etmişlər. Həmin vaxt ona yaxınlaşıb onu nizam intizama dəvət edən polis əməkdaşlarının qanuni tələbinə qəsdən tabe olmayaraq polis əməkdaşlarını nəlayiq söyüşlərlə təhqir etmiş və bu hərəkətlərini davam etdirmişdir. Bundan sonra polis əməkdaşları onu Bərdə rayon Polis Şöbəsinə gətirmiş, Şəxs barəsində AR İXM-nin 510 və 535.1-ci maddələrilə inzibati xətanın törədilməsi haqqında protokol tərtib edilmişdir. Əmələ hüquqi qiymət verilməsi və tədbir görülməsi üçün Şəxs məhkəməyə gətirilmişdir. Odur ki, Şəxs barəsində qanuni qərarın qəbul edilməsini məhkəmədən xahiş etdi. Məhkəmə iclаsındа barəsində inzibati xəta haqqında iş üzrə icraat aparılan şəxs Şəxs törətdiyi əməldə özünü təqsirli bilərək bildirmişdir ki, həyat yoldaşı ilə ayrılmış, ayrıldıqdan sonra uşaqları analarının himayəsində qalmışdır. Oğlu ilə görüşmək məqsədi ilə keçmiş həyat yoldaşının yaşadığı ünvana getmiş, sərxoş olduğu üçün orada səs küy salmış, nəlayiq ifadələr işlətmişdir. Müvazinətini saxlaya bilməyib yıxılaraq xəsarət almışdır. Bu vaxt polis əməkdaşları ona yaxınlaşaraq onu nizam intizama dəvət etsələr də o polisin qanuni tələbinə qəsdən tabe olmayaraq polis əməkdaşlarına qarşı nəlayiq ifadələr işlətmişdir. Əməlini etiraf edir və törətdiyi əməldən peşimandır. Məhkəmə iclasında şahid qismində dindirilmiş X6 ifadəsində göstərmişdir ki, ailə üzvləri ilə birlikdə ünvan 2 ünvanında yaşayır.Onunla qonşuluqda Şəhanə,onun övladları və anası Səhiyə ilə normal münasibətləri var. Bir neçə aydır Şəhanənin keçmiş əri Mürvət tez-tez yaşadığı binaya gələrək səs küy salaraq bina sakinlərini narahat etmişdir. Sonuncu dəfə Mürvət xx.xx.2022-ci il tarixdə saat 23 radələrində binanın həyətində söyüş söyüb səs küy saldığına görə Şəhanə DİN-nin 102 xidmətinə məlumat vermiş, polis əməkdaşları hadisə yerinə gəlsə də Mürvət qaçıb gizlənmişdir. Daha sonra Mürvət yenidən xx.xx.2022-ci il saat 01:30 radələrində yaşadıqları binanın həyətinə gəlmiş, ucadan qışqırıb nəlayiq ifadələr işlətməyə başlamışdır. Həmin vaxt Mürvət sərxoş olmuş və öz hərəkətlərini bilməmiş, özünü binanın divarlarına vuraraq özünə xəsarətlər yetirmişdir. Yenidən DİN-nin 102 xidmətinə məlumat vermişlər. Polis əməkdaşları hadisə yerinə gələrək Mürvəti nizamintizama dəvət etsələr də Mürvət polis əməkdaşlarına qarşı da nalayiq ifadələr işlətməkdə davam edərək onların qanuni tələbinə tabe olmamışdır. Məhkəmə iclasında şahid qismində ifadə verən X3 ifadəsində göstərmişdir ki, onunla qonşuluqda yaşayan Sahiyənin qızı Şəhanə ailəli olub ayrılmış, Sahiyənin kürəkəni Mürvət mütəmadi olaraq onların yaşadığı binaya gələrək nəlayiq küçə söyüşləri işlədərək bina sakinlərini narahat etmiş, sonuncu dəfə Mürvət əvvəlcə xx.xx.2022-ci il tarixdə saat 23 radələrində, sonra isə xx.xx.2022-ci il tarixdə təxminən 