Biləsuvar Rayon Məhkəməsi Qərar — İş №3(022)-518/2023

Azərbaycan Respublikası adından QƏRAR Biləsuvar rayonu İş № 3(022)-518/2023 26.04.2023 BİLƏSUVAR RAYON MƏHKƏMƏSİ Mən, Biləsuvar Rayon Məhkəməsinin hakimi X2, məsləhətçi (iclas katibi) Abdullazadə Həsən Abdulla oğlunun katibliyi, inzibati xəta haqqında protokolu tərtib etmiş Biləsuvar rayonu yol-patrul xidməti inspektoru polis baş serjantı X1 və barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1990-cı il tarixdə Biləsuvar şəhərində anadan olmuş, Azərbaycan Respublikasının vətəndaşı, bir il müddətində eyni inzibati xəta üzrə inzibati məsuliyyətə cəlb olunmamış, orta təhsilli, fərdi əməklə məşğul olan, evli, ünvan 1 ünvanda yaşayan Şəxs barəsində Biləsuvar Rayon Polis Şöbəsindən Azərbaycan Respublikası İnzibati Xətalar Məcəlləsinin (İXM) 334.1 və 339.1-ci maddələri ilə daxil olmuş inzibati xəta haqqında materiala açıq məhkəmə iclasında baxaraq MÜƏYYƏN ETDİM: Şəxs 24 aprel 2023-cü il tarixdə Biləsuvar şəhəri H.Əliyev küçəsində özünə məxsus “QAZ-53” markalı dövlət qeydiyyat nişanı olmayan nəqliyyat vasitəsini narkotik vasitələrdən istifadə olunması nəticəsində sərxoş vəziyyətdə idarə etmişdir. Buna görə də Şəxs barəsində İXM-in 334.1 və 339.1-ci maddələri ilə inzibati xəta haqqında protokol tərtib olunmuşdur. Məhkəmədə inzibati xəta haqqında protokolu tərtib etmiş X3 göstərdi ki, hazırda Biləsuvar rayonu yol-patrul xidməti inspektoru vəzifəsində işləyir. 24 aprel 2023-cü il tarixdə Biləsuvar şəhəri H.Əliyev küçəsində “QAZ-53” markalı dövlət qeydiyyat nişanı olmayan nəqliyyat vasitəsi tərəflərindən saxlanıldıqda sürücü kimi özünü təqdim edən şəxsin Şəxs olduğu müəyyən edilmişdir. Eyni zamanda Şəxs sərxoş vəziyyətdə olması da müşahidə olunduğundan 24 aprel 2023-cü il tarixli protokol əsasında onun tibbi müayinəyə göndərilməsi təmin edilmiş və bu barədə eyni tarixli 109 saylı akta əsasən Şəxs narkotik vasitənin qəbulundan yaranan “Narkotik sərxoşluq vəziyyəti” aşkar olunmuşdur. Məhkəmədə Şəxs inzibati xəta törədilməsi haqqında protokolda göstərilən xüsusatları təsdiq edərək, özünü İXM-nin 334.1 və 339.1-ci maddələri ilə nəzərdə tutulmuş inzibati xətaların törədilməsində təqsirli bilərək, əməllərini etiraf etmişdir. O, əməllərindən səmimi peşman olduğunu deyərək, barəsində yüngül inzibati təbeh tədbirinin tətbiq olunmasını xahiş etdi. İşdə olan 24 aprel 2023-cü il tarixli 109 saylı akta əsasən Şəxs narkotik vasitənin qəbulundan yaranan narkotik sərxoşluq vəziyyəti aşkar olunmuşdur. İnzibati xəta haqqında işin materiallarını tədqiq edərək, inzibati xəta haqqında protokol tərtib etmiş şəxsi və barəsində inzibati xəta haqqında iş üzrə icraat aparılan şəxsi dinləyərək hesab edirəm ki, toplanmış sübutlarla Şəxs inzibati xəta törətməsində təqsiri tam sübuta yetir və onun törətdiyi əməl düzgün olaraq İXM-in 334.1 və 339.1-ci maddələri ilə tövsif olunmuşdur. İnzibati tənbeh növünü tətbiq edərkən xətanın xarakterini, Şəxs şəxsiyyətini və onun təqsirinin dərəcəsini nəzərə alıram. Şəxs törədilmiş inzibati xətadan səmimi peşmançılığını onun məsuliyyətini yüngülləşdirən hal hesab edirəm. İXM-in 334.1 və 339.1-ci maddələri ilə nəzərdə tutulmuş inzibati xətaların Şəxs tərəfindən sərxoş vəziyyətdə törədilməsini məhkəmə onun məsuliyyətini ağırlaşdıran hal hesab edir. İXM-in 34.3-cü maddəsinin tələbinə görə şəxsin eyni vaxtda öz hərəkətləri (hərəktəsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. İnzibati xəta haqqında işin məhkəmə iclasında tədqiq olunmuş hallarını, habelə Şəxs İXM-in 334.1 və 339.1-ci maddələri ilə nəzərdə tutulan inzibati xətaları törətdiyini nəzərə alaraq hesab edirəm ki, Şəxs barəsində İXM-in 334.1-ci maddəsi ilə nəzərdə tutulan inzibati tənbeh tədbiri tətbiq edilməlidir. Belə ki, İXM-in 334.1 və 339.1-ci maddələrinin müqayisəli tədqiqindən görünür ki, İXM-in 334.1-ci maddəsi ilə daha ciddi inzibati tənbeh tədbiri nəzərdə tutulmuşdur. İşin hallarını və Şəxs şəxsiyyətini nəzərə alaraq hesab edirəm ki, Şəxs inzibati həbs növündə inzibati tənbeh kifayət edir və ona İXM-in 334.1-ci maddəsində müəyyən edilmiş sanksiya çərçivəsində inzibati həbs növündə inzibati tənbeh tətbiq olunmalıdır. Yuxarıda göstərilənlərə əsasən və İXM-in 3, 9, 30, 31, 40, 43, 48-51, 76, 84, 114- 117, 128-130-cu maddələrini rəhbər tutaraq QƏRARA ALDİM: Şəxs Azərbaycan Respublikası İnzibati Xətalar Məcəlləsinin 334.1 və 339.1-ci maddələri ilə nəzərdə tutulmuş inzibati xətaların törədilməsində təqsirli bilinsin. Azərbaycan Respublikası İnzibati Xətalar Məcəlləsinin 34.3-cü maddəsi tətbiq olunmaqla, Şəxs barəsində İnzibati Xətalar Məcəlləsinin 334.1-ci maddəsi ilə 05 (beş) gün müddətinə inzibati həbs növündə inzibati tənbeh tətbiq edilsin. İnzibati həbs müddətinin əvvəli 26 aprel 2023-cü il tarixdən saat 18:40-dan hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərar dərhal icra edilsin. Qərarın surəti təqdim edildiyi və ya alındığı gündən 10 (on) gün müddətində qərardan Biləsuvar Rayon Məhkəməsi vasitəsilə Şirvan Apellyasiya Məhkəməsinə şikayət verilə bilər. X6