Biləsuvar Rayon Məhkəməsi Qərar — İş №3(022)-570/2023

Azərbaycan Respublikası adından QƏRAR Biləsuvar rayonu İş № 3(022)-570/2023 24.05.2023 BİLƏSUVAR RAYON MƏHKƏMƏSİ Mən, Biləsuvar Rayon Məhkəməsinin hakimi X2, məsləhətçi (iclas katibi) Abdullazadə Həsən Abdulla oğlunun katibliyi, inzibati xəta haqqında protokolu tərtib etmiş Biləsuvar rayonu yol-patrul xidməti inspektoru polis baş serjantı X1 və barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1988-ci ildə Biləsuvar şəhərində anadan olmuş, Azərbaycan Respublikasının vətəndaşı, bir il müddətində eyni inzibati xəta üzrə inzibati məsuliyyətə cəlb olunmamış, orta təhsilli, fərdi əməklə məşğul olan, evli, Biləsuvar rayonu Ağayrı kəndidə kəndində qeydiyyatda olan və həmin ünvanda yaşayan Şəxs barəsində Biləsuvar Rayon Polis Şöbəsindən Azərbaycan Respublikası İnzibati Xətalar Məcəlləsinin (İXM) 339.1, 342.5 və 334.1-ci maddələri ilə daxil olmuş inzibati xəta haqqında materiala açıq məhkəmə iclasında baxaraq MÜƏYYƏN ETDİM: Şəxs 23 may 2023-cü il tarixdə Biləsuvar rayonu Ağayrı kəndində özünə məxsus «motosklet ij» markalı dövlət qeydiyyat nişanı olmayan nəqliyyat vasitəsini spirtli içkilərdən istifadə olunması nəticəsində sərxoş vəziyyətdə idarə etmişdir. Buna görə də Şəxs barəsində İXM-in 339.1, 342.5 və 334.1-ci maddələri ilə inzibati xəta haqqında protokol tərtib olunmuşdur. Məhkəmədə inzibati xəta haqqında protokolu tərtib etmiş X3 göstərdi ki, hazırda Biləsuvar rayonu yol-patrul xidməti inspektoru vəzifəsində işləyir. 23 may 2023-cü il tarixdə Biləsuvar rayonu Ağayrı kəndində «motosklet ij» markalı dövlət qeydiyyat nişanı olmayan nəqliyyat vasitəsi tərəflərindən saxlanıldıqda sürücü kimi özünü təqdim edən şəxsin Şəxs olduğu müəyyən edilmişdir. Eyni zamanda Şəxs sərxoş vəziyyətdə olması da müşahidə olunduğundan 23 may 2023-cü il tarixli protokol əsasında onun tibbi müayinəyə göndərilməsi təmin edilmiş və bu barədə eyni tarixli 459 saylı akta əsasən Şəxs spirtli içkilərin qəbulundan yaranan “Yüngül sərxoşluq vəziyyəti” aşkar olunmuşdur. Məhkəmədə Şəxs inzibati xəta törədilməsi haqqında protokolda göstərilən xüsusatları təsdiq edərək, özünü İXM-nin 339.1, 342.5 və 334.1-ci maddələri ilə nəzərdə tutulmuş inzibati xətaların törədilməsində təqsirli bilərək, əməllərini etiraf etmişdir. Eyni zamanda məhkəməyə ərizə təqdim edərək o, əməllərindən səmimi peşman olduğunu, tikinti təşkilatında işlədiyini, əmək haqqının olmasını bildirərək, onun cərimə edilməsini xahiş edir və ödəmək üçün maddi imkanı olduğunu bildirərək barəsində yüngül inzibati tənbeh tədbirinin tətbiq olunmasını xahiş etdi. İşdə olan 23 may 2023-cü il tarixli 459 saylı akta əsasən Şəxs spirtli içkilərin qəbulundan yaranan sərxoşluq vəziyyəti aşkar olunmuşdur. İnzibati xəta haqqında işin materiallarını tədqiq edərək, inzibati xəta haqqında protokol tərtib etmiş şəxsi və barəsində inzibati xəta haqqında iş üzrə icraat aparılan şəxsi dinləyərək hesab edirəm ki, toplanmış sübutlarla Şəxs inzibati xəta törətməsində təqsiri tam sübuta yetir və onun törətdiyi əməl düzgün olaraq İXM-in 339.1, 342.5 və 334.1-ci maddələri ilə tövsif olunmuşdur. İnzibati tənbeh növünü tətbiq edərkən xətanın xarakterini, Şəxs şəxsiyyətini və onun təqsirinin dərəcəsini nəzərə alıram. Şəxs törədilmiş inzibati xəta əməlinə görə səmimi peşmançılıq hissi keçirməsini, işləməklə əmək haqqı olması onun məsuliyyətini yüngülləşdirən hal hesab edirəm. İXM-in 34.3-cü maddəsinin tələbinə görə şəxsin eyni vaxtda öz hərəkətləri (hərəktəsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. İnzibati xəta haqqında işin məhkəmə iclasında tədqiq olunmuş hallarını, habelə Şəxs İXM-in 339.1, 342.5 və 334.1-ci maddələri ilə nəzərdə tutulan inzibati xətaları törətdiyini nəzərə alaraq hesab edirəm ki, Şəxs barəsində İXM-in 334.1-ci maddəsi ilə nəzərdə tutulan inzibati tənbeh tədbiri tətbiq edilməlidir. Belə ki, İXM-in 339.1, 342.5 və 334.1-ci maddələrinin müqayisəli tədqiqindən görünür ki, İXM-in 334.1-ci maddəsi ilə daha ciddi inzibati tənbeh tədbiri nəzərdə tutulmuşdur. İşin hallarını və Şəxs şəxsiyyətini nəzərə alaraq hesab edirəm ki, Şəxs inzibati cərimə növündə inzibati tənbeh kifayət edir və ona İXM-in 334.1-ci maddəsində müəyyən edilmiş sanksiya çərçivəsində inzibati cərimə növündə inzibati tənbeh tətbiq olunmalıdır. Yuxarıda göstərilənlərə əsasən və İXM-in 3, 9, 30, 31, 40, 43, 48-51, 76, 84, 114- 117, 128-130-cu maddələrini rəhbər tutaraq QƏRARA ALDİM: Şəxs Azərbaycan Respublikası İnzibati Xətalar Məcəlləsinin 339.1, 342.5 və 334.1ci maddələri ilə nəzərdə tutulmuş inzibati xətaların törədilməsində təqsirli bilinsin. Azərbaycan Respublikası İnzibati Xətalar Məcəlləsinin 34.3-cü maddəsi tətbiq olunmaqla, Şəxs barəsində İnzibati Xətalar Məcəlləsinin 334.1-ci maddəsi ilə 500 (beş yüz) manat cərimə növündə inzibati tənbeh tətbiq edilsin. Qərarın surəti təqdim edildiyi və ya alındığı gündən 10 (on) gün müddətində qərardan Biləsuvar Rayon Məhkəməsi vasitəsilə Şirvan Apellyasiya Məhkəməsinə şikayət verilə bilər X6