01:30-radələrində binaya gələrək küçə söyüşləri ilə ucadan qışqıraraq gecə vaxtı nəlayiq ifadələr işlətmişdir. Həmin vaxt Mürvət sərxoş olmuş, öz hərəkətlərini idarə edə bilməmişdir. Mürvət özünü binanın divarlarına vuraraq yerə yıxılmış və xəsarətlər almışdır. Bundan sonra DİN-nin 102 xidmətinə zəng edərək məlumat vermişlər. Hadisə yerinə polis əməkdaşları gələrək Mürvəti nizam intizama dəvət etsələr də Mürvət öz hərəkətlərini davam etdirərək polisin tələbinə tabe olmamış, polis əməkdaşlarına qarşı da nəlayiq ifadələr işlətmişdir. Məhkəmə iclasında şahid qismində ifadə verən X10 ifadəsində göstərmişdir ki, Mürvət onun keçmiş kürəkənidir. Qızı Şəhanə ilə Mürvət ayrılsalar da Mürvət dəfələrlə onların yaşadığı binaya gələrək qızını ölümlə hədələmiş, ona və qızına qarşı nəlayiq ifadələr işlətmişdir. Bu barədə dəfələrlə Bərdə rayon Polis Şöbəsinə müraciət etmişdir. Sonuncu dəfə Mürvət əvvəlcə xx.xx.2022-ci il tarixdə saat 23 radələrində, sonra isə xx.xx.2022-ci il tarixdə təxminən 01:30 radələrində binaya gələrək uca səslə küçə söyüşləri ilə nəlayiq ifadələr işlətmişdir. Həmin vaxt Mürvət sərxoş olmuş, öz hərəkətlərini idarə edə bilməmişdir. Mürvət özünü binanın divarlarına vuraraq yerə yıxılmış və xəsarətlər almışdır. Bundan sonra DİN-nin 102 xidmətinə zəng edərək məlumat vermişlər. Hadisə yerinə polis əməkdaşları gələrək Mürvəti nizam intizama dəvət etsələr də Mürvət öz hərəkətlərini davam etdirərək polisin tələbinə tabe olmamış, polis əməkdaşlarına qarşı da nəlayiq ifadələr işlətmişdir. Məhkəmə iclasında şahid qismində ifadə verən Bərdə rayon Polis Şöbəsinin polis baş serjantı X7 ifadəsində göstərmişdir ki, xx.xx.2022-ci il tarixdə saat 01:30 radələrində Bərdə şəhəri C.Məmmədquluzadə küçəsi ev 54-də yaşayan X1 əri Şəxs tərəfindən münaqişə yaradılması barədə DİN-nin 102 xidmətinə müraciəti əsasında əməliyyat qrupunun üzvləri ilə birlikdə hadisə yerinə getmişlər. Hadisə yerinə çatan zaman Şəxs aşkar surətdə sərxoş vəziyyətdə həmçinin üzünün sağ hissəsi qanlı halda nəlayiq ifadələr səsləndirməsi və bina sakinlərini gecə saatlarında narahat etməsi, həmçinin sərxoş halda ayaq üstə tam müvazinətini saxlaya bilməyərək nizamsız hərəkətlər etməsini aşkar etmişlər. Əməliyyat qrupunun üzvləri Şəxs nizam intizama dəvət edərək onlarla birlikdə Polis Şöbəsinə gəlməyi təklif etsələr də o polis əməkdaşlarına qarşı da nəlayiq ifadələr işlətməklə hərəkətlərini davam etdirmişdir. Məhkəmə iclasında şahid qismində dindirilmiş Bərdə rayon X12 Bölməsinin polis təhqiqatçısı, polis mayoru X8 ifadəsində göstərmişdir ki, xx.xx.2022-ci il tarixdə saat 01:30 radələrində Bərdə şəhəri C.Məmmədquluzadə küçəsi ev 54-də yaşayan X1 əri Şəxs tərəfindən münaqişə yaradılması barədə DİN-nin 102 xidmətinə müraciəti əsasında əməliyyat qrupunun üzvləri ilə birlikdə hadisə yerinə getmişlər. Hadisə yerinə çatan zaman Şəxs aşkar surətdə sərxoş vəziyyətdə həmçinin üzünün sağ hissəsi qanlı halda nəlayiq ifadələr səsləndirməsi, bina sakinlərini gecə saatlarında narahat etməsi, həmçinin sərxoş halda ayaq üstə tam müvazinətini saxlaya bilməyərək nizamsız hərəkətlər etməsini aşkar etmişlər. Əməliyyat qrupunun üzvləri Şəxs nizam intizama dəvət edərək onlarla birlikdə Polis Şöbəsinə gəlməyi təklif etsələr də Şəxs qaçmağa başlamış, həmin vaxt onu saxlayaraq polis Şöbəsinə gətirmək istəyən zaman o polis əməkdaşlarına qarşı əl qol hərəkətləri edərək polisin qanuni tələbinə tabesizlik göstərmişdir. Məhkəmə tərəfləri dinləyib, iş materiallarını araşdırıb hesаb edir ki, Şəxs AR.İXM-in 510 və 535.1-ci mаddələrində nəzərdə tutulan inzibati xətanı törətmişdir və o, inzibаti qаydаdа məsuliyyətə cəlb оlunmаlıdır. Belə ki, inzibаti xəta haqqında işin mаteriаllarına əlаvə edilmiş: Bərdə rayon Polis şöbəsinin sahə rəisi, polis leytenantı Fərhad İsmayılov tərəfindən tərtib edilmiş MN № ******* nömrəli protokolda göstərilmişdir ki, Şəxs 12 avqust 2022-ci il tarixdə Bərdə şəhəri, C.Məmmədquluzadə küçəsində ünvanlı ünvansız ucadan nalayiq söyüşlər söyərkən onu nizam-intizama dəvət edən polis əməkdaşlarının qanuni tələblərinə qəsdən tabe olmamışdır. İş materiallarında olan xx.xx.2022-ci il tarixli inzibati Qaydada Tutma haqqında protokoldan görünür ki,Şəxs xx.xx.2022-ci il tarixdə saat 01:40-da inzibati qaydada tutulmuşdur. İş materiallarında olan 12 avqust 2022-ci il tarixli, 11497 nömrəli sərxoşluq vəziyyətinin tibbi müayinəsi aktından görünür ki, Şəxs ağır dərəcədə sərxoş olması müəyyən edilmişdir. AR.İXM-in 510-cu maddəsinə əsasən, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmçinin, İXM-in 535.1-ci maddəsinə əsasən, polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Həmin maddəyə əsasən ictimai qaydanın mühafizə vəzifələrini icra edən polis əməkdaşının qanuni tələblərinə qəsdən tabe olmamaq inzibati məsuliyyətə səbəb olur. Məhkəmə iclasında tədqiq olunmuş və mötəbərliliyi məhkəmədə heç bir şübhə doğurmayan sübutlarla müəyyən edilmişdir ki, Şəxs xx.xx.2022-ci il tarixdə saat 01:30 radələrində Bərdə şəhəri C.Məmmədquluzadə küçəsində ucadan nalayiq söyüşlər edib ictimai qaydanı pozaraq polisin qanuni tələbinə qəsdən tabe olmamışdır. Bununla da o, İXM-in 510 və 535.1-ci maddəsində nəzərdə tutulan inzibati xətanı törətmişdir. İXM-in 76.1-ci maddəsinə əsasən, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Məhkəmə Şəxs məhz hansı tənbehin tətbiq edilməsini müzakirə edərkən onun törətmiş olduğu inzibаti xətаnın xаrаkterini və barəsində inzibati icraat aparılan şəxsin şəxsiyyətini nəzərə alaraq belə qənaətə gəlir ki, onun barəsində inzibati həbs tənbehi tətbiq edilməlidir. Həmçinin, bir neçə inzibati xəta törətdiyinə görə inzibati xəta törədən Şəxs barədə daha ciddi xətaya görə müəyyən edilmiş sanksiya olan inzibati həbs növündə tənbeh tədbiri tətbiq edilməlidir. Belə ki, İXM-in 2-ci maddəsinə əsasən, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsində isə göstərilir ki, yalnız bu Məcəllə ilə nəzərdə tutlmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsində isə göstərilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 34.1-ci maddəsinə əsasən bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. Həmin Məcəllənin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Həmin Məcəllənin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Şəxs məsuliyyətini yüngülləşdirən hal onun əməlindən peşiman olması, ağırlaşdıran hal isə səlahiyyətli şəxslərin hüquqazidd hərəkəti dayandırmağı tələb etdiklərinə baxmayaraq, bu hərəkətlərini davam etdirməsi olmuşdur. Məhkəmə həmçinin bildirir ki, İXM-in 31.4-cü maddəsinə qeyd edilmişdir ki, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Belə olan halda, İXM-in 535.1-ci maddəsinin sanksiyasında bir ayadək müddətə inzibati həbs tənbehinin tətbiqi nəzərdə tutulduğundan məhkəmə belə qənaətə gəlir ki, Şəxs AR. İXM-in 510 və 535.1-ci mаddələri ilə təqsirli bilinib, bаrəsində ciddi xəta olan 535.1-ci maddənin sanksiyasında nəzərdə tutulan inzibati həbs tənbeh növünün tətbiq edilməsi оnu qаnunlаrа əməl edilməsi ruhundа tərbiyələndirmək, hаbelə gələcəkdə yeni inzibаti xətа törətməsinin qаrşısını аlmаq kimi inzibаti tənbehin məqsədlərinə nаil оlmаq mümkündür. Həmçinin aparılan məhkəmə araşdırması ilə müəyyən edilir ki, Şəxs xx.xx.2022-ci il tarixdə, saat 01:40-da inzibati qaydada tutulmuşdur. Bundan başqa məhkəmə hesab edir ki, Şəxs bədəni üzərində xəsarətlər olduğundan həmin xəsarətlərin müəyyən edilib araşdırılması üçün Bərdə Rayon Prokurorluğuna məlumat verilməlidir. Göstərilənlərə əsаsən və İXM-in 43, 112, 114, 115, 117, 128-130-cu mаddələrini rəhbər tutаrаq, məhkəmə Q ə r a r a a l d ı: Şəxs Azərbaycan Respublikasının İnzibati Xətalar Məcəlləsinin 510 və 535.1-ci mаddələri ilə təqsirli bilinib, Azərbaycan Respublikasının İnzibati Xətalar Məcəlləsinini 34.3-cü maddəsinə əsasən bаrəsində 15 (on beş ) gün müddətinə inzibаti həbs tənbehi tətbiq edilsin. Həbs etmənin əvvəli 12 avqust 2022-ci il tаrixdən, sааt 01:40-dan hesablansın. Şəxs üzərində olan xəsarətlərin müəyyən edilib araşdırılması üçün Bərdə rayon Prokurorluğuna məlumat verilsin. Qərаrın surəti inzibаti xətа törətmiş və protokol tərtib edən şəxsə göndərilsin. Qərаrın icrаsı Bərdə rаyоn Polis Şöbəsinə həvаlə edilsin. Qərаrın surəti təqdim edildiyi və yа аlındığı gündən 10 (оn) gün müddətində Gəncə Аpelyаsiyа Məhkəməsinə аpelyаsiyа şikаyəti və yа prоtesti verilə bilər.